Bu fikr asosan "pozitiv fikrlash" va "atraktsiya qonuni" (The Law of Attraction) bilan bog‘liq bo‘lib, psixologiya va ruhiy rivojlanishdagi mashhur konsepsiyalardan biridir. Unga ko‘ra, insonning fikrlari, his-tuyg‘ulari va e’tiqodlari uning hayotida ro‘y beradigan voqealarni shakllantiradi. Oddiy qilib aytganda, siz nima haqida ko‘p va ijobiy o‘ylasangiz, o‘sha narsa hayotingizga tortiladi.

O‘ng magnit fikrining asoslari

1. Fikrlar energiya hisoblanadi: Nazariyaga ko‘ra, har bir fikr o‘ziga xos energiyaga ega. Ijobiy fikrlar yuqori tebranishli energiya chiqaradi, salbiy fikrlar esa past tebranishli energiya. Agar siz ijobiy fikrlashni odat qilsangiz, shunga mos tebranishlar sizga yaxshi imkoniyatlar va voqealarni tortadi.

2. Fokus va e'tibor: Nima haqida o‘ylasangiz, ong va miyaning diqqatini o‘sha narsaga qaratasiz. Masalan, agar siz muvaffaqiyat haqida o‘ylasangiz va shunga erishishni istasangiz, miyangiz shu maqsadga yetishish uchun mos qarorlar qabul qilishni boshlaydi.

3. Minnatdorlik kuchi: Minnatdor bo‘lish va bor narsalarga shukr qilish orqali inson ijobiy energiyani kuchaytiradi. Bu esa yana ko‘proq yaxshi narsalarni tortib keladi.

4. Tasavvur va niyat qo‘yish: O‘zingizni xohlagan narsangizga erishgan holatda tasavvur qilishingiz ong osti faoliyatini shu maqsadga yo‘naltiradi. Misol uchun, boylikni orzu qilayotgan odam o‘zini boy deb his qilsa va shunday hayotni tasavvur qilsa, miya bu maqsadga yetish uchun yechimlar qidirishni boshlaydi.
   ---
   Amalda qanday ishlaydi?

5. Aniq maqsad qo‘ying: Nimaga erishishni xohlayotganingizni aniqlang. Masalan, yaxshi ish topish, sog‘lom bo‘lish yoki yangi ko‘nikmalarni egallash.

6. Tasavvur qiling: Maqsadingiz amalga oshganini his qiling. O‘zingizni o‘sha voqeaning markazida tasavvur qiling.

7. Harakat qiling: Faqat o‘ylash yetarli emas. Maqsadingizga yetish uchun kichik, lekin doimiy qadamlar tashlang.

8. Ijobiy bo‘ling: Salbiy fikrlar va shubhalardan voz keching. Ular energiyangizni susaytiradi.

**Hayot sizga nimani o'rgatdi?!

Hayot menga dunyo o'tkinchiligini,
Nafs bir kun kelib, jarlikka uloqtirishini,
Nafsimni rohatlanishiga izn bermaslikni,
Har bir sinov ortidan, albat bir rohat borligini,
Mashaqqatlar ortida, go'zal natijalar borligini,
Hech bir narsa behikmat bo'lmasligini,
Har bir ixlos-la qilgan niyating, har qadamlaringda mujassamlashishini,
Oq-qorani ajratishni,
Insonlarning soxta munosabatlarini,
Ayrim insonlar faqat o'z manfaati uchungina yaqin bo'lishini,
"Tushunaman" deganlar baribir tushunmasligini,
Me'yoridan oshgan har bir narsa, har bir holatning oxiri zavolga aylanishini,
Haq bo'la turib, jim turishlikni,
Bilsam bilmasam, indamaslikni,
Ota-onani haqiqiy chin qalbdan hurmat qilishni,
Va eng muhimi, eng asosiysi, Robbimning Robligini Uning O'zigina anglatdi, o'rgatdi... Qalbimga shunday bir nurni kirittiki, aynan o'sha nur ila,ota - onam, ustozlarimning duolari ila, men hozir "men" man..

Sizgachi, hayot nimani o'rgatdi ?!**

Bu dunyoda tasodif yo'q! barchasi yo sinov, yo jazo, yo oldindan ogoxlantirishdir.

ХОТИРЖАМЛИК СИРИ НИМАДА?

Ҳозирда кўп одамлар моддий фаровонликка эришиш пайида туну кун елиб-югурмоқда, яхши еб-ичишга, чиройли кийинишга, ҳашаматли уйлар қуришга ҳаракат қилмоқда. Аммо тараққиёт чўққисига чиққан кўп мамлакатлардаги ҳаёт ҳозирги кунда унчалик хотиржам эмас, кишиларда руҳий сокинлик йўқолиб боряпти. Яқин тарихга мурожаат қилсак, хонадондан бир киши деҳқончилик, боғбонлик ёки ҳунармандчилик билан рўзғор тебратар, унинг бир мавсумда топгани бутун бошли оиланинг йиллик сарф-харажатларига етарди. Ҳатто муҳтож қариндошларга ҳам ёрдам қилинарди.

Аммо бугунги кунда оилада ҳамма – эр ҳам, хотин ҳам, ҳатто болаларгача тирикчилик ғамида тиним билмай ҳаракат қилади. Шунга қарамай хотиржамлик, ҳузур-ҳаловат йўқ...

Хотиржам яшаш учун мол-дунё топиляпти, “Бойлик тўплаб олай, кейин хотиржам яшаймиз” деб орзу қилиняпти, “Мана шу ишни қилиб олсам, кейин хотиржам бўламан”, деб ўйлашяпти. Аммо бу иш кўпинча ортидан бошқа юмушларни етаклаб келади.

Аслида тинчлик-хотиржамликка Аллоҳни зикр қилиш билан эришилади. Ҳар соатда, ҳар сонияда Яратганнинг бирлигини, борлигини ўйлаб, барча ишларида Парвардигорига таваккал қилган
қалбларгина ўзи истаган хотиржамликка эришади.

Ақлли инсон ўзига берилган мол-дунёни Аллоҳнинг омонати деб билади, топаётган мол-дунёсида ўзгаларнинг ҳам ҳақи бор, деб ишонади, бойлигини керакли жойга, айникса Унинг розилиги учун сарфлайди. Шу билан кўнгли таскин топади.

Агар танасида дард бўлса, буни синов деб сабр қилади, дардига даво излайди. Мўмин киши буларнинг барчаси тақдирдан деб ишонади.

Банда Аллоҳга таваккал қилмаса, Парвардигорига суянмаса, ожиз-нотавон бўлиб қолади. Зеро, дунё ҳаёти шу қадар мураккабки, бунда биз Олий Зотнинг мададига, Қудратли Аллоҳнинг қўллаб-қувватлашига жудаям муҳтожмиз. Аллоҳга таваккал қиларканмиз, зинҳор ўзимизни ёлғиз ҳис этмаймиз, ҳар дамда Аллоҳ биз билан эканини, бизга ёрдам беришини қалбдан сезиб турамиз. Мана шу ишонч бизга руҳий далда беради, кўнглимизни кўтаради.

Хафагарчилик ёки виждон азоби билан яшаётган одамларни кузатар эканман, уларнинг кўзи чақнамайди, юз мимикаларида оғирлик борлигини, қадам ташлаганида тана нотекислигини, қалб оғирлигидан тана формасини йўқотаётганини кўраман.

Қизиғи шундаки, бу фақат уларнинг дунёсидаги бир вазият, лекин танаси «мени қутқар», деётгандай. Ўтмишда қолган, ўзгартириб бўлмайдиган ҳолатни йиллар давомида кўтариб юришдан фақат битта одамга зарар, танангиз касал бўлиши, ички органларда жиддий ўзгариш содир бўлишида хафагарчилик сабабчи.

Сизга хақ бўлиб яшашми ёки хозир бахтли бўлиш муҳимми? Танловни Яратган ҳар куни бераяпти, ҳар куни ҳозирингизда гўзалликни ҳис қилишингиз учун, қалбингизни енгил ҳис қилишингиз учун шароит бор, фойдаланинг. Хафагарчилик инсонни барбод қилади. Уни йўқ қилиб ташлайди, уни кўримсиз одамга айлантиради. Бундай инсонлар орзуларига қийинчилик билан етишадилар, принцип ва амбицияларини кўрсатолмайдилар, ҳаётидан норози ҳолатда яшаб ўтадилар, «агар» билан афсусда ва армонда кун кечирадилар.

Аслида эса ўтмишдаги одамга эмас, Худога маломат қилишади, чунки тақдиридан норози бўлиш, ўтмишидан нолиш кимга? Кимнинг ҳукми билан ҳаммаси бўлади? Сиз ҳар куни қалбни қийна6, Яратганга нолияпсиз, шуни англаганингизда балки ҳаммаси ўзгарар.

(Бу мавзу эгасини топади, ИншаАллоҳ)