Туркманистон Ўзбекистонга табиий газ экспорти ҳажмини оширади. Бундай келишувга икки давлат лидерларининг кеча бўлиб ўтган телефон орқали мулоқотида эришилган.

Жорий йил 7 декабрь 00:00дан 10 декабрь 6:00га қадар Солиқ қўмитасининг қатор ахборот тизимлари ва электрон солиқ хизматлари фаолиятида узилишлар бўлади - Солиқ қўмитаси

2024 йил учун ташқи қарз лимити 5 млрд доллардан 7,3 млрд долларга оширилган

2024 йил учун ташқи қарзларни жалб қилиш бўйича йиллик имзоланадиган янги битимларнинг чекланган ҳажми 7,3 млрд АҚШ доллари, жумладан, бюджет тақчиллигини молиялаштириш учун 3,2 млрд АҚШ доллари, инвестиция лойиҳаларини молиялаштириш учун 4,1 млрд доллар миқдорида белгиланган.

Манба

Меҳнат мигрантлари қанча пул юборди?
➖ Жорий йилнинг январь-октябрь ойлари давомида Ўзбекистонга келиб тушган пул ўтказмалари 12,6 млрд долларни ташкил қилиб, ўтган йилнинг мос даврига нисбатан 34 фоизга кўпайган.

➖Маблағларнинг 78 фоизи Россиядан (9,8 млрд долл) келиб тушган бўлиб, ўтган йилнинг мазкур даврига нисбатан 35 фоизга ошган.

➖Қолган қисми Қозоғистон (699 млн долл), АҚШ (470 млн долл, +37%), Жанубий Корея (458 млн долл, +71%), Туркия (331 млн долл), Буюк Британия (109 млн долл, +76%) ва бошқа мамлакатлардан ўтказилган.

➖Маблағларнинг 7 млрд доллари анъанавий халқаро пул ўтказма тизимлари орқали (ўтган йилга нисбатан ўсиш 19 фоиз), 4,9 млрд доллари хориждан жисмоний шахсларнинг банк карталарига тўғридан-тўғри (P2P) ўтказмалари орқали (ўсиш 52 фоиз) ҳамда 650 млн доллари банк ўтказмаси (SWIFT) орқали (ўсиш 2,4 баробар) амалга оширилган.

➖ Жисмоний шахслар томонидан банкларга 13,2 млрд доллар сотилган. Улар сотиб олган валюта миқдори 7,7 млрд долларга етган.

Манба

Солиқ қўмитаси 2024 йил бошидан бери Yandex Uzbekistan бюджетига 125 миллиард сўм (тахминан 10 миллион доллар) маблағ ўтказганини маълум қилди. Бу йил давомида илгари прогноз қилинган 100 миллиард сўмдан анча юқори кўрсаткичдир.

Қўмита хабарида таъкидланишича, бу натижалар самарали ҳамкорлик ва йўловчи ташиш соҳасида шаффоф солиқ тўлашнинг аҳамиятини тасдиқлайди.

Ўзбекистон республика валюта биржаси ўзининг бозор маълумотлари энди Bloombergʼда тақдим этилаётганини маълум қилди. Bloomberg мижозлари {OTC UZS} ҳаволаси орқали мамлакатнинг валюта ва пул бозорлари, шунингдек, давлат қимматли қоғозлари ҳамда деривативлар бозорларидаги нархлар ва кўрсаткичларидан фойдаланиш имкониятига эга бўлди.

Bloombergʼда биржа маълумотларининг мавжудлиги чет эл инвесторларига Ўзбекистон молия бозорини чуқурроқ тушуниш ва ундаги тенденцияларни таҳлил қилиш имкониятини беради.

Биржанинг асосий афзалликларидан бири бу бозорнинг барча сегментларини ягона платформада бирлаштирган интеграциялашган савдо тизими ҳисобланади.

Президент қарори билан 2030 йил 1 январга қадар нодавлат мактабгача ва умумий ўрта таълим ташкилотлари:

➖барча турдаги солиқ(бундан ижтимоий солиқ мустасно) ва йиғимлардан озод қилинади;

➖унда меҳнат фаолиятини амалга ошираётган чет эллик ўқитувчи ва мутахассислар жисмоний шахслардан олинадиган даромад солиғи ва ижтимоий солиқ тўламайди.

2025 йил 1 январдан бошлаб:

➖нодавлат таълим ташкилотларига доимий жалб этиладиган педагог хорижий мутахассисларга “А-2” ўқитувчилар кириш визаларини бериш йўлга қўйилади;

➖давлат ва нодавлат таълим ташкилотлари томонидан хориждан жалб қилинган мутахассисларга меҳнат қилиш ҳуқуқини берувчи тасдиқнома бериш йиғим миқдори БҲМнинг 30 бараваридан 1 бараваригача камайтирилади.

Ҳукумат таркиби тасдиқланди. Ҳамма ўз жойида қолган. Асилбек Худаяров ва Шерзод Ҳидоятов лавозимидаги “в.б.”лик (вазифасини бажарувчи) қўшимчасидан қутилибди. Энди улар ҳам тўлақонли вазирлар.

**Вазирлар:

➖Лазиз Шавкатович Кудратов** – Ўзбекистон Республикаси инвестициялар,  саноат  ва  савдо  вазири;

*➖Ботир Эркинович Захидов* – Ўзбекистон Республикаси камбағалликни  қисқартириш  ва  бандлик  вазири;

*➖Иброхим Юлчиевич Абдураҳмонов* – Ўзбекистон Республикаси қишлоқ  хўжалиги  вазири;

*➖Шавкат Рахимович Хамраев* – Ўзбекистон Республикаси сув  хўжалиги  вазири;

*➖Шерзод Саиджанович Хидоятов* – Ўзбекистон Республикаси қурилиш ва уй-жой коммунал хўжалиги  вазири;

*➖Илхам Рустамович Махкамов* – Ўзбекистон Республикаси транспорт  вазири;

*➖Жўрабек Турсунпулатович Мирзамаҳмудов* – Ўзбекистон Республикаси  энергетика  вазири;

*➖Бобир Фархадович Исламов* – Ўзбекистон Республикаси тоғ-кон  саноати  ва  геология  вазири;

*➖Шерзод Хотамович Шерматов* – Ўзбекистон Республикаси рақамли  технологиялар  вазири;

*➖Азиз Абдукахарович Абдухакимов* – Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири;

*➖Асилбек Анварович Худаяров* – Ўзбекистон Республикаси соғлиқни  сақлаш  вазири;

*➖Хилола Уктамовна Умарова* – Ўзбекистон Республикаси мактабгача ва мактаб таълими вазири;

*➖Конгратбай Авезимбетович Шарипов* – Ўзбекистон Республикаси олий  таълим,  фан  ва  инновациялар  вазири;

*➖Адхам Ильхамович Икрамов* – Ўзбекистон Республикаси спорт  вазири;

*➖Озодбек Ахмадович Назарбеков* – Ўзбекистон Республикаси маданият  вазири;

*➖Акбар Джурабаевич Ташкулов* – Ўзбекистон Республикаси адлия  вазири;

*➖Бахтиёр Одилович Саидов* – Ўзбекистон Республикаси ташқи  ишлар  вазири;

*➖Абдулла Хамидуллаевич Кулдашев* – Ўзбекистон Республикаси фавқулодда  вазиятлар  вазири;

*➖Пўлат Раззақович Бобожонов* – Ўзбекистон Республикаси ички  ишлар  вазири;

*➖Баходир Низамович Курбанов* – Ўзбекистон Республикаси мудофаа вазири Ўзбекистон Республикаси Вазирлар Маҳкамаси аъзолари  этиб  тайинланди.

InfinBANK Америка Савдо палатаси томонидан имконияти чекланган тадбиркор аёлларни қўллаб-қувватлашга мақсадида ташкил этилган хайрия балида ҳомий сифатида қатнашибди.

Мазкур тадбирнинг асосий мақсади имконияти чекланган тадбиркор аёлларни қўллаб-қувватлаш, уларга тажриба алмашиш ва малака ошириш учун майдон яратишдан иборат.

– “Биз Америка Савдо палатасининг хайрия балида иштирок этаётганимиздан фахрланамиз ва барча иштирокчиларга инклюзив ташаббусларни ривожлантиришга қўшган бебаҳо ҳиссаси учун самимий миннатдорлик билдирамиз”, – InfinBANK Бошқарув раисининг биринчи ўринбосари Равшан Қодиров.

Реклама