Кечаги кунингни айламагин ёд,
Эртанг келмай туриб, қилма кўп фарёд.
Ўтган, келмаганга кайғурмоқни қўй,
Қувноқ бўл, умрингни этмагин барбод.

✍️ Умар Хайём
© @turtliklar

Муҳит қаттолзода - кўниб чиқарсан,
Навқирон юзларинг сўниб чиқарсан.
Ҳақиқат, мен сени кўмиб келганман,
Агар кучли бўлсанг, униб чиқарсан...

✍️ Хайрулла Ҳамидов©️@turtliklar

Касалим тузаларми? – Шер эшакдан сўради.
Эшак эса ўйламай деди: Аё шоҳ жаҳон,
Ўлмасангиз, яшайсиз, ўлмаганлар туради..
Икки карра икки тўрт, бу эшакка ҳам аён.

✍️ А.С. Пушкин (А. Орипов таржимаси)©️@turtliklar

Кезиб бу шаҳарни балки ҳоргайсан
Ва лекин Аллоҳга дилинг ёргайсан.
Адаша-адаша Маккани топдинг,
Энди адашсанг гар қайга боргайсан.

© А. Орипов
?@turtliklar

​Жуда бахтли бўлсанг, битта ёрдирсан,
Жуда кучли бўлсанг, битта нордирсан,
Жуда буюк бўлсанг, демак, одамсан,
Жуда азиз бўлсанг, бир мозордирсан.

✍ Асқар Маҳкам
©@turtliklar

Юлдуз бўлгим келди, ой бўлгим келди,
Ажру савобларга бой бўлгим келди.
Камтарлик бобида пиёлада совиб,
Унитилиб қолган чой бўлгим келди.

✍️ Гулзебо Иброҳимова©️@turtliklar

Замонавий ўлчамСўрар кексайган ношир:
– Бу достонинг неча байт?
Кеккайиб дер
Ёш шоир:
– Уч юз ўттиз мегобайт! ?

✍️ Анвар Обиджон© @turtliklar

"90+хоҳлаганича"

Тарихингда мардлар борми,  йўқ?
Қучганмисан соққасиз зафар?
Термамиздан бизнинг кўнгил тўқ.
Сен ҳакамни рози қил Қатар..!

✍Хуршид Неъмат
? @turtliklar

Қалбимда баҳор йўқ, кўзларимда куз,
Юрагим совқотган, нигоҳларим муз.
Ёниқ юрак билан яралган эдим,
Ҳаёт йўлларида совидим. Афсус...

© Комила НОСИРОВА | @turtliklar