**أمنيات السيدة زينب (عليها السلام)

ياموت اخذني أمن الغرب
متني انشلع من الضرب
وديني يم هلي يم فاطمه وعلي
ياموت اخذني
ــــــــــــــــــــــــــــــــــــــ
سافر يموت برحلتي الاخيره
خلصني من احچاية الاسيره
خل ارجع المملكة الاميره
عد الله زينب عالـمه وچبيره

جهلوني ذول أهل الأرض
خليني بجناحك اكض
خلينه نعتلي يم فاطمه وعلي
ياموت اخذني
ــــــــــــــــــــــــــــــــــــــ
من عالم العالم أخذني دمعه
وهذا السفر نهائي ماكو رجعه
تابوتي فوگ اوي الشمس ارفعه
هوه الضوه لازم ضوه يشيعه

لاهلي وعمامي اهواي احن
الشام احس بيهه سجن
ترجع الهيبه إلي يم فاطمه وعلي
ياموت اخذني
ــــــــــــــــــــــــــــــــــــــ
محد رحمني الدنيه چنهه غابه
شايف أميره وتگعد بخرابه
واحسين كاسر خاطري بمصابه
تاجي انسلب من سلبّو ثيابه

أمن الخيم للتل ركضتي
طلعت شيب بصفنتي
ماعندي ظل ولي يم فاطمه وعلي
ياموت اخذني
ــــــــــــــــــــــــــــــــــــــ
أخذ الجنازه ولفهه بالعبايه
موكب نروح العالم النهايه
ياموت عجّل خلصت الحكايه
ماريد أشم ريحة بچي وسبايه

عاين عله امتوني الحمر
وتعرف اشسوالي الشمر
أذاني عاذلي يم فاطمه وعلي
ياموت اخذني
ــــــــــــــــــــــــــــــــــــــ
بالشام أول شي چنت سبيه
بس ثاني جــيه من اجل رقيه
لازم العالم تفهم القضيه
واهنا تصير الحضره زينبيه

بالحضره نسوان وزلم
يايوم اشوفن هالحلم
والصحن ممتلي يم فاطمه وعلي
ياموت اخذني
ــــــــــــــــــــــــــــــــــــــ
والراد مني ايحصل البشاره
خل يبچي كون بحرگه وبحراره
الراسم اباله الگبه والمناره
يتوفق أن شاء الله للزياره

كل عام وآنه امتانيه
يمي تصير التعزيه
واهمومي تنجلي يم فاطمه وعلي
ياموت اخذني

الشاعر محمد الجماسي**#اللهم_عجل_لوليك_الفرج

ما ينشال . تابوت الي هاي السنه
ما ينشال . وبل شام فاتحتي انه
ما ينشال . ماكو عرف الينه عتنه

ماكو متون للتابوت هضمه
والمايمه هل صبحيته ضلمه
فا ولجنازتي مامش حماميل
صلفه عيون اهل الشام يمه

كل سنه الخدام يم صحني تطيح
سنه وحشه وفارغ ايضل الضريح
من يشيعني منو اليبجي ويصيح

فوك النعش محد بجه
نعشي عليا متن نتجه
بهاي السنه انطر منو
الفاتحتي ماواحد اجه

--------
يم حسين . لو ميته غاد بكربله
يم حسين . اني دري عده مدلله
يم حسين . وبصف كفيل العائله

لو مدفونه يم عباس وحسين
يهلي الحال يكسر خاطر الزين
مايخنكني ليل وحشة غروب
ما يفرغ ضريحي من المعزين

والله محتاره نفس ليل اهدعش
ولا صدر يندك ولا وجهه انخمش
السنه منين امتون اجيبن للنعش

يمكم هلي كبري ردت
شاء ال قدر وتغربت
فارغ صحن زينب بقه
يم ال غربه تالي متت

--------
ناس الشام . مو خوش وادم ياهلي
ناس الشام . متعبني واني بت علي
ناس الشام . وما بيهم ال يبجي الي

كلفه لمثلي يمكم هيج تنجاب
بلوه ال شام والبل شام سلاب
ترضون هلي باب الحره مسدود
وما مسجونه ليش تقفل الباب

يا هلي وخدامي فارغ صحني ليش
الشام حاقد السه وي طلبوني بيش
بابي وكت ال مغرب ايردونه جيش

شام المصيبه والبلاء
يسدونه بابي بلصلاه
هاذ سجن لا مو كبر
مالهه حل غير الدعاء
--------
يا زوار . يمي ال سنه محد الطم
يا زوار . ولا دمعه طاحت بلحرم
يا زوار . وبعازته الي يمي نهضم

العام ابابي طاحت ناس كلفه
روحي برايت ال عباس تشفه
عيوني مناطره يطب اليه زاير
سنه محد يجيني حيل وسفه

وكل سنه ال نسوان يمي يفرفحن
يزيح مني الهم الي يطب للصحن
واليطبلي ابرايه احس عدي وطن

الرايد يجي ماكو درب
كرب يشلعان ال كلب
بهاي السنه وحدي اضل
رايه من خوتي ماتطب

صباح جهاد

شجاعة مولاتي زينب ع

حجت زينب وكلمن عاف سالفته
طبت للقصر صار القصر سكته
حتى عله الرمح عباس جبته وياي
جذب من كالك عباس عاف اخته

انه خت الخله صعبه الريگ يعبر
الي ولهلي الحجي سكت لاطفر
انه بت علي زينب وخت الحيود
نسيت شلون جف عباس يسطر

اسكت لايجي الموت
يصد عليه مبخوت
باوع عل رمح زين
قبل ماجانبك صوت

-----------

بين اهلك وهلي نقارن اليوم
عل ساقي العرش ياهو مرسوم
ابوي الافتئ المعروف كرار
وابوك الشارد وشمرها الهدوم

انه بت حيد واصل الحيد كرار
بلخندق دفنهم وتعرف الشصار
وجف حمزه البخدك ضال نيشان
هواشم أهلي وأهل حطب للنار

ابوي الافتئ الحيد
وابوك الشارد بعيد
الفرق مابيه هواي
الكهوجي وي الاجاويد

-----------
انه خت شيوخ كلفين وهل ميدان
رفعو راس زينب ونعم هيج اخوان
خطبت زينب وكزبرت شعر الجيش
حرمه اخت أبو فاضل سكتت ديوان

طبت للقصر بس رافعه الراس
بزينب بينت غيرت ال عباس
للتاريخ ضلت جلمت ام عون
ما تمحون ذكر حسين يا ناس

وحق امك الزهرة
تضل للموت ذكره
المو وياك خسران
لان حسين عبره
-----------

اهل زينب شيوخ وكلهم ايشورون
صعب تمحون ذكر ودوم متكدرون
الولد ماكو اغلى منه بس للحسين
تستاهل حسين وافدوه الك عون

ياهو الكالك بينه العطش دام
بس حيهم نخيته وشد الالثام
رف شارب اخوي وكال يم عون
لفر مسره نهر يم صوب الخيام

اخت عباس انه
وتضل دومك ورانه
باجر تعرف الناس
مجانك لو مجانه
----------

صباح جهاد

لا تبجي يل مفرهدتك الخيل
يل عل كاع وزعهن عضامه
ضم دموعك لباجر يمذبوح
وراك العاشر ولوعة ظلامه
وراك اجم ذبح وطلابة الماي
باجر ما يمر يمه بسلامه

فوكك حوافر صلت واخت غريبه وطلعت
حسافه

حيلك يفارك جسمك والكاع تروه بدمك
حسافه

حسين
يمه باجر ماكو راي لاكو خوانك
باجر يشح بيك ماي يروي عدوانك
بهيمه ما فوكك فياي ونار صيوانك

//////////على المذبوح وا وايلاه

تبجي اعله الضلع يالماك ضلوع
باجر صدرك اعله كفاك طابك
باجر حافر يدوس السماوات
وتراب الأرض بالكمره لازك
تشهك بس شنو يفيده البلا ضلوع
ما يوصل هوى بدوس السنابك

طشر الرمل طش صدرك كلبك طلع من ضهرك
حسافه
يالجرحه سومر خدي ما يلتم المتبدي
حسافه

حسين

ثوب مالك لا كو في لا من خيمه
والعطش بالخيمه وي والزمن هيمه
يعينه الله الماله اخي يبتلي بضيمه

///////////على المذبوح واويلاه

من هسه العطش فطرهن اشفاك
مستعجل ييمه وياك جرحه
يا صبح المدنيه الراهي ممشاك
باجر شيبك يصلي اعله رمحه
شبيدي اعليك ردت الموت وياك
راسي وياك جان امنيته ذبحه

حيلي اعله جرحك ينهد يلما بقالك احد
مصيبه

يا ميت يخلونه بالهيمه ميدفوننه
مصيبه

حسين
تلث ليالي اعله تراب والشمس تسعر
لاكو في ولا ثياب بالفله مطشر
رسمك مضيعه العذاب يا ابو الأكبر

/////////////// على المذبوح واويلاه

موت ولا تباوع للخيم موت
صعبه تشوف مسبيه ام عبايه
صعبه اعليك فوك الهزل تفوت
وام خدور صارت ام سبايه
شافوها القبل ما طلعت صوت
وصاحو بت علي يا ناس هايه

ميت يبعد العافيه واختك غريبه وخايفه
مصيبه

فوك الهزل توميلك بس يمه رايح حيلك
مصيبه

حسين
لاكو خيمه ولاكو راي لا من رايه
هيه وانته بلا فياي يا زمن هايه
عطشت وتعبت اهواي لياهو شجايه

احمد
الزينبي

وين احصل مثل اخوتي المايجون
خلهه عيني شمابجت تستاهلون
جنه بل خيمه سوه بذاك الصباح
هسه بل خيمه الشماته يفرهدون

ودموعي شايفهن ترضه عدو
ولا خيمه ضلت لا والي اكو
امري صبح موبيدي يا هلي
مسبيه صاحو ماليه اخوه

ليش ليش ليش وادم عل مخيم هاده
ليش ليش طفله زغيره بل طف شارده
ليش ليش ضامي ويدور اميه البارده

@@@
ليل غربه شطوله يرعبنه الضلام
بل خرابه وساده ماكو شلون انام
الخايف يلم روحه لويسمعله صوت
شكد سمعنه اصوات مرعوبه اليتام

كل ساعه موتي يمر اصوره
صهيل بضلامه يخوفنه تره
خافن بنات حسين و جلبن
ضلت مره ملزمه بجف مره

خوف خوف وين اخوتي وين جون وعابس
خوف خوف الخوف يبس دمي شامت حارس
خوف خوف شحالهه الطفله بضلام الدامس

@@@
ليل راحه بس ولابي راحه شفنه
لا مسه رتاحينه لا حته ابصبحنه
ليل راحه بس ابد ما شفنه راحه
اليتعب بليله يهود وحنه خفنه

ماشفنه راحه من هاي الغرب
كل ليله مرت تكسر جم كلب
جوع وعطش هدحيل العايله
عل هزله اغفه كضيت الدرب

حيل حيل دار بيه الوكت عكب خواني
حيل حيل متني ازرك من ضرب عدواني
حيل حيل حيل مهضومه العدو شافاني
@@@
جابو ال روس ابرماح ال عاليات
ايسن من حسين عمه حسين مات
مو مهم اني الهم اطفال اخوتي
طفال اخوتي شلون بينهن خايفات

الما يسمع احجايه خشنه قبل
وجهه نخطف لن جابوله حبل
تخاف الفواطم كاتلهه البجي
خايف خطيه ضل عدنه طفل

وين وين الدكلي صدره دم جمد بعيونه
وين وين زلم هاشم نومه وحنه اشلونه
وين وين يدير شوفه الماله بلطف عونه

صباح جهاد

كيد الهظم:-

بلا موعد الموت ختام البدايه
شكثر ما تعيشون بالكبور النهايه
ألا ايها الموت اخذ روحي هايه

غربه العمر لو ولفه يرحل
كلب اليحب بالفركه ينذل
هذا الصدك يا موتي اقبل علي مات

وي فاطمه يا موتي اريدك
وي فاطمه خلي ايدي بيدك
وي فاطمه رايد وعيدك علي مات

ذله العاشك ليل واداعه
شوف عيونه يصير متاعه
يشتد موجه بكسر شراعه

///////////////////////

انه الصبري ينكال مثل للحياره
جزع كلبي من شاف خليله احتضاره
صعب كلش يعيش اليموت نهاره

كون الهجر زلمه ويمرني
جا ما سلم مني وعبرني
هذا الكسر كلبي وجتفني علي مات

وي كل مسه مكسروه روحي
وي كل مسه يبجن جروحي
وي كل مسه يعميني نوحي علي مات

ليله افراكج شيب راسي
تيه بيه احبابي وناسي
بس هذا الوي حيدر قاسي

//////////////

على الحايط اثار واصدلك يبابي
يلمضيع السنين يجمرة عذابي
ردت تحمي خلي اذا حل غيابي

ذنبك ندم واعظم خساره
بيه خنت اكبر جساره
منه اقبلت تكربها ناره علي مات

فوكك اثر دم الزجيه
فوكك اثر أمان اديه
فوكك اثر نار الرزيه علي مات

يا باب الطاوع ذباحه
يل ذنبك سد باب الراح
انته السل حيدر بجراحه

////////

يمر يمي واندار هضم بيه يكتل
يموت الشهم لو يصد ثاره يجفل
جرح يكبر وأخ صبر حيدر يقل

لو يمي مر كاسر ضلعها
ترجف ادي واذكر دمعها
اسكت هضم روحي الفجعها علي مات

سيفي ارتجف ويصد عليه
سيفي ارتجف وافركها اديه
سيفي ارتجف يبجي الزجيه علي مات

يا فقاري الضل بكرابه
حيدر لا ما يكضي مصابه
ينحز نحره شما مر بايه

احمد
الزينبي

امنّت كل المواجع
وخلفه طشيت المدامع
بروحته مدري شجرالي
گلبي مني شفته ضايع

بس اگولاً يمه ابچي
اگباله بس امدنگه شحچي
وَدّعت والسكته تصرخ
يم بنيني هوايه اشچي

ابنفسي قريت الفاتحه تسهيل امر
وچنّه الامر بس نايحه وخالي المهُر
صارت مهجتي امكسره وماتنجبر

حان الوداع وشافته عيوني
ومشيَّت الناگه هدلت ٰمتوني
صوتين بس الخلف الضعون
وياكم الله وياكم اخذوني

ودموعي طاحنله صواوين
چانت وصيتي يرجع ٰحسين
______________
گابَلِت كل ذكرياته
وصبّرت علّة بناته
دمعي ودموع العليله
يكفن يبلّن شفاته

بس مشّه عطشلي نوحي
وصارت اطفوفه بجروحي
وشفته طفّه وهوَ يمشي
بس دعائي يردلي روحي

بدمعي أَسَبّح رافعه ايدي واگول
ولدي أَنهُر طايعه الروح البتول
ياربي ردّه وسامعه ركض الخيول

ياربي اخذ ولدي ومداليلي
بس كون يرجعلي ويرد حيلي
بنهاري جوه الشمس ادعيه
وادعي بأمان اخيامه كل ليلي

يبقون ولدي دونه ميتين
چانت وصيتي يرجع حسين
________
چلمة الماله محامي
غصصت راحة منامي
محسبّه الهه من وداعه
والهه متصدقه بسلامي

عندي چفين الشهامه
البيهه تتنومس عمامه
ذني لحسيني يرخصن
والسلامة حَد خيامه

انطي الشهامه المؤنسي وكلش قليل
مو ولدي روحي التنّسي لاعظم خليل
فدوه گمرنه وحارسي الخدّه الجميل

عباسي لو علويه عطشانه
ميخلي چفّه وهذا نيشانه
وماريد عين تشوف الحسين
ناصر طلب وگبال عدوانه

خلّي السهام اتصيب كل عين
چانت وصيتي يرجع ٰحسين
______
من مشت ايامي كلهه
وكبرن امتانيت املهه
شگد صِغَر يأسي برجعته
فكره عقلي ما حملهه

شيبّت دمعة حنيني
ولازم وليدي يجيني
لحظه بفراگه چبيره
بيهه حولين الونيني

امّه وسگيته ابمدمعي عودّه بخضار
آخرتي يمه ومنبعي ليه گلبي بار
محنيه وابقه آنه اندعي ليل ونهار

هاي امنيه وماعندي بس وحدّه
طف كربله ايردلي التَرِف خدّه
وبس ظعنه سالم بين الاشرار
وكون العطش ماتعبّه وهدّه

عطشان ميخالف لوّن زين
چانت وصيتي يرجع ٰحسين
______
صوت أنه منتظره يدوي
وابن حذلم جانّه يروي
صوته ينعه وگلبي يفرح
واركضتله وگلبي يهوي

يهل يثرب لامقامه
الكم وهاي العلامه
گلت أنه يخبرنه اطلعو
حته نستقبل إمامه

رأس الحسين اعلل قنّه وجسمه سليب
وآني اگلّه هنا دنّه وجاني الحبيب
اعليه گال امدوهنه وأمره مريب

گلالي منهو ؟ ام البنين انتي؟
مذبوح اگلچ عايش اسمعتي
راسه برمح والجسد مطروح
و ولدچ ذبايح يل تدوهنتي

ما گلت بس هاي الچلمتين
چانت وصيتي يرجع ٰحسين