‏فيديو من الشاعر ابومحمد العاشور

‏فيديو من الشاعر ابومحمد العاشور

نصر الله ابنكم سيدي الموعود
غدرته غدر بالمعركه اليهود

نصرالله ابنكم وانت بي اعلم
يبوصالح موالي ومنكم اتعلم
بصواريخه على اسرائيل من دمم
راواهم الويل ازلامه كلها حيود
نصر الله ابنكم سيدي الموعود

راواهم الويل ويشهد العالم
حب المرتضى بدلاله ظل سالم
خريج الطفوف وعلم عالوادم
كل حر مايموت وللحشر موجود
نصر الله ابنكم سيدي الموعود

كل حر مايموت ويظل عالي الشان
ونصرالله علم يبقى برض لبنان
مثل ابن الصميده المنذبح عطشان
مايقبل الذله وجوده ماله حدود
نصر الله ابنكم سيدي الموعود

مثل جده المعظم سيد الاحرار
مايقبل الذله وحارب الاشرار
مطر سجيل بالحومه على الكفار
وشردوا للملاجيء يشهد المعبود
نصر الله ابنكم سيدي الموعود

قتلوا بالغدر بالغدر معروفين
وتعلم انت بيهم ياضوى العينين
يالتعرف وضعنه وزين تعرف زين
مدد نصرخ يمهدي والمدد مريود
نصر الله ابنكم سيدي الموعود

عجل جيتك يالثار والينه
وكض بيدك السيف واعتني لينه
ورد جمع الاعادي الهجمت اعلينه
وبجيشك اقبله يااملنه جنود
نصر الله ابنكم سيدي الموعود

خادم اهل البيت / ابومحمد العاشور (07810010732)
Telegram: Contact @Ashour313

ليش بالطف ياشمس مكسوفه
والـگمر مخسوف يم جروفه
تغيرت احوالي وهالسؤال ابالي
ليش بالطف ياشمس مكسوفه ****
ياشمسنه الدايره بهذا الفضاء
اعليج اقسم بالخلق ارض وسماء
ليش ما اصرتي ظلال بكربلاء
الزينب وعيلة وريث الانبياء
وانتي شاهد عالجرى حسين گــطعوا منحره
وابو فاضل گـطعوله جفوفه ليش بالطف ياشمس مكسوفه

ياشمسنه شلون جويتي الحسين
وانتي تدرينه امام المتقين
ظل ثلث تيام عالغبره طعين
هو وانصاره بقوا متوذرين
بلاغسل وبلا دفن وزينب اعليهم تون
وهي بحبال العده مجتوفه ليش بالطف ياشمس مكسوفه

مقصره انتي هواي ياشمس الظهر
ويه ابو الاكبر واهل بيته الطهر
والامر واضح الج كله الامر
لدين ربنه حسين ضحى بالعمر
واجب اعليج المغيب من وگـع دامي خضيب
وداسته اهل الكوفه ليش بالطف ياشمس مكسوفه

بموقفج ياشمس والله تحيرين
بياسبب جويتي بالطف الحسين
بعد ماگـطعوله عدوانه الوتين
وحرگـوا مخيم عياله الكافرين
بيج حاير ياشمس طعتي اصحاب الرجس
ومارحمتي زينب المعروفه ياشمسنه ليش جامكسوفه

لوله ابو اليمه بن سيد الورى
ياشمس تدرين مادرتي ترى
ولا فلك داير ولا ماء جرى
ومع هذا انتي طعتي الكفره
مارحمتي ابن التقى من على الغبره بقى
جرحه ياهو يروفه ليش بالطف ياشمس مكسوفه

ياشمس من هسه حضريلج جواب
هناك يوم الدين لوحان الحساب
عن قصورج ويه من صاير خضاب
وبقى بطف كربله نايم عالتراب
ليش ماصرتي عباء للذبيح لكربلاء
وقدريتي ظروفه ليش بالطف ياشمس مكسوفه

خادم اهل البيت / ابومحمد العاشور (07810010732)
Telegram: Contact @Ashour313

مصايب كربله الزينب لونها
شيبن راسها وغيرن لونها
ترد اجفوف كافلـــها لونها
جاسوه الحشر بالغاضريه
خادم اهل البيت/ ابومحمد العاشور

عساني الكربله يا خوي لاجيت
الفواطم من لهيب الخيم لاجت
وانه بلاوعي للــــــنار لاجيت
استرت بيها الوجه من ال اميه
خادم اهل البيت/ ابومحمد العاشور

راح الحيل يابو علي ونهار
ومابطل ونين ابليل ونهار
دمعي صار منه ابحور ونهار
ابيوم افترت الدنيه عليه
خادم اهل البيت / ابومحمد العاشور

كل ذاك الجمع عباس حاشه
ومثل حش الزرع للجيش حاشه
ملك نهر الفرات وكال حاشه
اضوكـ الماي كبل بن الزجيه
خادم اهل البيت/ ابومحمد العاشور

وحكـ الـــــــنبأ والكوثر وياسن
على مصابك يبن حيدر ويسن
دمع العيـــــن مايركد وياسن
يظل يجري لحـــــد يوم المنيه
خادم اهل البيت/ ابومحمد العاشور

وشاح الحزن بمحـــــــرم علا الدار
ابدموع العين قطعه اكتب عالدار
سلام الله على ابنك عـــلي الدر
وسلام الله على انصاره واخيه
خادم اهل البيت/ ابومحمد العاشور

الحزن رافكني من زغري ويهلاي
عليله ومــــارحت للطف ويهلاي
يصب الــــــدمع بجفاهم ويهلاي
وماينشف علـــــى البيهم حميه
خادم اهل البيت / ابومحمد العاشور

اكض الجيش بــــيديه وكلبه
وطلع روح واحــــــدهم وكلبه
احطه ابنار يوم الطف وكلبه
وانا راعي العــــلم يدرون بيه
خادم اهل البيت/ ابومحمد العاشور

لزم ردنه ابو فاضل وجفاه
وملك المــــوت بتاره وجفاه
شال الحرس بيمينه وجفاه
وخزر نهر الفرات ورجف ميه
خادم اهل البيت/ ابومحمد العاشور

وحكـ من ظلن اعله الراس يومن
اود كلـــمن ابحب حسين يومن
طفه انكتب بالــــــتاريخ يومين
يوم حســــــــــــين والثاني رقيه
خادم اهل البيت/ ابومحمد العاشور

وين الكه اخو مثلك حنيته
وادي كربله ابدمك حنيته
عليك الظهر ياخويه حنيته
لمن طـــــحت عالشاطي رميه
خادم اهل البيت/ ابومحمد العاشور

لوتسأل علي بعد بياحال
الحزن والاه بغيابك بياحال
اجذب لوكلت عكبك بياحال
معلل والهــــموم اتكود بيه
خادم اهل البيت/ ابومحمد العاشور

يزينب عالمه وعندج علم جان
سبع الكنطره الجن علم جان
تدورن من بعد عينه على مجان
تكعدن بالفواطـــــم حدر فيه
خادم اهل البيت/ ابومحمد العاشور

مجموعة ابوذيات

ماظلت خـيم يالحرم لمجان
بعدعين الاهل يمصاب لمجان
تدور عيونجن للنبي لمجان
لو للوصي وتشكله القضيه
خادم اهل البيت/ ابومحمد العاشور

لهيب الخيم بالعـاشر دوه الطف
وبصوت المله الاعله دوه الطف
لتـدوريـن بنت حـيـدر دوه الطف
دوري اعـلل يـتـامه بهـل مسـيه
خادم اهل البيت/ ابومحمد العاشور

وحـگ اللـي ارزاق الـخـلـگ جسام
مـصـابـج كــربـلـه للـگــلـب جـسـام
وخصوص مصاب بن الحسن جسام
الـحَـنَّـه جـفـــوفــه مـن دم الـمـنـيـه
خادم اهل البيت/ ابومحمد العاشور

يبنت النبي طاهر يمه لبنج
قسم بحسين اقسم يمه لبنج
دريتي اصار بالطف يمه لبنج
اعلي داست خيول الاعوجيه
خادم اهل البيت/ ابومحمد العاشور

عجب لحسين يالكرار ماييت
لمن وگـع عـالـتربـان ماييت
بعد عينه احس الگاع ماييت
وبقيت بلا ولي ذيج المسيه
خادم اهل البيت/ ابومحمد العاشور

ماريض ضـعنهم الي لاون
مـصـايب هلي للـدلال لاون
محتاره الوجه انطيه لاوين
بعـد مـاغـربوا وگطوا بيه
خادم اهل البيت/ ابومحمد العاشور

روح ام الحزن عالگمر لاجت
مـن نـار الـخـيم للـنـهـر لاجت
تـنادي للـشـريـعه ريـت لاجيت
وشفت حامي الضعن يمها رميه
خادم اهل البيت/ ابومحمد العاشور

ودعت الاهل وعضاي لاجن
وايـام الهـجـر يـاريـت لاجن
بـعـدهـم مـاأنـام اللـيـل لاجن
اظل مـنـاطـره ابـاب الـثـنـيـه
خادم اهل البيت/ ابومحمد العاشور

حسـين بعـيلته بعده ولاني
دهري من بعد عينه ولاني
لاظـلـيت يـم اهــلـي ولاني
مـيتـه ولايگـلـولـي سـبيه
خادم اهل البيت/ ابومحمد العاشور

الفواطـم دمـن بنينوى هامات
وزينب طلعت من الخيم هامات
تنادي اعلل مهر يامهر هامات
اخوي وگطْعِته سيوف المنيه
خادم اهل البيت/ ابومحمد العاشور

فراگ اهلي نحل روحي وسلها
وعليهم اجري دمعاتي وسلها
اطـب للـدار تـسـألــنـي وسـلها
عن احبابي واخص منهم رقيه
خادم اهل البيت/ ابومحمد العاشور

بنت حسين انه ودهري بيادار
وماادري بهـلي سـكـنوا بيادار
بروحي صارت همومي بيادار
جثن فوگي ويلوجـن حيل بيه
خادم اهل البيت/ ابومحمد العاشور

روحـي كـالـورد بـعـدك بلا راي
أتيه الـدرب من امـشـي بلا راي
عشت بجفاك بس جبده بلا راي
الهوى وطاري الهوى شحن عليه
خادم اهل البيت/ ابومحمد العاشور

تگلي يـاجـرح يحسين يلماك
جفي احتار بيك شلون يلماك
صعبه مصيبتك ياخوي يلماك
ابـد مـاصـح الك وقـت المنيه
خادم اهل البيت/ ابومحمد العاشور

بعدكم يخوتي دهري علي مال
خلني اميسره امشي علي مال
رغـم هـذا ولا واحـد علـي مال
شـروطـه وانـه تـربـات الزجيه
خادم اهل البيت/ ابومحمد العاشور

ألوج ولا ارض لاسمه يلماي
دلالـي من ازور النـهر يلماي
وأسـألـنه بدمع سـجاب يلماي
عليش اگطعت بحسين واخيه
خادم اهل البيت/ ابومحمد العاشور

اصيح بصوت يم حسين ونج
زيدي اليوم عالـمـظلوم ونج
الطمي عالصدر والهام ونج
مـحـنـيـة ظـهـر يـالهـاشميه
خادم اهل البيت/ ابومحمد العاشور

يزينب مابـقه صـيوان لاماج
سرتي بالضعن لا اخو لاماج
مدري يـاجـرح بالشام لاماج
طبـت القـصر لو فگـدج رقيه
خادم اهل البيت/ ابومحمد العاشور

بعـدك مـن يـجـي يـالغـبت يرحاي
يـنـزف مـاگــطـع للـيـوم يـرحـاي
وگـل لرحاي بطلن صفگ يرحاي
عـزيـزي الراح مـاضـن اله جيه
خادم اهل البيت/ ابومحمد العاشور

يرجف الكون ابو فاضل ويلكم
نزل تتجادح عــــيونه ويلكوم
خله الكوم تتــــرادم ويلكوم
وداس اعله الخيول الاعوجيه
خادم اهل البيت/ ابومحمد العاشور

الحومه من كصدها ويهه عــباس
صواعق سيفه بالطف ويهه عباس
ياهو الكال لثم ويــــــهه عباس
طبهه امفــــــــرع بن الهاشميه
خادم اهل البيت/ ابومحمد العاشور

شيعي ويظل عالي دوم علماي
ابينلك خبر والخـــــبر علماي
ابد مادنكـ العــــباس علماي
الماي الكامـــــله واده التحيه
خادم اهل البيت/ ابومحمد العاشور

عكس ليش الدهر وياي مندار
وحجيي لليفهمه عــدل مندار
النه بالمــــــــدينه دار من دار
جنح جبريل بيها بــــكل نويه
خادم اهل البيت/ ابومحمد العاشور

ياشهر الحزن هم علي رديت
واشوفن ليلة الـــــتوديع رديت
مثل حمزه الزغير بـــيك رديت
يامحله الوداع ابـــــهل اامسيه
خادم اهل البيت/ ابومحمد العاشور

نخت عباس زينب كـــــدها والله
هجم والروس خلهه كد هوه الله
لون ربه اذنله كــــــــــدها والله
الشريعه وجابها لخـــــته سبيه
خادم اهل البيت/ ابومحمد العاشور

الشيعه الزينب او خيها ولاها
شجاعه ولا كــــــدر واحد ولاها
اخوها الكال لا بالــــطف ولاها
زلزال او محه طـــــغيان اميه
خادم اهل البيت/ ابومحمد العاشور

هلي شجره ونبع منها يفرعون
تطيح السبعه لو رادوا يفرعون
وين تروح وجنــــودك يفرعون
اذا حان الحســــاب اعله البريه
خادم اهل البيت/ ابومحمد العاشور

هلال الحزن شفته وكلت لاهل
ياريت اهلال شهرك بعد لاهل
ماخليت عندي اخـــــــــو لاهل
كضوا كلهم ذبــــــح بالغاضريه
خادم اهل البيت/ ابومحمد العاشور

‏مقطع صوتي من الشاعر ابومحمد العاشور

الرادود الحسيني منتظر المنصوري

وين رايح ياعلي حاݘيني
ياهو الي بعدك يگرة عيني
انا زينب انا زينب

وين رايح ياعلي بهذا المساء
خاف روحك تعرج السابع سماء
وبعدك يحل بيه يابويه البلاء
الوكت لديار العده يوديني
انا زينب انا زينب

گلبي من تروح تدري ينصدع
واحمر اعله مصيبتك اجري الدمع
اعليك اقسم بالضلع وام الضلع
لاتروح ودون ابو اتخليني
انا زينب انا زينب

لاتغمض عينك وعني تروح
منهو بعدك ياعلي يضمد الجروح
وݘن اشوف بدنيتي مصايب تلوح
وبالحزن والهم اخلص سنيني
انا زينب انا زينب

زينبك انا يحماي الحمه
جيت اودعك يالتخضبت بدمه
من بݘيت اعليك بݘيت السمه
واملاك السمه نزلت تواسيني
انا زينب انا زينب

دم جبينك بالفرض ويلي يسيل
مصيبتك يابويه ماالها امثيل
شلون تتركني يبوحسين وتشيل
يادوى جروحي منهو اليداويني
انا زينب انا زينب

وين ثار الله عن الجره وصار
بالفرض انطبر جده حيدره
يمه ابوصالح سيفه يشهره
وياخذ بثار الوصي وحسيني
انا زينب انا زينب

خادم اهل البيت / ابومحمد العاشور (07810010732)
Telegram: Contact @Ashour313

الليله الاحباب تنادي ياعلي
الله وياك يبو حسين الولي

الليله الاحباب تردد هالنداء
مصابك امݘيد يسيد الاوصياء
لمن تغيب يحل بينه البلاء
وبالعده الدين بعدكم يبتلي
الليله الاحباب تنادي ياعلي

لمن تغيب يحماي الحمه
تصبح اعداك هيه الحاكمه
اتحرف الدين وتحكم بالدمه
امر الايام تتوضح جلي
الليله الاحباب تنادي ياعلي

ويلي عالراس يحيدر ضربتك
بالدمه نشوف تخضبت شيبتك
ظلت تنوح عليكم شيعتك
ودمع العيون على الوجنه ايهلي
الليله الاحباب تنادي ياعلي

يابو الاطهار اخو سيد الورى
نار المصاب علينه موجره
ويانه للموت تظل هيه ترى
وصوت الاحزان بسمك يعتلي
الليله الاحباب تنادي ياعلي

اسم ابوحسين كتبنه بكل گلب
مصابه هاليوم علينه شگد صعب
لجله العيون دمعها يظل يصب
صوابه للدوم ابد ماينجلي
الليله الاحباب تنادي ياعلي

ننصب اليوم مجالس للوصي
ونحضر الها ونشارك بالنعي
وصاحب الثار يجي ويانه يجي
نؤمن بهاي وحگ الله العلي
الليله الاحباب تنادي ياعلي

خادم اهل البيت /ابومحمد العاشور/ 07810010732)