سڵاو دڵنیا نیم لەوەی ئەم نامەیەت پێ ئەگات یان نا کاتێک ئەمە ئەنوسم هەست ئەکەم زیادەترین بونەوەرم ، هەرویستم سڵاوێک لەتەنیایت بکەم گەر باشی تەنها بڵێ باشم ئەمە سەدان جار خەریکم نامەت بۆ ئەنوسم ڕەنگە ڕۆژێک بێت ئیتر هیچ نامەیەک نەنوسم چونکێ منیش ڕۆژێک ماندوو ئەبم لەماندووی من گەڕێ بەڵام بەر لەمردن نامە نوسین بۆتۆ شتێکی خراپ نیە ئەزانی چۆنم ؟ وەک تەزبیحەکەی دەستی بابە گەورەم پچڕاوم بەناو خۆمدا و هەرچی ئەکەم خۆمم بۆ کۆنابێتەوە ئەزانی چۆنم ؟ شەکەتم ، بێ تاقەتم ، سەیری تیڤی ناکەم ، گوێ لەگۆرانی ناگرم ، ئێستا وازم لەخوێندنەوەی کتێبەکانیش هێناوە و لەوانیش وەڕسم بێزارم لەکار لەخواردن لە خەوتن لە ژیان ئەسڵەن لەهەموو ئەوانەی سەرەوە گەڕێ کەمن چۆنم گەر تۆ ئەم نامەیەت خوێندەوە و نوسیت باشم منیش هاوار ئەکەم هیچم نیە زۆرباشم تەنیا بڵێ باشم ئاخر من لەبێدەنگیتا هەرچی ئەکەم باش نابم.

...

لەگەڵ هەر پۆستێک کە ئەکەم هێندێکتان لێفت ئەکەن باشە، قەیناکە... لێفت بکە. من ھەمووشتێکم دۆڕاندووە با ئێوەشی بێتە سەر.

@Redwantaha

ئەم کچە جوانە نامەی ناردووە دەڵێت تکایە ئەوەنە نائومێد مەبە و با ئەوانی دیکەش نائومێد نەبن. ئۆکەی، من و ئەوانی دیکەش غەڵەت دەکەین نائومێد بین. ئەسڵەن بۆمان نیە. نابێت شتی وا. هاوڕێیان نائومێد مەبن لە قازانجی هەمومانە.
...

کاتێک ئەمە ئەنوسم هەست ئەکەم لە قەتیسکراوترین کەلێنی دوونیاوە هەناسە ئەدەم : ئازیز تۆ ڕۆشتی و نەتزانی ئەوەی لەسنگمدا کوشتت دڵ نەبوو وجودی خۆت بوو ئێستا نەتۆ هەیت نە دڵ نەهیچ بیرەوەریەک و یادگاریەک ئەوەتا هێندە تەنیام و هێندە چۆڵم پێمدا بکێشن دەنگ دەدەمەوە بەڵێ هێندە تەنیام جێگەی دڵ لەسنگمدا بوەتە سندوقی سکاڵا نازانم بۆچی هێندە خەمی ئەوەمە کە حاڵت چۆنە ، وەلێ دەزانم تۆ بەخەیاڵتا نایەت لە چ حاڵێکام دڵتەنگم و دڵنیا نیم لەوەی کە ئەو دڵتەنگیەم هی ئەوەیە کە مودەیەکی زۆرە هیچ وەڵامێکم بۆ نەهاتوە ، یان نا ئەوەی کەدەیزانم و زۆریش لێی دڵنیام ئەوەیە لەنەبونت زۆر خراپم شەکەتم و تاقەتی هیچم نیە نازانم هەبونت چەندە گرنگە بۆ من وەلێ دەزانم لەنەبونیتدا زیادەترین مرۆڤی سەر گەردوونم.

@Redwantaha

غەمگینم كاتێ دەزانم ژیان تەنیا ئەو ڕۆژانە بوو کە خۆشم دەویستیت و هەرگیز نەمتوانی پێت بڵێم, نەمتوانی بڵێم چەندە گرنگیت بۆم, چەند قووڵ لە هەموو شوێنێکمدا هەستت پێ دەکەم و دواجاریش چەندەم خۆش دەوێیت, ئەترسام پێت بڵێم, ئەرێ بەڕاست مرۆڤ چەند هەزار ساڵی دەوێت تا نیگایەک لە بیر بکات؟ چەند سەدەی دەوێت تا گەرمیی باوەشێکی بیر بچێتەوە؟ بۆ لەیادکردنی بۆنی پێست, چەند شەو بێدار بێت؟ بۆ باوەڕکردن بە جودایی چەند هەزار مردن؟ ئەرێ بەڕاست من چەند هەزار کازیوەم پێویستە تا بتوانم بەرگەی ئەم برینەو ئەم ئازاری بێ تــۆییە بگرم .؟

” پەشیمانی دادم نادا ئەزیز “
...

ئێمە لە مەملەکەتی بێ شەنسیەوە هاتین ، هەر لەگەڵ لە دایک بونمان و یەکەم گریانمان بڕیار وابوو بۆ هەمیشە بگرین.

...

ببورن ئەگەر تێکستەکانم خەفەت ئەبەخشێت ،
ئێمە ئاشنای دڵ خۆشی نین.

...

ئەو شەوە لەبیر ناکەم وەخت بوو لە زۆری دڵتەنگیا بمرم ، ئەو مەوقیفەم لەبیر ناچێت ئەگەر تەمەنم ھەشتا پایزیش بێت ، شەوێک بوو ھەستم کرد من بێ نرخم ، من وێستگەیەکی گەشتم گەشتیارەکان دێن و جێی دێڵن ، شەوێک کەس نەبوو گوێم بۆ بگرێت لە کاتێکا زۆر لەلایان بووم بۆ گوێ گرتن لێیان ، کەس گرنگی بە ئازارەکانم نەدا تەنانەت ئەوانەشی لەگەڵیان گریام.

...

نامەوێت زیاتر لەبارەی دڵمەوە قسەت بۆ بکەم، ئەسڵەن وا دابنێ تەپڵەکی جگەرەی سەر مێزی چاخانەیەک بوو شکا، بەڵێ شکا، بەڵام ئەوەی کە ئازارم دەدات خەمی ئەو سەرەمە، کە لە بەیانی ڕۆژی شەممەوە، تا دەگات بە ئێوارانی هەموو پێنجشەممەیەک، بیر لەتۆ دەکاتەوە، کەچی پێینازانیت، سەختە کە پێی نازانیت!

@Redwantaha

سەلام دوورترین نزیکی من ..
من لێرەم وەک هەموو شەوانی تر دووبارە دەستم کردووە بە نووسین بۆت و خەریکم بۆت دەنووسم،هاتووم پێت بڵێم دووبارە دەچمەوە بۆ ئەو مەکتەبەی پێکەوە لێی بووین،بەڵێ بەیانی دیسان دەچمەوە بۆ هەمان مەکتەب بەڵام ئەم جارە بێ تۆ،ئەم جارە تۆی لێ نیت تا بە جۆش و خرۆشییەکی زۆرەوە جانتاکەم لە شان بکەم و بەڕێ بکەوم، ڕاستی ئەم جارە تەنها بۆ یاد کردنەوەی یادگارییەکان دەچمەوە بۆ ئەوێ،خۆشت باش دەزانیت ئەوێ ئەو شوێنەیە زۆرترین کاتەکان لەوێ یەکتریمان دیوە،بەڵێ یەکەم بینینمان لەوێ بوو ئێستاش لە بیرمە چۆن سووتفەیەک وای کرد هەردووکمان لە یەکەم بینین بکەوینە پێکەنین بە یەکتری ههههه ڕاستی قەت ناتوانم ئەو ئێوارەیەم بیر بچێتەوە کە بۆ یەکەمین جار یەکمان بینی،هەموو شتێک لەو ئێوارەیەوە دەستی پێ کرد ،بەڵێ ئەو ئێوارەیە بۆ یەکەمین جار هەستم کرد کە ئافرەتێک چۆتە دڵمەوە،هێشتاش دەنگی پێکەنینەکەت لە یادمە و بیرم نەچۆتەوەو بۆ هەمیشە لە گوێکانمدا دەزرینگێتەوە، ئەزیزم بەیانی دەچمەوە سەربانی عانوودی مەکتەبەکە بیرمە ئەو کاتانەی دەرسی وەرزشمان هەبوو هەمیشە لە ئەنقەست تۆپەکەم هەڵ ئەدایە سەربانی عانوودەکە تا بیانوویەکم هەبێت بۆ چوونە سەربان و بتوانم لەوێوە بە جوانی بڕوانمە پۆلەکەت و لە پەنجەرەکەوە بتبینم، ئەزیزم بەیانی ناچم بۆ سەر بانەکە تا تۆ ببینم بەڵکو دەچم لەسەر تەنکییە ئاوەکە بە ڕەشێکی تۆغ دەنووسم (ئەو کاتانەی دەهاتمە سەربانەکە بۆ بەو شێوە سێرت ئەکردم کە خۆشت نە ئەوویستم..؟؟) ،وە بڕیاریشم داوە بەیانی بچمەوە هەمان ئەو پۆلەی تۆ لێی بوویت، ئەو ڕەعلەیەی لەسەری دا ئەنیشتیت بیرم ماوە ،بۆیە بەیانی من لەسەری دا ئەنیشم و هەموو ئەو ساتانە دەهێنمەوە بیرم کە تۆم دەبینی لەسەر ئەو ڕەعلەیە دا ئەنیشتی،گەر بمتوانیایە بگەڕێمەوە بۆ ڕابردوو ئەوا هەرچی ترس و شەرمم هەبوو فڕێمدەدایە لایەکەوە و خودی ڕێدوانم بە تەنها دەهێنایە پەنات و دە هاتم و لەسەر هەمان ڕەعلە لە پەناتا دا ئەنیشتم سێر چاوەکانتم ئەکرد و بە سپای پێم ئەوتی خۆشمئەوێیت، دەهاتم و پێم دەووتی گەر تۆ نەبیت منیش نابم ،دەهاتم و باس ئەم ڕێدوانەی ئێستامم بۆ ئەکردیت و دەم ووت لە داهاتوودا ئاوهام لێ دێت گەر بێ خۆتم بکەیت،دەهاتم و پێم ئەووتیت دەکرێ هەلێکم پێ بدەیت تا بۆت بسەلمێنم کە ئەوەندەم خۆشەوێیت تا ئێستا هیچ پیاوێک نەیتوانیوە ئەوەندەی من ئافرەتێکی خۆش بووێت،ئازیزم دەزانم بەیانی هیچ لەمانەی باسم کرد ڕوو نادەن بەڵام هەر دەچم چوونکە شتێک زۆر لەمانە گرنگتر لەوێ هەیە ئەویش ئەوەیە لە شوێنێک بە بچووکی لەسەر دیوارێکی مەکتەبەکەمان ناوی خۆم و خۆتم لە پەنای یەکا نووسیوە ،بەتەواوی بەروارەکەی نازانم بەڵام بە نزیکی چوار ساڵ لەمەو بەر نووسیومە ،دەچم و ماچی ئەو دیوارە بێ گیانە دەکەم کە لە کەوانەیەکدا ناوی من و تۆی لە تەنیشت یەکدیدا داناوە،وە نووسینێکی تری بۆ زیاد دەکەم و دەنووسم(دەزانم هیچ کات ئەم نووسینی سەر دیوارە نابینیت ئەزیزم ،بەڵام هێشتاش خۆشم دەوێیت ، دەنووسم باشە بۆچی هیچ کات خۆشەوویستی منت نەدی و پیاوێکی ترت خۆشوویست..؟؟)،،، وە لە کۆتایدا دەگەڕێمەوە ماڵەوە سوپاسی خوا گیان دەکەم بۆ هەموو شتێک،دەزانم خێرێکی گەورەی تێدایە کە من و تۆ نەبووین بە هی یەک،ئەسڵەن ڕەنگە تۆ شایەنی ئەو هەمووە خۆشەویستییە نەبووبیت،ئاخر من وویستم لەسەر سەرمت دا بنێم بەڵام تۆ سوور بوویت لەوەی لە ژێر پێی کەسێکی تر بژیت، ئێستا زۆر باش تێ گەیشتوومە کە هەندێک کەس هەن کە نابن بە هی تۆ،بەڵکو تەنها دەبێت بە شێوەیەکی تایبەت خۆشت بووێت ،هەندێک کەس هەن بۆ ئەوە نەکراون ببن بە هی تۆ ،ئەوان تەنها دەبێت لە دوورەوە خۆشت بووێن وە تۆش یەکێک بوویت لەوان،دڵخۆشبە ئەزیزم چی دی هیچ هەوڵێک نییە لە منەوە بۆ تۆ ،بەڵام بۆ هەمیشە بەشێک لە دڵم بۆ تۆ لێ ئەدات و لە سووچێکی دڵمدا بۆ هەمیشە دەتهێڵمەوە، تۆ شایەنی کەسانی وەک خۆتیت نەک شایەنی منێکی باش و پاک، دڵخۆش بژی ئەزیزم ناتوانم بڵێم ئێستا خۆشم ناوێیت چوونکە دەبێت بە درۆ، وە دەشزانم لەم دوونیا و لەو دوونیاش پێت ناگەم ،بەڵام لە دوونیاکەی تر بە خوا گیان ئەڵێم کە کۆپییەکم لە تۆ بۆ درووست بکات،تا لەبن درەختێکا لەگەڵیا قاقا لێ بدەم.
...