✔️ Bunda, savdo yoki xizmat ko‘rsatish qoidalarini ko‘p miqdordagi qiymatda buzish quyidagicha miqdorida jarima solishga sabab bo‘ladi:
🔹fuqarolarga BHMning 70 baravari (26 mln 250 ming so‘m);
🔹mansabdor shaxslarga BHMning 80 baravari (30 mln so‘m).
📋 Shuningdek, tovarlar savdosi yoki xizmat ko‘rsatish qoidalarini juda ko‘p miqdordagi qiymatda buzish BHMning 300 baravaridan 600 baravarigacha (112 mln 500 ming so‘mdan 225 mln so‘mgacha) miqdorda jarima yoki 2 yilgacha axloq tuzatish ishlari bilan jazolanadi(https://t.me/huquqiyaxborot).
⚠️ Ammo, birinchi marta jinoyat sodir etgan shaxs, agar u jinoyat aniqlangan kundan e’tiboran 30 kunlik muddatda savdo yoki xizmat ko‘rsatish qoidalari buzilishining oqibatlarini bartaraf etgan va yetkazilgan moddiy zararning o‘rnini qoplagan bo‘lsa, javobgarlikdan ozod etiladi.

Ulug‘bek BEKMURODOV,
“Odil advokatlar”advokatlik firmasi advokati

*🌐*** @JAMIYAT_UUZ

📃 28.10.2024 yil kungi O‘RQ-985-son Qonun bilan Ma’muriy javobgarlik to‘g‘risidagi kodeksga o‘zgartirish kiritilgan
➖ Unga ko‘ra, maxsus avtomatlashtirilgan foto va video qayd etish texnika vositalari orqali qayd etilgan yo‘l harakati qoidalari buzilishi to‘g‘risidagi ma’lumot jarima solish haqida qaror chiqarishga vakolatli bo‘lgan shaxsga 48 soat ichida yuborilmagan taqdirda, ma’muriy huquqbuzarlik to‘g‘risida ish yuritilmasligi belgilangan(@advokat24uz).
✏️ Ma’muriy huquqbuzarlik to‘g‘risida ish yuritilmaydi degani nima degani ?
➖ Bu degani maxsus avtomatlashtirilgan foto va video qayd etish texnika vositalari orqali qayd etilgan huquqbuzarliklar manashu 48 soat ichida jarima solish to‘g‘risida qaror chiqaradigan organga yuborilmasa sodir etilgan huquqbuzarlik uchun jarima qo‘llanilmaydi degan gap.

Sherali ESHKUVVATOV,
“Odil advokatlar”advokatlik firmasi advokati

*🌐*** @JAMIYAT_UUZ

Bugungi kunda shaharu qishloqlarimizda ko‘p qavatli uylar, madaniy-maishiy inshootlar barpo etilyapti. Shu o‘rinda savol tug‘ilishi mumkin: qurilish obyektining shaharsozlik va texnik meyorlarga mos kelishi yoki kelmasligi; qurilish inshooti va bajarilgan ishlarning aniq bir sinfi, turi, xili bo‘yicha tegishliligi; turar-joy, jamoat va ishlab chiqarishga mo‘ljallangan bino (bino qismlari) va inshootlarni meyoriy hujjjatlar asosida, hisob usuli bilan bozor narxini aniqlashda qanday huquqiy hujjatlarga tayaniladi? Yoki baholovchi tashkilotlar tomonidan ko‘chmas mulk obyektini baholash yuzasidan tuzilgan hisobotlarni mulkni baholashning yagona standartiga va O‘zbekiston Respublikasi meyoriy hujjatlariga mos kelish yoki kelmasligini; binolarning cho‘kishi, namlanishi, ishlarni noto‘g‘ri bajarilishi oqibatida bino va inshootlarning (konstruksiya yoki elementlarini) qulashi, suv toshishi, pardozlash ishlarining shikastlanishi hamda ish jarayonida baxtsiz xodisalarning sabablarini aniqlashda kim mas’uliyatni zimmasiga oladi?
Bu kabi masalalarni hal etish fuqarolik, jinoyat, ma’muriy va iqtisodiy ishlari bo‘yicha sudlar hamda tayinlovchi organ xodimlar zimmasida bo‘lib, muayan ishlarni hal qilishda fan, san’at, texnika kabi qator sohalar bo‘yicha maxsus bilimga ega bo‘lgan ekspertlarning xulosasiga tayaniladi. Xususan, sud qurilish-texnikaviy ekspertizasi muhandis-texnikaviy ekspertizaning turlaridan biri hisoblanadi. Loyihalash, qurilish, bino va inshootlardan foydalanish, baholash bo‘yicha bilimlar mazkur tekshiruv ilmiy asoslarining poydevoridir.
Binolarni loyihalashtirish, qurilish va ekspluatatsiya bo‘yicha loyiha-smeta va ishlab chiqarish-texnikaviy hujjatlari, turar joy, jamoat va ishlab chiqarishga mo‘ljallangan bino va inshoatlarning kadastr hujjatlari, muhandislik tarmoqlari hamda shu bino va qurilmalar sud qurilish-texnikaviy tadqiqot obyekti hisoblanadi.
Yuqoridagilarga qo‘shimcha ravishda, sud qurilish–texnikaviy ekspertizasi hal etadigan asosiy vazifalarga sirasiga yana quyidagilarni kiritish mumkin:
turar-joy, jamoat va ishlab chiqarishga mo‘ljallangan binolarning qurilish, shaharsozlik, texnikaviy ekspluatatsiya meyor va qoidalari talablariga javob berish yoki bermasligi;
qurilish obyektlari va bajarilgan ishlarning narxi;
qurilish obyektlari yoki konstruksiyalarini ekspluatatsion yoki funksional sifatlarini qisman yoki to‘liq yo‘qotish sabablari;
qurilgan yoki qayta qurilgan binoni, bajarilgan qurilish, ta’mirlash yoki qayta qurish ishlarini loyihaga to‘g‘ri kelish-kelmasligi;
ko‘chmas mulk obyektini qayta tuzish imkoniyatlarini (turar joylardan foydalanish va bo‘lish);
turar-joy, jamoat va ishlab chiqarishga mo‘ljallangan bino-inshootlarning meyoriy hujjjatlar asosida hisob usuli bilan bozor narxini aniqlash;
yer ta’mirlash-qurilish va qurilish ishlari smeta hujjatlarining asosli yoki asossizligini aniqlash;
maydonlarini, yerdan foydalanish huquqini qiymatini baholash;
Bu kabi masalalarni hal etish jarayonida dalillarga baho berish, protsessual qonun talablariga muvofiq, dalillar aloqadorligi va maqbulligi qoidalariga qat’iy rioya qilgan holda amalga oshirish muhim ahamiyatga ega. Muayan bir ishni ko‘rishda ekspertiza tayinlash va uni o‘tkazish, ekspertning xulosasiga huquqiy baho berish va uni dalillar majmui tariqasida ishga dahldorligini aniqlash sudyalardan hamda tayinlovchi organ xodimlardan mas’uliyatni talab qiladi.

G‘olib ABDUJALILOV,
X. Sulaymonova nomidagi Respublika sud-ekspertizasi markazining Samarqand viloyat bo‘limining qurilish bo‘limi yetkachi eksperti

*🌐*** @JAMIYAT_UUZ

‼️14 Dekabr - shanba kuni barcha tashkilotlar uchun ish kuni!

5 kunlik ish haftasida ishlaydigan xodimlar buni hisobiga 30 Dekabr - dushanba kuni dam olish kuni bo‘ladi

🌐 @JAMIYAT_UUZ

Yangi yil arafasida bang‘illoqlar mavsumi boshlandi
‼️Senat ogohlantiradi

Agar siz shunchaki bang‘iloqdan foydalansangiz ham yangi tahrirdagi ma’muriy kodeksga ko‘ra 💵7 mln so‘m jarima to‘laysiz.

💥Perotexnika vositalarini sotganlar esa jinoiy javobgarlikka tortiladi.

🌐 @JAMIYAT_UUZ

Qonun bilan himoyalangan farzandlikka olishning sir saqlanishini ta’minlash (Oila kodeksi 153-moddasi) maqsadida sudlarning e’tibori mazkur toifadagi ishlar, shu jumladan farzandlikka olishni bekor qilish va haqiqiy emas deb topish haqidagi ishlar ham, yopiq sud majlisida ko‘rib chiqilishiga va bu masala ishni sudda ko‘rishga tayinlash haqidagi ajrim bilan hal etilishi lozimligiga qaratiladi.
Ishda ishtirok etuvchi shaxslar ularga ma’lum bo‘lgan farzandlikka olish bilan bog‘liq ma’lumotlarni sir saqlashlari zarurligi, shuningdek farzandlikka olish sirini farzandlikka bola oluvchilarning yoki vasiylik va homiylik organining erkiga qarshi oshkor qilganlik uchun O‘zbekiston Respublikasi Jinoyat kodeksining 125-moddasiga binoan jinoiy javobgarlikka tortilishlari mumkinligi to‘g‘risida ogohlantirilishlari lozim. Bu harakatlar sud majlisining bayonnomasiga kiritiladi va mazkur shaxslar tomonidan imzo bilan tasdiqlanadi. Fuqarolik ishi yopiq sud majlisida ko‘rilishi to‘g‘risida sud majlisi bayonnomasida va hal qiluv qarorida ko‘rsatiladi.
Oila kodeksining 167-moddasiga muvofiq farzandlikka olingan bolaning tug‘ilishini qayd etish daftariga zarur o‘zgartirishlar kiritilgan kun farzandlikka olishning vujudga kelgan vaqti hisoblanishi sababli bolaning mulkiy huquqlarini (hadya, meros tariqasida yoki xususiylashtirish natijasida vujudga kelgan mulkiy huquqlar va h.k.) himoya qilish to‘g‘risidagi talablar farzandlikka olish haqidagi ariza bilan birgalikda ko‘rilishi mumkin emasligiga sudlarning e’tibori qaratiladi.

Baxtiyor FARMONOV,
fuqarolik ishlari bo‘yicha Toyloq tumanlararo sudining raisi

🌐 @JAMIYAT_UUZ

O‘zbekiston Respublikasi sog‘liqni saqlash vazirining 2015-yil 20 martdagi 25-son buyrug‘i bilan tasdiqlangan yo‘riqnomaning 31-bandiga asosan Ambulatoriya sharoitida parvarishga muhtoj bo‘lgan o‘n to‘rt yoshdan katta bemorni parvarishlash uchun yetti kalendar kunidan oshmagan muddatga mehnatga layoqatsizlik varaqasi beriladi.

E’tibor berish kerak ,bu yerda Ambulatoriya sharoitida deyilmoqda. Ya’ni uyda 14 yoshdan katta kasal bemorga qaragan shaxsga 7 kunlik mehnatga layoqatsizlik varaqasi beriladi (advokat24uz). Va bu bo‘yicha pul to‘lanadi. Ushbu holatda mehnatga layoqatsizlik varaqasi bemor bilan birga yashash yoki yashamasligi hamda mehnat ta’tilida ekanligidan qat’iy nazar, bemorning oila a’zolari yoki qarindoshlaridan biriga beriladi.

Ambulatoriya sharoitida parvarishga muhtoj bo‘lgan o‘n to‘rt yoshga yetmagan bemor bolani parvarishlash uchun uning onasiga o‘n to‘rt kalendar kunidan oshmagan muddatga mehnatga layoqatsizlik varaqasi beriladi. Ona bo‘lmagan yoki betob bo‘lganda mehnatga layoqatsizlik varaqasi bemor bilan birga yashash yoki yashamasligidan qat’i nazar, boshqa oila a’zolariga beriladi.

Oilada bir vaqtning o‘zida ikki va undan ortiq o‘n to‘rt yoshga to‘lmagan bola kasallikka chalinsa, ularni ambulatoriya sharoitida parvarish qilish bo‘yicha bitta mehnatga layoqatsizlik varaqasi yoki bemor bolani parvarishlaganlik bo‘yicha mehnatga layoqatsizlik ma’lumotnomasi (138\ shakl) beriladi.

Farrux MIRZOQULOV,
Jomboy tumani IIB huzuridagi Tergov bo‘limi surishtiruvchisi

🌐 @JAMIYAT_UUZ

Mehnat kodeksining 172-moddasiga asosan Mehnat shartnomasi bekor qilinganda xodim bilan hisob-kitob qilinishi kerak.
Hisob-kitob xodimga:

👉 oxirigacha olinmagan ish haqini;
👉 xodim tomonidan foydalanilmagan barcha asosiy va qo‘shimcha ta’tillar uchun kompensatsiyalarni;
👉 agar mehnat to‘g‘risidagi qonunchilikda yoki mehnat haqidagi boshqa huquqiy hujjatlarda yoxud mehnat shartnomasida boshqa to‘lovlarni to‘lash nazarda tutilgan bo‘lsa, ushbu to‘lovlarni to‘lashni o‘z ichiga olishini belgilangan.

Ya’ni xodim ishdan bo‘shayotganda ish beruvchi tomonidan unga yuqoridagi 3 turdagi pullar to‘lab berilishi kerak.

Ish beruvchi tomonidan xodimga tegishli bo‘lgan barcha summalarni to‘lash xodim bilan mehnat shartnomasi bekor qilingan kunda amalga oshiriladi.

O‘zi bilan mehnat shartnomasi bekor qilingan xodimga mehnat shartnomasi bekor qilinganidan keyingi davrda biror-bir to‘lovlar (oy, chorak, yil yakunlari bo‘yicha mukofotlar) hisoblangan taqdirda, ushbu to‘lovlar xodim tomonidan tegishli talab qo‘yilganidan keyin uch kundan kechiktirmay amalga oshiriladi.

Shuhrat ISAKOV,
Jomboy tumani IIB huzuridagi TB katta tergovchisi

🌐 @JAMIYAT_UUZ

MALAKALI USTOZ TOPA OLMAYAPSIZMI?

Unda “Algoritm Ziyo Nur" o'quv markazi aynan siz uchun.Siz bu yerda nafaqat fanni mukammal o'rganasiz, balki malakali ustozlar quvnoq muhitni ham biz sizga taklif qiladi! Ilmni fursat borida o'rganish kerak,Ilm kerak bo'lganida fursat topilmaydi(Hikmatdan).
O'quv markazida shuningdek, ingliz tili mukammal o'rgatiladi. O'rganishni boshlash uchun hoziroq murojaat qiling.Ingliz tilini o'rganish siz uchun imkoniyatlar dunyosini ochishi mumkin. Bu dunyodagi eng keng tarqalgan tillardan biri bo'lib, ingliz tilini yaxshi bilish sizning martaba istiqbolingizni, shuningdek, turli madaniyat va kelib chiqishi odamlar bilan muloqot qilish qobiliyatingizni sezilarli darajada oshirishi mumkin. Bundan tashqari, ingliz tilini o'rganish ham ko'plab bilim va ma'lumotlarga kirishni ta'minlaydi, chunki ingliz tilida ko'plab muhim akademik va professional resurslar mavjud. Sayohat qilishni, xorijda o‘qishni yoki martabada ko‘tarilishni xohlaysizmi, ingliz tilini o‘zlashtirish maqsadingizga erishish va dunyoqarashingizni kengaytirishga yordam beradi. Shunday ekan, agar siz ingliz tilini o'rganishga undagan bo'lsangiz, esda tutingki, foydalar cheksizdir va harakat bunga arziydi. O'zingizni harakatga keltiring va qat'iyatli bo'ling, shunda tez orada ravonlik yo'lida bo'lasiz!
Shavkat ISMOILOV,
“Algoritm Ziyo Nur" o'quv markazi rahbari

Murojat uchun telefon: +99893 350 42 86

? Manzil:Samarqand shahri, A.Navoiy ko`chasi 23-uy

? Mo’ljal:Makon Mall

? @JAMIYAT_UUZ