- خوذ الجفاء وانساني !.

- الشخص يلي ينظر للتجارب على إنها تعلم بس ولا واحد يشوف الضربه اللي محاصلينها مقابل مشاعرنا، وصحتنا، هيا صح التجارب تعلم لكن فمقابل توجع ، تتعب ، تكسر ، تضعف قلوبنا ، تحولنا لشخصيات أخرى فاقدين برائتنا وعفويتنا، فقبل ما تفسوي وتقول التجارب تعلم خليك عارف كويس كيف عشنا و كيف عانينا فيها قبل ما أتعلم .

- انجيك واضح وقت توا بذات قعدنا ك ناس نحبوا الملل ، اكثر من الفرح مافيش حاجه جديده تصير معانه ولا مع غيرنا ، العلاقات قعدت كيف بعضهن واغلب النهايات وحدة واغلب الاحداث يتعاودن نفس سيناريو ، حتى اسباب الخنقة اغلبهن متشابهات الحياه نفسها ممله مافيش ولا لقطه عشان يقعد في مكسب او خسارة ، شن في بس ؟.

- ‏الوقت يلي انت كنت في بروحك مايحلش المشـاكل ولا ينسّي الزعـل ، الوقت يعلم الاستغناء ، ما لقيتش فيكم حد فِ كل يلي نمر بي ونحس فِ ويلي قاعد نتعالج منه كل يوم وساعة وثانيه كنت فيها بروحي ف اول ما تشوفي عديت كل شيء بروحي ماتجينش في وسط فرحتي وقتها ح نكسفك انت وخاطرك .

⁣.صارحني

.?

- كملنا وعارفين إنا درنا يلي علينا عطينا بجهدنا وتعاملنا بأصل سامحنه وغفرنا اغلاط ع حساب قلوبنا حطينالكم أعذار ورسمنالكم فرص, وسط كلام هذا كله في شيء ، يقول ماينفع فِ بايد ترقيع ، والطيب لِ فينا ما يستاهلاش خبث نواياكم وح تلفو وتعاشرو وتحبوا وتصحابوا وما تلقو زينا .

- صح مقتنع بجملة تفاءلوا بالخير تجدوه وانا ضد اني نكون انسان متشائم ولكن اخر فترة قعدت لازم نهيئ روحي < نستعد> لأي خسارة، فاتلقاني قاعد في عز فرحتي بحاجة معينة نسأل في روحي باهي لو الحاجة هذي راحت كيف يصير؟ .. والشيء هذا ما نعتبرش فيه تشاؤم لكن نحاول نواعي نفسي من فترة لفترة عشان ماانتعشمش بأحلام وردية جديده .