Men: Hayot mazmuni nimada?

DeepSeek: menimcha hayotning mazmuni - shu mazmunni qidirish jarayonida.

Yoki bo'lmasa mazmun mana shu "mazmun"ni izlamasdan, bizda vaqt oqimi haqida unutishga sabab bo'ladigan ishlarga e'tibor berishdir. Misol uchun: uzoq suhbatlar, musiqa, kechasi 2 da turib muzqaymoq yeyish...

———————————————

Men: Lekin vaqtni oqimini unutishga sabab bo'ladigan ishlar zararli odatlar bo'lsachi? O'yinlar, tarmoqlar, keraksiz suhbatlar.

DeepSeek: har qanday mashg'ulot muammoga aylanishi mumkin, agar u boshqa hamma narsani siqib chiqarayotgan bo'lsa. Bu yerda gap barcha ko'ngilochar mashg'ulotlardan qochish haqida bormayapti.

Asosiy ma'no - qalb uchun "sog'lom ozuqa" bilan "fastfood"ni farqlashda.
- Birinchisi senga quvvat beradi xoh u o'yin yoki kino bo'lsa ham
- Ikkinchisi senda yo'qotilgan vaqt va aybdorlik xissini paydo qiladi

P.S.
Suhbatning ko'p qismi qirqib olingan. Men faqat asosiy nuqtalarni keltirib o'tdim. Sizlarga ham bir suhbat qurishni maslahat beraman. "DeepThink" funksiyasini yoqsangiz, uzoqroq va chuqurroq o'ylab javob beradi.

@jahongirnematov_blog

GPT Wars

38 kun oldin "ChatGPT halokati" deb ta'riflanayotgan DeepSeek GPT modeli ommaga chiqarildi.

OpenAI dan bir necha marotaba kichik jamoa va 20 karra arzonroq, bepul model internetni portlatdi.

Natijada Amerika bozori kecha (27-yanvar) 1.5 TRILLION dollar yo'qotdi. ChatGPT DeepSeek tomonidan sindirildi.

Bir necha soat oldin AliBaba o'zining modelini chiqardi. DeepSeek ham sindi. Yangi model ChatGPT dan ham, DeepSeek dan ham kuchliroq.

Sun'iy intellekt sohasi katta inqilob ostonasida ( yoki allaqachon uni kechib o'tdi ).

P.S.
Sun'iy intellekt ishini sun'iy intellekt egallamoqda. Odamlarni ishini endi tasavvur qilavering ))

Aytgancha, aytilgan ikki model mutlaqo bepul.

@jahongirnematov_blog

Faktorlar

- Kuch
Hamma mushaklari bo'rtib chiqqan maxluq bo'lsa ham, to'rt marta ketmon urib beli og'rib, charchab qolishi mumkin.

- Bilim
Nufuzli univerni bitirib, bitta emas ikkita diplom olgan avtoritet bo'lsa ham, olgan bilimlarini ishlata olmaydigan keraksiz kadr bo'lishi mumkin.

- Kitob
Haftasiga ikkita kitob tugatadigan kitobxon bo'lib, o'qilgan narsa ustida tafakkur qilmasligi mumkin.

- Soha | Ingliz tili
IELTS va SAT dan yuqori ball olsa ham, kuchli ustoz bo'lmasligi mumkin. Biror nimani o'rgatish ham o'ziga xos qobiliyat. Bilim berish alohida san'at!

Hozir ko'p odamlar faktorlarga (mushak, kitob soni, diplom, sertifikat) erishishga intilib qolgan.

Ko'pchilik shu faktorlarga erishib bo'lgach o'zini kuchli odam; yetuk mutaxassis; sohaning professionali deb o'ylayapti.

Eng asosiy narsa qolib ketyapti - faktorlarni tadbiq qilish, ishlatish...

Miyadagi ma'lumotlar ishlatilsa bilimga aylanadi. Ishlatilmasa, ma'lumotligicha qolib ketaveradi.

@jahongirnematov_blog

Sun'iy Yo'ldoshlar

Bir muddatga paydo bo'lib, hojatini chiqargandan so'ng g'oyib bo'ladigan kimsalar.

Agar:
- yo'q bo'lib ketgan odam ahvolingiz bilan obdon qiziqsa
- siz tanimagan kishi sizni maqtashni boshlasa
- ismingiz oxiriga "jon" degan qo'shimchalar qo'shilsa
- tanishingiz besabab "beminnat" yaxshilik qilgisi kelib qolsa
- suhbatdoshingiz suhbat davomida noodatiy "mo'min qobil" режим ini yoqib olsa

ehtiyot bo'ling. U odam - sun'iy yo'ldosh.

Unga "yo'q" deyish kerak. Agar hech ilojisi bo'lmasa, so'ragan narsasini 10-15% qilib uzoqlashish kerak.

P.S.
Iloji boricha unaqa manipulyatorlar bilan masofa saqlash kerak.

@jahongirnematov_blog

Foydasiz shartnoma

Agar qadriyatlarni chetga surib qaralsa, nikoh - foydasiz "shartnoma".

- Mulkingni yarmini xavf ostida qoldirasan. Lekin evaziga biror nima olishing kafolatlanmagan.

- Qo'pol qilib aytsa, boshqa "ehtiyojlarni" ko'chada qondirsa ham bo'ladi.

Oilalarimizdagi birlik, poklik, go'zallik, muqaddaslik, baraka, hotirjamlik va boshqa jamiki yaxshiliklarning asosi - qadriyatlardir.

Yevropani ko'rdim...

"Otashin muhabbat"ning tafti susayganda, sabr bilan yondashish o'rniga ular boshqa "olov" qidirishadi.

Nimaga?

Qadriyat yo'q. Nikoh deganda hayoliga "shartnoma" keladi. Bunaqa риск ni ularga keragi yo'q ._.

Qadriyatlarimizni, chin insoniy fazilatlarimizni asraylik. Qolgani bir gap bo'lar... )))

@jahongirnematov_blog

Investitsiya

O'qishni bitirguncha qilinadigan eng yaxshi investitsiyalar:

- Til o'rganish: ingliz yoki rus tilini bilishingiz mehnat bozoridagi "narx"ingizni oshiradi. Keyinchalik kasbiy rivojlanish va ko'tarilishga ham kuchli ta'sir qiladi.

- Kompyuterda ishlashni o'rganish. Kompyuter faqat kontr o'ynash uchun mo'ljallanmagan. Hech bo'lmasa Word yoki Excel bilan ishlashni bilish kerak.

- Kitob o'qish: o'n bet ma'lumot o'qigandan ensasi qotib, uyqusi keladigan hodim bo'lmaslik kerak. O'qish ko'nikmasisiz kasbiy rivojlanish tursin, shaxsiy rivojlanib ham bo'lmaydi.

- Tayinli aloqalar: кучинский birodarlar bilan uzoqqa borib bo'lmaydi. Yaxshi tanishlar sizga keyinchalik kuchli jamoa tuzishga, yoki yanada kuchliroq aloqalar o'rnatishga yordam beradi.

- Soha bo'yicha tajriba: 0 dan boshlayotgan kadrlarning tez ish topish ehtimoli 0 ga yaqin bo'ladi. Soha bo'yicha juda kam tajriba bo'lishi 0 dan ko'ra yaxshiroq.

- Mustaqil o'rganish ko'nikmasi: aslida univer talabada kuchli mustaqil o'rganish ko'nikmasini shakllantirishi kerak edi. Lekin ko'p OTM lar bu narsani qila olmayapti.

Natijada, Google yoki YouTubedan bittaga o'rganish o'rniga, boshqa odamlarni bezovta qilib, vaqtini oladigan "mutaxassis"lar chiqishyapti.

O'zimda bo'lgan holat:
- Mana buni qanday qilsa bo'ladi?
- Googledan qarasang bo'lmaydimi?
- Unga vaqt sarflagim kelmadi
- #!@$% ))))

P.S.
Hozirgi davrda ish topish juda qiyin. O'zim va atrofimdagi tanishlarim 5-6 oy ichida zo'rg'a ish topganmiz.

@jahongirnematov_blog

Ayblash oson...

Xatoni, mag'lubiyatni, boshqaning kuchliroq ekanini tan olish nafs uchun juda og'ir holatlardan biri.

Shuning uchun ko'p odamlar boshqa tomonni nohaqlikda ayblay boshlashadi:

- Maktabimizda eng kuchli o'qituvchilar yig'ilgandi. Rahbarimiz o'ta qattiq, saralash va raqobat og'ir edi. Lekin ko'pchilik bizlarni "javoblarni sotib olishgan" ga chiqardi...

- Onam grantga o'qishga kirganlar. Tinimsiz mehnat qilganlar. Momom ba'zi juda qimmat test to'plamlarini "Matbuot do'koni" dan iltimos qilib, ijaraga olganlar. Ko'pchilik, "otasi pora bilan kirgizgan" deyishgan...

- Cyberkent tanlovida jamoalarimiz #1, #2 va #4 ni olishdi. Bizga dars bergan ustozlarimiz bilan "kiberpoligon" da shiddatli jang olib bordik. Ko'pchilik bizlarni birgalashib ishlaganda aybladi...

Birovni shunchaki nohaqlikda ayblash oson-a?

Ularga tushuntirganni foydasi yo'q...

Zo'rdan-zo'r chiqadi! Hammayam adashadi, yutqazadi. Asosiysi, shunday holatda biz o'zimizni to'g'ri tutishimiz kerak.

P.S.
Hamma hato qiladi, hamma adashadi )

@jahongirnematov_blog

Qiziq-a...

Tarixda bo'lgan bosqinchilik va urushlarni qoralaymiz.

Lekin istalgan strategiya o'yinni ochganda (Civilization, Cossacs, Total War) birinchi hayolga keladigan savol:
- "Qayerni bosib olsam bo'ladi?" ))

@jahongirnematov_blog

Kino / Teatr

O'tgan hafta tog'am teatrga olib kirdilar. Rostdanam kinodan ko'ra jonliroq ekan. Aktyolarning ijrosi ham tahsinga sazovor...

Lekin pyesa tugashi bilan yana bir bor amin bo'ldim, aktyor boshqa rol boshqa...

Kinoda jiddiy bo'lib, hayotda yengiltak bo'lishi; kinoda daho bo'lib hayotda befarosat bo'lishi; taqvodor rolini o'ynab amalda mutlaqo aksi bo'lishi mumkin.

Aslida aqlli va jiddiy odamlar - ssenarist va rejisyordir. Yozuvchi hamma qahramon va voqealarni kashf qiladi. Rejisyor kashfiyotni ko'rsatib beradi.

Boshqacha qilib aytganda: "Po'latni Po'lat qilgan aktyor emas, ssenaristdir". Aktyor uni mahorat bilan ijro etib bergan xolos.

@jahongirnematov_blog

So’z erkinligi deb jar soladigan, lekin kanalida negativ reaksiyani o’chirib qo’yadigan odamlarga hayron qolaman…

@jahongirnematov_blog