سجلت للباك و درت كفئ و انا لست كفئ 🥲*💔
*لقيتها تأثر على المعدل صح لوكان نجيب 15 أو أقل (مستحيل يعطوني 15 🙄 !! )
و لوكان نجيب 16 و لفوق تزيد شوية في المعدل ( جربو مع نقاط العام الماضي مرة ديرو 16 مرة 15 مرة 18 و تشوفو الفارق تاع النقاط)

السلام عليكم الطلبة الأحرار 💗
تعيشو قولولي سجلتو سبور أم لا ؟!

صباح الخير ❄️*✨️
اليوم الخميس حاولو تخلو جزء من اليوم خاص بالترتيب و التنظيم و لي معندوش قراية يخليه راحة عادي ✨️
رتبو ملخصاتكم و كما قتلكم وش هي أهم الأشياء لي لازم ديروهم في نهاية الفصل الاول (سلسلة فضفضة ) ... و أيضا خططو لعطلتكم والله راهي فرصة بزاف هايلة استغلوها 💗***

السلام عليكم 🌸*✨️
*◇ شاركوني المصادر لي تقراو منهم في اللغة الفرنسية و الإنجليزية وخاصة لي جابو فيها نقطة مليحة العام لي فات 💗*⤵️***

◇ أنا حاليا كطالبة حرة هذا تقدمي :
▫️ علوم : مزالني في تمارين الوحدة الثانية يوم الجمعة باذن الله ندخل انزيمات ✅️
▫️ رياضيات حليت تمارين اسية و لوغاريتمية من الباكالوريات فقط و الأن راح نبدا في تمارين عقبة بن نافع ( نحس مستوى تاعهم صعيب )
▫️فيزياء : دخلت الوحدة الثانية و اخيرا و غدا نبدا في تمارين الاقمار ✨️
▫️اللغة العربية : الحمد لله راني ملتزمة بتحدي " إكمال برنامج اللغة العربية كاملا في أسبوع " و الحمد لله حتى كاين بزاف لي قالولي مزال لحال باش نقراو برنامج كامل و ننساو وووو
معليش انا نقراه و نكملو و نبدا في حل مواضيع شاملة و نحل مقترحات باذن الله ✨️*❤️‍🩹
كاين لي قالولي قريت عربية الشهر التالي و جبت 18 19 الله يبارك أنا وحدة بديت عربية بعد رمضان و جبت في الباك 11.5 🥲 لمااذاا؟؟؟؟
لأني قريتها سطحياا و محليتش عليها مواضيع و كنت نقول راها ساهلة ووو مهم جبتها في روحي و هي لي طيحتلي المعدل مع صحاباتها Fr و Eng 🥲
▫️ الشريعة : والحمد لله بفضل الله كملت 8 دروس الفصل الاول و حليت اختبارين فقط
▫️ إنجليزية : كملت وحدة 1 و حليت 3 مواضيع ✅️
المواد المتبقية نبدا فيهم منتصف هذا الشهر باذن الله ( مع عطلة الشتاء )
ما رأيكم في تقدمي؟ + شاركوني تقدمكم💗
بالنسبة لأهدافي لشهر ديسمبر مزال مدرتش خطة محكمة و مدروسة و كي نديرها نشاركم باذن الله + ( جهزت بلانر لعطلة الشتاء بزااف هايل ترقبوو 🥹*💗 )
اي سؤال تفضلو ⤵️**𝘽𝙖𝙘 𝙬𝙞𝙩𝙝 𝙡𝙞𝙣𝙖 🌸✨️

*✨️*🌸 سلسلة فضفضة 🌸✨️
السلام عليكم 💗
أعلم هذه الايام لست نشطة معاكم كما كنت و لكن لظروف شخصية نولي نرجع باذن الله ♡.....
◇ المهم اليوم حبيت نجمعلكم مجموعة من الأخطاء لي أنا درتها العام الماضي في الفصل الأول + ( أربع مطات الأخيرة هي أخطائي لهذا العام ) باش باذن الله نحاول أني نصحح اخطائي من أجل انطلاقة جديدة للفصل الثاني باذن الله ♡
◇ كطالبة نظامية العام للماضي في أسبوع بعد الاختبارات خليتو من أجل :
▫️ معالجة النقائص
▫️ إكمال كتابة الملخصات و تلويينها 🙂💗
▫️ كتابة دروس القسم
▫️معرفة أخطائي أثناء تصحيح الاختبارات
▫️ كان أسبوع عادي مفيهش دراسة بزاف
▫️نظمت نفسي و كسرت شوية روتين إستمتعت بوقتي بالرغم من العلامات المبكية 🥲
◇ ما هو أهم شيء لازم يديرو حاليا أي طالب سواء كان حر أو نظامي ؟؟ ⤵️ :
🔹️أولا : تحديد أخطاء الفصل الاول. ( كما فعلت أنا سابقا ) الخطوة هذي بزااف مهمة اعتمدوها
🔹️ثانيا : معالجة الأخطاء .
و من أهم الأشياء لي لازم ديرها ⤵️ :
- تحديد المصادر لي تقرا منهم في كل مادة متخليش روحك مشتت بين عدة مصادر
- التخلص من المصادر ( و دروس الدعم ) لي تشوفها تضيعلك الوقت و متستفادش منهم ✅️
- معالجة النقائص . و هي أنك تقرا الوحدة بكامل العناوين تاعها و تغلق غلق كلي ليها و ذلك بانجاز ملخص شامل لجميع عناوين الدروس الاساسية و الفرعية و حتى الملاحظات الشخصية و افكار التمارين و أيضا أنك تحل مجموعة من التمارين و الأفكاار حتى تشوف انك صح متمكن من الوحدة ( مشي تقرا وحدة و تحل فيها زوج تمارين و تروح لي بعدها عادي مزال لحال كل وحدة أعطيها حقها ✅️ )
- تحديد نقاط الضعف . مثلا انك تحدد نوع الاسئلة لي يجوك صعاب و كي توصل ليهم متقدرش تكمل التمرين ولا تستهزئ بيهم و غالبا مايكونو السؤال الأخير لي يجي في التمرين ( مناقشة بيانية - انجاز مخطط - كتابة compte rendu.... )
🔹️ثالثا : مراقبة التقدم .
شوف زملائك وين واصلين و اذا راك روطار حاول تكثف وتيرة الدراسة لأنو قد بدأ العد التنازلي 😑
◇المهم النظاميين و أيضا الأحرار حاولو تكتشفو أخطاءكم لهذا الفصل و تسعاو باش تصصحوها و أيضا متخلوش نقاط الاختبارات تأثر عليكم كاين لي خدم في الاختبارات يفرح و ينقص الوتيرة و كاين لي مخدمش و يفشل و يكمل لفصل كئيب.... حاجة متستاهل زعلكم 🥺❤️‍🩹
◇ المهم بالنسبة للأحرار هذا هو الوقت المثالي من وجهة نظري أنكم صح تبداو تحفظو و تهتمو بالمواد الثانوية ( ليس بالاهتمام البالغ ) يعني على الاقل في الاسبوع الواحد تكون قريت 3 مواد ادبية و ركزت معاهم ( كل 3 ايام مادة ادبية او لغة ) ✅️**
𝘽𝙖𝙘 𝙬𝙞𝙩𝙝 𝙡𝙞𝙣𝙖 🌸✨️