إذا فيه بالقناة كاتبة تدخل لي خاص ضرروري❤️‍? @Qu22ds2

إذا فيه بالقناة كاتبة تدخل لي خاص ضرروري❤️‍?
@Qu22ds2

★ ٱلبــــ٢١ــــــارت ..

عند الجدة..
فتحت الجدة الباب بقوة: ايش بتقولي ياثريا
ثريا كانت واقفة بالمطبخ مع سهير وفرح تحكي لهن ويبكين ارتبكت بسرعة وماعرفت ايش تقول
الجدة تقرب منهن والرجفة فيها واضحة
الجدة بغصة: مالها غصون؟
سهير قربت من الجدة بسرعة ومسكت يدها: اهد يماه مالها خير مافيها إلا العافية
الجدة بصوت عالي ولونها مخطوف: قلت مالها
ثريا تحاكت بتردد: بالعناية يماه
الجدة رجعت للخلف خطوتين تحاول تسند نفسها توجهين لها وهن يصيحين خايفات عليها
الجدة بحزم: وخّرين ..
ومشيت من عندهن تاركتهن بدوامة استغراب
فرح: لانفلتهاااش
ولحقينتها
دخلت الجدة غرفتها وهي تصيح: ويخبين عليا ومايحاكوني هولا العاصيين
حنان بإستغراب: يحاكوش بأيش يماه ايش به
الجدة بغضب: حتى انتي مش دارية
حنان نكزت: مالش يماه صلي على النبي
الجدة جلست وهي تردد: عليه أفضل الصلاة والسلام
دخلت ثريا الغرفة معاها فرح وسهير
فتحية: مالكن خير تحاكين ايش به
حنان: مالها امي دولة
ثريا بتردد: غصون بالعناية
حنان ضربت يدها بصدرها وشهقت بصدمة
عفاف سنبت: ايش بتقولي ياثريا
ثريا تبكي: ايوة بالعناية اتصاوبت
وكلهن التفتين لحنان إللي اغمى عليها ..

توجع للباب بخطوات ثقيلة وهو يسمع اصوات ماعرف يميزها..
فتح الباب وهو يحاول يجمع حسه
اول من شاف امامه ظهر عمه خالد
وصل لمسمعه صوته وهو يردد: لا إله إلا الله لا إله إلا الله
اصيل عقد حواجبه بإستغراب
انتقلت نظراته لأبوه إللي قال وهو جالس جنب الباب وماسك راسه بين يداته: قد ستر الله ان اصيل راقد
اصيل وكأنه ادرك فجأة وبخوف بسرعة قال: ايش به يا أباه .. التفت لعمه وكمل: مالها غصون
توجه له ابوه وقال بتملل: مالها شيء ياولدي سعليك ماغير تعبت أول لكن الآن الحمدلله صحيت.
اصيل بهرر والفرحة تحكي نظراته: صحيت!
علي يربت على كتفه: ايوة صحيت .. وتوجه للغرفة و يكمل: وعمك ضابح حين اتصل عمك صالح وقال اللي بالبيت وصل لهم الخبر والحالة حالة
رد اصيل بدون أي إهتمام لأي موضوع سوا غصون: وينها غصون؟ قد عينتوها؟ كيفهي؟
خالد: احنا ماشي قد سار طارق يعينها
اصيل كردة فعل يعبر عن فرحته حجف عمه خالد بقوةة وهو يضحك ودموعه تنزل هذي المرة فرح!
خالد يحضنه ويقول بضحكة: ياولدي اذكر الله لايوقع فيك شيء .. ويرجع خطوتين لوراء من اصيل إللي يحجفه اكثر واكثر
علي يضحك وهو يشوفهم من داخل الغرفة: دلا ياولد على عمك
اصيل ابتعد عن عمه وهو يضحك وتنوجه لأبوه وحجفه: فاارح يا اباه فارح
علي يربت على ظهر ولده: الحمدلله الحمدلله

قريب منهم..
بغرفة غصون..
دخل الغرفة ووقف ثواني يشوفها وتنهد مايدي ينبسط لأنها صحيت او يزعل عشان ان هي بكل هذا!
تقدم لها وهو يحس بغصة بقلبه من منظرها امامه ممتده وصوت الاجهزة إللي عليها يملي الغرفة
جلس جنبها ومسك بسرعة على يدها وقال بصوت يحاول مايبين فيه الغصة: غصون؟
رفع يدها وحبهاا: غصون تسمعيني
فتحت عيونها ببطئ
طارق ابتسم وقال بحب: حيا الله روح اخوها
غصون .. وصلها صوت اخوها المرحب نقلت نظرها ببطئ على الغرفة ورجعت نظرها لأخوها وابتسمت ونزلين دموعها
طارق طرح يده على كتفها وقال بقلق: مالش ياروح اخوش به شيء يوجعش
غصون هزت راسها بـ لا
طارق: والله ياغصون لو وقع فيش شيء اني لاكنت اموت بعدش
غصون شدت يدها على يده ودموعها مواصله تنزل
طارق: فجعتينااا عليش جينا لش من صنعاء
غصون وأخيرًا نطقت: انا فدالك ياطارق غصب عني
طارق رد بفرح: الله لايحرمني هذا الصوت والله ياحيد اخوش انه اصعب يوم في حياتي كنت اقول يارب باقي لي غصون لاتشلها لو عتشلها شلني معاها
غصون تتحاكى بصعوبة: لاتقول هكذا ياطارق الحمدلله على إللي حصل
دخلت الممرضة تتابع حالتها وهي مبتسمة
طارق: كيف هي يادكتورة
الممرضة: الحمدلله احسن بكثير
طارق التفت لأخته: الحمدلله ندي لها حاجة تآكلها
الممرضة: ممنوع الاكل عليها لما يسمح الدكتور
طارق هز راسه بـ تمام
الممرضة تمسك جهاز الأكسجين وتكمل: واذا حست بكتمه او شيء او حتى كحت طبيعي افعل لها الجهاز وصيح لنا
طارق: طيب

بمكان بعيد عنهم..
بصنعاء .. بيت الجدة..
عذاري طرحت جهاز الضغط من يدها: يماه دولة صلي على النبي قد طمنونا على غصون والله ان ابي حلف يمين ان هي صحيت وان قدهي بخير
الجدة بحزن: يابنتي ايش افعل مش بيدي
عفاف ترجع الجدة لوراء: ارقدي يماه ذحين وارتاحي عشان ينزل ضغطي لاتهمي ولاتفكري
الجدة وهي تمتد: ان شاءالله
فاتن من باب غرفة الجدة: عذاري تعالي دقايق
عذاري لحقتها
دخلتها فاتن اقرب غرفة وغلقت الباب
عذاري مستغربة: مالش ياجنية
فاتن سحبت عذاري وجلستها وهي تقول بتوتر: والله مدري ايش اقول لش.
عذاري زاد استغرابها وافتجعت: غصون .. مالها
فاتن ضربتها على راسها: اتعوذبي غصون بخيرة قد طمنونا عليها
عذاري بغضب: كان مالش اتحاكي
فاتن بإرتباك وشوية حيا رجعت خصلة شعرها لوراء اذنها وقالت: شاقولش ناهي

يتبع..

تفاعلوا بالبارت طيب?*❤️.*

ايش رأيكم يكون بالبارت الجاي موت.!

تابع....

ريم: اتصل لأحمد؟
ثريا: لاتشغلنهم قد قال طارق عيسير لحاله ويحاكينا
عذاري: يحاكينا ايش ولحاله ايش احنا قلنا نتصل نحاكي غصون
فاتن: اي والله لكن على طارق صوت الله يستر بس والله اني قلقت قووي
ثريا: ليش تقلقي مالكن صلين على النبي
: عليه الصلاة والسلام
فاتن نكزت: اتصل اسكتين .. وردت: ايوة طارق الحمدلله بخير كيف انتو انتو الحرب عندكم مش عندنا .. الحمدلله واصيل وغصون .. ماغير اتصلت قلنا نحاكي غصون من عندك لأن تلفونها مغلق .. ايوة ايش .. اتحاكى لاتفجعني ..
كل البنات انتبهين للكلام اللي عتقوله فاتن
ثريا اشرت لها تفتح سبيكر وهي فتحت
طارق وصوته باين فيه الضيق: غصون مرقدة يافاتن
ثريا ردت بسرعة وبخوف: ايشش
فاتن: طارق ايش بتقول
طارق: انتبهين احد يدرى
عذاري قامت غلقت الباب والرجفة سيطرت عليها
ثريا: اتحاكر ايش به
طارق وهو يحاول مايبكي: مرقدة حصلت رصاصة وقد فعلوا لها عمليه
ووصله صوت شهقات البنات
ثريا بصياح: طارق ايش لاتقول
طارق: الله يرضى عليش ياخالة وطي صوتش
ثريا شلت التلفون من ثريا وهي ترجف: اتحاكي
طارق: قد تحاكيت ادعوا لها ياخالة
فاتن: وكيف هي
طارق: ماقد حد شافها ادعين تصحى ولا عتدخل غيبوبة هكذا قال الدكتور
فاتن: منك صدق ياطارق
طارق: فاتن مالش عد اكذب عليش قد احنا في حال لايعلم به إلا الله
ثريا تضرب يدها بصدرها وبدأت تبكي: ياويلي عليش يابنت اختي
طارق: عد اغلق انتبهين امي دولة تدرى
فاتن شلت التلفون وتحاكت بسرعة وهي ترجف: وكيفو اصيل ياطارق
طارق تنهد: تاعب بعد غصون دعواتش
فاتن: كون طمنا ياطارق
ماوصلها رده لأنه غلق المكالمة

عذاري تحضن عمتها وهي تبكي معاها: اهدي ياعمة لاتسمع امي دولة
ثريا ببكاء هستيري: ليش ماقالوا لنا
ريم ببكاء: مايشتو يقلقونا اكيد
فاتن: ويلي عليش ياغصون ويلي عليك يا أصيل
عذاري تحاول تكون قوية: بنات اهدأين صلين على النبي ايش قال طارق انتبهي امي دولة تسمعنا نكون بشيء نصير بشيء والله العظيم
ريم تمسح دموعها وتحضن عمتها: ايوة ياعمة قووا اهدي

بعد عدة ساعات..
ساعات ثقييييلة على البعض، مشت ببطئ شديد.
بالحديدة تحديدًا بالمستشفى..

فتح عيونه بصعوبه وهو يحس بثقل جفونه تحرك ببطئ وهو يحس كأنه مقيد
رفع راسه وهو يشوف الدنيا ضباب حاول يفتح عيونه عشان يشوف بوضوح وأول شيء شافه هو الجبس الذي بيده
طرح راسه ثواني يحاول يتذكر هو وين وايش صار غمض عيونه بقوة يحاول يفتحها بصورة واضحة
وفجأة قام بسرعة بعدما استرجع كل الاحداث بصورة سريعة
ردد بهمس: غصون!
ونزل من فوق السرير بسرعة ولكنه اسرع تمسك بالجدار لأنه حس بدوخة قوية
ثبت ثواني يسيطر على الوضع تلفت شاف الغرفة فاضية
توجه للباب بخطوات ثقيلة وهو يسمع اصوات ماعرف يميزها..

-البـــارت الـ٢٠ إنتهـــى.

تابع...

شهاب: وانتو ليش عادوا بدري
علي التفت لشهاب وبغضب: لاتسمعني صوتك مش وقت لقانة نسوان
عصام ومش ناوي على خير دهف علي: نسوان ايش .. بتقول لولدي نسوان
واشر لأصيل وكمل بصوت عالي وهو يوجه كلامه لأصيل: حرام ما مره إلا هذا ذي ماقدر ينتبه لمكلفه
خالد يحاول يهدئ الوضع لأن الذي فيهم مكفيهم: اهدأو وصلوا على النبي
عصام: اين صلاة وقدك بتشوف الوضع سار شهر العسل ودخلها العمليات
اصيل وصبره نفذ من اللي جالس يسمعه وقف بسرعة ومسك بياقة عصام وقال بصياح وهو يرجف غضب: رحححلك من هانا ماناش ناقص هدارك ماعلى ابووك من ذا الخبر.
كلهم تجمعوا يفكوا بين اصيل وعصام
اصيل بصياح وغضب اكثر: ماناش فارح ان هي داخل مشتيش اغلط عليك احترام لها
شهاب بتفاعل: هذا كله وماتشتي تغلط عيب عليك يا اصيل من حقه ابي يقول الذي يشتي دام وانت وصلت الامور لاهانا
اصيل التفت لشهاب بنظرات نارية وتوجه له بسرعه وبدأ يضربه وكأن اعصابه فلتت فوق شهاب
كان يضرب شهاب بدون ادراك للذي هو جالس يفعله وهو يردد: مشو انااا مشو انا يا### مشو انا مشو انا مشووو انا
فرقوهم بقوة بعدما كان شهاب ممتد بالقاع واصيل جالس فوقه
الدكتور بصوت عالي: التزموا الصمت واحترموا المرضى ولا اخرجوا خارج مابش مجال ان احنا نتحملكم
شهاب وهو يمسح الدم الذي بنزل من نخرته: وجه كلامك لهذا والله ماسارت له
خالد يكلم الدكتور وهو يربت على كتفه: اعذرنا الله يحفظك امسحها بوجهي وهات لنا غرفة مش معقول ننتظر هانا وانت داري جايين من سفر
عصام: فعلا انكم ماتستحوا عادوا سارق ومبهرر
اصيل بصياح وانفعال: مانش متحرك من هانا لأي مكان الا وغصون معي
علي يلتفت لولده: امشي ياولدي الله يرضى عليك ماعنمشي كلنا الا بغصون
احمد يسحب اصيل ويمشوا كلهم خلف الدكتور بإستثناء شهاب وابوه
أحمد: يعني بالله اين عنسير هي الغرفة وبعدين خاف الله في نفسك عين كيف قد انت منتهي
اصيل بضبح: هجعني يا أحمد ماناش ناقص
علي غلق باب الغرفة والتفت لأصيل: ارقد يا اصيل فوق السرير افتهن رد روحك
اصيل رد بأعصاب تالفه: هجعوووني ايش ارقد ايش
طارق أخيرًا نطق بترر: يا أصيل كيف وقع الخبر
اصيل عين لطارق ثواني وبدأ تنفسه يثقل
توجه للسرير وجلس عليه وهو سارح بفكره ..
ثواني مرت وبدأ يضرب الجبس حق يده بالطاولة القريبه من السرير بشكل هستيري
علي مسك ولده بسرعة وهو يتعوذب ويحاول يهدأه واحمد بيساعد عمه بأصيل: اصيل صل على النبي ايش فيك
اصيل وقف حركة لثواني ورجع يبكي سعما الجاهل
وكل الذي بالغرفة بكوا معه من الوضع الذي هم فيه وعشان غصون
اما خالد خرج بسرعة يحاكي الدكتور يفعل حل لحالة اصيل
اصيل بين بكاه: كانت خايفة وانا ماسك يدها وحتى انا كنت خايف مش عشان نفسي..
رفع نظره عليهم كلهم وكمل: لا والله عشانها هي والله كنت مقهور انهي خايفة وانا مش قادر اطمنها..
مسح دموعه بذراعه بحركه سريعة ورجع يكمل: شوية إلا يدها رخيت من يدي صيحت لها ماجاوبت وادربت لاقدام واعين الدم ملان الكرسي
علي حضن اصيل وهو مقهووور وقلبه بيوجعه على ولده وبنت اخته: خلاص ياروح ابوك اذكر الله
اصيل بحضن ابوه ومواصل بكاه: ياباه تيه غصون تيه غصووون افهمني كيف يوقع فيها هكذا كيف وانا جنبها
قام من حضن ابوه وعين لطارق إللي منتحر بكاء بصمت: الرصاصة اخترقت الباب الخلفي للسيارة واخترقت مقعدها .. ليش ما اخترقت مقعدي انا ليييش
علي بحزم: مايجوز يا اصيل كانت غصون عتنطرح بموقف صعب وهي لحالها
اصيل خرجت منه "اآهه" وجعت قلبه
دخل الدكتور وعلي حضن ولده اللي مواصل يبكي توجه لأصيل وسحب ذراعه السليمة وفعل له ابرة مهدئ مامرت إلا ثواني واغمى عليه
الدكتور: لازم نغير له الجبس بما انه معانا مجال
علي مسك يد اصيل وشاف كيف قدها مورمة ولونها ازرق وهز راسه: آاخ منك ياولدي

بمكان بعيد..
ببيت الجدة..
ريم: الحمدلله والله ان قد كنت افكر افكار خيرات
فاتن: والله ان فجعتي لايعلم بها إلا الله
ريم: ليش مانتصل لهم يخلونا نحاكي غصون
عذاري تأيد ريم: اي والله
فاتن شلت تلفونها: عد اتصل لطارق يخلينا نحاكيها .. واتصلت فيه
ريم: مازد سألنا على شهد
عذاري: اي والله اخص علينا
ريم: عمي صالح ماسارش صح
عذاري: ماشي قال مايفلتناش
فاتن بقلق: ماجاوب وقدهي مكالمتين
عذاري: عيدي الإتصال يمكن ماسمع
فاتن وهي تعيد الاتصال: الله يستر قلبي قبضني
ثريا دخلت عندهن: مابتفعلين
ريم: تعالي اجلسي ياعمة بنتصل لطارق نحاكي غصون
فاتن بقلق وهي توجه نظرها بينهن: مالايرد
ونكزت: إلا رد .. الو طارق كيف انتو .. الووو طارق مابين اسمع .. ايوة ايوة احنا الحمد لله بخير.. ماله صوتك؟
كل أنظار البنات توجهت لها!!
فاتن: الوو طارق مابين اسمع .. ايوة ايوة ماله صوتك .. إلا حاكيني مالك .. الووو .. هاا ايوة يلا لاتتأخر مريعة اقطب ولا عد اتصل لأبي .. مع السلامة
نولت التلفون من اذنها وهي تقول: قال عيسير مكان لحالة وفيه تغطية ويتصل

يتبع....

تابع...

بالسيارة..
علي قال بغضب شديد على أسعد بعدما أنهى المكالمة: انتبه للطريق الله يشلك انتبه عين تجاهك
خالد: صل على محمد ياعلي الولد يشتي يتطمن على اخوه قول لنا ايش قالوا ليش المستشفى؟
علي يتنهد: غصون اتصاوبت وهم بالمستشفى
طارق التفت لخالة بفجعة: اتصاوبت!
علي يطرح يده على كتف طارق ويشد عليه: ايوة وفعلوا لها عملية
خالد يردد بحزن: لاحول ولاقوة الابالله!
طارق وهو يمسك بكاه: طيب ياخال كيف هي ايش قال الدكتور؟؟
علي: والله قال الرصاصة خلفية اخترقت رئتها وقع نزيف في الرئة وحاولوا يتداركوا الوضع لكنها للأن مافاقت ولا قدروا يصحوها!!
طارق وقلبه يضيييق اكثر مع كل كلمة من خاله: طيب وايش الحل؟
اسعد: ندعي لها ياحيد اخوك مابش بيدنا إلا أن احنا نسير عندهم.
خالد: طيب وعصام ورانا نحاكيهم ولا كيف؟
علي رد بسرعة: لاتحاكوه ولا هجعونا منه عيفعل مشاكل اكثر منما يسلمنا شره
اسعد: طيب يا اباه اتصل لأمي والباقي طمنهم.
خالد: مع امي عتموت لاتحاكيهم
علي يمسك تلفونه: لا اقل شيء نقول لهن ان قد سمعنا صوت اصيل وقد درينا وين هم وخلاص
احمد بقلق: كيفو اصيل ياعم
علي تنهد: والله ان صوت اصيل ولدي ذيه اول مرة اسمعه
كلهم التفتو لطارق الي خرجت منه تنهيدة طويلة والتفت يشغل نظرة بالطريق رغم الضيق الذي مسيطر عليه

ببيت الجدة..
حنان نزلت التلفون من اذنها والتفتت لثريا بفرح: لقوهم الحمددددلله قلش اصيل اتصل لعلي من تلفون صاحبه وطمنهم وذحين هم سايرين
ثريا تحضنها: الفففف الحمدلله
عفاف تقوم من جنبهن: هيا قومين نطمن امي والباقيين اللهم لك الحمد انك طمنتنا عليهم
ثريا تدخل غرفة امها وتتوجه بسرعة تجلس جنبها: يماااه اتصل علي طمنا قال اصيل اتصل له وهم بخير
الجدة شهقت: احلفي
حنان ضحكت: والله يماه طمنهم وذحين سايرين لاعندهم يشلوهم ويجو
وغرفة الجدة اللي كانت مكتضة بالبنات على صياحهن وفرحتهن
الجدة بفرح: نذر اني افعل لهم ذبيحة واطعم منها المساكين فقط
فتحية: الحمدلله يستاهلوا .. والتفتت للبنات: هيا قومين افعلين صبوح دافي كلنا بغير صبوح
ثريا: اي والله افتتحت نفسنا
عذاري وقفت: هيا من عتجي معي
وخرجت وخرجين بعدها فاتن وريم

عند أصيل..
رد بتملل: ماشي يادكتور خلني الله يرضى عليك
الدكتور: يدك عتتضرر اكثر
اصيل عز راسه ب لا.
التفتو للصوت الذي نده لأصيل من وراهم:اصيل!
اصيل وقف بسرعة وحضن صاحبه "حسان"
حسان رد بسرعة : انفدالك ياقلب اخوك كيف انتو
اصيل بعد عنه ورد بشوية برود عكس النيران إللي بداخله: الحمدلله
الدكتور: بما انك جيت ايش تقرب له؟
حسان: صاحبه
الدكتور: اقنعه نشوف يده ابسر كيف حالتها
حسان بسرع مسك ذراع اصيل بين يداته: اوف ليش ماتخليه يا اصيل عين كيف هي مورمه
اصيل يسحب يده من حسان ويجلس وقال بضجرر: خلوووني في حالي
حسان اشر للدكتور بمعنا عد اقنعه والدكتور هز راسه ومشي

عند علي وباقي الرجال..
وقف اسعد السيارة وهو يتلفت: اكيد هو هذا المستشفى
علي يفتح باب السيارة: ايوة هو ايش باقي
ونزلوا من السيارة مسرعين
ووقفهم صوت ابو شهاب: ياعلي
علي التفت بسرعة: ايش ياغصام مش وقت نهدر
خالد بأستعجال: هيا ندخل
شهب رد بسرعة: ليش جينا المستشفى
عصام يكمل: ايش فيه؟
طارق بغضب: هيا ندخل مش وقت هدرة
والكل توجهوا لباب المستشفى وقلوبهم مليانة قلق ولاسيما اتلبستهم الرجفة.
اول مادخلوا صادفوا حسان امامهم
بعد السلام المستعجل قال علي: اينو اصيل
حسان تحرك بسرعة: تعالو من هانا
عصام بغضب: حاكونا ايش به
خالد بصوت هامس: يالله دحنا المصايب
واول مادخلوا على الممر حصلوا اصيل جالس فوق الكرسي والحالة اللي كان فيها يرثى لها
قربوا منه بصمت منصدمين من شكله
شعره مشعففل وملابسه فيها دم ومبهذل لاسيما وجهه اللي فيه اثار دم .. ودموع!
كان جالس ويحاول يبعد الجبس عن يده شوية يسحبه وشوية يضربه بيده
اسعد بسرعة تعدا الكل وجلس جنب اخوه: اصيل!
اصيل رفع راسه لأخوه شافه بنظرة باردة ورجع نظره للجبس!
علي جلس جنبه من الجهه الثانية وقال بحزززن من حالة ولده: كيف انت يا ابوك
اصيل .. لارد
طارق تقدم: وين غصون؟
اصيل رفع عيونه بسرعة لطارق وتأمله ثواني: غصون!
طارق: ايوة غصون
اصيل التفت لأبوه: قلت لكم داخل عندهم
علي: ماقد عينتها؟
اصيل هز راسه ب لا.
حسان: عادو ممنوع الدخول لاعندها قبل ناتستقر حالتها
عصام تقدم لأمام اصيل وقال بصياح وغضب: تستقر حالة من يا### ايش بتقولوا؟؟؟
شهاب بغضب وتشجع بعد كلام ابوه: مالها غصون عتتحاكوا!
خالد يمسك عصام من يده: اهدأ وصل على النبي ياعصام
عصام: اهدا ايش جينا من صنعاء لاهانا وانتوا ولا رضيتوا تتحاكوا ايش به وذحين تقولوا تستقر حالتها
طارق بعد عنهم وجلس بكرسي خلفهم وهو ضايق من الوضع وعشان اخته
علي بغضب: اهدا ياعصام قدك بتشوف ولدي قدامك كيف حالته
عصام: مالها غصون ايش وقع
خالد: اصابتها رصاصة خلفية واخترقت الرئة
عصام وعيونه يتطاير منها شرار: وليش ماتتحاكوا
علي: قد تحاكينا ذحين

يتبع..