قصائد حسينية رجالية 🍃✍🏻
https://t.me/alhoosen_3i3
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 1 year, 3 months ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 1 year, 4 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 1 year, 5 months ago
صوركم
اللهم صل على محمد وال محمد ?
وين اليكل لخواني عني
من كربلا لليوم وني
من يوم ماراحولي الحنان...غريبه
ياحاله الماعدها خوان...غريبه
❀ــــــــــــــــــــ♦️?♦️ــــــــــــــــــــ❀
بالدموع بالدموع
افك ريجي بنعاوي وهم بالدموع
عالضلوع عالضلوع
احط ايدي واذكرنك عالضلوع
ضلمه وحافر الطفالي الشموع
خلص دمعها عيوني حزني نرسم بجفوني
يمته هلي يجوني من الغاضريه
مشتاكه روحي لغالي كلوله عن احوالي
وين الكمر كفالي يتعنه ليه
طبع السياط عله المتن ضال
واليا هضيمه عليه تنكال
ماطاب خويه جرح المتون...غريبه
الموت اجاني موش تبطون...غريبه
❀ــــــــــــــــــــ♦️?♦️ــــــــــــــــــــ❀
يغياب يغياب
لفاني الموت وانه انطر يغياب
يالحباب يالحباب
عزيزتكم مشت سكته يالحباب
يالطياب يالطياب
خلص شوفي بكثر دمعي يالطياب
شلعت دنيتي الفركه كلب وجدم محتركه
خا يمته خويه الملكه عذبني الفراك
وين الاعز من روحي والي يطيب اجروحي
ولموتي ماكف نوحي دلالي مشتاك
بالغربو. مشدوه كلبي
والعاشر الماخذلي تعبي
وبكربلا وين اليمرون...غريبه
يخبرون اهلنه موش يبطون...غريبه
❀ــــــــــــــــــــ♦️?♦️ــــــــــــــــــــ❀
ولحزان ولحزان
عمر خلص بالمتانه ولحزان
الخوان الخوان
جنازه وعايزه لمتون الخوان
الحنان الحنان
يدفنون الحنينه كون الحنان
بعد الاهل ذابحني بنص الكلب جارحني
فراك اخوتي الطيحني وشيبني الحسين
عذبني بعد خواتي شيبه بنعش خلاني
بتابوتي عشت احزاني وين العزيزين
ميته وجرح دلالي ماطاب
وعيوني مطبوعات بالباب
الغربه لاعباس وحسين...غريبه
والبكلب كلش بعيدين...غريبه
❀ــــــــــــــــــــ♦️?♦️ــــــــــــــــــــ❀
البيوت البيوت
ضلمه بلا زلم مسدوده البيوت
بلا صوت بلا صوت
هضيمه دياركم ضلت بلا صوت
اليموت اليموت
موش بكطعت انفاسه اليموت
ميته منهد ماشفته يابس دماه بشفته
بكثر السهام اعرفته ابن امي مكتول
روحي بقت مذبوحه من يوم شفت جروحه
يعالج عزيزي بروحه من سحك الخيول
ياعازه الخوان عازه
غربه مشت وحشه الجنازه...غريبه
وسفه اعله اختكم مامش اصياح...غريبه
احاه يفكد اخواتي ذباح...غريبه
❀ــــــــــــــــــــ♦️?♦️ــــــــــــــــــــ❀
صوركم صوركم
تشلع كلبي يوميه صوركم
كلبكم كلبكم
يهنيال الترب حاضن كلبكم
لوجوني هسه اخوتي افرح وانه بتابوتي
اكعد وافز من موتي وتلكه عباس
ياروحي كون تشوفه السابك علي معروفه
بالشيله اداوي جفوفه وحجيله الحساس
كل ساع افز من موتي فزه
يمرني العلى الروح شمعزه
ويشوف ضيمي ودمع العيون...غريبه
يرضه الغرب بيه يشيعون...غريبه
❀ــــــــــــــــــــ♦️?♦️ــــــــــــــــــــ❀
بصوت:
#كرار_الكربلائي
كلمات:
#سيد_صادق_الزملي
رابط القناه تليكرام لكتابه القصائد الرجاليه??
ــــــــــــــــــــــــــــــــــــــــــــــــــــــــــــــــ
رابط قناة لكتابة القصائد النسائية??
ــــــــــــــــــــــــــــــــــــــــــــــــــــــــــــــــ
#نسألڪم الدعاء?
Telegram
قصائد حسينية 🍃✍🏻
قناة رجالية حسب طلبكم***♥*** الكاتبة: نور الحسناوي***💕***
شتحبون انزل قصائد رجاليه ???
#يا_ابا_عبد_الله_ادركني
#كرار_الكربلائي
#مات_الولد_مات
ــــــــــــــــــــــــــــــــــــــــــــــــــــــ
مات الولد مات... مات الولد مات
مات الولد مات... مات الولد مات
❀ــــــــــــــــــــ♦️?♦️ــــــــــــــــــــ❀
ربيتك ابذاك التعب حد ما خلص حيل امك
لو عاجر اولا هل الخبر جابوك اليه ابدمك
من حضني مستعجل رحت مالحكت اشتمك
حته الدللول
من حلكي لجول
تبديت ماي اعله الرمل يمه وبعد شيلمك
❀ــــــــــــــــــــ♦️?♦️ــــــــــــــــــــ❀
لو ادري هيجي يلولد للموت عينك تلحك
جا لا شلت حملك تسع تشهر اولا بيك اطلك
تغفه واهفيلك جنت بشيلة عن لا تعرگ
وبروحي اغطيك
وصفن عمر بيك
ماجنت احسب بلذبح ولا عل الرمح تتعلك
❀ــــــــــــــــــــ♦️?♦️ــــــــــــــــــــ❀
عبد الله ارسمك علخيم لمن يجيني المغرب
بلكي خبر موتك حلم بلكي السهام اجذب
شلعوك من عثك الكلب مالحكيت اترطب
ميت يكولون
شيقنع العيون
للخيمه بيك حسين اجه بلكوه يمشي محدب
❀ــــــــــــــــــــ♦️?♦️ــــــــــــــــــــ❀
موعد حليب امك جزه... جايمته تكعد ترضع
جوه العبايه اولون الك ولدم خذاك وتلمع
روحي اطلعت يم ركبتك بس السهم مايطلع
ماضلت ادموع
يالون الشموع
عبد الله اموت الليله اذا... امناغه الك ما اسمع
❀ــــــــــــــــــــ♦️?♦️ــــــــــــــــــــ❀
يوليدي يل نحرك ترف... مو للسهم لناحت
من خذتك الزينب ركض... لوزت ركبتك طاحت
والما طلع صوت الها امس... كضت كلبها وصاحت
من دون الزغار
حصتك سهم حار
يبست دللولك على... شفافي وبسمتك راحت
❀ــــــــــــــــــــ♦️?♦️ــــــــــــــــــــ❀
بصوت:[ #كرار_الكربلائي]??
كلمات:[ #محمد_النواس] ✍??
ــــــــــــــــــــــــــــــــــــــــــــــــــــــ
تابعونا عبر قناتنه تليكرام?♥️
https://t.me/alhoosen_3i3
ــــــــــــــــــــــــــــــــــــــــــــــــــــــ
Telegram
قصائد حسينية 🍃✍🏻
قناة رجالية حسب طلبكم***♥*** الكاتبة: نور الحسناوي***💕***
](/media/attachments/alh/alhoosen_3i3/10.jpg)
شتحبون انزل قصائد رجالية اكتبولي اسم القصيده + اسم الرادود وانزلها لكم باذن الله✍?
#يا_ابا_عبد_الله_ادركني
#عباس_عجيد_العامري
#ندمان_ورجعلك
ــــــــــــــــــــــــــــــــــــــــــــــــــــــ
ندمان ونخيتك
توبت حر اجيتك
ماريد ابتعد عن خيمه اعيونك
الهج باعتذاري
راجع بنكساري
واقبلني عبد أخدم عبد جونك
راجعلك... مو مثل ذيج الجروح البيه
اقبلني... ابداعت الصاحت يفضه اعليه
من دونك... روحي كل لحظه بذنب مسبيه
رايد تربيلي كلب نبضاته كربله
❀ــــــــــــــــــــ♦️?♦️ــــــــــــــــــــ❀
وجرحني مولاي بجرح ماكو دوة أله
ولمصيبة العاشر تظل دمعاتي هامله
اقبلني اجيلك
اريد اصبح ذليلك
واريد ابجي لحد ما تنطفي أعيوني
عيشني بهيامك
واحركني بخيامك
مثل حرك المخيم يحترك لوني
❀ــــــــــــــــــــ♦️?♦️ــــــــــــــــــــ❀
يحسيني... منذور لك دمعي ولطمتي وعمري
وكون اني... بالحوافر انسحك ياذخري
ياغالي... مثل صدرك كون يصبح صدري
وي روحي بس لمصيبتك يتوالم الحزن
وضلوعي كون بمجلسك من لطمي تنسحن
ومرادف دموعي التصب وتجرح الجفن
❀ــــــــــــــــــــ♦️?♦️ــــــــــــــــــــ❀
الزمني أمن ادية... وتحافظ عليه
اخاف بسرعة اضيعن لوعفتني
بعطفك وبرحمتك... تشمل كلبي ردتك
عن دربك رحت ياما وصحتني
غطيني... بجفك المتروس رحمة وغيرة
واسترني... ابداعت الضلت وحدها بحيرة
وخليني... كبال عينك ياجبير الديرة
❀ــــــــــــــــــــ♦️?♦️ــــــــــــــــــــ❀
ياوطن للماله وطن ياسيد العشك
واليسهر الغيرك ذنب يامرجع الصدك
المايحترك بالحزن لايحجي بالحرك
ربيني اعله كيفك... وخليني بمضيفك
اصيرلك عبد والحد نزع روحي
موتني بعتابك... واجرحني بمصابك
على ضمنك اريدن ابقى بجروحي
❀ــــــــــــــــــــ♦️?♦️ــــــــــــــــــــ❀
اذبحني... بالسهم النامت بنص كلبك
والزمني... لاتخليني ابارح دربك
واجرحني... رايد بروحي يظل بس حبك
ماريد عنك انشغل وتغرني دنيتي
مولاي خايف تتسلب من عيني دمعتي
ميهمني كلشي سيدي بس همي خدمتي
❀ــــــــــــــــــــ♦️?♦️ــــــــــــــــــــ❀
بصوت:[ #عباس_عجيد_العامري] ??
كلمات:[ #حسين_حمدان_الدلفي] ✍??
كلمات:[ #مصطفى_المرشدي] ✍??
كلمات:[ #حسين_حيدرية_المالكي]✍??
ــــــــــــــــــــــــــــــــــــــــــــــــــــــ
https://t.me/alhoosen_3i3
Telegram
قصائد حسينية 🍃✍🏻
قناة رجالية حسب طلبكم***♥*** الكاتبة: نور الحسناوي***💕***
](/media/attachments/alh/alhoosen_3i3/7.jpg)
اطلبو قصائد للرادود حيدر البياتي والرادود عباس عجيد العامري?
#يا_ابا_عبد_الله_ادركني
#سامحني_وقبل_عذري
ــــــــــــــــــــــــــــــــــــــــــــــــــــــ
سامحني وقبل عذري
مجبوره امضي لكبري
وحدك اعوفك ياحيدر... وحدك اعوفك
فراكك ياعشرة عمري
اصعب علي من كسري
وحدك اعوفك ياحيدر
وحدك اعوفك
حيرني وضعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
علي يالما كفو غيرك الي ابهالكون
مثل زيجتنه لا كان او ابد مايكون
امر مكتوب من قبل القلم والنون
علي وي فاطمه فد منزل ينزلون
محمد والدي ضل يعتبرنه اعيون
ليش القوم رادوا للنبي يعمون
البيعه انكثوا بغيابه
أماحتى جف اترابه
بحقك اداعي ياحيدر... بحقك اداعي
عاليدعون اصحابه
درعك صرت بمصابه
بحقك اداعي ياحيدر... بحقك اداعي
يلمهري درعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
كل واحد يأدي ياعلي دوره
وانه الاديت دوري ابأكمل الصوره
لجل عيناك عيني الحمره مسطوره
أولجل جبر الولايه اضلوعي مكسوره
ما أطلب جزا واتقلي مشكورة
الطلب تعذرني لو عالفرقة مجبورة
تدري يحلوا الملقه
محد يريد الفرقه
يصعب وداعك ياحيدر... يصعب وداعك
احجي ابدليلي الحرقه
وابعبرتي مختنكه
يصعب وداعك ياحيدر... يصعب وداعك
يالوافي طبعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
انا كلشي إلك وانته الي كلشي
فخر يكفيني قلبك ياعلي عرشي
قسم باللي انطعن صدره ابرمح وحشي
رمح فرقاك صعبلي غمض رمشي
الموت الموت اريده او ينحمل نعشي
لجن ماريد عنك إرحل أو امشي
متحيرات اجروحي
اتفيض او تعرج روحي
لو ابقى يمك ياحيدر... لو ابقى يمك
يالتصغي صمتي او بوحي
ترخصني يخمد نوحي
لو ابقى يمك ياحيدر... لو ابقى يمك
امر واسمعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
انا اللي ابكل حروبك من جنت ترجع
أضمدك ياحبيبي او أذرف المدمع
غميجه اجروحك أو جانت دمه تنبع
او تكابر عالألم جدامي يالأنزع
لجن هاليوم اشوفك وانته تتوجع
مو هينه اعوفك وامضي للمضجع
بانت عليك الامك
من جدامك الحد هامك
تبجي اعله حالي ياحيدر... تبجي اعله حالي
منهو اليجر اسهامك
وانت باشد ايامك
تبجي اعله حالي ياحيدر... تبجي اعله حالي
يالتجري دمعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
على احساسك اخافن مو على احساسي
لهذا امن احتضر ماريد تقاسي
خل نفرض وسط حجرك تحط راسي
أو بين ايديك ألفظ اخر انفاسي
هالصوره تظل تذكرها ماناسي
يعز اعليه حالك يا أعز ناسي
يا اباالحسن خليني
وحدي واغمض عيني
رحمه ابشعورك ياحيدر... رحمه ابشعورك
اولاتمسح اعله اجبيني
اويمك امد أيديني
رحمه ابشعورك ياحيدر... رحمه ابشعورك
ذكرى او تصدعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
المحب ال وي حبيبه ايعيش كل دنياه
ابساعه موته ميريد ايتأذه وياه
يجيني الموت إنا ياعلي لله
او على امصلايتي الحبه او ارجاه
تفيض الروح من صدري ابزفير الآه
او تجي امن المجد او بس الجسد تلقاه
أختم سور قرآني
او تشهد ابأحزاني
مابيه مهجه ياحيدر... مابيه مهجه
ميته ابقهر تلقاني
واشما تهز جثماني
مابيه مهجه ياحيدر... مابيه مهجه
والدمعه شرعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
أموتن واجده اعله افلان ويه افلان
ابسببهم انحرم منك يبو الوجدان
علي ابموتي يعظم اجرك الرحمان
او تعزيك الملايك والانس والجان
سياف الحرايب جنت بالميدان
او دفان الحبايب صرت بالاحزان
الباري ابجلاله ذاته
أوحالك بأياته
صبراً جميلاً ياحيدر... صبراً جميلاً
جفنك جرت عبراته
غض فلبك ابأهاته
صبراً جميلاً ياحيدر... صبراً جميلاً
موتي يفجعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
وحقك ياللي حقك ياعلي اتسلب
قبل بابي ابغديرك اشتكي للرب
ادري ابموتي ثارك داخلك يلهب
الا ثبت إدين اللي دفعني أوتب
يمن صبرك غده من كل حرب أصعب
التزامك بالوصية ابهالامر أوجب
لو ماصبرت عليهم
جان اشيسوي بيهم
حد ذو الفقارك ياحيدر... حد ذو الفقارك
لارقبه يترك ليهم
او لجهنم ايوديهم
حد ذو الفقارك ياحيدر... حد ذو الفقارك
اوصيه او تمنعك
ماريد اودعك
❥❥ـــــــــــــــ✧?❤️??✧ـــــــــــــــ❥❥
تمت بحمد الله ?
الكاتبه: نور الزينبية?
بصوت:[ #باسم_الكربلائي] ??
كلمات:[ #علي_السقاي] ✍??
ــــــــــــــــــــــــــــــــــــــــــــــــــــــ
قناة لتنزيل القصائد الرجالية مع التلحين?
https://t.me/alhoosen_3i3
جدول تنزيل القصائد بالقناة?
يوم الاحد??تنزيل قصائد باسم الكربلائي+سيد فاقد الموسوي?
يوم الاثنين??تنزيل قصائد عمار الكناني+مسلم الوائلي?
يوم الثلاثاء??تنزيل قصائد محمد الجنامي+محمد بو جبارة?
يوم الاربعاء ??تنزيل قصائد علي الساعدي+علي الوائلي?
يوم الخميس ??تنزيل قصائد قحطان البديري+خضر عباس?
يوم الجمعه ??تنزيل قصائد مرتضى حرب+مصطفى السوداني?
يوم السبت??تنزيل قصائد حيدر البياتي+رادود حسب الطلب?
Telegram
قصائد حسينية 🍃✍🏻
قناة رجالية حسب طلبكم***♥*** الكاتبة: نور الحسناوي***💕***
](/media/attachments/alh/alhoosen_3i3/4.jpg)
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 1 year, 3 months ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 1 year, 4 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 1 year, 5 months ago