يـل ايامك مشقّه و ماكو تحذير
ولا بيك النصحني تموت باچر

تخطي و تنطي حقدك ، موش تبرير
وأنه ادريبك على التبرير قادر

صوچي اتأمّليت .. الحيمي شيطير
أريدن فكره من العقله عاجر

و اريد من الجماد يسوّي تغيير
و اريد من الـ ولا شي يثور ثائر

هي الطوبه الك و تريد تمرير
والتكتلك امس رجليني باتر

ما مفهوم طبعك بيك تشفير
يوم الگاك گِذله و يوم حافر

تظن ثوب الهجر ما لايگ ، اچبير
الهجر چم قافيه وداعيك شاعر

العاهر مو هذيچ الـ الها تسعير
على الينكر محبتك گول عاهر .

كُتِبَتْ الدخولية..
يوم الثلاثاء
السابع عشر من هذا الشهر ،
ثُمَّ إكتملت..
يوم الأحَّد
٢٢ / كانون الأوَّل / ٢٠٢٤ .
عبدالله الحسيني

" خلَّك قريب ارجوك "

صوچي اتأمّليت .. الحيمي شيطير
أريدن فكره من العقله عاجر

و اريد من الجماد يسوّي تغيير
و اريد من الـ ولا شي يثور ثائر..

عبدالله الحسيني

السلام عليكم ،
إخوتي الأحبّه ،

قبل لا أختفي عن القناة
و عن الحساب بصورة عامة ..

أتمنى تكونون كلكم بخير ،
أتمنى تلگون أنفسكم
بالمكان الصحيح و اللي تستحقوا ،
و تعرفون " الاختيار الصالح .. يصلح " ،

لا تحزنون على أي شيء
و تذكروا وعد الله سبحانه وتعالى:
( ولسوف يعطيك ربُّك فترضى )

الارقام تتغير دائمًا
خليكم الجزء الثابت ،

خليكم دائمًا بخير ،
أحبكم ،
أشوفكم على خير ♥️

كُل شيءِ قابل للحُب ?
الشَاي
ريال مدريد
المَطر
الشِعر
وعيناكِ .

كل ظنَّك أَرجع من ترجع
و ارجع اسهرلك واتوجع
ارجع گاع وما ظن تشتل
فلاحك يشلع .. ما يزرع

باچر من ترجع ما تلگه
ولفك ينتظرك لهفان
تلگاه بس تلگاه متغير
چان يحبك لكن چان
ترجع تسأل ليش اكرهتك
تتقرب بس ماكو امچان
معروفه من ازمان الآيه
الطيب وي ناسه الطيبة
و المثلك ويه الغمّان ..

عبدالله الحسيني

عبد الله الحُسيني صمتٌ مشؤومٌ بالوله وصوتٌ يرى بالعين المُجرّده تقيُّ اللهجه نقيُّ المهجه شاعرٌ إستحوذَ طموحهُ القارصُ على صياصي الدّفئ الرخيم وحدسٌ تدججه بضهيرةِ آبٍ المضخمةِ بغطرسةِ السرابِ الواثب ونصب لهُ بيتًا في تخومِ الصراحةِ القاحله حتى تيقّنت بأنَّ…

عبد الله الحُسيني
صمتٌ مشؤومٌ بالوله
وصوتٌ يرى بالعين المُجرّده
تقيُّ اللهجه
نقيُّ المهجه
شاعرٌ إستحوذَ طموحهُ القارصُ
على صياصي الدّفئ الرخيم
وحدسٌ تدججه بضهيرةِ آبٍ المضخمةِ
بغطرسةِ السرابِ الواثب
ونصب لهُ بيتًا في تخومِ الصراحةِ القاحله
حتى تيقّنت بأنَّ تأوه العطش المُغترب
لا زال على قيد الفرات
أستحى أن يصلَ الصوت الكادح
إلى أُذنهِ وذلك لأن
(( القناعه اصياح خرسه بهاي الايّام))

ولو لم يكن لعابر سبيل السؤالِ جوابًا
لما قالَ
(( مو عابر أنه السابق أواني ))

برهن أنَّ قلبهُ والألم متفقانِ على أن يتفقان وتبقى الامنيه
(( كنت أنا على قلبي واقفًا، و هي
تحت قلبي، فكُنا وجهان لألمٌ واحد ))

ولكن من المُؤسف
(( أحلامي ما صبّحت
بفراشي، ماتت أمس ))

هذا ما كان في خواطري فترجمهُ
فيلسوف هذهِ الارض مهند حمود
بحقِّ الملح السماوي الكبير
حسن البركي وكان ما
قالهُ هو عن لسان
حالي مع تغيير
ما يُلزم تغييره (( أحبّك ))

سايت القناة ، @saitabbot