کئفلی

بیر یوْلچویام بو یوْل اۆسته
ساغیم کئفلی، سوْلوم کئفلی،
بوشا قویسام بیرآن دوْلماز
بوْشوم کئفلی، دوْلوم کئفلی.

بویوْلدا چوْخلو ناکسلر
منیم چۆن کین نه دن بسلر
بویوْل منی نره سسلر
قیچیم کئفلی، قوْلوم کئفلی.

گیریشده گۆلدۆم آغلار کن
آلیشدیم کؤکسۆ داغلار کن
چاپیلدیم چاغدا چاغلارکن
اؤزۆم کئفلی، یوْلوم کئفلی.

اوْلوم اوْلدو،  اؤلۆم قالدی
ایچیم اوچدو، چؤلۆم قالدی
سوْنوج بؤلۆم- بؤلۆم قالدی
چاییم کئفلی، گؤلۆم کئفلی

یازیق اوْلدوم، قوچاق اوْلدوم
سۆمۆک اوْلدوم، پیجاق اوْلدوم
اوْدونسوز بیر اوجاق اوْلدوم
اوْدوم کئفلی، کۆلۆم کئفلی.

یوْلوْن یار کؤنلۆمه سالسین
منی مندن منم آلسین
گئدرسم بس کیمه قالسین
باغیم، باغچام، کۆلۆم کئفلی.

چینار قددیم یاشیل لاشدی
اوجالدیقجا آشیب داشدی
گۆلۆم کؤلگه م، واریم یاشدی
دالیم بارسیز، کوْلوم کئفلی.

بویوْلدا چوخ یوزان دویدوم
آشیق گؤردۆم، اوْزان دویدوم
نامازسیز بیر اذان دویدوم
یوْخوم کئفلی، بوْلوم کئفلی!

چارام کیمده، نیاز قیلدیم
خوشام« خوْشنام» لا یاز قیلدیم
اذان سیز بیر ناماز قیلدیم
اؤلۆم کئفلی، اوْلوم کئفلی!

یوْل کئچدیم بیلر، بیلمز
گؤزۆم قان یاش الر، سیلمز
مه لر، آغلار، گۆلر، گۆلمز
اؤزۆم دالقین، یوْلوم کئفلی!...

م. خوْشنام

هر گلیشین بیر گئدیشی اولارمیش
آتا بابا سوزون بیلمیه نوار
گلیشده گئدیشی حسابلاماسین
غافیل بیر یاشاما گلمیه نوار

ترک ائدیب گئدریرسن اوغورلو یوللار
قسمتین قوی اولسون ان گوزل حاللار
فیکریم دن کئچیردی چوخ خام خایاللار
آجی خاطیره نی سیلمیه نوار

هر سوزون حددی وار حسابی دا وار
هر یازیلان سوزون کتابی دا وار
«محسون»آیریلیقین عذابی دا وار
بو آجی داستاندا گولمیه نوار

محسن احمدی«آتا»
    بداهه۱۴۰۳/۷/۳
ساعت۲۲/۱۵

سن گئتدین سینه مده بیر حسرت آدلی
چاراسیز  گوینه ین  یارام  وار  گولوم
مزارا  چئوریلیب  سنسیز   اتاقیم
اینیمده  سویولماز  قارام  وار  گولوم

حسرتین گوینه دیر  یاناقلاریمی
سولدوروب سیزلادیب بوداقلاریمی
آدین قان چیل ائدیب دوداقلاریمی
گوره سن بو درده چارام وار گولوم؟

بیر آدین اوستونده قانیم توکولور
سیزلایا سیزلایا  دانیم  سوکولور
سنه چاتاماقیما  جانیم سوکولور
آخی هارا گئدیم هارام وار گولوم؟

اوجا داغلار یوران دیزیم اولاجاق
تاریخ دا سیلین مه ز ایزیم اولاجاق
اوغولوم اولاجاق قیزیم اولاجاق
آرازی آغلادان سارام وار گولوم

**خان ننه اوزون دئیردین

که: سنه بهشتده آللاه

وئره جک نه ایستیورسن

بو سوزون یادیندا قالسین

منه قولینی وئریبسن

ائله بیر گونوم اولورسا

بیلیسن نه ایسترم من؟

سوزیمه درست قولاق وئر:

«سن ایله اوشاخلیق عهدین»**

حاییف اولدو

عالیم فیکیرده دی شاعیر خیالدا
نادانلار یانیندا ساز حاییف اولدو
سئونلر سئوگینی ایلنجه سایير
گؤزللر یانیندا ناز حاییف اولدو

ارلر ائودن قاچیر گلین سارالیر
آتالی آنالی یئتیم چوخالیر
گوناهلار بیلینمیر بیلینمز قالیر
سوفرادا  چؤرک دوز حاییف اولدو

چوخلاری دئییشیر دینی دوللارا
بیله بیله دوشور چیرکین یوللارا
زکی ایسلام  آختار حاقی سن آرا
اَیرینین یانیندا دوز حايیف اولدو

ایچینده

ازلدن پاییما خوش گون دوشمه دی
ایتمیشم محنتین دردین ایچینده
یازیم یوخ، یاییم یوخ، هئچ ایسسینمه دیم
دونموشام یووانین - یوردون ایچینده

زامان بیزی اسیر کیمی ساخلاییر
بیری گولور، يوزي - مینی آغلايير
ناموس سيز، ناموس دان داستان باغلايير
غيرت دوستاق اولوب مردين ايچينده

دوشوندوكجه، أريميشم _ آخميشام
" شجاعت" يانيمدا يالان اولوب شام
مختصر منم كي باش ساخلاميشام
بير دسته قودورموش قوردون ايچينده

قوچاق نبی

اوخویان : خان شوشنیسکی

جاوید بابا

گئل یوخوما

عاشیق گلاره آزافلی ...??
تبریز...❤️?
گؤزل بیر شارکی‌??