«Як і 500 гадоў таму, праўда і справядлівасць на нашым баку», – Святлана Ціханоўская да Дня вайсковай славы

«Сёння мы адзначаем Дзень беларускай вайсковай славы – дзень, калі наш народ здабыў адну з найслаўнейшых перамогаў у сваёй гісторыі. У 1514 годзе ў Аршанскай бітве нашыя продкі здолелі на доўгі час спыніць тыя ж самыя захопніцкія амбіцыі Расійскай дзяржавы, з якімі сучасны свет змагаецца сёння.

Менавіта Аршанская бітва дапамагае памятаць істотную рэч: нават калі сілы няроўныя, дух і праўда на баку тых, хто змагаецца за справядлівасць. Сёння, як і тады, Беларусь сутыкаецца з пагрозай страціць незалежнасць. Але дастаткова пагартаць падручнікі нашай гісторыі, каб упэўніцца: народ заўсёды зможа даць адпор агрэсару, бо цэніць свабоду і ведае, якой цаной яна нам дасталася.
Памятаць гісторыю неабходна, але ў нас ёсць і сучасныя героі: смелыя мужчыны і жанчыны, якія ваююць на франтах Украіны за свабоду не толькі гэтай краіны, але і за незалежнасць нашай Беларусі. Яны працягваюць справу тых, хто адстойваў нашую зямлю пяць стагоддзяў таму – змагаюцца з тым жа агрэсарам, што і нашыя продкі. Мэты ў гэтага агрэсара не змяніліся: захапіць нашую зямлю, знішчыць нашую мову, культуру і права жыць так, як мы самі хочам. Ён, як і 500 гадоў таму, забівае безабаронных, выпальвае ўсё да асновы.
Я веру, што дух нашых продкаў жыве ў кожным з нас. І менавіта сёння кожны з нас можа рабіць унёсак у гэтую барацьбу – праз выхаванне дзяцей, вывучэнне мовы, дапамогу вайскоўцам ва Украіне.
Памятайце: як і 500 гадоў таму, праўда і справядлівасць на нашым баку. Таму мы абавязкова пераможам. Жыве Беларусь!»

⚔️ Сёння адзначаецца свята Беларускай вайсковай славы - 510-ая гадавіна Бітвы пад Воршай

Ва Успенскім саборы Кіева-Пячэрскай лаўры, ля надмагільнага помніка князю Канстанціну Астрожскаму адзначылі гістарычную падзею.

☝️8 верасня 1514г адбылася бітва паміж войскамі ВКЛ і Княствам Маскоўскім. У Масквы перавага ў колькасці воінаў была амаль у 2 разы- 32 тысячы супраць 14 тысяч. Аднак перамог гетман Астрожскі. Ён ужыў шмат навінак, што пазней увайшлі у зал вайсковай славы. Напрыклад, першае ў гісторыі прымяненне артылерыі на поле бою.

8 верасня — Дзень беларускай вайсковай славы. Сёння — 510-я гадавіна бітвы пад Оршай, калі аб'яднанае войска Вялікага Княства Літоўскага і Кароны Польскай ушчэнт разграміла арду Маскоўскага княства. У 1514 годзе пад камандаваннем гетмана Канстанціна Астрожскага войска ВКЛ упершыню выкарыстала супраць ворага палявую артылерыю.

Святкаванне гэтай даты ў Беларусі адрадзілася ў 1990-х гадах. Дзяржаўнага статусу свята не набыло, але неафіцыйна святкавалася даволі шырока.

https://www.youtube.com/watch?v=eiXU-3BgGW0

YouTube

"Дата генератар": 8 верасня 1514 года — Бітва пад Оршай

У новым "Дата генератары" пісьменнік Анатоль Тарас расказвае пра бітву пад Оршай. Прыемнага прагляду! Афіцыйны telegram — https://t.me/euroradio Нефармальны канал — https://t.me/euroradiofm Facebook — https://www.facebook.com/euroradio.fm Twitter — htt…

?? Грамадская арганізацыя Dapamoga запрашае ўсіх адсвяткаваць 4-ы дзень нараджэння ў суботу 7 верасня!"Чатыры гады намаганняў.
Тысячы беларусаў, выратаваных з кіпцюроў дыктатуры.
Тысячы ўкраінцаў, якія атрымалі дапамогу.
І шмат вашага цяпла — дзякуй, што вы з намі!

Сёлета свята народзінаў Dapamoga адбудзецца ў фармаце фестывалю, падчас якога:
- кулінары і творчыя майстры прапануюць свае вырабы для набыцця,
- пройдзе майстар-клас па вырабе керамікі,
- можна ўзяць удзел у розных конкурсах,
- і атрымаць асалоду ад музычных выступленняў
І вядома, усіх чакаюць СЮРПРЫЗЫ.

Чакаем вас ужо праз тыдзень!

З павагай і любоўю,
Dapamoga"

? Дзверы шелтара "Замак" адкрыюцца для гасцей а 14 гадзіне, свята пачнецца а 15-й.
?Адрас: Naujoji Riovoniu 10 (іншы адрас для геалакацыі — Savanoriju pr. 134b), Vilnius.

#БЗ_афіша

Беларусы Замежжа | Даслаць навіну

Рада БНР і Ціханоўская павіншавалі беларусаў з 33-ай гадавінай абвяшчэньня незалежнасьці Беларусі

У 33-ю гадавіну абвяшчэньня незалежнасьці Беларусі Рада БНР і дэмакратычная лідэрка Сьвятлана Ціханоўская выступілі з заявамі, у якіх павіншавалі беларусаў з гэтым сьвятам.

Аляксандар Лукашэнка сёньня не рабіў ніякіх заяваў з нагоды 33-ай гадавіны абвяшчэньня незалежнасьці Беларусі, затое ён павіншаваў асабовы склад і вэтэранаў Спартовага камітэту Ўзброеных сіл «з 80-годзьдзем з дня ўтварэньня ўстановы», а калектыў і вэтэранаў «Беларуськалію» — з Днём шахтара.

Пра што ў сваіх віншаваньнях казалі Сьвятлана Ціханоўская і Рада БНР (фота ілюстрацыйнае??):

https://smarturl.click/67X0D