السلام عليكم ورحمة الله وبركاته?.

دفعة 2007 لو أي طالب موجود معاي في القناة نبيكم تنضمو للقناة الخاصة بيكم اللي رح يكون فيها الشرح بشكل دوري، هذا لينك القناة، وموفقين يا رب ?

https://t.me/taibam194

أي مساعدة محتاجينها ياريت تكتبوها في التعليقات??.

ألف ألف مُبارك لكل طالب فيكم حبايبي نجح من الدور الأول ، ربي يوفقكم ويفتح عليكم فتوح العارفين وديما تكون حياتكم من نجاح إلى نجاح يا رب، أما بالنسبة لطلبة الدور الثاني، ابشرو ما هي إلا ابتلاء واختبار من الله سبحانه وتعالى لقياس مدى إيمانكم بربكم وإن الله إذا أحب عبدا ابتلاه، كل اختيارات الله لكم فيها خيرة كبييييرة ليكم، فرحتكم تأجلت لكن عوض الله قادم ورح يعوضكم بإذن الله، كل التوفيق والسداد ليكم يا رب ??.

طمنوني حبايبي شن صار في نتيجتكم ??.

السلام عليكم ورحمة الله وبركاته ♥️?.

حبايبي باعتبار إنّ غدوا بإذن الله رح تكون نتيجتكم نبي نقوللكم حاجات بسيطة اديروها في بالكم ملييييييح??✅

أول حاجة، أي تقدير تجيبه وأي نسبة خليك راضي بيها تمام الرضا وخليك فخور بيها لأنها من تعبك وجهدك♥️.

ثاني حاجة لو جبت تقدير أقل من توقعاتك رد بالك تقول لا اني نبي أكثر من هكي، حتى لو كانت قرايتك هلبة، لأن هذه كلها أقدار من الله، علينا احني نأخدو بالأسباب فقط اما النتيجة على الله سبحانه وتعالى وهو أدرى وأعلم بالحاجة اللي فيها خيرة ليك??

ثالث حاجة، لو كان عندك دور ثاني في أي مادة خليك مؤمن إيمان كامل إن فيها خيرة ليك ممكن أنت ماتعرفهاش توا لكن ربي أرحم عليك من نفسك وربما تكون دفع مضرة لمكروه كان رح يصيبك♥️?

آخر حاجة لو شفت حد جايب نسبة مليحة بالغش وأنتَ أقل منا رد بالك تقول كيف هكي وليش اني أقل، خلي في بالك حاجة وحدة إن هو أغرّتْهُ الدنيا وهو اللي خاسر لأنه عصى ربه لكن انت اللي جبت نسبة بتعبك وجهدك وربك راضي عليك وبعدت على أي شيء يعصيه راهو انت اللي رابح ومكانتك عند ربك غيييير???

وربي يوفقكم ويفتح عليكم فتوح العارفين وتجيبو النسبة اللي تتمنوها وأحسن يا رب اهم شيء خلي ظنك بربي كبير لأن ربّ الخير لايأتي إلا بالخير ??

السلام عليكم ورحمة الله وبركاته ?

حبايبي اللي يبي يتواصل معاي ويستفسر على أي شيء مش فاهمه عادي تقدرو تكلموني في أي وقت وحتى قبل الإمتحان بساعة عادي لعند ماتخشو لامتحانكم اهني يكون كمّل دوري معاكم، وهذا يوزر الخاص متاعي @Taibanetfa2002 وموفقين يا رب ♥️

الجزء الأخير من مراجعة الوحدة السابعة ويتضمن التالي :
الدرس الخامس والسادس والسابع والثامن ⬇️?

هكي نكون كملت مراجعة الجزء الأول من الوحدة السادسة وموفقين يا رب♥️?

الجزء الأول من مراجعة الوحدة السادسة ويتضمن التالي :
الدرس الأول والثاني والثالث والرابع مع قاعدة المبنى للمجهول⬇️?