Тармоқларда бир гуруҳ тадбиркорлар Uzum Nasiya орқали маблағларини олишда муаммолар юзага келаётгани ҳақида хабарлар тарқалганди. Бугун Uzum Nasiya вакиллари берган расмий баёнотда кўп масалага ойдинлик киритилибди. Унга кўра, Ўзбекистон қонунчилиги ва платформа қоидаларини бузганлар масаласи бўйича ҳам аниқ гап айтилган.

Унга кўра, қоидабузарликлар тасдиқланмаган ҳолатларда тадбиркорларга пул маблағлари тўлиқ қийматда қайтариб берилади ва платформадаги аккаунтдан фойдаланиш ҳуқуқи тикланади; Платформа қоидалари бир неча маротаба бузилган ҳолатларда Uzum Nasiya пул маблағларини қайтариб беради, лекин сотувчининг аккаунтини блокдан чиқармаслик ҳуқуқини ўзида сақлаб қолади; Платформа қоидалари ва Ўзбекистон Республикаси қонунчилиги мунтазам равишда бузилган ҳолатларда пул маблағлари ва аккаунтлар блокдан чиқарилмайди;

Маблағлар тез орада сотувчиларнинг ҳисобига ўтказиб берилади.

@safarblog

Ёзишмадаги қисқартмалар хабарни қабул қилувчида қандай таассурот қолдиради?

Стэнфорд ва Торонто Университети психологлари томонидан ўтказилган тадқиқот электрон ёзишмалардаги қисқартмалар уларнинг самимийлигига шубҳа уйғотиши ва жавоб олиш имкониятини камайтириши мумкин экан.

📥 Қисқартирилган смс-хабарлар юборувчининг масалага енгил-елпи қараши ва носамимийлиги белгисидек қабул қилинади.
📥 Қисқа хабарларга қисқа ва мужмал жавоблар берилади.
📥Ёшлар кўпинча қисқартмалардан фойдаланишса-да (масалан, энг ёмон кўрганим — А.а.) улар барча ёш гуруҳларига негатив таъсир қилиши мумкин.

Бироқ, айрим психологлар, хусусан, Edge Hill University профессори Линда Кей реал ҳаётда хабарларнинг қандай қабул қилиниши контекстга ва юборувчи ҳамда қабул қилувчининг бир-бирини таниш даражасига боғлиқ.

Бу маълумотни ҳамма смсларингизга «Ок» деб жавоб берадиган танишларингизга юборинг. Ва у сизга яна «Ок» деб жавоб ёзади.

@safarblog

Яқинда Туркиядаги тарихий жойлардан бирида 1 еврога (салкам 14 000 сўм) ҳеч иккиланмай кириб чиқдим.

Яна бир мисол: икки ҳафта олдин фарзандларим билан ҳайвонот боғида ўтхўр ҳайвонларни боқдик, кейин қўлларимизни тозалаш учун 2500 сўмлик нам салфеткани энг яқин растадан 10 000 сўмга сотиб олдик.

Аслида одамлардан пул олиш формуласи осон. Эҳтиёжга қараб, товар ёки хизмат қиймати ҳам ошади. Ҳар биримиз ҳозир ва шу ерда эҳтиёж сезаётган нарсамиз учун керагидан кўпроқ пул беришга розимиз. Бироқ бу қонуниятни онкологик беморлар, йўлдан адашган мусофирлар, умуман қийин вазиятдаги инсонларга нисбатан қўлламаслик керак.

@safarblog

Янги тадқиқот: ёшлар орасида чекиш хавфларини «менсимайдиганлар» кўпаймоқда

Регенсбург Университети тадқиқоти натижаларига кўра, Англияда 2006 йилдан 2024 йилгача бўлган вақтда мунтазам чекмаслик трендга чиққан. Оддий айтганда, ёшлар ҳар куни эмас, кунора ёки маълум давраларда чекишни одат қилишган.

353,000 одам иштирокидаги таҳлилда доимий бўлмаган чекувчилар сони 2006 йилдаги 10,5%дан 2024 йилга келиб, 27,2%га ошгани аниқланди, айниқса, ёшлар ва вейпчилар орасида.

Қизиқ парадокс: замонавий мунтазам чекмайдиган одамлар ҳафтасига камроқ сигарет чекиб, унга камроқ эҳтиёж сезса-да, чекишни ташлашга бўлган мотивация пасайиб кетган. Қолаверса, уларнинг кўпчилиги номунтазам чекиш билан боғлиқ хавфларни етарлича баҳоламаяпти.

Ваҳоланки, ҳафтада бир марта сигарет чекиш ҳам саломатлик учун хавфли бўлиши мумкин.

@safarblog

Дастлаб тухум, кейин товуқ пайдо бўлган

Швейцариялик олимлар 1 млрд йиллик бир ҳужайрали организмни топишди. У Ер юзида илк ҳайвонлардан анча олдин яшаган, бироқ эмбрионларга ўхшаш кўп ҳужайрали структуралар яралиши учун зарур бўлган «дастурни» ўзида сақлаган.

Ниҳоят, кўпйиллик баҳсга ечим топилибди.

@safarblog

Ёдингизда бўлса, “Venkon Group” раҳбари Асқар Исмоилов Президент ва тадбиркорлар ўртасидаги очиқ мулоқот олдидан ташкил этилган учрашувда тадбиркорларнинг 70 фоиздан ортиғи молиявий муаммоларга дуч келиши, шу сабабли улар факторинг каби тезкор молиялаштириш воситаларига эҳтиёж сезаётгани ҳақида гапирганди.

Шу кунгача қонунчиликка кўра, факторинг фаолияти билан банклар, микромолия ташкилотлари ва бошқа ташкилотлар шуғулланиши мумкин, аммо бунинг аниқ тартиби белгилаб қўйилмаганди.

Президент имзолаган “Факторинг хизматлари бозорини жадал ривожлантириш чора-тадбирлари тўғрисида”ги Фармонда юқорида тадбиркор илгари сурган муаммоларга ечим берилгани, унинг таклифлари инобатга олинганини кўришимиз мумкин. Бу давлат раҳбарининг тадбиркорлар билан тўғридан-тўғри очиқ мулоқотлар ўтказиши бесамар кетмаётгани, шундай форматдаги учрашувларда конкрет масалалар кўрилаётганини яна бир бор тасдиқлайди. Менга қолса, хар-хил фестиваллардан кўра, мана шунақа тадбирларни кўпайтириш керак.

@safarblog

Telegram

Savdo-sanoat palatasi

#ochiq\_muloqot “Venkon Group” rahbari Asqar Ismoilov tadbirkorlarning 70 foizdan ortigʻi moliyaviy muammolarga duch kelishi, shu sababli ular faktoring kabi tezkor moliyalashtirish vositalariga ehtiyoj sezayotgani haqida gapirdi. Qonunchilik boʻyicha,…