بە پشتبەستن بە بارودۆخی ئێستای کەسێک حوکم لەسەر داهاتووی مەدە، چونکە کات هێزی ئەوەی هەیە خەڵوزی ڕەش بگۆڕێت بۆ ئەڵماسی بریقەدار.

نوقتەی سەری دێڕ :
لەم سەردەمەدا زۆرن ئەوانەی لە خشتەی خزم و بنەماڵە داماناون! لێ لەکاتی تەنگانەدا بۆمان دەردەکەوێ کە ئێمە بەهەڵەدا چوین و فریومان خواردووە کە واماندەزانی ئەوان دڵسۆزو پاسەوانی ڕاستەقینەی ئێمەن و پاڵپشت و پشتیوانمان و لەکاتی تەنگانەدا دەمانپارێزن و ئابڕومان نابەن !
بەڵام بەداخەوە وادەر نەچوو!
بۆیە تکایە چاک وریابن بزانن صەمونی بێ گۆشت بەسەر کێ دابەش دەکەن 🤝

و، ب. بڕوا عبدالله خەلەکانی

قازانجەکانی هەڵە و شکست
(هێزی دەروون)

هەڵە و شکست، مامۆستای باشن. فێرمان دەکەن، بە ڕابردوودا بچینەوە، وەردی بدەینەوە، وانەی لێ وەربگرین، قبووڵی بەرپرسیارێتی بکەین و وڵامدەر بین. ئەمە دوورمان دەکاتەوە، تا بە ڕابردووەوە نەژین یان ئەوەتا شەڕی ڕابردوو نەکەین، چونکە ئەوانەی بە ڕابردووەوە دەژین و بەردەوام بۆ چارەسەری کێشە هەنووکەیییەکان پەنا بۆ ڕابردوو دەبن و هەمیشە برینەکان دەکولێننەوە، ئێستا و داهاتوو لە دەست دەدەن. بێ شک داهاتووی ئەوان، هەر ڕابردوویانە.
ژیان ڕووی لە داهاتووە نەک لە ڕابردوو، بۆیە پێویستە پەیڕەوی لە یاسای سروشت بکەین بۆ ئەوەی گەشە بکەین و دەسکەوتمان هەبێت.
هەڵە و شکست بەشێکی دانەبڕاون لە ژیانی ئێمە، بەڵام دەبێ ئەوەندە وریا بین کە هەڵەکان ستراتیژی نەبن، چونکە قەرەبووکردنەوە یان ڕاستکردنەوەیان تێچوویەکی زۆری گەرەکە.
هەڵە و شکست، یارمەتیمان دەدەن تا باشتر دۆست و نەیارەکانمان چۆنی هەن ئاوایان بناسین، نەک چۆنی پێمان خۆشە، یان ئەوەتا پێمان دەناسێنن.
هەڵە و شکست، یارمەتیمان دەدەن کە هەم خۆشەویستی و هەم ڕق بەری چاومان نەگرن، تا بتوانین شتەکان چۆنی هەن ئاوایان ببینین. هەروەها فێرمان دەکەن کە هەر خۆمان بەرپرسی هەڵە و شکستەکانی خۆمانین، نەک کەس و کەسانی تر، یان بە دوای هۆکاری هەڵە و شکستەکانمان لە دەرەوەی خۆماندا نەگەڕێین.
بۆیە هەڵە و شکست، فێرمان دەکەن کە ئاوڕێک لە ڕابردووی خۆمان بدەینەوە و، هەر خۆمان دەستنیشانی خاڵە بەهێز و لاوازەکانی خۆمان بکەین.
ئەوانەی پێیان وایە هەڵە ناکەن و تووشی شکست نابن، یان ئەوەتا بۆ هەر هەڵە و شکستێک لە هۆکاری دەرەکی دەگەڕێن و بەرپرسیارەتییەکەی دەخەنە سەر ئەستۆی ئەوانی تر و خەڵکی تری پێ تاوانبار دەکەن، هەم متمانە لە دەست دەدەن و، هەمیش بۆ متمانە نابن.
هەڵە و شکست، یارمەتیمان دەدەن بەهێز، چاوکراوە، نەرمونیان و جددی بین.
هەر ئاوەدان و بەهێز بێت کوردستان!
...
هێمن عەبدولقادر

هەوڵی بەدەستهێنانی شتی نوێ مەدە ، لە کاتێکدا خەریکە ئەو شتانە لەدەست دەدەیت کە موڵکی خۆتن!

پەروێز هوما

بۆ ئەو ھەموو ئازارەی ئەیچێژین
دڵخۆشییەک بەس نییە..🖤

ئارام ئازاد