Віншуем вас з Калядамі! Зычым больш шчаслівых момантаў, цяпла і любові.

І вось яшчэ некалькі фактаў пра свята.

❄️ Першапачаткова Каляды мелі язычніцкія карані і сувязь з днём зімовага сонцастаяння. Калі на беларускія землі прыйшло хрысціянства, Каляды пачалі святкаваць на Раство. Доўжыўся святочны перыяд да Вадохрышча.

💫 Калядная вячэра. Пад абрус на стале клалі сена. Пачыналася вячэра з узыходам першай зоркі. Перад пачаткам вячэры гаспадар мог узяць лыжку куцці і пакласці яе на акно ці на парог – для продкаў.

⭐️ Калядоўшчыкі. Галоўным персанажам была каза. Яна лічылася сімвалам урадлівасці і дабрабыту, а яе смерць – сімвалам заканчэння старога году. У старажытнасці калядоўшчыкаў прымалі за духаў памерлых продкаў, якія вярталіся ў хату. З прыходам хрысціянства іх пачалі ўспрымаць як валхвоў, якія апавяшчалі ўсіх пра нараджэнне Хрыста.

Каляды маюць шмат значэнняў, але дакладна цешыць тое, што беларусы і беларускі ўсё часцей звяртаюцца да ўласных традыцый, калі ладзяць імпрэзы і сямейныя святы🤍

Дарагія беларусы! Віншуем вас з Калядамі!
Мы ўсцешаныя, што гэты год вы былі з намі. Што звярталіся да нас, прасілі дапамогі — дзеля гэтага мы і працуем. Што знаходзілі сілу і магчымасць дапамагчы тым, хто мае ў гэтым патрэбу ❤️

Тым, хто шукае дом — зычым знайсці яго і жыць у спакоі. Тым, у каго гарыць агонь у сэрцы — нязгаснай надзеі. Тым, каго апанаваў страх і знямога — добрых людзей поруч. Тым, хто жыве ў чаканні — веры ў тое, што аніводная гара назаўсёды не закрые сонца.

Мы ўсе — часткі салідарнасці, вядомай усяму свету. Гэта неразбуральная сіла, што робіць нас адметнымі і праз што мы трымаем нашу барацьбу. Нас яднае любоў.

🎁 Падтрымайце дзяцей палітвязняў праз праект «Калядная пошта» — вось спасылка на данат.

Няхай вашыя добрыя справы чуе і бачыць Сусвет!

🌍 "Галасы праз межы" — вынікі эстафеты ў падтрымку Беларусі

Што атрымалася, а што не, ці ўдалося сабраць грошы для палітвязняў і пацярпелых ад рэжыму? Як рэагавала на праект замежная аўдыторыя? Ці ўдалося аб'яднаць дыяспары?

Пра гэта і не толькі — стрым на Еўрарадыё. Далучайцеся наўпрост зараз!

https://www.youtube.com/watch?v=c7e4MRAMsnk

#VoicesAcrossBorders #ГаласыПразМежы
#GettoknowBelarus

Народныя амбасады | Ананімны зварот | Падтрымаць нас

🎄Запрашаем на Art Craft House Christmas!🎄

21 снежня з 11:00 да 19:00
22 снежня з 11:00 да 20:00 на Scena Chmielna (Nowy Świat 27a) адбудзецца святочны калядны Арт Маркет.

На мерапрыемстве вы знойдзеце:

🔜біжутэрыю,
🔜свечы і дэкор для дома,
🔜ёлачныя ўпрыгажэнні,
🔜хатні шакалад, калбасу, зефір і пастылу,
🔜натуральную касметыку і мыла,
🔜кераміку, вырабы з скуры і дзіцячыя цацкі,
🔜ручную вышыўку крыжыкам,
адзенне.

🎁Гэта цудоўны шанец абраць падарункі для сябе і сваіх блізкіх і правесці час у атмасферы каляднай цеплыні

⭐️Сардэчна запрашаем

📍 Месца: Nowy Świat 27a, Варшава
🕒 Час: 21 снежня з 11:00 да 19:00, 22 снежня с 11:00 да 20:00

#БЗ_афіша

Беларусы Замежжа | Даслаць навіну

*🧳Мігранты, уцекачы, выгнанцы: як назваць сотні тысяч беларусаў, вымушаных пакінуць радзіму*
Міжнародны дзень мігранта адзначаецца сёння, 18 снежня, ва ўсім свеце. Гэты дзень быў запачаткаваны ў 1990 годзе Генеральнай асамблеяй ААН і найперш тычыўся эканамічных перасяленцаў. Дата была выбраная невыпадкова — у гэты дзень была прынятая Міжнародная канвенцыя аб абароне правоў усіх працоўных мігрантаў і членаў іх сем’яў.

За 34 гады ад той даты шмат што змянілася і сёння ўсё болей і болей людзей у розных краінах вымушаныя пакідаць свой дом і мяняць звыклы лад жыцця з-за вядзення баявых дзеянняў, войнаў і палітычных матываў.

Гэтая праблема не абмінула і беларусаў. Такім чынам, міграцыя ператварылася ў бежанства, альбо ўцякацтва.

Чытаць па спасылцы 👉**** https://spring96.org/be/news/116971

#dissidentby

Стала вядома, што ўчора скончыла жыццё самагубствам Святлана Круцікава. Жанчына пражывала ў пінскім раёне і некалькі разоў была асуджана па "экстрэмісцкіх" артыкулах да арышту. Так, апошні суд адбыўся 6 лістапада ў Пінску за "распаўсюд экстрэмісцкіх матэрыялаў".

Па меркаванні знаёмых жанчыны, яна не вытрымала вобшукаў, пазбаўлення волі, праверак і рэгулярнага псіхалагічнага ціску з боку міліцыі. 10 снежня Святлана кінулася пад цягнік. Людзі кажуць, што іншых абставінаў для такога ўчынку ў жанчыны быць не магло - яна была вельмі актыўнай і жыццярадаснай.

❤️ Чатыры гады таму, у Дзень правоў чалавека, былі заснаваныя Народныя амбасады Беларусі

За гэты час:

✊ Мы падтрымалі тысячы беларусаў і беларусак у выгнанні
✊ Усталявалі кантакты з парламентамі, урадамі, АБСЕ і ПАСЕ
✊ Прыцягнулі міжнародную ўвагу да сітуацыі ў Беларусі
✊ Садзейнічалі міжнародным візітам абранай Прэзідэнткі Беларусі Святланы Ціханоўскай і іншых беларускіх прадстаўнікоў і прадстаўніц у выгнанні
✊ Аказалі дапамогу палітвязням і беларускім добраахвотнікам ва Украіне

Аднак адна місія яшчэ наперадзе: вызваліць Беларусь ад гвалтоўнага, жорсткага і незаконнага рэжыму.

Наша праца працягваецца! ✊

Народныя амбасады | Ананімны зварот | Падтрымаць нас

Дарагія сябры!

Мы хочам папрасіць вас далучыцца да збору на калядныя падарункі для беларускіх дзяцей, чые таты – беларускія ветэраны – змагаліся супраць расейскай агрэсіі ва Украіне.

Гэтыя дзеці жывуць у Літве, не могуць вярнуцца да сябе дадому і часта пазбаўлены радасцяў, якія іншыя дзеці ўспрымаюць як само сабой зразумелае.

Агулам у Літве жывуць 11 дзяцей беларускіх ветэранаў. Мы не называем іх імёнаў у мэтах бяспекі. Узрост дзяцей - ад 5 да 17 гадоў.

У мінулым годзе віншаваў гэтых дзяцей беларускі добраахвотнік Аляксандр Царук (пазыўны «Сашко») і Любоў Рабцэвіч (жонка "Куся").  Нажаль, увесну гэтага года Аляксандра з намі не стала з-за хваробы.  Але ягоная дачка Вольга вырашыла працягнуць справу бацькі.

Мы просім вас зрабіць унёсак на рахунак дабрачыннай арганізацыі SASHKO, каб мы змаглі здзейсніць мары гэтых дзяцей і зрабіць іх свята святлейшым і цяплейшым.
Нашы рахункі:
❤️Paysera:
Savanorių organizacija SASHKO
IBAN: LT083500010016504536 (Paysera LT, UAB)
SWIFT/BIC: EVIULT2VXX

💙Stripe
https://donate.stripe.com/fZe2brgiX5Hd0qA000

Наша вэб-старонка
🌐 https://sashko.lt/

Калі ў вас ёсць пытанні, вы можаце задаць іх камандзе дабрачыннай арганізацыі “Сашко” па электроннай пошце:
💌 [email protected]