فاطمه ياروحُ علي
======___
أفيقي فاطمة
نارُ الهجرِ لا ترحم حبيبآَ ارتجيكِ
أفيقي فاطمة
وعيناكِ ديارٌ اُغِلقَت أُنسِي اليكِ
أفيقي فاطمه
فارقتُ الحياةَ حينَ  فارقٰتُ يديكِ

ماصح صبر يتحمّل البية
بلّي جرى علية ==ماتَ التصبُّر
مو مثله حيدر من تركتيني
ما اوچّد بعيني == شوفي يعثّر
عمري نزل وي دمعي بفراگچ
يام بيتي محتاجچ == رديلي يالدُر

ياروح الطلعت ياروح = روحج لو روح المجروح
وانتي الحيدر روحه
ياروحي البين الجنبين =طلعت من غمضتي لعين
وانتي الحيدر روحه
فاطمه ياروحُ علي
======__
ضاقت دُنيتي
وهولٌ شِيبَ مِن أمرهِ رأسُ عليا
ضاقت دُنيتي
ولا أدري، التي فلقبرِ قد لاحت يديا؟
ضاقت دُنيتي
وروحٌ تلكَ لي ام للبتولِ حُرتُ فيا

ادفن وشاهد ادفن ابروحي
وبلحد ضج نوحي == وروح وحده
ولمن اهل اتراب بجفوفي
يقل اضوه بشوفي == وشلون شده
وتحيريت اودنيتي مالت
وهل حيره ماهانت == وگلبي شيهوده

ودموعي ماكضه نكاب =كل مازيح ابجفي تراب
وطولج عن عيني يضيع
متوسده اسنين العشره =ابين اترابج يلزهره
وطولج عن عيني يضيع
فاطمه ياروحُ علي

======___

يا حُزنَ علي
لا اقوَ أرى جُـثـمـانـكِ تحـتَ التُرابِ
يا حُزنَ علي
وعيناكِ وَ يُكسيها الثرى بعدَ الغيابِ
يا حُزنَ علي
ويا جُرحي الذي لا يَبرَأُ طُولَ شبابي

ماله شباب الفاگد ام بيته
والشيب تاليته == ايذبّل شبابه
صاحت عليچ النايحة صاحت
وبفگدتچ راحت == ذيچ المهابة
المشهوده اله من تالي يتجه
وكل حيله بي رجه == ودمعه خضابه

من تالي اتچه ابممشاي =عل حيطان وكلفه هواي
ودرب ادار امضيعه
اني الينعدل درب الكون =تاه  اعلية البيت اشلون
ودرب ادار امضيعه
فاطمه ياروحُ علي

======___
لا يبرحُ الهم
همٌ سرمدي عن قلبي يومًا لا يزُولُ
لا يبرحُ الهم
عدتُ خالياً من قَـبـركِ.. ثكلٌ ذَبولُ
لا يبرحُ الهم
وتاهَ مسرى خُطواتي لداري يا بتولُ

جلجل الليل اوتاهت اجدامي
والبيت جدامي ==  وماوچد البيت
بلــ يا علي گوه انگل الخطوه
واتعثّر واهوه == بعدج تاذيت
وكل ما تگرّب يعرض اكبالي
البسمار چتّالي == لو صوبه صدّيت

كل ماگرب كتر الدار = ابعيني اصد باب ونار
وترجع نفس اجروحي

ماگوه افتح بدي الباب =البي صدر الزهراء انعاب
وترجع نفس اجروحي
فاطمه ياروحُ علي

======___

ابكي وتبكي
خلفَ البابِ تبكي زِينّبٌ.. اُماً فقيدة
ابكي وتبكي
غياثٌ بينَ عينيهِا جرى امست وحيدة
ابكي وتبكي
حتى اُذبلت من بعدِكِ حُزنًا تزيده

تنحب عزيزة بيتنه وتنعه
ولو شفتي يلبضعه == نعيي المدلل
(اماهُ اين) اوتجري دمعته
وتهضمني نشغته == تناشغ اوتسال
اسنين الدلال الخمسه يفتقدن
لحب حضنج ايحنن == ودلالي انسل

هاي اول ليله اتمره = وحضنج ماهو يدثره
وحضن الام شيعوضه
يم زينب زينب حنت = ويم حجرت موتج انت
وحضن الام شيعوضه
فاطمه ياروحُ علي

======___

الخادم مصطفى الجبوري
الخادم كرار رحمن

من شفت فاطم طريحه
تــنادي فــضه ســنديني
تكربت وسمـــعه تنـــعه
اصقــــطُ مُـحسن جنيني
ودم اخــو اســاده تفايض
كل غلاته اتنـــضره عينـي

محزونه فاطم == لمحسنه تنعه
بلعـــتبه يـولد == وسنينه شمعه

وبلعتبه فاضت روح محسن ابنها
وكلب البتـــول ينوح يلهب حزنها
========================

السـده عــله ازهـره كله
بــغضن بــحيدر اسـاسه
هيه نقطت ضعفه عرفو
وبيهه ابو تراب انعكاسه
قاصت احلامه اكـــسروه
وفاضت احـزان القداسه

بــزهـــره رادو == كسرت وليه
المحد يكسره == يكسرونه بيه

بام داره صار اصواب راعي الشهامه
وبروحــه ضـــل الهاب يلجم هيامه
=========================

كســـرة ام الســـاده كلفه
بحيثُ يلجــــمها نفســها
وكـــابرت ضـــــمـت الاما
تستحــي حيـــدر يحـسها
وهـــوه مــجتوف ابوصيه
وحزنه اضوح من شمسها

والخد تضمه == لبي صطره حمره
عن لا يـشوفه == وتلـــجمه حسره

ضمــٌـت الام مــــوات عـن لا تشوفه
بكسرهِ يصب دمعات تهضم ضروفه
==========================

لاذت ابســد باب اهـلهه
وطبـــكو الــباب ابلٌـهيبه
ويلهـــب البسمار اجاهه
وعاب صدر اقدس حبيبه
ومن جــنح فراشه واتـرف
الضـلع جـــان المــــصيبه

ولعصره كادت === تكـــطع هواهه
وبلعصره نزفت === دمها وضناهه

تنزف عله لحيطان من دم صدرهه
وبغض بعلي العدوان رادو كسرهه
=========================

هل كلـــب كسره شيجبره
من اجو شـــمامـت امهم
وهـــمه مئـــواهم حضنه
وهـــيه ما تحــمل زعلهم
شبكه شبكه اتموت لاجن
فرحت اتموت ابحضنهم

وداعيه صارت === لحضنه الخيره
ومن فيض المهه === ماتت حسيره

تموت بدمـــع مدرار عـل فاركتهم
وصبِيه همه اصغار بيا هم جزتهم
=======================

الخادم مصطفى الجبوري

**بسم الله الرحمن الرحيم

إِنْ يَنْصُرْكُمُ اللَّـهُ فَلا غالِبَ لَكُمْ ✌️
وَ إِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَ عَلَى اللَّـهِ فَلْيَتَوَكَّلِ الْمُؤْمِنُونَ

من سورة آل عمران الآية ١٦٠**

موأليه
هاي اول طلعه اليه.      ومو اليه
لجن محسوبه عليه       شلون بيه
ابقه المن
جروح بيه اشكد يطوفن    ابقه المن
موتي ياروحي اشوفن.   موتج احسن

هلي
وياكون اضل بخيامي ويشبن عليه
لجن مدلولات ضعني مجلبه بيه
هلي
يمدللين احمول زينب هايه بتكم
امن احترك عزي ودلالي اشكد ردتكم

===================
اله هايه
ال يله فري دون رايه.      اله هايه
البيها شبت ثايه ثايه.       ابكفايه

ليش هزِل
كبل ماطلعانه وندل.     ليش هزِل
ولهضيمه دون محمل.   غصبن اقبل

هلي
الجينه بيهن شوف عيني تقاسموهن
ولهضم شوفي الهوادج من خذوهن
هلي
ولاعلك ضل من خيمنه اكبالي سالم
يا وسافه الكوم نهبت خدر هاشم

===================
اليا نويه
يزجر الحداي بيه        آليًا نويه
وحبله حز كلبي وديه.    بهل مسيه

شنهو حلي
انه ماماشيت ضلي        عمري كلي
وهسه ماشي لكاتل اهلي.    شنهو حلي

هلي
غرزت بلكاع اضم اثار جدمي
زحمه خطواتي تبات بكاع خصمي
هلي
هاي ماجانت عله اهل اساده تخطر
بنت ابو الحسنين بيه العرب تزجر
====================

باد حيلي
دربي تاه ابلا كفيلي باد حيلي
بصحاري اكضي ليلي ويلي ويلي

والله تصعب
الماله ديره وين يجهب والله تصعب
ولهوه الضهريه يلهب ااخ لوهب

هلي
الكوفه من ندخل سبايه احنه بضعنه
الفشله وادم حينه اشوفن من دخلنه
هلي
العده ثار ويهلي رايد مني ثاره
حيروني ومالي جلمه ودون جاره
===================

لبيت هلنه
ولا درب ياخذ ضعنه لبيت هلنه
ومال بلغربه حملنه وكل تعبنه

هاي شده
ياهو احشمه وغيره عده      هاي شده
لشاف ضعني بابه سده      ياهو انشده

هلي
الما رمتنه احجار والله بينه شمتت
بلصطوح وبل ازقه كلهه هبت

هلي
ستبطه موت امخدرتكم يا محنتي
هلبت ايحن موتي وخلص من غربتي
====================
الخادم مصطفى الجبوري

تنويه القصيده .. للخادم علي قيس الوريد
.

يا سوالف باجر كلشي بيها مهاجر
وظعن يسكن هيمه وعيله تكسر خاطر

____
باجر اعيون الهواشم ع الاموادع شابحه
وباجر بوكت الاموادع نايحه بصف نايحه
و محد ايلحك يسولف عن دلال البارحه
هو يقره حسين باجر اعله روحه الفاتحه

اوينسه كل أيامه وكعددته بخيامه
ويبقه خوف امكابر يفتر اعله ايتامه

_

باجر إمتاع الامفارك يكفي كل الطايفه
كلشي باجر يبقه ينطر يمته تكضي السالفه
يمته أبو فاضل يسافر حته تطلع خايفه
والله ما ترهم يباجر زينب اتظل واكفه

عل التلال اتناضر و كلشي بيه حاير
وماتشوف الغالي يا عذاب العاشر..
___

باجر املاگه اشكثرهه وتأخذ اشگد عافيه
باجر الروؤس العوالي تلاكي ظيم العاليه
وتلتقي اجدام الترافه بالرمال أو حافيه
و تشبك النار البروده البلمخيم غافيه

ويركض اعله الحومه جم جدم ملجومه
تلاكي جيش امناطر ياهو بعده ارسومه...
_

باجر ابهونك يباجر وي حرم مهضومه
باجر ايضلن بنات المرتضى بالحومه
وباجر احسين اعله رمله وتنسلبله اهدومه
وماتعرفه ادگوم اخته اتميزه من ادمومه

ولا عطر يبقاله تاخذّه الخياله
من يمرّه الحافر حالته يا حاله؟؟
_

باجر ايسلبون كلشي حته طيف اعليله
باجر الدمعه التطيح ما تچلب ابشيله..؟
تسلب الشمس العِلاوي كلشي ماي اتسيله
ومايضل بضعون زينب شي تضل تدعيله..!!

ينسلب كل فزعه...والامتاع اتودعه
ويبقه بس المدمع...ينزل ابلا رجعه
__

علي قيس الوريد

اجت ام اجتيل ابضاحيت هلطف
تناشد وينه تعب ارباي المدلل
وتعب ارباهه مابين الخيول انكف
الحنان البيهه جاباهه واجت تسال
محنيه وتدور اعليه == مابين الضحايه امه
======
دنت يم مصرع المذبوحه اوداجه
ولكت طوله اعله طول الكاع متشضي
ولكت شمس الضهاري بنحره مرتاجه
ولهيب ارمال حر اصيف مايكضي

مت عيني وتهفيله  == تبردله تريد الكاع
========°°°
يم اضلوعه كعدت امه تنعيله
تكله يابو حلو ارسوم النسحكن
واايا كسرت المحد يفييله
اليضل ابلا هله اضوعه يتكسرن

كضت ضلعه وتكله == ضلع ازهره متعور

ام وتشوف ابنه امسلب اومنحور
ومافوكه جفن وجروحه متكشفه
واثر نيشان دمه عل الرض منثور
وجروحه الف ياجرح الاتلفه
طعنه اسده طعنه اطك == جسمه بي الف طعنه
==========
بهضمك يمه ميت منقهر شفتك
هضم العافتك من دون متودعك
وحنين انته ويغيثك الحده بختك
مر بيه ابكفاك اوراحت ابدمعك

موتك جي خذو زينب == مسبيه ومتت مقهور

الخادم مصطفى الجبوري

#شور_خطاب_سيد_الشهداء_للاكبر_ع
**طلع من اخيامي ولفراك ابعينه
المنيه بخطواته تبدي بسنينه
علي الاكبر رايح وجرح فركا بينه

بضّمه وجرح الاموادع
بحضني شميته وحضنته
ولسه بيه اوليدي ضامي
وعينه ترسم عطش شفته

يبني علي === يا قرت النضر
يبني علي === يلكاسر الضهر
حسرت ابو === عايفه بداخلي
يبني علي === شيحمله هلقهر

======================

على اعيوني امگدر كمر ليله وليلي
توجه عالحومه وخذه شباقي بحيلي
اعله ترتيلت شمسه لصحاري توميلي
بيرغ الساده تمايل
وخوفي غرّب حدر انامي
اني اشوف اوليدي طايح
شلحك وبادن اجدامي

يبني علي === بكل خطوه الك طحت
يبني علي === شابچ العشره وصحت
راح الضنه === لخاويته بكبرتي
يبني علي === فجوه بيه عفت

======================

جرح خده ينكط عطش فوك اتربان
علي ذابل رسمه انذبح سيد اشبان
كسر ضهر اخيامي انكسر بيرغ عدنان

كسرت اشيوخ الهواشم
وصط ميدان ال اميه
ياحسافه تالي عمري
امشي وافرك  انه اديه

يبني علي === نايم فوك الثره
يبني علي === وشمس الله التصهره
بحر الرمل === نايم ياضنوتي
يبني علي === وحسنك اشغيره

======================

رحت كتر المصرع اعاين لوليديً
شفت طوله امدد جفل دم اوريدي
حملته وممصدك علي ميت بيدي

خنكتي وعبرت دليلي
وبدرب كله انه انعه
راحت ارسوم النبوه
وذرف الحسرات دمعه

يبني علي === دار الزمن صدك
يبني علي === وتاليه نفترك
ونار الهجر === شبت ابداخلي
يبني علي === بكل شهكه اختنك
======================

علي رد لخيامي لچن ميت ردهه
عله جثمانه التمن ودمع امه بخدهه
ودلال الفواطم مهجهن مارده

كربلاء اسويتي بينه
فرقيتي وراح شملي
تنحب اسكينه ورقيه
انكسرت وثگل حملي

يبني علي === هاي آلام ومحن
يبني علي === غاليه دموع الضعن
يامصيبتي === غافيه عيون ضوه
يبني علي === كل أحلام هون

======================
الشاعر مصطفى الجبوري**

يخويه ابو فاضل ==كسرت ضهر اخيك
اعتنيت الشريعه===الوكع بيه فيك
وعطاشه المخيم===يتانونه ميك

وصلت الفرات احبي ولكيت الدمه
دمه راعي صيواني كمر فاطمه

دوريته عل شريعه
وتعباني ومالكيته
ثاري راكض من تصوب
الدرب الخيام ابمنيته
وشايل ابحلكه جربته
راد بس يروي حميته
====
يبس حلكي خويه===بركض ذاكه ضهركً
ويحيرت ركضتي===خفت خويه اعبرك
نفس ماكو بيه===اِنه لهث ودورك

اعاين اخو خيامي بهجير الضهرُ
ولا عانت اجدامي اخو منكسرُ

العطش ماخذني خويه
وجيبني وتاخذني عثره
العايف اخيامه وجالك
لا تخجل الكاض ضهره
كوم كاودني لخيمنه
نومتك لضلوعي كسره
====
وصلتك حبيبي====عكب ذاكه تعبي
ونعيت الاخوه===وبقت عيني تربي
شبقه برسمه اخويه===عله الدنيه عتبي

عمت عيني ياخويه عله حالك بيجت
اجه المابقه ابحيله حبيبك دريت

من هوان الدنيه طايح
وماعرفت الياهوي شمك
ولعرف ضيعته بيه
عينك امغوشه دمك
تكتر ابروحك لغادي
ضنك الذباح يمك
=====
يخو الضامي نايم===اعله رمل الصحاري
وبقه الماله ناصر ===وحيد الضهاري
دنيت اعله خدك===اشم بنكساري

اشلعت كلبي ياخويه اعله حضني تعال
الرمل يجوي يمدلل ويذبل الجمال

بحضني طولك مدديته
وعله بختك فكلي عينك
مامعودني ابجي كترك
فز يلمتعب احسينك
وامس كعدتنه ابخيمنه
واعدتني ايضل حنينك
=====
نتهت يبن ابويه====هذيج المحنه
شرد انه دونك===وشكول الخيمنه
اليرد دون اخيه===المصايبه عمنه

لدرب ضعني من ارجع شماته اكو
امر وسمع احجايه اجه العاف اخو

لاون ابقه يم عضيدي
خيامي تحركه العساكر
ولاون ابقه يم خيمنه
كافلي تكطعه البواتر
حيريتو احسين بيكم
موتي بيكم مو بعاشر
====
الخادم مصطفى الجبوري

**يا بــو الاكـبر === أامرها السبعينك
يابـو الاكــبـر === رأيه احنه بجفينك
لجل لعيونك === طوفان انهد بيهم
يابـو الاكـبــر === فرسانك عد عينك

وبرهن اعيونك ++ كلهم يفدونك ،،
يبن الزهره تامرنه امر
حــيدر غلــمـانه ++ الليله اهنانه
لتوده يجرالك وابتشر

تربات ابوك الليــله اهـنا
صـيـوانـك بـدمـــنه نفدا
جبناهه من صفين لليوم
حيدر ونسله عكال شلنا

====================

زلم اخيامك === كل خندق للخيمه
زلم اخيامك === معشــر ال اشــيمه
يامــــــولانه === عاف الله اللي عافك
زلم اخيامك === ابــارك بــل هـــيـمه

لو تعطش كطره ++ نفيضه الصحره
بلغيره چم بير انفيض الك
حــدك دم حــدك ++ شـــيابك عدك
يافن اليوصل عتبت هلك

ليله ابو فاضل خــله يرتاح
فوك الــخيم متــمر الرياح
وما ينــزعج عبــدالله بليـل
حس النده انذبحه لو طاح
====================

يامولانه === مابينه اليخذلكم
يامولانه === طمنهه لحرتكم
بذر كلنه === منذورين لضعنك
يامولانه === ومخلوقين لحبكم

مابينه اليسرج ++ ليل ولايعرج
نتخذ من الموت احنه الجمل
الشكك هدمه ++ وكلك بلخدمه
بدم أرخ حبه ابلا خجل

ابو الحتوف وحبشـي وحر
بطف عليــك اكـلوب تكطر
ربح اليحبك يشتري الموت
شرايه ذوله ازلامــك انضــر
======================

ياسيد اروح === بلغيره اتحزمنه
ياسيد اروح === واسوارك شاربنه
انصار الحب === انصارك يّسيد
ياسيد اروح === قربانك منحرنه

تأذن هليله ++ العسكر ويخيله
ندفنهم حدر ابراك نهر
انطيبلك خاطر ++ ميصبح لعاشر
انبيد الحومه بلمح البصر

يشيوخ هاشم رخصه نطلب
الميدانكم احنه اول انطب
بياض الوجي للساده نفزع
ومحفوضنه اعله القاده اشطب
=======================

يبن الزهراء === بلغيره لمعكوده
يبن الزهراء === غايتنه المنشوده
ايات الطف === تتـــرتل بل حـومه
يبن الزهراء === سبعينك مشهوده

ريحانة جدك ++ ساقينا ابحبك
ابحبك ساقينه المرجله
نتفده ونبذل ++ ولامــراكم ذل
ياال الله وال المنزله

بتسبــيحة ام الساده گلنه
نستشـهد ابحــبك طلــبنه
ارزقنه حسن الموت ويااك
يحسين ياحــبنه وحـــربنه
=====================
الخادم
مصطفى الجبوري**