وزي ما وعدتكم بحاجات جديدة
ربنا يكتب لها النفع و الفائدة

Sweet November

مرة بدخل جول و اكتسب خبرة جديدة لدرجة اني لما نقلت مبيعات كان زمايلي بياخدوني للعملاء اللي مش عايزين يشتروا او بيفضلوا ماركة تانية على ماركتنا عشان اقنعهم انا , و في الاخر مش انا اللي هاخد حوافز المبيعات و من هنا بقيت استخدم موهبتي و اخدم بيها الناس ببلاش .

- وقت العرض
فضلت استخدم المهارات اللي عندي في عرض المعلومات بشكل كويس , اقناع الناس في بعض الاحيان , المرونة في التعامل مع شخصيات مختلفة , لحد ما ربنا اراد ان تجيلي فرصة استخدم فيها مهارتي دي و دخلت مجال ( ادارة علاقات العملاء ) لحد ما بقيت مدير اول رضاء العملاء و بدأت ادرس اكتر اكاديميا و ادرب الناس اللي تحت ايدي و بقت ليا سمعة كويسة كمدير ناجح في الشركة اللي انا فيها , عشان اخلص 3 سنين في الادارة دي و امسك ادارة التدريب و التطوير جوه الشركة ! عشان الاقي نفسي بدرس في مجال اسمه التحدث الى العامة المعروف باسم ( public speaking ) و اكتشف نظريات و قواعد اتعلمتها بشكل فطري طوال رحلة 20 سنة عمل ! عشان اكتشف ان بعد توفيق ربنا و ارادته , الpublic speaking كانت من اهم المهارات اللي ساعدت في اني اكبر و اتعرف و شغلي يظهر بشكل احسن

النهارده بدرس ال public speaking للناس مش من منظور واحد بيقف على المسرح عشان يكلم جمهور . لأ , انا بدرس ال public speaking كأسلوب حياة و مهارة تواصل توصلك اسرع لقلوب الناس تقدر تكسب بيها اتفاقات و تغتنم بيها فرص و تنجح بيها في حياتك

- يعني ايه تحدث للعامة و ايه مكونات العملية دي؟
- ايه اللي المفروض تحضره عشان تقدر تعبر صح عن فكرتك
- ازاي تحكي قصة و تشد اللي قدامك انه يسمعك لحد الاخر
- ازاي تتعامل مع انماط شخصيات مختلفة منها الصعب و منها المتعب
- ازاي تنهي كلامك و تسيب انطباع عاطفي عند المستمع

انا مدين بالفضل لكل انسان عرفني حاجة جديدة عنه خلتني افهم انواع الناس المختلفة و صقلت موهبتي اكتر و خلتني النهارده بقف اشتغل مع الناس و اعلمهم عشان يستفادوا سميت الكورس Public speak like a King
#learn_today_learn_tomorrow

مساء الفل على الناس الفل

" لحد ما جه اليوم اللي كان لازم اغير فيه كل ده "

عايز احكيلكم حكاية عجيبة حبتين تلاتة مش هطول عليك قول اربعة
في مرة من ذات المرارير ( المرات يعني ) الراجل اللي قدامك ده كان انسان خجول لاقصى درجة و ده راجع لطبيعة شخصيتي الانطوائية ( اه و الله العظيم انطوائية ) انا بميل جدا للانعزال بعيد عن الزحمة و الناس ما بحبش الدوشة بشكل عام ممكن اقعد في مكاني من الصبح لبليل من غير ما ازهق و لا احس اني محتاج أغير جو !! و ده انعكس عليا بشكل سلبي اني ما بحبش المواجهة , ما بحبش الصدام !! ,لدرجة اني بعاني من التليفونفوبيا او رهاب الهاتف , ما بحبش ارد على تيليفونات او اتصل بحد في التيليفون !!

دلوقتي لو انا من الناس اللي تعرفني من 2015 هتكون عارف الكلام ده كويس لاني اتكلمت فيه في كذا مناسبة , انا لو كنت من الناس اللي لسه متبعاني من سنة او اقل هتقول الراجل ده بيسرح بينا , ازاي عامل برنامج في التليفيزيون و محاضرات فيها مئات و في بعض الاحيان الفات الناس , بيقول انه مكانش بيعرف يواجه و بيتكسف !!

بص يا سيدي باختصار , انا اتعلمت كل اللي انا بعمله دلوقتي بس بالطريقة الصعبة , تجربة و خطأ و خبرات مكتسبة على حبة شجاعة كده و جو جمد قلبك احنا لسه داخلين على الجد و هقسملك الموضوع ده في مراحل

- مرحلة الانطواء
من سن الميلاد لحد سن 13 سنة كنت بني ادم في حالي معنديش غير صاحب واحد في معظم الاحيان , مبشتركش في اي نشاطات مدرسية مستني حد يختارني و يقولي تعالى اعمل كذا , حتى يوم ما خدون احيي العلم في المدرسة كان بيجيلي حالة رعشة و دقات قلبي بتسرع كانها انذار قنبلة قبل انفجارها و فعلا الموضوع مكانش فيه اي متعة و فضلت مكمل كده لحد ثانوي اللي ابتديت فيه افك شوية التلج عن طريق التعرض لناس مختلفة بثقافات مختلفة لأني كنت داخل ثانوي في مدرسة حكومي و سبت المدرسة الخاصة , و أو درس مستفاد هنا ان أنواع الناس اللي حواليك كل ما تنوعت و كان فيه بينها تباين في الشخصية كل ما انت ابتديت يكون عندك مرونة اكتر في التعامل و تتفك عندك حتة الانطوائية دي

- مرحلة التعرف على الناس

الفترة دي بدأت زي ما قلت من مرحلة ثانوي , كنت طالع من مدرسة خاصة فيها نظام و كلنا ملتزمين بالنظام شئنا ام ابينا , لكن لما روحت ثانوي المدرسة حضرتك كانت من غير سور , اليونيفورم ده نسمع عنه في المطابخ و شركات الامن , احنا كنا بنلبس اول اسبوع لبس شبه لبس المساجين كحلي في كحلي و باقي السنة طالعين رحلة , في الفترة دي ابتديت اصنف الناس اللي بتعرف عليهم
- ولاد ناس ( و دي بترمز لبعض الشباب اللي بيقولوا حضرتك و هم بيتكلموا , و يقولوا لوسمحت لما يطلبوا حاجة و يقولوا شكرا لما تديهم حاجة , و يوقولوا العفو لو شكرتهم , كمان بيجيبوا معاهم سندوتشات من البيت غالبا)
- الدحيحة ( شباب لابسين نضرات نظر في معظم الاحيان بيسرحوا شعرهم على جنب, لبسه مكوي و موضته قديمة غالبا , و ديما قاعد في الصف الأول و بيجاوب على كل اسئلة المدرسين )
- الأشباح ( دي شباب مش فارقلهم حاجة , غالبا واخدله بشلتين تلاتة في منطق متفرقة في وشه و راسه , بيلبس احقر موضة طلعت عشان يقول انا اهو ياولود و يا ولود ,طبعا اللحاجة اللي بتحلو في عينه في ايد زميله بياخده من غير احم و لا دستور مع بصة " كبيرك اعمله ياض!! " و طبعا دول في الدكة الاخيرة في اي فصل )
و بين ده و ده كنت تلاقي مكسات كده زي مكسات جهينة , المرحلة دي لقيت نفسي ابتديت اطور طرق مختلفة للتعامل مع كل فئة , ابتديت انسخ طرقهم عشان يحسوا اني منهم , ابتديت اتكيف مع اختلافاتهم عشان يحسوا بالراحة و هم بيكلموني .

- ماركة مسجلة

فضلت طول الفترة من ثانوي لحد جامعة بعمل نفس الموضوع بصنف الناس باخترع طرق جديدة للتواصل , بتعرف على انماط اجدد , في سنة تالتة جامعة كنت بذاكر لصحابي معرفش ليه كل ما افهم حاجة الاقيني بجمعهم و اقولهم تعالوا اشرحلكم , مكنتش متقفوق و دي الغريبة لكن كنت بعرف ابسط المعلومة و اوصلها , و من هنا باتدى صحابي يخادوا بالهم من الميزة دي + ميزة جديدة ظهرت على الوش و هي القدرة على الاقناع , مش شرط اللي قدامي يقتنع في كل الاحوال و لكن كنت بستخدم حجج منظمة بتقفل ابواب جدال كبيرة و خلصت جامعة و انا معروف وسط كل صحابي اني احمد سالم اللي بيعرف يتكلم كويس , و ما زلت بخاف جدا من مواجهة اي ناس جديدة او معرفهاش , لكن ماركتي المسجلة هي " المتحدث اللبق "

- خدام الناس
اتخرجت و اشتغلت مهندس صيانة كمبيوتر , كنت بعمل صيانة في وقتها 2001 لاجهزة اللاب توب اللي كانت تعتبر سلعة استفزازية مش اي حد معاه فلوسها و لا اي حد بيجيبها يكفي اني اقول ان ارخص لاب توب كان بمرتب 5 شهور من مرتبي , في المرحلة دي اللي كان بيميزني حاجتين 1- كان معايا لغة 2- كنت بعرف اتكلم و اقنع الناس , ابتدوا زمايلي كل ما يتزنقوا مع عميل يصدروني ليه !! بقيت اتعامل مع اشكال جديدة و الوان جديدة من الناس في كل

أول خطوات الفلاح

المزيد

أهمية تعلم الذكاء العاطفي

1. تحسين العلاقات الشخصية:
   - الذكاء العاطفي يساعد في فهم الآخرين والتفاعل معهم بطريقة فعّالة، مما يسهم في بناء علاقات صحية ومستدامة سواء في الحياة الشخصية أو المهنية.

2. زيادة الوعي الذاتي:
   - يتيح الذكاء العاطفي للأفراد التعرف على مشاعرهم وفهم تأثيرها على سلوكهم وقراراتهم، مما يساعدهم على التحكم بشكل أفضل في أنفسهم وتحقيق أهدافهم.

3. إدارة الضغوط والتوتر:
   - من خلال فهم وإدارة العواطف، يمكن للأفراد التعامل مع المواقف الصعبة والضغوط بشكل أكثر فعالية، مما يقلل من مستويات التوتر ويزيد من الرفاهية العامة.

4. تعزيز الأداء المهني:
   - الموظفون الذين يتمتعون بذكاء عاطفي عالٍ يكونون أكثر قدرة على التعامل مع التحديات المهنية والعمل بكفاءة ضمن فرق العمل، مما يسهم في تحسين الأداء والإنتاجية.

5. تحسين مهارات القيادة:
   - القادة الذين يمتلكون ذكاءً عاطفيًا عالياً يتمكنون من إلهام وتحفيز فرقهم بشكل أفضل، وكذلك التعامل مع النزاعات وحل المشكلات بطريقة بناءة.

6. زيادة التعاطف والتفاهم:
   - الذكاء العاطفي يعزز القدرة على التعاطف مع الآخرين وفهم وجهات نظرهم، مما يسهم في بناء بيئة عمل أكثر تعاونًا واحترامًا.

7. اتخاذ قرارات أفضل:
   - من خلال التحكم في العواطف وفهم تأثيرها على القرارات، يمكن للأفراد اتخاذ قرارات أكثر منطقية وعقلانية.

تعلم الذكاء العاطفي يمكن أن يكون له تأثير كبير على جوانب عديدة من الحياة، مما يجعله مهارة قيمة جداً تسهم في تحقيق النجاح والسعادة.

انا هعتزل السوشيال ميديا و ابيع تين شوكي ?

??????????

تعليق احدهم!!

التعويمة الجديدة اتمضت
رجاء لاي حد عايز يشتري حاجة بيته او ما أي احتياجات تانية يسرع في الاجراء ده

لان متوقع في خلال اي يوم يتم الاعلان و هتكون تعويمة غير أي مرة هتكون عنيفة جداً و هيترتب عليها زيادة غير مسبوقة في الأسعار.