#premyera

Garri Potter olami haqida yangi shou

HBO dastur direktori Keysi Bloysning aytishicha, "Garri Potter" serial versiyasi boshlanishi 2027-yilga ko‘chirilishi ehtimoli bor, biroq shu bilan bir vaqtda, ushbu olamga oid yana bir serial kecha o‘z ishini boshladi: "Wizards of Baking" oshpazlik shousi.

Juma kunlari efirga uzatiladigan seriyalar film voqealari boʻlib oʻtadigan mashhur maskanlarda - "9¾ Platformasi"da, "Gringotts" bankida va Hogvarts maktabida suratga olinadi. Bosh rollarni Fred va Jorj Uizli obrazlarini gavdalantirgan aktyorlar Jeyms va Oliver Felpslar ijro etishadi. Ishtirokchilar "Garri Potter" dunyosidagi loyihalardan taomlar tayyorlash bo‘yicha bellashadilar, boshlovchilar esa ularning natijalarini baholaydilar.

Bularning barchasi HBOning kulinariyaga ixtisoslashgan Food Network kanalida namoyish etiladi,

treyler bu yerda.

@boredpandablog

#haqida

Amsterdamdagi yahudiylar va musulmonlar toʻqnashuvi

Yaqinda isroillik futbol muxlislari Amsterdam shahriga oʻz klubi Makkabining ChLdagi ishtirokini qoʻllab-quvvatlash uchun kelishdi. Ammo negadur ular uylardan Falastin bayroqlarini yirtib tashlash va oynalarni sindirish bilan shug‘ullana boshlashdi. Eslatib o‘taman: Falastin bayrog‘i va HAMAS bayrog‘i bir xil narsa emas. HAMAS - terrorchi tashkilot deya e’lon qilingan, Falastin esa - BMT a’zolarining aksariyati tomonidan tan olingan davlat. Falastinni qo‘llab-quvvatlashni terrorchilarni qo‘llab-quvvatlash bilan tenglashtirishning o‘zi hozirgi Isroil qilayotgan propagandaning bir qismidir. Mol-mulklarga zarar yetkazishdan tashqari, isroillik muxlislar arab taksistini ham urib ketishgan.

Yaqinda Ispaniyada yuz bergan tabiiy ofatlar xotirasiga bag‘ishlangan bir daqiqalik sukunat paytida Isroil muxlislari hushtak chalib, baqirishgan Aftidan, Ispaniya G‘azo bombardimonini qoralagan kam sonli Yevropa davlati boʻlgani uchun bo‘lsa kerak. Isroilliklarning bu va boshqa “jasoratlari” mahalliy internet matbuotimizda batafsil tasvirlangan.

Shundan keyin kutilmaganda misli ko‘rilmagan hodisa yuz berdi: isroillik muxlislar yoppasiga stadiondan chiqaverishda kaltaklangan. O‘z-o‘zidan ravshanki, bu paytda bayroqlarni kim ko‘tarayotgani-yu, kim aslida shu ishlarni qilganini hech kim bilmasdi. Natijada 5 kishi shifoxonaga yotqizilgan.

Isroil hukumati hammani ogohlantirib, orqaga qaytarish uchun maxsus reys uyushtirdi. Ammo eng muhimi nima?
Biz tinch, madaniyatli deb hisoblaydigan Yevropada, boʻlibam uning markazida soʻnggi yuz yil ichida birinchi marta yahudiy qirgʻini sodir bo‘lganini koʻrdik. Dunyo oxirgi marta Xolokostni qachon koʻrganini bilasiz. Internetda Anna Frank va uning kundaligidan ‘kecha va bugun’ degan nom bilan ta’sirli suratlar tarqalyapti. Yahudiylar antisemitizm boʻlayotganini qoralab, arablar Yevropadan chiqarib yuborilishi kerak deya propaganda qilishyapti. Xullas, yoqimli ishlar emas.

Bir paytlar notoʻgʻri yuritilgan migratsiya siyosatining mevalarini terayapti Yevropa.

@boredpandablog