#اللهم_عجل_لوليك_الفرج

#محرم_الحرام

#ختام_عزاء

المن ترتجي الماعدهه خوان
اجبير العشيره ضال عريان
طايح علترب واموسد الگاع
ياويلي بقه علغبره عطشان

ويلاه ويلاه ويلاه

.......

انه اخت البقه فوگ الترابه
ولا يمه اخو ولاله گرابه
مو من الهزل زينب تره تموت
زينب ميته من شافت مصابه

ويلاه ويلاه. ويلاه

..........

رحت لمصرعه بس ردته الي يگوم
وشفت الخيل يمه داير تحوم
ادافع بيهن وردت احمي اخوي حسين
تالي ازلام اجو سلبوله الهدوم

ويلاه ويلاه ويلاه

.............

ضل حدر الحوافر جسمه ياحيف
برماح انضرب وانضرب چم سيف
سلبو گلشي منه حته الهدوم
ضل عاري طريح ويچوي حر صيف

ويلاه ويلاه ويلاه

..........

ضليت انعه يمه وحالي ياحال
درت وجهي لخيامي وشفت الاطفال
اركاض وصياح ونار والخيل
وشفت الجيش شايل بيده الحبال

ويلاه ويلاه ويلاه

..........

جابو نوگهم بس نوگ هزله
حرت اصعدهه مدري حسين اردله
صعدت الهزل وعيني اعللحسين
الهزل يخويه موش عدله

ويلااه ويلاه ويلاه

...........

مشونه ابدرب ماماشياته
طبينه يخويه ابنص شماته (شلون طبن)
سوگ وهزله وحبال ونساوين
طب ضعن الحسين وذن خواته

ويلاه ويلاه ويلاه

............

طبيت القصر مجتوفه اديه
شو كلهه تصد ياخويه اليه
صاحو هاي اخت عباس وحسين
تاليهه صفت زينب سبيه

ويلاه ويلاه ويلاه

.........

زينب جانت التستر للحجاب
الماطالع خيالي العتبت الباب
تاليهه اطب ابهزله للسوگ
تاليه اطر ابين الاجناب

ويلاه ويلاه ويلاه

مرتضئ علي

دخيل مولاتي الغريبه

اللهم عجل لوليك الفرج

كون ميته يم الحسين
ولا ابنص الشام ميته
هنا يكولون الغريبه
وبكربله ايسموني اخته
هنانه اموت بخير يمه
الشام ماتنراد طبته

صدك دار الزمن
وبت اشرف نبي
خذوهه امگيده
واليحدي اجنبي
هاي ابياوكت
زينب تنسبي

اسمي الغريبه حته من اموت
لا يمي ناعي ولا يمي صوت
شام المصايب ماينحمل
عيد ايتسمه بيوم نفوت

^^^^^^^^^^^

بگبري واتذكر مصايب
مانسيت شصار بيه
النار والخيل وعطَشنه
وحسين علغبره رميه
ياهضيمه امطشر الماي
ومنعو الماي آل اميه

هذا الماجره
فديوم ابشر
ابن الطاهره
عطش يم النهر
تسند مهرته
اعلحيله ماكدر

ماعانه حيله وماكو معين
فوگ الوطيه شفت حسين
شفته غريب ابلا خوان
ايفزع بقه بس بلميتين

^^^^^^^^^^^^^

انسه كلشي وهاي صعبه
تنسي هاي المصايب
شنسه الا مناصرآَ صاح
وهوه خده اعلـترايب
اموسد اترابه ويناضر
نسوان اله صارن غرايب

هاي ابياشرع
باقي علترب
الميت يندفن
بيمن ينطلب
مسلب منسحگ
ماضاگ الشرب

شيخ العشيره ابلايه انصار
شاهد خواته ابنص النار
يگوم ويطيح شلون يگوم
بلگومه مت عيني محتار

^^^^^^^^^^^^^^^

گضت بس شراح مني
گضت بس صرت الاسيره
الجان اسمهه اخت الحسين
وزينب المهيوبه اميره
الوكت دار وفرت الشام
مگيده وحرمه چبيره

المامره اطلعت
ولابان الهه ضل
افتر بيهه الوكت
جتفوهه ابحبل
ابلاهودج مشت
مأخوذه ابهزل

ماكو شريف اليرضه بهاي
تمشي الاجانب وي ممشاي
من يم اخوي نمر صعبه
ريض يحادي امشي بهداي

مرتضئ علي

اللهم عجل لوليك الفرج

دخيل مولاتي العقيله........

اجيج بدمعه العين
ابابج انعه الحسين
وانعاهه غربتج

اشثگلهه هاي الايام
اذا ماجيت للشام
اودعنه اليزورج

اودعه ابدمعي حد ماتطلع الروح
محضر روحي بس تاليهه ماروح
ارد ابدمعتي ومكسور گلبي
گلبي منكسر والحيل مطروح

شاب الگلب من الحزن
ليليه مولاتي احن
لو ردت اجي لزيارتج
من الگمر اطلب اذن

^^^^^^^^^

ابابج موتي ردته
اليزورج شنهي ضلته
يموت وگلبه فاير

اليحضه ابهايه خيعون
يموت ابحضره ام عون
ابابج مات زاير

لو نفرض اجه واستعجل الموت
حق الموت هم يحملني تابوت
اموت وماشفت صحن الغريبه
كضيت العمر كل عام زاتوت

اتوادع اوياهم وارد
لزيارتج ساعات اعد
هاي السنه خايف اذا
يوصل وكتهه وانطرد

^^^^^^^^^^^^

يربعي اوصيتي هايه
يمي انصبو رايه
الباكي هذا لام عون

ويمي انصبو مأتم
وعطر مجلسكم اشتم
واسچب دمع العيون

اوصي اربيعتي ووصيتي تنجاب
ابدفنتي خلو من اعتابهه تراب
خاطر لو برد جرحي عليهه
هذا اترابهه ايذكرني بلباب

ادخيلج انه يم الخدر
كل خوفي لو يكضي العمر
وماواصل الباب الجزع
ابذاك الدرب يمته امر

^^^^^^^^^^^^^^

الطم لسه وانعه
للكسروله ضلعه
ولجثتنه سليبه

ابحفرتي وانه حاير
ماسموني زاير
زاير للغريبه

فأن الموت حق وتگضي الايام
ولو وكته اجه ومازاير الشام
حدر تراب اواسي الدخلت السوگ
وابذيج الخرابه زينب تنام

بذيچ الخرايب من تطب
مت عيني نامت علترب
الجانت قبل ام الخدر
للغربه تالي تنطلب

مرتضئ علي

#اللهم_عجل_لوليك_الفرج

المصيبه تريد زلمه كون بچاي
رب الماي ضال ابعازه الماي
وگع من المهر فوگ الوطيه
وخدر حسين ضل ماعنده كل راي

كسره عطاشه اكسرني للخدر
ارد انفجعلك فجعه المهر
رد لخيامك ينحب ابألم
صاح الضليمه ابحسره منذعر

ركضن خواتك بين الاجانب
صارن سبايه وصارن غرايب
وانته صريع ابكتر الترايب
حسين

ياكسره ركضن خيمه اوي خيمه
سامع اميره اتباريهه هيمه
تلگه يتيمه اتضيع يتيمه
حسين

____

ما اسوه ركض اختك والخيام
ولا اسوه الخدر متچوي الاجدام
مايكسر عيوني سحكك ابخيل
فوك اسهامك انه ارميلك اسهام

مولاي اجيت وكلبي مستعد
مو عبدك ارد اخدملك العبد
راضي ابخيامك اصبح الوتد
راضي وعليه عينك ان تصد

مديت اديه ولازم ردائك
اكسر دليلي ابمأتم عزائك
خليني انعه لطيحه خبائك
حسين

راعي الحنان وراعي الموده
مديت اديك لعبدك ترده
وكلبي ابعزائك دمعه تبده
حسين

____

مااهوه الحياه وانته عـلگاع
الدنيه الخلتك متكسر اضلاع
رديه الدنيه لمن بيكم انطت
الخلت زينب ابهيمه وخدر ضاع

ما اهوه اعيش وانته منسحگ
كون ابخيامك انه احترگ
رايد اضوگ اللوعه والعطش
ماريد اوي دمعي انه افترگ

خيل اعوجيه تطحن جمالك
وداير طرف عين لعيالك
يكسر دليلي ابهلحضه حالك
حسين

تگوم وتطيح اتنادي خيامي
ماتلگه ناصر الهن يحامي
واكع صريع لـوحدك يضامي
حسين

_

ماعندك مناصر باقي حيران
رب الحب لچن ضليت عريان
ساتر هـلخلك وخيامك اتطيح
تروي الناس كلهه وانته عطشان

العسكر يطلبك انته للحرب
ايعطشك يريد لگطره الشرب
حرگ الخيام وركضه النسه
خدرك حسافه يبقه منطلب

لا والي باقي لاخيمه الهن
تاهن هضيمه اتغير اسمهن
تالي السلاسل وسفه تلمهن
حسين

ضمن العجايب هاي العجيبه
ركضن حفات وهاي المصيبه
عافن خيمهن بيهن نهيبه
حسين

مرتضئ علي

#اللهم_عجل_لوليك_الفرج

سلبوهه
خيامك
وجت خيامك نار
وين انطي وجهي احتار
ماانسه خويه الصار

فرينه
ابصحاري
نركض نلاگي الخيل
وحده اعلوحده تميل
ماباقي عدهن حيل

هجت الخيل اعوجيه
اركض وافرگ بديه
اوصلك واسمع يكولون
خويه اسمي خارجيه

حافي جدمي وابنص الفله
اعلينه شح ستر والمي غله
خويه شفت اجوني ابسلسله
خويه

گيدوهه بت اشرف امير
الماجره ابمره بيهه يصير
احتارت الفلا مره تحير
خويه

^^^^^^^^^^^^^^

جتفوني
واديه
ماترهملهه احبال
لاجن وكتنه مال
خدري ابهزيله انشال

گادوني
اعلهـَزله
حد ما وصلنه الشام
كل خطوه اليه بـعام
فوگ النياگ انام

خويه من فوگ الهزيله
اوداعهه صار العقيله
تومي بيديهه بحبلهه
جن لاخيهه تشتكيله

عفته علثره وعفت الخيام
عاري باقي ابن امي حرام
بس جسد شفت كله سهام
خويه

من الهزل ردت اوگع لان
منسحگ شفت كل البدن
يامصيبه ماصحله چفن
خويه

^^^^^^^^^^^^

دخلوني
اعلـديره
فوگ السطوح عيون
صاحو غريبه ام عون
بت حيدره يدرون

شتموني
ونخيتك
تحضر واشوفك جاي
بيديه ماضل راي
خويه اجنبي الحداي

گضت بس صرت الاسيره
گضت من ديره اعلـديره
الزلمه مايركب هزيله
مومره مثلي جبيره

خويه مابقه للحره اخو
تالي راحت ابراي العدو
اليحدي بيهه علهزل منو
خويه

هايه صاحو اعليه وگلت
زينب انه مامره انشفت
وجهي للرمح خويه درت
خويه

^^^^^^^^^^^^

يخواني
ردتكم
الغربه تطلب عون
واليمي يتشمتون
يخواني هاي شلون

فزعولي
يهاشم
انه البخت والراي
ودار الزمان وياي
مو بسمي صاحو هاي

روحي طلعت من بعدكم
ليش بلغربه اختكم
انه اخت عباس وحسين
حبل بيدي موش چفكم

الماجره گبل تالي جره
علهزل مشت لـمخدره
زينب الاميره اميسره
خويه

شامت وحبل سوگ وزلم
وانه بلضعن ياخويه اهم
مدلله لجن سمعت شتم
خويه

مرتضئ علي

#اللهم_عجل_لوليك_الفرج

#يافاطمه_الج

البگه براسك يحيدر
الزجيه خدهه احمر
ماكو غيره ولا حميه
الهه چم ضلع ايتكسر

امگيد ابحبل الوصيه
عرفت ابهاي الزجيه
ماكو صوت ابــ ياعلي
چا گلبهه غاضريه

باب وثچيله اعليهه اندفع
والمحسن اعلـ العتبه يگع
چلمه وأن حيدرهه سمع

ماصاحت ياعلي وتزيده امصاب
الـوحدهه تدافع ثگل الباب
والمحسن ضناهه فوگ تراب. فوگ تراب

ياكسره علي من شاف الصار
ومايگدر يسل سيف الفقار
مهضوم وغريب وضل محتار. ضل محتار

^^^^^^^^^^^^^^^^

لمو الماعنده غيره
هجمو اعلـ اعضم اميره
حرگو الباب ابحقدهم
والـ وأن چلمه جبيره

اتنادي بويه مارعوني
الگالو اصحابك ولوني
اتجمعو بويه اعلـبنتك
بلحطب كلهم اجوني

لا موصحابه كلهم حقد
ابن الزنيم ابناره يهد
الدافعهه بابك ابن العبد

يابويه عليه وجت نار
وابصدري نبت بويه البسمار
لافزاع اليه ولا نغار. ولانغار

الماممكن يصير ابحيدر صار
حامي الجار لجن حرگوله الدار
ياحسره ايتگيد حامي الجار. حامي الجار

^^^^^^^^^^^^

زينب ابهاي المصيبه
تنادي يافاطم غريبه
والحسن ينحب لاجلهه
وحيدر ينادي الحبيبه

گرب حسين ابدمعته
يحجي بس بانت غربته
يمه زينبنه يتيمه
رد تدنه ويحضن اخته

نار وزلم ياخيتي اجت
اعلـ امنه فاطم واتغربت
غربه اخيج منا بدت

ياخويه اضل فوگ التربان
ابلا في باقي متسلب عريان
ومابيه اگوم احمي النسوان. للنسوان

نار الباب تشب باجر بخيام
باب الكل مصيبه الباب شضام
هم تبقين غريبه بديره شام. اخ الشام

^^^^^^^^^^^^^^^

يمه فاطم كلميني
اعليج مابطَل ونيني
ياهو بعدج يبقه لحسين
بعدج شتسوه سنيني

باجر ابنج يبقه وحده
يستغيث وكلهه ضده
راد ناصر يحمي الخيام
وماكو واحد غيره عنده

رد لخيامه محني الضهر
طيحه اخيه تكسر ضهر
جرح الگلب كل خطوه كبر

ابقه اتلث ليالي وضعني انشال
ومن يمي تمر زينب بحبال
يايمه غريب وفوگ رمال. فوگ ارمال

يايمه خذاهه الحادي وراح
وانه اوياهه لاجن فوگ ارماح
ابنص السوگ ييمه زينب صاح. زينب صاح

مرتضئ علي

اللهم عجل لوليك الفرج

بلنار حرگوهه خيمنه
تالي الصحاري الي تلمنه
هدت الخيل واحنه نسوان
اركاض الك خويه ركضنه

ياكربله اشسوت بلضعون
ابنص الفله تتراكض ام عون

طلعن ياعلي طلعن
ركضن ياعلي ركضن

^^^^^^^^^^^

درت الوجه خويه لابونه
لمن شفت بلخيل اجونه
افزع يبويه لخدر الحسين
ابر الصحاري ركضونه

نار وزلم والخيل هدت
داست اعليه ولينه ردت

طلعن ياعلي طلعن
ركضن ياعلي ركضن

^^^^^^^^^^^^^^^^

يحسين جابوهه الهزيله
وجابو سلاسل للعقيله
ايجتفوني وماعندي حماي
ياهو يسمع واشتكيله

انه مره وابين الاجناب
عفت الحسين امسلب ثياب

طلعن ياعلي طلعن
ركضن ياعلي ركضن

^^^^^^^^^^^^^

هاي الگبل محد عرفهه
تالي الشمر بيده جتفهه
امگيده وفوگ الهزيله
من كربله لشام اخذهه

فوك الهزل رفعت اديهه
حته الهزل حنت عليهه

طلعن ياعلي طلعن
ركضن ياعلي ركضن

^^^^^^^^^^^^^

جابو الماي وبي يطشرون
حته ابعطشنه هم يشمتون
صاحو غريبه أخت الحسين
ام عون هاي ومالهه عون

حاد الحبل يجرح بلـ ايدين
منين اجيب الكافل منين

طلعن ياعلي طلعن
ركضن ياعلي ركضن

^^^^^^^^^^^^

فزعت الناس اعليه كلهه
هاي الغريبه وين اهلهه
صاحت الناس الحادي خلي
ايدخلهه لسوگ ابحبلهه

الماصار بينه ايصير بلشام
ابنص الخرايب زينب تنام

طلعن ياعلي طلعن
ركضن ياعلي ركضن

مرتضئ علي

اللهم عجل لوليك الفرج?

دخيل مولاتي فاطمه الزهراء(صلوات الله عليها)

انعگدت حياتي ابمأتمج
لمن بچيت لـغربتج
لمن تبريت وصرت
يافاطمه خادم الج

كل عمري اخلصه بس دمع
يافاطمه لكسر الضلع
حزنج علئ طول الزمن
مولاتي باقي ينسمع

بدموعي اصيحن مولاتي فاطم
اعليج التسلب سويني خادم
كل عمري فدوه ناذر سنيني
ابجي لغربتج واعـ الفواطم

طالب رضاج. عيوني بس الكم بچن
گلبي ندب. ادخيلج انه يم الحسن
غافل چنت. كلبي اعلغربتكم فطن

__

راضع ولايه امن الصغر
متبري من اهل الكفر
اليترضه مايدري اشجره
اشخلف عمر غير الشمر

هاي الصحابه الضالمه
كسرو ضلع من فاطمه
مُحسنهه طاح اعلـ الارض
مافتح عينه لعالمه

اتبره منهم كل لحضه العن
كل المصايب من هسه يبدن
غربه ضعنكم وابنج يفاطم
بلصحره ويلي كل خدره ركضن

باب انفتح. الـكربله وغربه مره
يافاطمه. ابنج صريع اعـلثره
التكسر گلب. زينب خذوهه اميسره

____

النار البديهم شاعله
تحرگ خيام العايله
من اندفع بابج بدت
رَكضه نساء ابكربله

مو مُحسنج وحده وگع
احسين اشلاء انجمع
راح ابهضمته لكربله
ومن عدهه سالم مارجع

راح ابنسائه وبانت غربته
فوگ النياگ ايصعدهه اخته
طاح وتسلب ماصحله ناصر
بس اخته طلعت ركضت اجته

شافت اخو. من مگفه نحره منذبح
يمه دنت .عـلخد لكته منطرح
هنا واجب ان .ابهزل يركبوهه الصبح

_

من داسو العتبه بدت
اعليكم مصايب صوبت
زينب اميره امخدره
بس تالي علهزل مشت

اخذوهه چي عرفو تره
بت فاطمه وبت حيدره
هاي الي ماطلعت قبل
حرمه جبيره اميسره

شدو اديهه ومايمهه اخوهه
كوه ابهزيله من صعدوهه
كل الفواطم شدو اديهن
چي ماكو والي زينب سبوهه

فوگ الهزل. تركب اميرتكم غصب
ماوادعت. عافت اخيهه اعـلترب
العافت اخو. بيد الخوارج منطلب

مرتضئ علي

اللهم عجل لوليك الفرج

ابكربله ادموعي جريه
ابني ضل حدر اعوجيه
وبتي اخذوهه سبيه
واويلاه

ابكربله تجري المدامع
من شفت بس تسع اصابع
ابني بس الام شابع
واويلاه

طاح احسين طاح احسين
ماعنده ناصر
بصدره شلون بصدره شلونب
داست الحوافر
كل الجيش كل الجيش
علخيمه داير

__

شال عبدلله ابدمعته
الطفل هم متفطره شفته
حار من شاله ابرجعته
واويلاه

تالي يروه ابسهم حاقد
من ولده ماباقيله واحد
كوه اعلحيله باقي صامد
واويلاه

بعده اصغير بعده اصغير
وكطعوله نحره
اخ حسين اخ حسين
ضمه اعـلصدره
وامه اتصيح وامه تصيح
ابحضني گبره

_

محني ضهري وجيت يمه
شفته فوگ الترب جسمه
صاح يازهره ييمه
واويلاه

صاح يمه ضهري محني
حته اخوي اخذوه مني
يمه ضل يتعالئ وني
واويلاه

اوليدي ايريد اوليدي ايريد
يگوم اعلـحيله
عانه الحيل عانه الحيل
وخياله اجتله
ضل مگلوب ضل مگلوب
ومحد يعدله

___

انه ام وابني شفته
من توادع وي اخته
ابني ماكضهه دمعته
واويلاه

ودعاهن ايه ايه
النسه كلهن ضمايه
ولوطاح ينوخذن سبايه
واويلاه

اشلون اوداع اشلون اوداع
صار اوي ضعنه
بتي اتصيح بتي اتصيح
ياخويه تهنه
وين احسين وين احسين
خويه افزعلنه

مرتضئ علي