طاحت اعلى الگاع محّد شالهـا
وناحت السبعه بنحيب اطفالهـا
...... ......  ......  ......  ......

طاحت الآيه العظيمه ع الأرض 
شلون محّـد ليهـا ثـار و ينتفض 
الّي واجب حبها عالناس وفرض

نائـب ابليـس المسيّــه اغتالهــا
...... ......  ......  ......  ......

طاحت و محّد حضر ليها و فزع
وهذا وجه النور چاا ليش انصفع
الزهره نور الكون من منزلها شع 

لكـن  الأمــه  انكــرت  أفضالهــا
...... ......  ......  ......  ......

تعلعلت وأصبح صعب منها القيام
و الضلـع مـن ينهشـم مالـه التئـام
فاطمه البيها الشرع كلّه استقام

النـاس  عافتهــا  لجـل  عذّالهـا
...... ......  ......  ......  ......

توگـع اشما حاولت هيّـه النهوض
شلون تمشي الكلها آلآم و رضوض
اعليها يزداد الوجع وكت الفروض

ولو مشت تتسنـد إعلى اعيالهــا
......  ......  ......  ......  ......

الطاهره المنها امتلى العالم طُهـر
ليش من عدها الضلع من ينكسـر !
ليش من عدها الجفن من ينصطر !

والنـاس تالــي بايعــت انذالــهـا !
......  ......  ......  ......  ......

مره هيّه وضدها كل هذا الجمـع
شگد نحيله وعلى الحايط تندفـع
ضلـع واحد ينهشـم لو چـم ضلـع ؟!

و يفخــر ابهــذا الفعــل چتّالهــا
......  ......  ......  ......  ......

والهجم عالعتره والجاب الحزن
اليفـر وكت الحرايب من تشـن
الزهـره بالـدار و يگـلّلهـم و إن

يلعــن اللــه هالزنيــم الگالهــا
......  ......  ......  ......  ......

ناحت السبعه وعرش ربنه الجليل
حيـن بالعتبـه يگـع محسن چتيل 
للمنيــه هالضلــع بالــدم يسيــل

و بليـــل حيـدر للمگابـر شالهـــا
......  ......  ......  ......  ......

✍🏼علي نوري الحلفي

آه يا سيـد حسـن و مصـابـه
كرًر مصاب السبط واصحابه
🚩*🏴... ؟🚩*🏴 ؟ ...🚩🏴
(١)
ضد يزيد حسين من ثـار و نهـض
و هذا نصر الله لأجل دينه انتفض
حيد هذا الزلمه خض أمريكا خض

و اليـهـود ابـغيـرتـه مرتـابـــه
🚩🏴... ؟🚩🏴 ؟ ...🚩🏴
(٢)
شابه احسين ابثلاث من الصفات
بزود عزمـه وتضحياته و بالثبات
ما تهـمّـه اشمـا تجـور الموزمات

و نـار گلبـه اعلى الشرع لـهّـابـه
🚩🏴... ؟🚩🏴 ؟ ...🚩🏴
(٣)
زلمه وَحده بوگفته سيـد حسن
زلمه وَحده وبچّه أرجاس الزمن
والله حـوك و دفّـع إعداه الثمن

و موقفـه دوم اليهـود اتـهـابــه
🚩🏴... ؟🚩🏴 ؟ ...🚩🏴
(٤)
ثبت مثل حسين وبعزم الكفيل
و العـده گلـهـم ابايـع مستحيل
و ابد ما اعطيكم إعطاء الذليل

و لا أقــرّن للـكـيـان ارهـابـــه
🚩🏴... ؟🚩🏴 ؟ ...🚩🏴
(٥)
بينه عزم المرتضى وتدري اليهود
ما نطبّع حتى نمشي اعلى الورود
معركـة خيبـر عليكـم هـم نـعـود

و نقـلـعـه حصـن النفاق و بـابـه
🚩🏴... ؟🚩🏴 ؟ ...🚩🏴
(٦)
شفنا غزّه تصيح چا وين العرب
هذا مرحب يرتجز واعلينه طب
محّـد الغيـره خـذتّـه ولا غِضب

بس ترى شيعة علـي و احبابه
🚩🏴... ؟🚩🏴 ؟ ...🚩🏴
(٦)
كونـوا للمظلـوم عَـونـاً ع الظَلَـم
هيچ وصّانه الوصي بوصل الرحم
گـال ردّوا كلـمـن ابحقـهـم جِـرم

و لابـد الظالـم يـنــال احسابه
🚩🏴... ؟🚩🏴 ؟ ...🚩🏴
(٧)
تبقى يا سيـد حسـن عزّه و رمز
و اعلـى خاچيـتـك مجدنا يرتكز
بهل الوكت للدين بس انت المُعز

و انـت للأمـه الفخـر و اسبابـه
🚩🏴... ؟🚩🏴 ؟ ...🚩🏴
(٨)
خبر موتك من سمعنا بهالخبر
مثل ما نسمع خبر گطع النحر
و اللــه يا سيـد توذّرنـه وذر

ومو سهل وجهك علينا اغيابه
🚩🏴... ؟🚩🏴 ؟ ...🚩🏴

{{وَلا تَهِنُوا وَلا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ✨ إِنْ يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِثْلُهُ وَتِلْكَ الْأَيَّامُ نُداوِلُها بَيْنَ النَّاسِ وَلِيَعْلَمَ اللَّـهُ الَّذِينَ آمَنُوا وَيَتَّخِذَ.مِنْكُمْ.شُهَداءَ.ee وَاللَّـهُ لا يُحِبُّ الظَّالِمِين}}
✍🏼علي نوري الحلفي**

تسلم ايد الخامنائي
والله ما خيّب رجائي
يلّـي چفّـك حيدريه
عالحصون الخيبريه
والنعم چفّـك ولائي
🚀🔥🚀🔥🚀
١/
خيـبــر انعـادت عليـنـه..
و الفقـار ابچــف علينـه..
والنعم .. والنعم

ثــار نـصـــر اللــه خـذالـه..
وكل حصون أهل الضلاله..
تنهدم .. تنهدم

هاا.. و رجّف كل العالم
             و هاا و رجّف كل العالم
لمّـن طگهن باسرائيل
                  و رجّف كل العالم
🚀🔥🚀🔥🚀
٢/
أخذ ثاره بذو الفقاره..
و بالكيان اشتعل ناره..
وما رحم .. وما رحم

تعرف أمريكا اقتداره..
وحقّق الضربه بجداره..
من هجم .. من هجم

هاا.. وعاشت إيد السيد
              و هاا.. وعاشت إيد السيد
تصطر حيل وما ترتاب
                 وعاشت إيد السيد
🚀🔥🚀🔥🚀
٣/
و الّي گالوا مسرحيه..
شعرّفك بأهل الحميه..
والزلم .. والزلم

تگـدر اتجـرّب مثلهـا..
ترجّف اسرائيل كلهـا..
وما تهم .. وما تهم

هاا.. اليندگ بأهل النيبه
و هاا.. اليندگ بأهل النيبه
خي يطم راسه وي النعام
اليندگ بأهل النيبه
🚀🔥🚀🔥🚀
٤/
ع الّي صاير مانجامل..
وصلت اهيه ويه الأراذل..
للعظم .. للعظم

اويه العده اليوگف يقاتل..
هذا أكيداً هوّه قابل..
بالظلم .. بالظلم

هاا.. الطّگه بخصمك وحده
            و هاا.. الطّگه بخصمك وحده
واعلى الخاين طگ مرتين
             الطّگه بخصمك وحده
🚀🔥🚀🔥🚀
٥/
حاشا ما غمضوا دقيقه..
امن الصواريخ الدقيقه..
والقصف .. والقصف

ما يمهني ابن الرفيقه..
و الّي مايروي الحقيقه..
ينعرف .. ينعرف

هاا.. و ناتنياهو اتورّط
          هاا.. و ناتنياهو اتورّط
صار ازماطه ويه الفقّار
و ناتنياهو اتورّط
🚀🔥🚀🔥🚀

الحمد لله قاصم الجبّارين🌹
✍🏼علي نوري الحلفي

خيمة العباس جر منها العمود
يعني يا زينب اخيّچ ما يعود
........?.........?........
١/
عـاد مـن مصرع أخيّـه امـن النهـر
حسين من هالساعه مكسور الظهر
گـوّه يرفـع جدمه من جور الدهـر

بعيـن أبـو السّجـاد مُظلـم الوجـود
........?.........?........
٢/
بيا وضع روحه و دليله انوصّفه
و الوجود ابأكملـه بعينـه انطفى
مثل كسرة حيدره ع المصطفى

ع الكفيـل حسيـن دلّالـه يجـود
........?.........?........
٣/
رجــع لكـن گـوّه يرفـع للجدم
اتمنى ما يوصل لعد حد الخيم
چم جرح شايل دليله وچم ألم

ريت بخلافك يخوي اسكن لّحود
........?.........?........
٤/
رجع لكن منحني حسين الغريب
رجع حتى حاجبه لاحه المشيب
ونّـتـه الصم الصخر والله تذيب

صفت أيام الدهر بخلافه سود
........?.........?........
٥/
وا أخـاه اينــادي بالگلـب الجريـح
حجة الله من الجره يگوم ويطيح
عگب اخيّه بالسبط ضاگ الفسيح

حين شافه مرتمي و بلايه جود
........?.........?........
٦/
شافته يگوم ويطيح إعلى الثرى
هالمصيبــه هــواي بيــه امـأثّــره
ويـن اخـوي اتگلّـه يبـن الطاهره

ويـن كفّالـي يخويـه الكلّـه زود
........?.........?........
٧/
گلها وفّى اوياچ يختـي ابمهجته
و كـفــو مـن أم البـنـيـــن الربّـتــه
الچ ضحّى ابيمنتـه و هم يسرتـه

و عينه ضحّالچ عگب هاي الزنود
........?.........?........

✍?علي نوري الحلفي
١٠/ محرم الحرام/ ١٤٤٦

#موشح..
عندما ظل الإمام الحسين عليه السلام وحيداً فريداً..
?
?

ظـل وحيـد و دمعـتـه ابجفونـه
من الظمى ما ظل تشوف عيونه

وا حسيناه وا غريباه وا وحيداه
...................................
١/
ظل وحيـد ومنفجع وگليبـه ذاب
و الأهـل كلهـم علـى وجـه التـراب
اعليهم ايصيح وأبد مامش جواب

امذبّحيـن ومـا تـرى ايسمـعـونـه
وا حسيناه وا غريباه وا وحيداه
...................................
٢/
ودّع الأطفال و الكـون ارتجـف
لكـن ابتوديـعـه للحـرّه اختـلـف
دمـع عينــه عالعقيلـه ما نشـف

يـدري عگبـه كـل طفـل يسبونـه
وا حسيناه وا غريباه وا وحيداه
...................................
٣/
حاوطوه الگوم وهوه ابلا نصير
وظهره من المشرعه أصبح كسير
يدير عينه وشنهو ينظر من يدير

ينظـر أرجـاس و دمـه يطلبونـه
وا حسيناه وا غريباه وا وحيداه
...................................
٤/
بـيــن خيّـالـه و فـوارس بالألـوف
فرقــه بـرمـاح و نبـل فرقــه بسيـوف
امن الظمى تختض صفت منّه الچفوف

و العــده ابـنبـل وحجـر يرمونـه
وا حسيناه وا غريباه وا وحيداه
...................................
٥/
وا حسينـاً وا غريبـاً وا وحيــد
لا بگالـه ناصـر ولا ظـل عضيـد
وا جريحاً ضاهده ثگل الحديد

و غريـبـــاً و العــده ايشـتـمـونـه
وا حسيناه وا غريباه وا وحيداه
...................................
٦/
امن الظمى ونزف الدمه ماظلّه حيل
تـمـيــل ويّـاه الفـرس كـل ما يمـيــل
چنّـه يحسيـن أقترب وكت الرحيـل

و الخـدر عگبـك تـرى ايهـتكونـه
وا حسيناه وا غريباه وا وحيداه
...................................
٦/
ويلي برماح ونبل ترمي اللّئـام
و المثلـث طيّحـه دون السهـام
عالرمال اللّاهبه يطيح الإمام !!

و ابجبـيـنــه الطّاهــر ايضربونه
وا حسيناه وا غريباه وا وحيداه
...................................

✍?علي نوري الحلفي
٩/ محرم الحرام/ ١٤٤٦

يا زعيم الشيعه  يا سلطانها
بفگدك اليوم اعتلت أحزانها 
?*?*?????
1/
يا زعيم الشيعه يا روح المحب
شيعتك هاليـوم لاجلك تنتحب
والمدامع  حمره  لمّن  تنسچب

لان  فگدت  هالمسی  ربّانها
???????
2/
انت   ربّان  السفينه  و الشراع
والشرع لوما وجودك والله ضاع
انت من شمس النبي نور وشعاع

و العقيـــده ثـبّـتـــت أركانهــــا 
???????
3/
انت  يا ركن  العقائد  و الفقه
والمذاهب صوب علمك تتجه
انت يا عقد الفريد  ابلا شِبه

ومن علومك هالامم عنوانها 
???????
4/
من  علومك  تغترف  كل  البشر
وابّحر  علمك  نشاهد  بس  درر
شجره طيبه ادروسك وچان الثمر 

مؤمن  الطاق  وابن  حيّانها
???????
5/
مؤمن الطاق ابعلومه مفخره
يحير كلمن يجي ليه يناظره
وجابر  وکل  العلوم  النادره

شجره والصادق روی أغصانها 
???????
6/
لكن العدوان كسروا چم غصن
والألم  يتوارث  الكم  والحزن 
خلّوا  الزهراء  كل  ليله  تون

بين  مسموم  و ذبح  شبّانها 
???????
7/
امصيبه الصادق تشيّب كل گلب
بني العباس اعلنوا ضدّه الحرب
مثل امه الزهره هم داره تشب

و السقيفه  ما  طفت  نيرانها
???????
8/
عياله صارت بين نيران وجمر 
طفت  لکن  نار  گلبه  تستعر 
سيدي يگلّوله انت ابو الصبر

والعده  شگد  کرّرت  أضغانها
???????
9/
مو إلي يكللّهم المدمع يسيل
على زينب صار دلّالي ذِهيل
بين نيران الخيم وبلا كفيل

تصيح محّد جاها من وليانها
???????
✍? علي نوري الحلفي**

#قصيدة_گعدية**..
.
.

أحقاد الأجداد.. ورثتها الأحفاد.. بالصادق تنعاد
وادم تكفيريه ... گوم الوهابيه
???????
١/
مستمـر نهـج الضلالـه  و الخديعـه و المآثـم
من زمن آدم جذوره ولحـد ما يظهـر القائـم
مانبي ومُرسل تخلّص من حقدهم والمظالم

هـابـيــل هـذا أول جـرح
ويحيى النبي راسه برمح
و حسيــن مثـلــه ينذبـح
                         وانسبت ذيچ الفواطم

من نفس الأفكار.. گبر الصادق صار.. واضح بس احجار
أحقاد ابليسيه ... گوم الوهابيه
???????
٢/
الصادق ابفقه وعلومه شافت العالم عجايب
بهل العلوم الاحمديـه  اتنوّرت باقي المذاهب
نال الاسلام ابزمانـه  أشرف و أعلى المراتب

هالعالِم الفـذ و الشهم
تحوي دروسه كل علم
شخصيه لازم تنكرم
                     موش گبره اويه الترايب

أشياخ التكفير.. بس عدهم تفكير.. تهديم وتفجير
أفكار الرجعيه ... گوم الوهابيه
???????
٣/
فضل للصادق علينه  و مدرسة طلّابه تشهد
من هِشام ومن زُراره  و جابـر ابعلمـه تـفـرّد
وكل تطـوّر بالبريـه  ابفضل جعفر بن محمد

بس الّي ربّـك ماسخه
و افكاره كلها امفخّخه
واقصد هذيچ المشيخه
                           حتى ما خلّتله مرقد

منهج آل الشيخ.. تفجير وتفخيخ.. تشويه التاريخ
ملّتها اجراميه ... گوم الوهابيه

???????
٤/
ولو حچينه إعلى المراقد عن حكمها بالشريعه
جائز وشوف البخاري گبته والحضره وسيعه
وبس قبور العتره تُهدم إي لأن وِلد الوديعه

قُـرآنُـنــا  قَـد  أورَدَا ??فصيح
وبسُورة الكهفِ النِّدا
ابنُوا عَلَيۡهِم مَّسۡجِدا 
                        و هالنهج واجب نطيعه

واحفاد الشيطان.. ضد نهج القرآن.. ما خلّوا بنيان
من دون انسانيه ... گوم الوهابيه
???????
٥/
شلون كل منهج تعرفه على الحق لو ع الرديه
المُحـق يـتـبـــع علينــه الباطـل ايبـايــع أميـه
ويه اليهود تشوفه واگف ويعادي أتباع الزچيه

واجب يطبعون وفرض
ولامريكا يتراكض ركض
ايطيّح صواريخي ابّغض
                           ويگول عنها مسرحيه

أحفاد أهل الفيل.. منهجهم تضليل.. دوم ويه اسرائيل

بذره ابريطانيه ... گوم الوهابيه
??????
٦/ بيت المصيبة

الصادق ورغم الجراله مانسى الطف وعذابه
ولو قره الناعي بشجونه المدمع ايغرّگ ثيابه
وبيته من شبّوها ناره مانسى حسين ومصابه

طفّاها والمدمع جمـر
گلـولـه مـولاي الصبـر
گلهم دموعي عالخِدر
اعلى زينب والسبايـا ابلا مخيّم ع الترابـه
.....................**

✍? علي نوري الحلفي