تعبتني حسين خويه
كبالي تتلوه شجاك
تعبتني حسين بسك
راح اموتن من وراك
طاحت الخيمه عليه
انت باني الخيمه كوم
الخيل تشرب ماي وانت
من العطش يبست لهاك

الخيل تشرب ماي وانت من العطش ذابل
فوك العطش والخيل كاسر ضهرك الكافل

سبعين زلمه وكلهم اسباع
شيخ العشيره بدون فزاع
بيرغ عشيرت هاشم ايطح
والشيخ بل طف تارس الكاع
-----------------
بكل مكان لكيت وذر
بيش لف جرحك جبير
تارسين الطف بخوي
وكاع لم بي بل حصير
مناشغ عليك البواجي
وماكو ضل بعيوني ماي
جيت احشمك مو لمك
يعني مسبيه اني اصير

متعبيك حيل هواي جرح بصدرك شكبره
معصبين عين الخيل حت ادوس بصدره

ماكو  ضلع ما بيك مشلوع
خيل عوجيه مكسرالضلوع
كون السحك بضلوعي ياريت
كسرك الباب الخيمه مسموع

---------------
مفرهديك كبال عيني
خويه ماضل عدي راي
شفايفك مفطور ضامي
وماجبت الحسين ماي
شلع كلبي الشلع راسك
مايكوم حسين صاح
من التعب اركض واطيح
حجار شمروني بكفاي

التمو عليك كبالي بيك اتفرهد ال وادم
حجار بكفه ختك حاربو شيكعد ال نايم

احميك جا مدري حمي روحي
بنومت حسين ا يزيد نوحي
كثر البواجي تعطش اهواي
فوك العطش مسبيه روحي
-----------

ماكو زلمه يكوم ليه
اليل كرب ماكو امان
بهميه مكعد تالي زينب
موش الي هاذ المجان
بهيمه ماكو خيام ضلت
خايفه عل بنيت اخوي
كلفه حارس ضعني شامت
من عكب ذاك الحنان

صاحو سبيه خلاف اخوي الجابني فيهه
مو خوش تالي لمالهه اخوه صير مسبيهه

بهيمه عدوي يصير حارس
ماكو امان و اليل دامس
متنه عطش والماي موجود
منه الضمه لسان الطفله يابس

صباح جهاد

يخلص   محرم     ويروح
وابقه انه خادم    مجروح
غير  انته روح  وي الروح حبيبي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

راح   الدمع    گالو   راح
وطاح الگلب يمكن طاح
چا بعد بيش انه   ارتاح 

بعده   بهدومي   العطر    من     المواكب
هنا   خدمنه  هنا  بچينه  اعله  المصايب
حسين ابونه حسين اخونه وهوه صاحب
آه   يا   لذت    محرم     وين        غايب

تجمعنه   لو     مختلفين
دربك دربنه       وماشين
شكرا  يبو الغيره حسين حبيبي

،،،،،،،،،،،،،،،،،،،،،،،،،

مو  شهر تأثيره  اعوام
دمعه ودروس واحكام
مختصر كل    الاسلام

والله   الك   حنيت  چنك  شيلة     أمي
خلصت   شبساع  ناوي   تزيد       همي
الرايه   ما    انزلهه اگل    للريح    شمي
بيهه  اسم   حسين  فدوه لأسمه  اسمي

ابقه    بسوادي    لعيناك
وي روحي مجلس اقراك
تقبلني     خادم      وياك حبيبي

،،،،،،،،،،،،،،،،،،،،،،،،،،،،،،،،،

كل ارض ارضك والله
وكل  الزمن   عاشورا
محله الحزن يا محلاه

حسين يا جرح الارض    شاهد   سمائك
برزخ     الميتين      ناح       الكربلائك
لهسه    تبقه    تفور    ما   تبرد   دمائك
الأ   امك    فاطمة      تحضر     عزائك

وتصيح  دلالي  انصاب
يوليدي ما همني  الباب
دم   بلحيتك    وتراب حبيبي

،،،،،،،،،،،،،،،،،،،،،،،،

رب  العرش    يا   مولاي
خليني     للعام     الجاي
وفقني  اخدم  بس  هاي

ما  اريد  جاه  ولا  ردت  سمعه  ومكانه
هوه  انه لوما  خدمته  ما  أصيرن    آنه
ارجع وادگ صدري  وأون  واصرخ هوانه
ضحه  ابنينه  وعيلته   ونحره   وحمانه

بس  گلي  هم  نوافيك ؟
منطينه كلشي شننطيك ؟
خافن   عملنه     يأذيك حبيبي

،،،،،،،،،،،،،،،،،،،،،،،،،،،،،،،،،،،،،،

علمت  الاحساس  احساس
يحسين    كلك        عباس
بس   بيك   لازم      تنقاس

هوه  انته وحدك  ما  الك  واحد  يشبهك
يحسين    حبيتك   لان   ربك       يحبك
اعذرني مو  بالمستوى وباقي اعله  دربك
بس  انته  خير   ما  ترد حتى   اليذبحك

يابو الهلا  وسهله تهون
يم بابك انطش  عيون
احسبني خادم مجنون حبيبي

كلمات الخادم /  رعد الفريجي

قصيده للمشايه

شايلين الرايه   طلعو المشايه

زاير ايحشم بزاير  گامو الجنهم مناير
معتنين الكربله
شفت واحد شال رايه   رايد يواسي السبايه 
يمشي وي القافله
وانه صحت بصوت اهلا   ياهلا بيكم وسهلا
ماتكفي ادري الهله
خنتشرف فدوه  بيكم   من رحت فدوه لمشيكم
والله كلكم مرجله

نحسب احنه الهايه   طلعو المشايه

صار شهرين ونحضر  ليمت المشايه تعبر
ونتشرف بيها
رزق هذا امن الله عدنا كلمن احنه يبات يمنا
ابخدمتة انگضيها
اطلب وشتريد تامر   احنه  خدامك  يزاير
التصعب انسويها
ادخل وشرف الموكب   ياملك شتريد تطلب
ذبها لتخليها

انزلت بيكم ايه  طلعو المشايه   بيكم   من رحت فدوه
حسين عدنا الي يخدمه  الزهره راح اسجل اسمه
ابدفتر اوي انصاره
كل تجاره وبيها تخسر   بس تجاره ابو الاكبر
ربح موش اخساره
شتنطي باجر راح ضعفه الله ينطيك ويشرفه
ايحطله كومه اصفاره
استغنم الفرصه يخادم  حتا ترجع منها غانم
الدنيه شو دواره

اصعد اول بايه    طلعو المشايه شيكم
والله كلكم مرجل
شراح باجر منها تاخذ   ضل ببو السجاد لايذ
جلب ابخاجيته
حاشه مايتركله خادم   والمعاون كمر هاشم
صار من حاشيته
اخلص ورايح تشوفه   اي بشر لا مايعوفه
يدخله راح ابيته
العنده والماعنده رايح  مايضل بلعوز طايح
من يمد صينيته

يالله افهمو الغايه    طلعو المشايه رحت فدوه لمشيكم
وال
الخدم والمشايه باجر   مايضل بيهم الحاير
كللها تتوج ذهب
شما اله الشيطان وسوس   استبرق الرادود يلبس 
وينحط ابرتبة وهب
وراح كل شاعر اليكتب  مايضل بالجنه يعتب
اصلاً يشيل العتب
شكثر كل خادم يعاني  وزع او شال الصواني
الله يجزيه التعب

ينال خير اهوايه   طلعو المشايه كم
والله كلكم مرجله

الشاعر ابو اسد البزوني

خليني  بخيمتك  خليني
                  نجيني  بخدمتك  نجيني
*
1= حسين ياأول هـــــ*ـــــوه  شمتك أنفاسي
     أشكرك وبخدمتـــــــك صار خير براسي
     أمشي بسمك  محترم  بين أهلي وناسي
     لو عفـــتني  أنتهي   بهل  زمان القاسي
     --------------------------------------------
                 دليني  أمروتك  دليني
                 نجيني  بخدمتك نجيني
*
2= سيدي العاشك  نحر دمعــته** فاضحته
     نايم وصاحي  تره  بالخــــــيم سالفته
     أيموت كلبي لو نسه تــــنصب فاتحته
     أكل   وياي  وشرب  حبـك  وما لحته
     ------------------------------------------
           بجيني   الطيحتك  بجيني
           نجيني   بخدمتك   نجيني

3= دموعي ياشبل النبي أزدحام بعــيني
      كون ما أبجي  الك  الله   لا ينطــيني
      ياصلاتي وقبلتي  ياحسيــــن  وديني
      أدري باجر  بالكبر حبك  ينـــــــجيني
      -------------------------------------
            يحسيني  أبذمتك  يحسيني
            نجيــــني بخدمتك نجــــيني
*
4= قـــــــــل هو الله أحد شفتك وحبيتك
     بيت للغــــيره صرت ياحسين بصيتك
     يلي  ربيت  الكلـــــب  أفخر  بتربيتك
     بضهر أبوي أنه تــره سيدي وناجيتك
     -----------------------------------
          ياعيني   برحمتك  ياعيني
          نجيني    بخدمتك   نجيني

5= بعيني يقرونك جرح  لو قروها رسومي
     يلي هم  أمصيبتك صار ســــيد  همومي
     بسمك أنهي ليلتي بسمك أبـــــدي بيومي
     هدومي سود بمجلســــــك ماأذب هدومي
     -------------------------------------
             ياديني   بوكفتك  ياديني
             نجيني   بخدمتك  ياديني
*
          الخادم  عبد  الجليل  المالكي

اذا مااحضر المجلس //////تضل عيوني سجابه
روحي بمجلسك تصرخ///اه يحسين ومصابه
حسين.... حسين......حسين.... حسين
///////////////////////////////////////////////
خادم مجلسك اني....خادم وانته سلطاني
بسمك يلهج الساني .... حبيبي ياحسين
احضر مجلسك وانعي..... واكسر باللطم ضلعي
ويغسل كل ذنب دمعي...... حبيبي يا حسين
بحبك تنمحي ذنوبي//////وانته لگلبي محرابه
روحي بمجلسك تصرخ//////اه يحسين ومصابه
حسين..... حسين..... حسين... حسين
////////////////////////////////////////////////
كون بمجلسك موتي........... وبحسينيه تابوتي
بگبري ويرتفع صوتي.......... حبيبي ياحسين
اذا ميت تجي يمي............. وبعروگي يرد دمي
محنتك ازيد أمن امي......... حبيبي ياحسين
هنيالي الك خادم///////وجرحي ينزف اصوابه
روحي بمجلسك تصرخ////اه يحسين ومصابه
حسين.... حسين.....حسين... حسين
//////////////////////////////////////////////////
جنت تايه وسط هيمه..... وصارت خدمتك خيمه
يربي هالشرف ديمه......... حبيبي ياحسين
يلحبك سكن بيه.......... ونبضة گلبي لطميه
تارس روحي حنيه...... حبيبي ياحسين
حزنك بالگلب يسري/////ونارك بيه لهابه
روحي بمجلسك تصرخ////اه يحسين ومصابه
حسين..... حسين..... حسين.... حسين
//////////////////////////////////////////////
احمد البغدادي
شور

أبقه للموت حسيني .. أبقه للموت ..
حسين رفعت راسي .. والهوه البنفاسي
أبقه للموت حسيني  .. أبقه للموت ..
....................................
آنه أبوي على الخدامه من الزغر رباني ..
حسين معشوكي الوحيد وما أبدله بثاني ..
من كثر ما أذكر أسمه منطبع بلساني ..
آه يحسين ومصابه عايشه بوجداني ..
ياحبيبي الغالي .. عايش بدلالي
ابقه للموت حسيني .. ابقه للموت ..
...................................
حسين فاتحة الكتاب وقل هو الله أحد ..
على نهجه  أمشي دوم وأبد ما أعوفه ابد ..
يبتعد عن جنة الله ال عن الحسين أبتعد ..
كلمن يموت على حبه موتته أحله من الشهد..
أغله من عيوني .. بحبه لا تلوموني
أبقه للموت حسيني .. أبقه للموت ..
...............................
ألتزم دوم بصلاتي ولحظه ماأنساهه ..
حسين من أجل العقيده حتى روحه أنطاهه ..
شرف هاي الخدمه عندي وبيهه دوم أتباهه ..
بيه سبع حظوظ خلت  خدمته شمحلاهه ..
يبقه دمعي يلالي .. خادم وهنيالي
أبقه للموت حسيني .. أبقه للموت ..
...............................
كل سنه بلهفه المحرم ابقه دوم مناطر ..
كاشخ انه بثوب الأسود بالمجالس حاضر ..
وألطم على الراس وأبجي بحركه يوم العاشر ..
أجعلني ياربي وجيها للحسين وناصر ..
حسين رافع شاني .. أبد ما ينساني
أبقه للموت حسيني .. أبقه للموت ..
...............................
تمشي وي دمي الخدامه بالكلب مشدوده ..
ياحسين وكربلاء بكل وكت موجوده ..
مايفاركني المخيم والكمر وأزنوده ..
موتتي بمجلس حسيني أمنيه ومريوده ..
على حب حسيني .. كون تغمض عيني
أبقه للموت حسيني .. أبقه للموت ..
................................
آنه خادم للعقيله ودمعتي تبرالي ..
راح من عدهه الكفيل وراح منهه الوالي ..
جبل ياصبر العقيله ودعت جم غالي ..
تصعد الناكه سبيه أم الخدر بالتالي ..
لبوه ويجتفونهه .. والدمع بعيونهه
أبقه للموت حسيني .. أبقه للموت ..
.................................
حيدر مطر العبادي

قناة أّئمًةّ أّلَبًقُيِّعٌ
یوسف الزهراءع ?

فارگتهم    راحوا أحبابي وتغير لوني
                فارگتهم    والصور ضلت تباري عيوني
                                ****
       طبع اليفارگ حبايب ينتهي وتخلص حياتة
      تـجـرح عـيونة اليالي وتقـترب ساعة مماتة
       راح ابـوي حسين عني وبقـت تذبح ذكرياتة
       عطر من اثيابة عندي ودمعة وسبحة صلاتة

والاحبهم       سـافـروا عـــني ونسـوني
         فارگتهم     والصور ضلت تباري عيوني

**

ياجــرح گلبـي بهـجرهم والحــزن يــبـرالي
       مدللة چــنـت بوجـودة حسين أبوي الغـالي
       هـسة حتة الطير يـنعئ ويبـچي دم الـحالي
       روحي تخلص من اصد البيت وحشة وخالي

ودعتهم    غبشة شالوا بالضعن ماركبوني
        فارگتهم   والــصور ضـلت تباري عــيوني  

*
    ليـلي مانـامة بجــفـاهم والـحـــزن ياذيــــني
      مناطــرة ولاخبر منــهـم يوصـل يـهــديـني
   امس من سدر ضعـــنهم احـس فــت سـنيني                    مساهرة وماضن بعدهم لحضة رمشت عيني    

روحي عدهم خذوا كل شي وللحزن خلوني
   فارگتـــهـم   والصـــور ضلت تباري عيوني

****

اصبر وطــيف المأسي سـتلذ من حـسراتي
وحلم من الغـــاضـرية دم همـل دمــعــاتي
شفت ابو السجاد عاري يصيح يـــــبنيـاتي
وعمتــي زينــــب غريـبـــة وزيـدت أهاتي               

ياحزنهم   من شفتهم بالحلم جرحوني                 
فارگتهم    والصور ضلت تبـاري عيوني

**

عل النهر عباس عمي والســهم طـر عيـنة
العمد صوب جبينة وشــــفت دم چفـــينة
من العطش ماتت رقية تنادي جودك وينة
سألت سكينة وتلگــلها هم يـجي يــروينة    

ياخبرهم   مارجعلي ومن مشوا جرحوني
فارگتهم   والصــور ضــلت تـباري عيوني  

**

الشاعر :حسن جميل الشبلاوي