تۆ گیایەكی كە لە جێگایەكی سەیری دەرونمدا ڕواویت. ئاسەواری شارێكی كۆنیت كە دەبێت چین چین ڕۆحم ھەڵكەنم ئەوسا دەتدۆزمەوە، ھەموو وێرانەكانی دەرونم خشت خشت بڕوخێنم، شەو بە شەو ھەموو بەردی تاریكیم بگوێزمەوە، دیوار بە دیوار زوڵمەتم ھەڵگرم، بست بە بست ناخم ببێژمەوە.
تۆ لەوێیت... بەڵكو شەو بێت و لە ناكاو بتدۆزمەوە

» بەختیار عەلی

ھەر کاتێک مرۆڤێک لەنێو خۆیدا: ترپەی ژیان و ڕۆحی گشتیی جیھانی ھەست پێ کرد؛ بە ئازادی گەیشتووە... چونکە دونیا لە خۆشەویستی بووە و بە ئەڤین وێستاوە و ڕووەو عەشق دەڕوات، ھەر بە عەشقیش ھەموو ناکۆکیەکانی بوون لە ناو دەچێت...
تەنھا لە عەشقدایە یەک و دوو پێکەوەن... تەنھا لە عەشقدایە جووڵە و وێستان لە تەنیشت یەکن، بردنەوە و دۆڕان یەکێکن... لە عەشقدایە کە ئازادی و بەندایەتی دژی یەک نین؛ چونکە عەشق خۆی کۆتای بەندایەتی و کۆتای ئازادیشە... نھێنی ئەم سنوردارێتییە خودایەک لە ئەستۆی گرتووە کە خۆی عەشقە و کۆتا و ناکۆتا لەودا ھەر یەکێکن..!

» تۆ لە پەنهانترین کەلێنی پیرۆزی دڵمدایت

تەنھا شیعرێ کە بە گەنجی مابێتەوە
وەکوو قژت و وەک ڕووخسارت و
قوڵپەقوڵپی ئاخاوتنت
ئەو شیعرەیە
کە بە ماچ و لێوەکانی تۆ نووسیبووم

"شێرکۆ بێکەس"

بڕۆ ئێرە جێبهێڵە، بڕۆ هەرگیز نەگەڕێیتەوە، بڕۆ دونیا ببینە، بڕۆ هیچکات بیر لەئ ێمە نەکەیتەوە، عەشق جۆرێکە لەئاگر و چارەنووسی ئاگریش جۆرێک لە کووژانەوە- بڕۆ ئاوڕ لەهیچ کەس و هیچ شتێک مەدەرەوە. بڕۆ نامە بۆ کەسمان مەنووسە، بڕۆ خوداحافیزیش مەکە، بڕۆ قەد نەهێڵیت نۆستالژیا ئەژنۆت شلکا، بڕۆ هەموومان لەبیرکە

«سینەما پارادیسۆ» ٨٨
لەبارەی ئەوانەی کە ڕۆیشتن، ئەوانەی بەڕێوەن، ئەوانەی گەیشتن و ئەوانەی کە ناگەن.

کارمەندی سەرژمێری چۆن تێبگەیەنم
من و تۆ یەک کەسین ..!

کە چاوەکانم لەسەر تۆ بوون
نیگەرانی ئەو چاوانە مەبە کە لەسەر منن ..!

بێزار بێزار بێزار بووم،
لەو هەموو تیغەی سەر برین
لەو هەموو ڕەشەبای ڕقە،
لەو هەموو دارستانی تۆڵەیە،
بێزارم بێزار لەو هەموو حیکایەتە ژەنگ
گرتووانەی کە هەر لە مناڵیه‌وە گوێیانو
تەفرەدام، چاویان لێ دزیم و
هەستیان بە سڕبوون سپاردم!
من چیم ئەویست لە نیشتمان
جگە لەوەی کەنانێک و که‌ کونجێکی
دڵنیایی و گیرفانێکی بە حورمەت و مشتێ
هە تاوی ئارام و بارانێکی خۆشەویستیی و
پەنجەرەیەکی کراوەی سەر ئازادی وعەشقم
باتێ، من چیم ئەویست لەوە زیاتر و نەیدامێ!
بۆیە ئیتر نیوە شەوێ
دەروازەکەیم شکاندو چوومە دەرێ
بە ئێجگاری چوومە دەرێ!
ئێوارەیەو لە سەر جادەی سەهۆڵەکە ڕاوەستاوم
نیشتمانی کۆن خەریکە دابچێت و ئاوا ببێ...

شێرکۆ بێکەس

⠀
« ئەمەوێ بگەرێمەوە لات بەڵام ئەترسم.
ئەترسم لە هیچ لایە هەواڵت نازانم نازانم چۆن دەنگی خۆم بگەیەنم پێت ئەمەوێ قسە بکەم لەگەڵتا ئەمەوێت بتدوێنم، قورسە چاوەڕوانی لەوەش قورستر نەگەشتن بەوەی لە دڵتا ئەتەوێ بیکەی ئەمەوێ دووبارە بکەویە خۆشەویستیەک بۆم کە لە رۆحتەوە سەرچاوەی گرتبێ. بەڵام ئێستا دووریمان لە هەموو شتێک زیاتر لێمانەوە نزیکە دووریت بیرکردنت بە جۆرێک ماندوویان کردم ئەترسم ئەگەر بشگەڕێیەوە ماندوویم دەرنەچێت تێپەڕینی ئەو شەوە قوڵ و تاریکانە ئاسان نییە بەرگە گرتنی ئەوێت، دڵ لەرزینی ئەوێت هەناسە کێشانێکی توندی ئەوێت. ئازیزم لەم شەوانە تەنیای زۆر سەختە سەیرەکەی کەس لە دەورووبەرتا نییە، لە بێکەسیا خۆت ئەخۆیتەوە، خەم دات ئەگرێت»
@feel_y0u

تۆ ڕۆژی یەک جار نایەیت بە مێشکما
مەگەر لە ڕۆژێکدا دوو جار
جارێک لە بەیانی تا شەو
جارەکەی تر لە شەو تا بەیانی ..!