كانَ بشوشَ الوَجه؛ رائحتُه كالمِسك ﷺ

صلّوا عليهِ.❤️

دخول الغرب الإسلام بعد وفاة خالد النبهان، هيعلّمك ان الاصطفاء درجاته عمرها ما كانت محسوبة بمعايير الأرض، الاصطفاء ربّاني وبمعايير قلبية

دا لوحده هيكفيك عن اللهث وراء الدنيا والناس ويحطك على طريق "القلب السليم"

يا رب اجعلنا من ورثة النّعيم

النبي صلى الله عليه وسلّم نصحنا نصيحة ذهبية؛ والحقيقة أنا بقيت بطبقها في كل أمور حياتي وما رأيت منها إلا خيرًا

"سددوا وقاربوا وأبشروا"

يعني المسلم في حياته عامة؛ كل فترة بيبقى قدامه معطيات وأولويات وواجبات

فمثلًا في سن العشرين؛ قوتك في السن دا وقتك وصحتك البدنية ودراستك مثلا

فبتحاول تّسدد؛
والسداد يعني العمل بالقصد في حديث رسول الله صلى الله عليه وسلم

يعني يكون عملك فيه نية موافقة لمقصد الشرع؛ فأكمل النبي صلى الله عليه وسلم نصيحته وقاربوا؛ ليه؟

لأن الإنسان لن يؤتى كل جوانب الخير ويبلغ كل المقاصد مهما بذل لأنها دار بلاء

فالمسلم بيحاول قدر المستطاع بالإمكانيات اللي معاه؛ فمش بيتوقع إنه لازم يشتغل أحسن شغلانة في العشرينات؛ بيشتغل المتاح الموجود اللي يقدر ياخد بيه خطواته الأولى ويسدد ويقارب حتى يصل إلى ما كتبه الله عليه

وبعدها يقول المصطفى صلى الله عليه وسلم "وأبشروا" ♥️

يعني استبشروا بجزاء العمل اللي عملتوه وقصدتوا فيه بالنية الحسنة؛

ويفضل المسلم طول عمره يعيش بيعمل كدا؛
بيسدد
ويقارب
ويستبشر

وهو موقن إنه بذل وسعى على قدر استطاعته؛ وخد من الدنيا رزقه المكتوب؛ وكتب الله لسعيه في الآخرة عطايا أكبر من الدنيا

محدش بياخد من الدنيا أي كمال مطلق وأي سعادة مطلقة

فكونك تصبر في العشرينات على مسألة الزواج وهي حاجة ملحة؛ عشان تبقى مليونير الأول
دا منافي لمقاصد الإسلام

وكونك تتجوز ومتشتغلش وتبذل لأسرتك؛ منافي لمقاصد الإسلام

وكونك متجتهدش في مجالك؛ بحجة الرزق مكتوب؛ منافي لعقيدة المسلم

وكونك تسعى بكل ما أوتيت؛ ثم تجحد رزق الله لك؛ وبال على قلبك

لذلك من آكد المفاهيم اللي الشرع ربى عليها قلب المسلم "أتته الدنيا وهي راغمة"

مين؟
اللي الآخرة همه

والآخرة همه مش يعني مش مهتم بالدنيا؛
الآخرة همه لأن مقاصده من أعماله الدنيوية آخرته

فتلاقي المسلم الواعي؛ فاهم إن الزواج بيوسع الرزق

ازاي؟ ربنا اللي قال

وإن الصدقة؛ اللي هي بذل مال
بتوسع الرزق

ازاي؟ ربنا اللي قال

فأي معطيات قدامك دلوقتي كشاب مسلم في أي عمر؛ بتتعامل معاها بالتسديد والتقريب والبشارة كما قال النبي صلى الله عليه وسلم

فتشوف رضا في حياتك طول الوقت من أي اختيار وقرار ونتيجة

صلى الله على الحبيب الجميل محمد 💚☘️

جوزك لازم يشوف نفسه كبير في عينك وفي نفسك وقدام ولاده وعيلتك وعيلته

الخط الأحمر دا مبنقرّبش منه
خاصة في وقت الخلاف والخصومة وحتى الانفصال…

الأكونت الرسمي على Instagram
هنزل عليه محتوى مرئي عن العمل من البيت ومبادراتنا الداعمة للستات وسلسلة الذكاء العاطقي ❤️

https://www.instagram.com/maysammagdy_empowerwomen?igsh=MXNnZHY4MXBkc250Yg%3D%3D&utm_source=qr

شباب الموقع تقيل لأن في ضغط عليه؛ فاللي مش هيفتح معاه دلوقتي يجرب تاني بالليل لكن في ناس سجلت ❤️

منفعش بالليل، بكرة
متقلقوش ❤️?

"‏إذا أردت أن تتعرّف على مكامن الخير في شخصيّة الإنسان فابحث عن صفة الرحمة فيه، فإذا اتّسَم بها فكُن مُطمئنّاً له، فهي صفة أصيلة يتفرّع منها خِصال عديدة؛ كالإحسان، والعطاء، والإيثار، واللِين، والعفو، وإنّ الرُحماء في هذه الأرض رحمةٌ من ربّ الرحمة، وبهم تطيب الحياة، وهم هِبةُ اللهِ لأهل الأرض."

محمد كفافي

7 أسباب ليه الستات مبتحبش جوزها يخش المطبخ بحجة "متِتعبش نفسك يا حبيبي":

١- مجهود ذهني عاصف من عبارات التشجيع الكاذبة عن قدرته في تقليب التوم في الزيت ومحاولاته الهندسية في تصفية البطاطس من الزيت

٢- أكوام أكوام مواعين بلا هدف وبهدف وأوتسايد وهدف في مرمانا ومرمى الجيران

٣- طبعًا أي شيف محترف، عنده أسيستانت
اللي هو أنت يعني؛ فهتقطعي كل حاجة وتجهزي كل حاجة عشان هو يقلب المعلقة في الحلة وسط تصفيق حار من البرافو

٤- طبعا الرجالة ككائنات حية أليفة عايشة معانا عالكوكب؛ معلوماتهم ان في سكينة وشوكة ومعلقة
لكن ميعرفوش ان في أنواع معالق اخرى متعددة الاستخدام
فهيستخدم معلقة الشاي في تقلبيب الحلة

٥- هياكل نص الأكل إن مكنش كله وهو واقف في المطبخ ويحلي كمان ويقولك عايز أحبس بالشاي

٦- هيقعد يقول شعر متواصل لمدة ١٠ أيام عن مهاراته المطبخية مش زيك يا موكوسة

٧- هيحكي قدام حماته وخالته وصحباتك وكل أنثى عابرة في حياتك إنه طفحك من إيديه وعملك مكرونة محمرة أحلى من بتاعتك وبتاعت الست الوالدة وهو كل اللي عمله حط المكرونة في الصلصة

احنا فعلا يتقالنا عالمطبخ…

- عندي أطفال صغيرين وعايزة أشتغل بس مش لاقية وقت ومش عارفة أنظم بين واجباتي وأولادي

= متشتغليش!!

قبل ما نسأل هنشتغل ازاي؛ لازم تسألي نفسك عايزة أشتغل "ليه"؟

قال صلى الله عليه وسلم:

"إنما الأعمال بالنيات، وإنما لكل امرئ ما نوى"

فالنية لو مش صح، العمل كله مش صح

دورك كست بيبقى في بيتك الأول؛ أمورك مستقرة؛ زوجك راضي عن شغلك ولادك كبار وعندك مساحة تشتغلي؛ اشتغلي شغل حلال وحطي فيه نوايا كتير وادعي ربنا بالبركة

لكن…

ولادك ملهومش غيرك يرعاهم ويربيهم؛ ودا دورك الأول في الحياة والأهم واللي هتقفي تتحاسبي عليه قصاد ربنا عز وجل

أنا عارفة إن السوشال ميديا ضاغطة عليك كتير؛ ويمكن أكونتي أنا شخصيًا بيحسسك بضغط إنك لازم تشتغلي

لا؛ مش لازم!

لو لاقية نفسك في حياتك مستقرة ومش محتاجة الشغل ولا عايزة تشتغلي؛ متشتغليش واحتفظي بالجانب الهادي في حياتك

لو مضطرة تشتغلي؛ فأكونتي هيساعدك إنك تلاقي فرص شغل من البيت أفضل من الشارع؛ ودي الحاجة اللي بحاول أعلّمها للبنات ?

أنا ضد الشغل برة البيت للمرأة مطلقًا؛ وربنا من علينا بسعة بوظايف كتير للشغل من البيت؛ الرجالة نفسهم بقوا يشتغلوا في البيت

إحنا بنلاقي فطرنا وبنستكين؛ وبنقدر نستقر في كل حاجة حتى روحانيًا؛ واحنا في بيتنا مقفول علينا الباب بنعمل الحاجات اللي بنحبها…

متستجيبش لأي ضغط مجتمعي؛ خاصة لو عندك مسؤولية كبيرة تجاه أولادك

وأنا بعتذرلك عن أي حد في العالم حتى لو أنا حسسك إن دورك مش كفاية؛ وبدأتي تفكري أسيب ولادي الصغيرين دول وأشتغل ازاي ?

ولكن دي فترة ذهبية تبني بيهم نفسك؛ تذاكري؛ تتعلمي عقيدة؛ سيرة

تسمعي كورسات مجانية أو مدفوعة عشان لما يكبروا ويكون في مساحة؛ المساحات تتلاقى مع حد مؤهل نفسيًا وعلميًا وتبدأي ترتبي أولوياتك من جديد

نصيحة من القلب ?

ازيكم يا فتيات يا حلوات❤️
تحبوا نتكلم النهاردة عن تقصف الشعر؟
شيماء علوان