والله صعبة .. بموتي محد يعتنيني .. والله صعبة
كلشي غربة .. الحرس والضلمة و وحدتي .. كلشي غربة

جا ليش وحدي ومحد من اخواني
فراكم مو موتي انة البچاني
من اربعيني الفات ضلمة الحضرة
والفركة تكتل حيل يا زواري

ياهو يفزعلي بهوة
الشام خنكة اعل المرة
حسو بية

انا موتي من الجفة
واخ لو مغرب لفة
ارجع سبية

&&&&&&&&&&&&&&&&&&&&&&&&&&

محد وياي .. كلها ضدي الدايريني .. محد وياي
ماكو شكاي .. يروح يشكي لـ ابو فاضل .. ماكو شكاي

يشكلة ضيمي وهمي هذا البية
الباب ما مسدود بس المغربية
سدوه من زواري ذاك الاربعين
راحو وراح الضوة ضلمت عليه

عباس خنگة وداعتك
الحكني خوية بصايتك
موش اناهينة

مختنكة من الغربة
وحدي كلش صعبة
انا الحنينة

&&&&&&&&&&&&&&&&&&&&&&&&

ليش ب الشام .. ليش مو يم ابو فاضل .. ليش ب الشام
بعد شضام .. غير هضمتنة وغربتچ .. بعد شضام

ليش حرمونة البچي اعل اعتابچ
غير ماكو امصاب مثل امصابج
مرة ويذبحون اخوها اكبالها
فوك كل هذا ويسدو بابچ

يمة وحك الزهرة
عبرة تدفع عبرة
وما نجيلچ

زاير يحاچي بزاير
انت مثلي حاير
وينتخيلج

&&&&&&&&&&&&&&&&&&&&&&&

سد الاحدود .. نفسة حداي الهزيلة .. سد الاحدود
يهدي ويزود .. اليفرح بموت العقيلة .. يهدي ويزود

چا ليش واليش التكسرة الخاطر
لحضة لحضة ويوم يوم مناطر
دموع حك طفين اجيج محمل
حاير بجيتي وغربتج حاير

حيرة تشهك حيرة
صعبة موتتها الاسيرة
وماكو يمها

صعبة من ماهم هلك
وبموتتك تسمع ضحك
بيش حلها

خادم الإمام الرضا ( ابو ود العبودي ) ________________لحن👇

( لو لا القضى )

علي الاكبر . نسولف بصولاتة
شبل حيدر . قاهر بضرباتة

راهب سلالة
جمع الضلالة
يرعب خيالة ( سيد الوغة )

رب الشهامة
خلة القيامة
بالطف علامة ( بسيفة طغة )

اتعلة فوك المهرة وسيفة من انشهر
صاحو الكرار هذا ب الطف ضهر
حسين ب الخيمة ويصيح لـ ابنة علي
هلا يا تربات عمة السوة دهر

&&&&&&&&&&&&&&&&&&&&&&&&&&&

يضك مهرة . ويعصف بمسراها
الهوة بضهرة . ضهضب وطباها

الحرب عيدة
شال چف ايدة
وصفن البيدة ( وبيها رجز )

انا ابن حيدر
الفارس القسور
اسمي الاكبر ( وليهم برز )

اشهر الصمصام چفة وهز الوغى
راد يكلب كاعهة ليث المرتضى
اعلة روس القادة ضل يصكل صكل
فوك ضهر الشكرة بطكاتة طغى

&&&&&&&&&&&&&&&&&&&&&&&&&

شهم دومة . ويذبح بخزراتة
اسد حومة . يرسم بطكاتة

بالمهرة لو هد
والحرب تشتد
بس هوة الاوحد ( يرعب كيانة )

ماكو جبيلة
زلمة قبيلة
يجيب اليريدة ( بجرت عنانة )

حيد زلمة معتبر وبطكتة انفرد
مثلة ما يتكرر لا منة انوجد
كطع ذچر العساكر لمن برز
كسم ضهر المناية بطفها رعد

&&&&&&&&&&&&&&&&&&&&&&&&&&&

يدر خوفة . واعتلة الكحيلة
يهز شوفة . ولية تهوس العيلة

لمن لفاهة
بخزرة حداهة
بسطرة سباهة ( بچة الوغة )

عجاها من كر
بصمصامة كبر
يمحيها لو قر ( لو لا القضة )

كود ضل يكود بيها ومحد سلم
فوك روس القادة سيفة منثلم
واحد ينده واحد يسأل عن علي
هذا الصار اكبالي واقع لو حلم

خادم الامام الرضا ( ابو ود العبودي ) _____________________لحن

هلله هلله هلله .. ع المهرة غار ولگد
هلله هلله هلله .. ب الطك ابد مايرد
هلله هلله هلله .. هيبة علي الاسد

هلله هلله هلله

ابو فاضل .. ع القادة لمن يكر
ابو فاضل.. فقارة بيدة ويطر
ابو فاضل .. ب البيدة سوة دهر

سرفن ذرعانة والعركة تحلة امن ايضهضب
اتعلة اعلة المهرة والراية ترفرفلة المحرب
شايل فقارة من غارت وعيونة التلهب

&&&&&&&&&&&&

هالله هالله هالله.. ريشاتة شارة كتل
هالله هالله هالله.. وسطراتة ماتنحمل
هالله هالله هالله.. شلع رسنها الفحل

هالله هالله هالله

ابو فاضل .. كاعة خاسفها خسف
ابو فاضل .. كدامة كلشي رجف
ابو فاضل .. بس هوة ب الطك تجف

عباس دخيلة لو سرفن ذرعانة من ايهد
حيد اليوصلة بطلابة بجفة راسة ايعد
وهكت ب القادة سطراتة راح اعليها ورد

&&&&&&&&&&&&&

هالله هالله هالله.. دمدم عليها وطغى
هالله هالله هالله.. بصدر العوالي ارتقى
هالله هالله هالله.. شركين سوة الوغى

هالله هالله هالله

ابو فاضل .. عجاها روس الزلم
ابو فاضل .. وجاها هف العلم
ابو فاضل .. من جفة محد سلم

واكف بمجانة ويلوح الفكر يدنة
تيبس بزريتة البضهرة اليعبر من يمة
يدهدة بكيفة عباس وبالطك يتهنة

&&&&&&&&&&&&&&&&&&&&&&&

هالله هالله هالله .. شيخ الوطيس المتم
هالله هالله هالله .. عند الحُسين المهم
هالله هالله هالله .. من اسمة الف ونعم

هالله هالله هالله

ابو فاضل .. مايهم دوم العدد
ابو فاضل .. بيهم يروح ويرد
ابو فاضل .. حار وابد مابرد

غار وطباها يوهكم سطراتة الحيدة
اسرع من صوتة طكاتة وماعندة بعيدة
دخنت ريشاتة من ضهضب غيمها البيدة

خادم الامام الرضا ( ابو ود العبودي ) ___________________لحن?