ፀሀፊያን...
ፀሀፊያን ወዴት አላችሁ?!
ብታዩ የሆነ ነገር መጣልኝ challenge የሚመስል ግን ትንሽ ለየት ያለ ዘውግ ያለው ነገር
ማብራርያውን በኋላ ሰፋ አድርጌ እነግራችኋለሁ
የሚሳተፍ አለ 🙋‍♀*🙋***

**መስዋዕትነት እስከምን ድረስ?!

መብራት ማጥፋታቸው ሳያንስ (ሆ ሆ ብልሽት ይሁን ምንም ይሁን መብራት ሀይል ሆን ብሎ የሰራው የምናስመስለው ነገር እንዴት እንደሚገርመኝ) እንደልባችን ለኮስ አድርገን የምንጠቀመውም ጋዝ ጠፋ

የምጠላውን ከሰል ለመግዛት ስወጣ ቢታንያ (ሴት ልጄ) ከፀጉር ቤት ስትመለስ ተገናኘን እና አብረን እንግዛ ብያት ተያይዘን ሱቁ ጋር ሄድን።

"የአስር ብር ነው የምፈልገው" አልኩት "መቼ ነው ለመጨረሻ ጊዜ የገዛሽው" ሲለኝ ባለሱቁ ሊገዛ የተሰበሰበው ሴት ሳቀብኝ "ኧረ በቅርብ ገዝቻለሁ ምነው?!" አልኩት ውሸቴን "ችርቻሮ ሀያ ብር ከገባ አመት ሊሆነው ነው ብዬ ነው" ሲል ደግመው ሴቶቹ ሳቁ።

"ይሁን የሀያ ብርም ቢሆን ስጠኝ" አልኩት በግዴለሽነት ሻርፔን እያስተካከልኩ ይሄኔ "እማ" አለች ቢታንያ ከጀርባዬ መኖሯንም ረስቼዋለሁ

"አይገርምም ተቃጥሎ ነዶ እንኳን ደግሞ ጠቃሚ መሆን መቻል" አለቺኝ አጠገባችን የተከመረውን ከሰል እያየች "አዪ የልጅ ነገር አይ ቢቱ አሁን ከሰል ብርቅ ሆኖ ነው እንደዚህ የምትራቀቂው" አልኳት ከዛ በላይ አውርታ ድጋሜ እንዳታዋርደኝ ሰግቼ

እሷ እቴ ምኑም አልገባትም  "እውነቴን እኮ ነው ይሄ ከሰል እኮ ከመክሰሉ በፊት እንጨት ነበረ ከዛ በፊት ደግሞ ምናልባት ዛፍ ሆኖ ሰዎች ከፀሀይ ተከልለውበታል ጫካ ውስጥ ቆርጠው አንድደውት ሞቀውት ይሆናል አሁን ደግሞ በእሳት ተቃጥሎ እንኳን ደግሞ ለማብሰያ ይሆናል ደግሞ ተቃጥሎ ሲበቃው አመድ እንኳን ሲሆን እቃ የሚያጥቡበት ሰዎች አሉ በተለይ ገጠሩ ላይ"

"ስለዚህ?!" አልኳት ኮስተር ብዬ ደንግጣ ዝም ካለች ብዬ

"እንዴ አልገረመሽም? የሆነ ነገር አልተረዳሽም?!" አለች ገርሟት "ማለቴ ይሄ እንጨትም ሆነ ከሰል ባለፈበት በእያንዳንዱ ደረጃ ጠቃሚ መሆን መቻሉ አይገርምም ከእንጨት ወደ ከሰል ሲቀየር እንደድሮ ጠንካራ አይደለሁም ጠቁሬያሀለሁ በቀላሉ ተሰባሪ ሆኛለሁ ብሎ ጥቅመ ቢስ አልሆነም ከከሰል ወደ አመድም ሲቀየር ዱቄት መሆኑ በነፋስ መበተኑ በሆነ መንገድ ከመጥቀም አላገደውም ምናልባት እኛም ካለንበት ሁኔታ አንፃር ሳይሆን ማድረግ ከምንችለው አንፃር መረዳዳት ብንችል..." አላስጨርስኳትም

"መጥቀሙን ብቻ ነው ያየሽው በመጥቀሙ ውስጥ ራሱን ማጣቱንስ አላየሽም?! እና ራሴን እያጣሁም ቢሆን ለሰው ልጥቀም የሚለው አያሳምነኝም

"ከሰሉን አትወስዱም?!" አለ ባለሱቁ ወገቡን ይዞ

"የወጣንበትን ትተን..." እያልኩ ከሰሉን ገዝተን ተመለስን።

✍ናኒ**https://t.me/justhoughtsss

ውድ አንባቢያን ከሰሞኑ መጥፋቴ ተሰምቶኝ ይኸው ተመልሻለሁ✨

✨✨ማን ነዉ ጥፋተኛ!?

ሴተኛ አዳሪ ነኝ!የአዲስ አበባ ጉዶች:የሃዋሳ እብደቶችና ሌሎች መጻሕፍት የተከተቡለት...ቺቺኒያ:ዉቤ በረሃ:ዶሮ ማነቂያ ..ብዙ ቦግ ዕልም የሚሉ መብራቶች መኃል የተኖረ...ሴተኛ አዳሪነት ይጥፋ! አይደለም! ወንድአዳሪነትን ነዉ ቅድሚያ መከላከል ያለብን መሰል መፈክርና ክርክሮች የተደረጉለት ..ፍጻሜው ግን ተመልካቾችና የፃፉት ቀርቶ የኖርንዉ እኛም(አባል ነኝና)የማይገባን ምስጢራዊ ሕይወት ኗሪ ሴተኛ አዳሪ ነኝ፨

ወሲብ ለእኔ ሥራ እንጂ ፊልም ላይ የሚታይ፡ልቦለድ ላይ የተተረከለት የስሜት ማዕበል የተሞላበት አዳም ሔዋንን አወቃት የሚባልለት ጀብድ አይደለም፨ሥራዬ ነዉ ሥሜት አጡዟቸዉ ከሰከንዳት በፊት በምን ላድርግልሽ የሚንሰፈሰፋ ከጡዘታቸዉ በኋላ የሚጀነኑ ብዙ አይነት ሰዎችን ማስተናገድ ፨

የማንም ሰዉ ክብሩ ኩራቱ የሚደንቀኝ ሴት አይደለሁም፨በአደባባይ የሚሽቀረቀረዉ ጥይት መቶት ዉሃ ዉሃ እንደሚል ወታደር እግሬ ስር ሲንበረከክ አይቻለሁና ባልንቅም የማከብረዉ ሰዉ የለኝም፨የሰዉን ጓዳ ማወቅ ችግር ነዉ፨ምስሌ ተዛብቷልና ፈጣሪ ላይም አምጻለሁ ብዙ ተባዙ ምድርን ሙሏት ሲል የሰጠን ስሜት ግን....ብቻ ተሳስተሃልኮ ማለት ያምረኛል፨ፈጣሪ ባይሳሳትም!!

አብሬዉ የሆንኩት አፍቅሬዉ አይደለም፨ማፍቀሪያዋ የተሰበረባት ሴት ነኝ፨ምክር እንዳታበዙ አንዳንድ ስብራቶች አይጠገኑም፨አንዳንድ ነገሮች ሁለተኛ ዕድል የላቸዉም፨
ታዲያ ለምን...?

አስገድዶኝ ነዉ

በምን?

በፍቅር!!

አዎን! እንዴት? ባይገባኝም እኔን ያፈቀረበት መንገድ ከጤነኛዉ ግራ ጎን ፍለጋ ከፍ ብሎ እብደት ቀልቀል ሲያደርግበት ለጽድቅ ባይሆንም ተቀበልኩት፨

ራስ ወዳድ ነሽ?

አይደለሁም፨
እኔን ሊጠላ የሚችልበትን ብዙ ነገሮች ከነማስረጃዉ አቅርቤለታለሁ፨

ለእምነቱ ታማኝ ነዉና የሚፈራዉን ፈጣሪ እሳት ካላዘነብክብኝ የሚያስብሉ ኃጢአቶቼን ዘረዘርኩለት እንቢ አለ፨

በትንሽ በትልቁ ተከባሪ ነዉና ለማኅበረሰብ ሕግ ተቃርኖና በእነርሱ ሚዛን ምናምን አስነክታዉ እንጂ አትመጥነዉም መባሉን አሳየሁት አሻፈረኝ አለ፨

በእርግጥ አልክድም ያለሁበት ሕይወት እሽክርክሪት አዙሮኝ እንጨት እንጨት ሲለኝ ነዉና የመጣዉ እንደ አባትም እንደ ወንድምም ሲሆንልኝ ተደገፍኩት፨ችግሩ የመጣዉ እንደ ባል ሲሆን ነዉ፨መሽቶ አብሬዉ ስተኛ...ያኔ ሰዉነቴ ያምጻል፨

ሰካራም:ስሜት ያናወዘዉ ሁሉ ሲጨፍርበት የኖረ ስሜት አልባ ገላዬን እርሱም በወንድነቱ ሲጠጋኝ እፈራዋለሁ፨ከሌሎች የሴት ጭን ስር ተወሽቀዉ ሽንፈታቸዉን የሚያባርዱ ወንዶች ጋር ልዩነቱ ይጠፋብኛል፨ሌሎች እንዳሻቸዉ ለራሳቸዉ እርካታ ሲሉ ብቻ ሲፈልጉኝ:እርሱ ለእያንዳንዷ እንቅስቃሴዬ ትኩረት ሰጥቶ ስሜቴን ለመጠበቅ ሲጥር እጎድላለሁ፨መኝታ ቤት ዉስጥ ብቻ የሚባሉ ቃላትን እያንሾካሾከልኝ ምን ላድርግልሽ ሲለኝ የጤናማዉ ግንኙነት ምስሉም የለኝምና ይህንን አድርግልኝ ማለት አልችልም፨እንደ ፈለክ አድርገህ ተወኝ ማለት ያምረኛል፨
ያዉቀኝ የለ እፈታተነዋለሁ፨ከሁሉም ፍርሃቴ ይገዝፋል፨ንዝንዝ ያበዛዉን ባለተራ ብሩን አፍንጫዉ ላይ ወርዉሬ ዉጣልኝ እንደምለዉ ሁሉ እርሱንም ሂድልኝ ማለት ይቃጣኛል፨አእምሮዬና ልቤ ጠፍተዉ ሰዉነቴ ይቃወማል፨ሲጨልም ጎረቤት ልደር ብዬ ማስፈቀድ የሚያምረኝ ህፃን ልጅ እሆናለሁ፨እስከመቼን ሳስብ አጭር ናት በዘላለም መሃል ብልጭ ብላ ድርግም የምትል መብራት ናት የምትባለዉ ዕድሜዬ ትረዝምብኛለች፨

ከረጅም ሙከራ በኋላ ደከመኝ፨እርሱንም አደከምኩት፨ሕይወት አዳልታለት ጥሩ ቤተሰብ መኃል ነዉና ያደገዉ የእርሱ ሚስት መሆን ደከመኝ፨ለደግነቱ ባይተካከልም ዉለታ ልዉልለት ፈለኩ፨

እርሱም ከዳችኝ ብሎ እንዲጽናና:ሰዉ አይደል ባያወጣዉስ መመጻደቁ መች ይቀራል?ሌላ ሰዉ ጋር ወስልቼበት እንደሄድኩ እንዲሰማዉ አደረኩ፨አሙኝ አሉ :ያሙኝን ያሙልኝ ሌሎች ሰዎች...ፌዝ የሆነች ዓለም..

ወትሮም የአህያ ስጋ አልጋ ቢሉት አመድ አሉኝ ....ባከበራት እንዲህ ለዉጧት ከዚያ ሕይወት ባወጣት ይኼ ይገባዋል?
አሉ፨ለኔ ግን ሌላ የለኝምና ጻድቅ ልጃቸዉን መልሼላቸዉ ዉለታቸዉን ከፍያለሁ፨

ተወቃሽ ባልዘረዝርም ግና ደግሞ እኔም ከተመሰገኑት ጨዋ ሴቶች መካከል ያልሆንኩት ጉያቸዉ ባቀፏቸዉ ሌሎች ልጅና ባሎቻችዉ ምክንያት ነዉና የደኅና ሁኑ ስንብት የለኝም ፨

እርሱም ከኖረዉ ሊኖረዉ የሞከረዉ ልክ ነዉ፨እኔም ካኖረኝ ትናንት የተቀዳሁ ነኝና የራሴ እዉነት ተከተለኝ፨
ሁላችንም በራሳችን ሚዛን ልክ ነን፨ከፍና ዝቅ የምንለዉ በሌላ ሰዉ ሚዛን ስንመዘን ነዉ፨

ምክንያቱ ዉጤቱን ባይቀይረዉም ሄጃለሁ፨

✍️??????

https://t.me/yeesua_queen

"God is good all the time and all the time God is good"

#ትንሿ_ነበልባል
፡
ውዷ የኔ በአል በግርማ
      የታየች በልቤ አለም ላይ
ድርሰት አይደለችም ፊያሜታ ጊላይ
_//_
የ*ፊያሜት ጊላይ እውነተኛ መልክ ይህንን ይመስላል

✍ ኢዛና መስፍን
@topazionnn
@topazionnn
@eliyasshitahun
@eliyasshitahun

ሚካኤል በላይነህ እና
ጆኒ ራጋ

መውደድሽ

???
@old_musica

ሼር?

ያከሸፈቻቸው ያከሸፏት አገር!
(አሌክስ አብርሃም)

የ8ኛ ክፍል ተማሪወች እንደነበርን ነው። አንድ ቀን የሆነ አስተማሪ ቀረ። በዛ ክፍት ክፍለጊዜ ሁላችንም ደስ ያለንን ስንሰራ (አብዛሀኞቻችን ወሬና መንጫጫት) አንድ ምስጋናው? የሚባል የክፍላችን ልጅ ብላክቦርድ ላይ በወዳደቀ ቾክ ሁለት ሰወችን ሳለ። ስዕል ስላችሁ ይሄ ዝም ብሎ የልጅ ስዕል አይደለም፣ ባስታወስኩት ቁጥር የሚገርመኝ የግንባራቸው መስመር፣ ፊታቸው ላይ ያረፈው ጥላ ልብሳቸው ላይ ያለው ፓተርን ሳይቀር ፎቶ የሚመሳስሉ ፖርትሬቶች። ደግሞ የሳለው ምንም እያየ አልነበረም። እማሆይ ቴሬሳ ሁለት እጆቻቸውን እንደህንዶች ሰላምታ አገናኝተው ግንባራቸውን እንዳስነኩ እጃቸው መሀል መቁጠሪያ ተንጠልጥሎ፣ እንዲሁም ቀዳማዊ ሀይለስላሴ ከነንጉሳዊ ልብሳቸው። ወደጎን ዞር ብለው። ሁላችንም ተገረምን ተደነቅን። የስእሎቹ መጠን የእውነት ሰው ያክሉ ነበር።

ቀጣዮ ክላስ ጅኦግራፊ ነበር። ኮስታራው አስተማሪያችን ገባና ስዕሎቹን አየት አድርጎ "ማነው የሳለው?" አለ ። በአንድ አፍ "ምስጋናው" አልን በአድናቆት ጭምር። ራሱ ወደምስጋናው ወንበር ተራምዶ የያዘው ልምጭ ተሰባብሮ እስከሚያልቅ ቀጠቀጠው። እና በቁጣ "ይሄ የተከበረ የትምህርት ገበታ ነው ! ማንም እየተነሳ የሚሸናበት አይደለም ደደብ" ብሎ ደነፋ። ዳስተሩን አንስቶ አንዴ እጁን ሲያስወነጭፈው ሀይለስላሴን ለሁለት እማሆይ ቴሬሳን አናታቸውን ገመሳቸው። አጠፋፍቶ ማስተማሩን ቀጠለ። ምስጋናው ከዛ በኋላ እንኳን ሰሌዳ ላይ ወረቀት ላይ ሲስል አላስታውስም።

ብዙ ዓመታት አለፉ። አንድ ቀን አዲስ አበባ ፒያሳ መርከብ የምትባል ምግብ ቤት ምሳ በልተን ስንወጣ በር ላይ አንድ የጎዳና ተዳዳሪ በፌስታል ፍርፋሪ ሲበላ አየሁ ምስጋናው ነበር። ቢጎሳቆልም አልጠፋኝም። ዛሬ በምን አስታወስኩት? አንድ አሜሪካዊ ህፃን ሰሌዳ ላይ በቾክ የሳለው ስእል በአስተማሪዎቹና በትምህርት ቤቷ ርዕሰ መምህር ስለተደነቀ በቀስታ ሰሌዳውን አንስተው አንድ ቢሮ ግድግዳ ላይ እንደሰቀሉት አነበብኩ። ስዕሉ ለዓመታት እንዲቆይ የሆነ ነገር እናስደርጋለን ብላለች ርዕሰ መምህርቷ። አገር ባከበረቻቸው ትከብራለች ባከሸፈቻቸው ትከሽፋለች። ይህ ሒሳብ የገባቸው ብፁአን ናቸው። ለትውልድ ፍቅር ያወርሳሉና።

Destitution – I need those I could call mine

*I’ve been a lover,
That gives all he had,
Being there when needed,
As I friend I thought I succeeded.

But what did I do wrong?
Why was I left alone?
Where did everyone go when called for?
What did I miss along the way?

Tried way too hard to hold onto the tie,
Which held us together,
Since there was no response for what I gave,
I silently said my farewell and ended the bond.

A quester seeking to be pursuited,
I wait patiently for a mate,
Who would get hold of this heart,
And cure it how they like.*

✍Benon/Me