https://t.me/A3thabAlQaseed

سقاك السحاب اللي مزونه عليك تقاس
‏لا كفتك كفّت خلق ربي وكفّتني

‏أنا أشوفك المستقبل اللي ورا الأقواس
‏ما أشوفك لقى عابر وفرصه وطافتني

‏مهب الرياح يسيّر البحر والغطاس
‏لكْن مايسيّر ضيقة الصدر لا جتني

‏ماني تاركٍ حبل الرجا ينقطع بالياس
‏لو أعلّق شراع السفينه على متني :)

‏على غيبة اللي غيبته مالها تفسير
‏وعلى وسع صدرٍ بعد فقده فقد صبره

‏اجامل ومن ينشد عن الحال قلت بخير
‏وانا اراوّز المنهاج وازاوم العبره

نديمة دروبي . . ما بقى في رحابك فيّ
‏خذتك الظروف ولا اختفيتي ولا بنتي

‏من المستحيل يحول عن ذكرياتك شي
‏لو يحول من دون اللقا حاجز إسمنتي

‏يروحون كل الناس . . مني شوي شوي
‏ولا فيه احد يبقى على البال غير انتي !