Kim uchundir g‘arb adabiyoti "komfort zona".

Ammo, negadir mana shu "zona"da o‘tirib qolganlarning aksarini tushkun kayfiyatda ko‘raman. Yozuvchilardan tortib, o‘quvchisigacha. Balki xulosam xatodir, balki ishning ildizlari boshqadir.

Masala shuki, to sog‘lom yo‘lga qat'iy tushib olmaguncha ratsional xilma-xillik kerak.

O‘lchovlarimiz to‘g‘rilanishiga sababchi bo‘layotgan insonlarning fahmiga salomlar bo‘lsin!

Katta kitoblar bizni birdan katta qilib qo‘ymaydi.

O‘qiydigan kitoblarimizdagi ma'no qanchalik katta bo‘lmasin, toki ichimizdagi so‘zga aylanmaguncha aqlimizning bir qismiga kirmaydi. Ichimizdagi so‘zga aylanishi uchun esa aqlimizda pishitish (tafakkur qilish, yozish, aytib berish, qo‘llash) zarur. Bu jarayon esa bosqichma-bosqich amalga oshadi. Demak, har bir insonda ma'lum masalada ilm hosil bo‘lishi mayda fikrlardan boshlanib katta fikrlar tomon qadam bosib borish bilan bo‘ladi.

Kimningdir katta ma'noli so‘zlarini yod olishimiz, aytishimiz yoki yozib qo‘yishimiz bizni o‘sha insonning aql darajasiga olib chiqib qo‘ymaydi.

Shunga ko‘ra, fikrlarimiz kim uchundir mayda, kim uchundir katta bo‘lishi mumkin. Ilm qurishda, aql yasashda bu qoidani tushunish va tadbiq qilish unum beradi.

Tartibsiz va cheklovsiz yashash tarzi insonni lazzatlarni his qilmaslik sari olib boraveradi. Qizig‘-a? Sendagi ne'matlar oshib boraveradi, ammo ulardan bahra ololmaysan.

Lazzat vositalari ko‘payib borgani sari chegara va cheklovli yashash dolzarblashib boraveradi.

Yashash vositalari va axborot ko‘payib borgani sari tartib-intizomli hayotga ehtiyoj oshib boraveradi.

Yolg‘izlik boshlanar bundan buyog‘i..

#Talqin

Asliyatim manfaatimga zid ish sodir bo‘lganda bilinadi. Yaxshi paytlarda samimiy ko‘rinish dunyo uchun yangilik emas...

#Talqin

Kimdir borliging uchun shukr qiladi, kimdir yo‘qliging uchun...

Kamol ahli kamolni ko‘radi, nuqson ahli nuqsonni.

(c)