ЭЙ МУҲАББАТ

*Эй муҳаббат, жонимни тўшаб,
Йўлларингга турибман қараб,
Бедор юрак турар кун санаб,
Кел, муҳаббат, кўксиpмда яша.

Оғу тутсанг, асал, бол бўлгай,
Сенсизсизликда ишқ увол бўлгай,
Сен-ла умрим безавол бўлгай,
Кел, муҳаббат, кўксимда яша.

Сени берди ул қодир Худо,
Сенга ошиқ султону гадо, Гул юзингга минг жоним фидо,
Кел, муҳаббат, кўксимда яша!

Майли, берсанг жонимга озор,
Сенсиз жоним дилхаста, абгор,
Мухтор айтар такрор ва такрор,
Кел, муҳаббат, кўксимда яша!
✍ МУХТОР ПАРДАЕВ*

♻️ @Muxtor_Pardayev

ИЛК МУҲАББАТ

*Номинг дилда яшайман ҳар дам,
Лайлу наҳор йўлдошсан, ҳамдам,
Ҳурдан гўзал, малакдан кўркам,
Жонимга жон бўл, илк муҳаббат.

Тоҳир каби сувларга оқсам,
Ишқинг ила тошларни эзсам,
Самандардек ўтларга ёнсам,
Танга қалқон бўл, илк муҳаббат.

Кенг дунёга сиғмаса волам,
Тор кўринса кўзимга олам,
Раҳм айлаб, тингла дил нолам,
Жонимга жон бўл, илк муҳаббат.

Майли тилсин бағримни ҳижрон,
Қалбим узра гулласа армон,
Қайда бўлсанг, майли бўл омон,
Жонга дармон бўл, илк муҳаббат.

Сени мендан қилмасин жудо,
Маҳшаргача айтма алвидо,
Иккимизни қўлласин Худо,
Менга имкон бўл, илк муҳаббат.

Меҳр билан боққанда кўзлар,
Кафтларимга қўнса юлдузлар,
Хаёлимда тизилса сўзлар,
Ўзинг достон бўл, илк муҳаббат.*

✍ МУХТОР ПАРДАЕВ

♻️@Muxtor_Pardayev

КЎНГИЛНИ АСРАНГ
*Тинмайин урмоқда яшаш дардида,
Умрингиз пинҳондир ҳар бир зарбида,
Ҳурлар тиз чўкмишдир доим наздида,
Омонат дунёда кўнгилни асранг!

Тўқиса ғанимлар иғвою туҳмат,
Бошингизга келса маломат, кулфат,
Балоларга мудом қилгайдир тоқат,
Омонат дунёда кўнгилни асранг.

Метиндек бўлса ҳам нозик мисли гул,
Яшамоқ ишқида уради нуқул,
Шайтонлар дастидан бўлмасин чил-чил,
Омонат дунёда кўнгилни асранг.

Жонимиз вужуддан бўлмасдан жудо,
Руҳимиз бу жонга айтмай алвидо,
Дарду ҳасратлардан қилмасдан адо,
Омонат дунёда кўнгилни асранг!*

✍ МУХТОР ПАРДАЕВ

♻️ @Muxtor_Pardayev

ШУКРОНА

*Қарсак чалар тонг билан,
Олтин тусли япроқлар,
Бобо Қуёшни йўлига
Энтикиб, ўзин чоғлар.

Шукр айтар ҳар қачон,
Берган зар нурларига,
Яшамоқда беармон,
Нур берди кунларига.

Кузга етди бехазон,
Нурга тўлди ҳаёти,
Қуёшга бағишлайди,
Қўшиқ, оҳанг, баёти.

Қалқимасин кўзда ёш,
Бу ҳаётнинг зарбидан,
Сўнмасин Бобо Қуёш,
Ҳар банданинг қалбидан.*

✍ МУХТОР ПАРДАЕВ

♻️ @Muxtor_Pardayev

🍃 Я Л П И З 🍃
*Тонгдан қуёшни кутиб,
Дарду ғамни унутиб,
Турфа ифор таратиб,
Солланиб турар ялпиз.

Ёмонлик йўқ ўйида,
Эзгуликнинг кўйида,
Эски анҳор бўйида,
Товланиб турар ялпиз.

Дилда жойлаб ғурурни,
Кутиб юрар сурурни,
Зулматда зиё, нурни,
Шодланиб кутар ялпиз.

Дўстга қилмас хиёнат,
Қалбида бор диёнат,
Меҳрни қилмай қаҳат,
Нозланиб турар ялпиз.

Ҳикмат бор ҳар нозига,
Нолимас кўп-озига,
Тақдирнинг ҳар созига,
Жўрланиб турар ялпиз.

Илон, чаён солса ниш,
Бошига тушса ташвиш,
Баҳорлари бўлса қиш,
Ёзланиб турар ялпиз.

Зеб бериб дала, сойга,
Ёқар фақиру бойга,
Юзларин тутиб ойга,
Солланиб турар ялпиз.*

✍ МУХТОР ПАРДАЕВ

♻️ @Muxtor_Pardayev

СОАТ МИЛЛАРИ

*Кўнгилни тўлдиринг назму навога,
Ёндош бўлиб яшанг роҳат, сафога,
Тараҳҳум айламай шоҳу гадога,
Чиқ-чиқ ўтиб борар соат миллари.

Қанчалар юк бордир ҳар бир зарбида,
Бой, фақир баробар унинг наздида,
Содиқу собитдир айни азмида,
Тинмай кетиб борар соат миллари.

Тинмайин айланар тўхтамас сира,
Қадами кимга оқ, кимларга қора,
Ҳар бир қадамидан унар хотира,
Тинмай кечиб борар соат миллари.

Ўтган ҳар онингга сира куйинма,
Уни тўхтатаман дея уринма,
Сулаймон бўлсанг ҳам абас, чиранма,
Тинмай ўтиб борар соат миллари.

Кимларга бол тутар, кимларга оғу,
Кимга бахт улашиб, кимларга қайғу,
Ўтган умртимизга берибон урғу,
Чиқ-чиқ кетиб борар соат миллари.
✍ *МУХТОР ПАРДАЕВ

♻️** @Muxtor_Pardayev

А Ё Л

*Қалби бир уммон,
Ранжитсанг ёмон,
Ҳурдир бегумон,
Малакдир аёл.

Бағишлар туйғу,
У бор йўқ қайғу,
Дилдаги орзу-
Тилакдир аёл.

Йўғу борингда,
Турар ёнингда,
Ҳар бир онингда,
Керакдир аёл.

Қалби меҳрга кон,
Сенга берган жон,
Қирқ жони қалқон,
Тиргакдир аёл.

Аёл-номус-ор,
Қилма асло хор,
Тунлари бедор,
Сергакдир аёл.

Безма кулфатдан,
Сақла туҳматдан,
Билгил жаннатдан,
Даракдир аёл.*

✍ **МУХТОР ПАРДАЕВ

♻️** @Muxtor_Pardayev

Байрам муборак бўлсин !

♻️ @Muxtor_Pardayev

1-даражали диплом
Ойнахол Мамазияева

♻️ @Muxtor_Pardayev

Сертификат барча қатнашчиларга.
Ёзиб олинглар