Ҳудудлардан хабарлар

Самарқанд вилоятида “Яшил макон” умуммиллий лойиҳаси доирасида “Жартепа” чегара божхона пости ҳудуди ва унинг атрофига 2000 тупдан зиёд дарахт кўчатлари экилди.

Бухоро вилояти божхона бошқармаси бошлиғи маиший техникалар ишлаб чиқарадиган йирик корхоналардан бирида бўлиб, унинг фаолиятини ўрганди.

Жиззах вилояти божхона бошқармаси раҳбарияти томонидан ташқи иқтисодий фаолиятни ривожлантириш борасида жойларда тарғибот учрашувлари давом этмоқда.

Қашқадарё вилоятида инвестициявий лойиҳа доирасида қиймати 8 млн АҚШ долларига тенг корхона тўлиқ ишга туширилиши натижасида 600 нафар янги ишчи ўрни яратилади.

Божхона институтида “Халқаро ОИТСга қарши курашиш куни” муносабати билан давра суҳбати ташкил этилди.

Тошкент вилояти божхона бошқармасида мактаб ўқувчилари учун “Очиқ эшиклар куни” тадбири бўлиб ўтди.

Сурхондарёда божхона ходимлари ва талабалар иштирокида очиқ мулоқот ўтказилди.

📍Viloyatda yangi investitsion loyihalar bajarilishida amaliy yordam koʼrsatilmoqda.

➡️ Bugungi kunda bojxona organlari tomonidan xorijiy investitsiyalarning oʼzlashtirilishi, eksport va tovarlarni bojxona hududida qayta ishlash hajmini oshirishga qaratilgan zarur choralar koʼrilmoqda. Shu maqsadda, Qashqadaryo viloyati bojxona boshqarmasi masʼul xodimlar hududdagi yangi investitsion loyihalarda amalga oshirilayotgan ishlar bilan tanishish, mavjud muammolarga yaqindan koʼmak koʼrsatish va tashqi iqtisodiy faoliyatni amalga oshirishda yaratilgan soʼngi yengilliklarni yetkazish maqsadida tadbirkorlar huzuriga tashrif buyurishdi.

➡️ Masʼullarning navbatdagi tashrifi Qarshi tumanidagi “Osmon guli” MChJ tomonidan barpo etilayotgan har xil turdagi kiyim-kechaklar ishlab chiqarish fabrikasiga bo’ldi. Аhamiyatlisi, bu loyiha ham xorijiy investorlarning 8 mln. АQSh dollarilik mablagʼlari hisobidan tashkil etilmoqda. Yillik quvvati 50 ming dona tayyor mahsulotlar ishlab chiqarishga moʼljallangan. Loyihaning birinchi bosqichi 2024 yil iyun oyida ishga tushirilgan bo‘lib, to‘liq faoliyat yo‘lga qo‘yilgach 600 nafar yangi ishchi o‘rni yaratiladi.

➡️ Oʼtkazilgan uchrashuvlarda tadbirkorlarning qiziqtirgan savollariga tushuntirishlar berildi, bojxona sohasidagi yangi qulayliklar yetkazildi, shuningdek bildirilgan fikr va takliflar yuzasidan chora-tadbirlar belgilandi.

✅ Qashqadaryoda korxonalarga yirik quvvatga ega quyosh panellari o‘rnatilmoqda.
⚡️ Mamlakatimizda elektr energiyasiga bo‘lgan talabni taʼminlash maqsadida “Yashil iqtisodiyot” texnologiyalarini barcha sohalarga faol joriy etish choralari ko‘rilmoqda.
⚡️ Xususan, tadbirkorlar, ijtimoiy soha obʼektlari hamda aholi turar joylarida muqobil energiyadan foydalanish, uning afzalliklari va mavjud imtiyozlar haqida targ‘ibot hamda tushuntirish ishlari olib borilmoqda.
⚡️ Bugun Qashqadaryo viloyati bojxona boshqarmasi boshlig‘i J.Fayzullayev Kitob tumanidagi “Qarshi conch cement” MChJ XKda bo‘lib, korxonada o‘rnatilayotgan yirik 10 MVt quvvatli quyosh panellari o‘rnatish jarayonlari bilan tanishdi.
⚡️ Umumiy hisobda 20 ming dona quyosh panellari korxonaning bo‘sh turgan 7 ta hududining 100 ming m. kv. maydoniga o‘rnatilmoqda. Bu borada import asosida olib kelinayotgan quyosh panellari va uskunalar “Kitob” bojxona punkti tomonidan tezkorlik bilan bojxona rasmiylashtiruvidan o‘tkazib berilmoqda.
⚡️ Uchrashuvda korxona mutasaddilariga loyihani belgilangan muddatlarda amalga oshirish, bu borada kelgusida yuzaga kelishi mumkin bo‘lgan muammolari masalalarda hamkorlikda bartaraf etish yuzasidan tushuntirishlar berildi.

✍️ Qashqadaryo viloyati bojxona boshqarmasi Аxborot xizmati.