Кимнинг ҳузури деб ким сарсон бўлди,
Биров биров билан андармон бўлди.
Тарози палласи тенг келмади ҳеч,
Ким қиммат талашди, ким арзон бўлди.

Дерларки, жангдан сўнг ботир кўпаяр,
Иш осон кўринса, шотир кўпаяр,
Атрофда дарди йўқ талабгор бўлса,
Майдонда хашаки шоир кўпаяр.

Не учун ҳолимга ачинмайди тил,
Эртанги сўроқдан чўчимайди тил?
Оғзимга тош солиб, жим турай дейман –
Бекордан-бекорга қичимайди тил.

2009

© Беҳзод Фазлиддин @Behzod_Fazliddin

#Кутмаган_кунларим_кутган_кунларим

Уриндим - асроринг еча олмадим -
Хар битта жилвангда минг сирли тугун.
Фақат, Тангрим, кечир, бандаларингдан
Эрку, Озодликни кутганим учун.

Қичкирдим - бўгзимда қотдилар унлар,
Кўз ёшларим оқди сув каби бетаъм.
Ахир, Тангрим, кечир, қоронғу тунлар
Бўзлаб, йўл сўрадим, бандаларингдан.

Сенинг осмонингга етмади бўйим,
Ердан паст кўкларни айладим тавоф.
Фақат, Тангрим, кечир, бандаларингдан
Мангу саволларга изладим жавоб.

Раво айламайсан менга меҳрингни
Хатто кўргазмайсан ғазабу зуғум.
Фақат, Тангрим, кечир,бандаларингга
Бир қатра озодлик бермаганим-чун.

Қон ютган кўримлар учун кечиргин,
Бемаҳал ўлимлар учун кечиргин.
Кўзимнинг ёшлиги учун кечиргин,
Дунёнинг тошлиги учун кечиргин.

Кечиргин - кўйингда адашганимни,
Кечиргин - кўйингни танимаганим- чун.
Кечиргин - эрк учун талошганимни,
Ва эрк сенлигингни билмаганим-чун...

Усмон Азим

https://t.me/UsmonAzimijodi

2018-yil edi o‘shanda🫠🫠

#olis_yaqin_ovozlar

☆ ☆ ☆

Ranjima, so‘zimdan sezilmasa ishq,
Ranjima , sevgimni etmasam oshkor.
Ming bir Laylilarning sevgisidan ko‘p,
Senga tuhfa etar muhabbatim bor...

Lekin, buni oshkor etmoqlik dushvor,
Qalbda yashamoqda hadsiz andisha.
Sening ko‘zlaringda yashnaydi bahor,
Sening so‘zlaringda ishq bor hamisha!

So‘zing otashidan quyosh hayratda,
Mehring ziyosidan unga tuhfa et.
Yorug‘likdan yorug‘, samodan katta,
Qalbing dunyosiga meni olib ket!

Men esa aytmasman «sevaman!» so‘zin,
Kechir, dildan tilga ko‘chmas tuyg‘ular!
Senga pichirlayman sevgimni o‘zim,
Taqdir yo‘llarimiz bir bo‘lsa agar...

Qaysdek yashab turgin, bo‘lib devona,
Roziman, sevsang-u sevilaversam...
Ammo, ne qilayin ochiq oshkora,
Sevmoqlik gunohdek tuyulaversa...

Laylo SOBIR qiziYoshlikjurnali.uz@yoshlikjurnali

Sizlarga shifoxona, u yerdagi turfa taqdirlar va achchiq-chuchuk xulosa-yu anglarimni aytib beraymi?

Баъзан мени ортга қайтариб, илгарги ҳолимга келтириб қўйинглар дегинг келади.

Аммо вақтнинг, ҳаётнинг "ортга йўл йўқ" деган азалий ва абадий қонунияти эсингга тушгач чорасизликдан тинчиб қоласан.

Бир кун келиб ортга қайтишни истамаслик учун нима қилиш кераклигини ўйлаётганингда эса Достоевскийнинг: "Нима қилсанг қил, пушаймон бўласан: ё қилганларингдан, ёки қилмаганларингдан" деган афоризми ёдингга тушиб асабийлашасан.

Яна валдирай бошладим. Кўп ўйлайверсангиз менга ўхшаб валдираб-шалдираб қоласизлар))

Хуллас ҳозирни яшаб, ҳозирни ҳис қилиш, ҳозирдан фойдаланиб қолиш ўтмиш учун ҳам, келажак учун ҳам фойдалироқ деган қарорга келдим.
@qodirova_g

– Ўшанда жуда чиройли кетдинг... – деди эркак. –
Йигирма йилки кетишингни унитолмайман.
– Раҳмат. – деди аёл.
– На жанжал, на зуғум, на бир оғир сўз....
Фақат эсимда,
кетаётганингда елканг бетўхтов силкинди...
Йиғлаган эдингми?
– Йиғлаган эдим.
Ёшим тўхтаган йўқ
ҳали ҳануз ҳам...

Сукунат.

Эркак бош эгди.

Қанча уринмасин кўтаролмади бошини.

Елкаси эса,
силкингани-силкинган...

Усмон Азим

https://telegram.me/dilgamaktublar

Men hurmat qiladigan kam sonli san‘atkorlardan yaxshi klip.
San‘at ijtimoiylashib ketyapti deb qo‘rqaman ham bir tarafdan ommaga ta‘sir qilishda bu yo‘l eng yaxshi yo‘lligini bilib, ularni tushunaman ham. Chidash kerak- sinovlarga, mehnatga, oģriqlarga, kasallikda...
Ammo, aslo zulmga, haqsizlikka emas.
Ko‘ringlar va baho beringlar. Fikrlaringizni izohda qoldiring.

Og‘riqlarga limmo-lim, Bo‘lib osmonning ko‘ksi! Qorong‘uni kutmasdan, Yig‘ladi o‘ksib-o‘ksib! Kuylab momoqaldiroq, Ichidagin foshladi . Yomg‘irlar isyon bilan,  O‘zin yerga tashladi! Ko‘raversin dunyosi, Osmonda yurak yo‘qmi?! Bag‘riga joyladi yer…

Og‘riqlarga limmo-lim,
Bo‘lib osmonning ko‘ksi!
Qorong‘uni kutmasdan,
Yig‘ladi o‘ksib-o‘ksib!

Kuylab momoqaldiroq,
Ichidagin foshladi .
Yomg‘irlar isyon bilan, 
O‘zin yerga tashladi!

Ko‘raversin dunyosi,
Osmonda yurak yo‘qmi?!
Bag‘riga joyladi yer,
Chaqmoq qadagan o‘qni...

O‘zin bosolmay shamol,
Daraxtlardan oldi qasd.
Uzunterak yiqilib,
Joni uzildi xullas...

Tong yorishdi... Sokinlik,
Quyosh yerni ovutdi...
Ko‘k ko‘m-ko‘k ko‘ylak kiyib,
Og‘riqlarin unutdi...

Yuraging yonib ba'zan,
Iztiroblar qiynasa...
O‘tib ketar hammasi,
To‘yib-to‘yib yig‘lasang...