Kim uchundir g‘arb adabiyoti "komfort zona".

Ammo, negadir mana shu "zona"da o‘tirib qolganlarning aksarini tushkun kayfiyatda ko‘raman. Yozuvchilardan tortib, o‘quvchisigacha. Balki xulosam xatodir, balki ishning ildizlari boshqadir.

Masala shuki, to sog‘lom yo‘lga qat'iy tushib olmaguncha ratsional xilma-xillik kerak.

O‘lchovlarimiz to‘g‘rilanishiga sababchi bo‘layotgan insonlarning fahmiga salomlar bo‘lsin!

Katta kitoblar bizni birdan katta qilib qo‘ymaydi.

O‘qiydigan kitoblarimizdagi ma'no qanchalik katta bo‘lmasin, toki ichimizdagi so‘zga aylanmaguncha aqlimizning bir qismiga kirmaydi. Ichimizdagi so‘zga aylanishi uchun esa aqlimizda pishitish (tafakkur qilish, yozish, aytib berish, qo‘llash) zarur. Bu jarayon esa bosqichma-bosqich amalga oshadi. Demak, har bir insonda ma'lum masalada ilm hosil bo‘lishi mayda fikrlardan boshlanib katta fikrlar tomon qadam bosib borish bilan bo‘ladi.

Kimningdir katta ma'noli so‘zlarini yod olishimiz, aytishimiz yoki yozib qo‘yishimiz bizni o‘sha insonning aql darajasiga olib chiqib qo‘ymaydi.

Shunga ko‘ra, fikrlarimiz kim uchundir mayda, kim uchundir katta bo‘lishi mumkin. Ilm qurishda, aql yasashda bu qoidani tushunish va tadbiq qilish unum beradi.

Tartibsiz va cheklovsiz yashash tarzi insonni lazzatlarni his qilmaslik sari olib boraveradi. Qizig‘-a? Sendagi ne'matlar oshib boraveradi, ammo ulardan bahra ololmaysan.

Lazzat vositalari ko‘payib borgani sari chegara va cheklovli yashash dolzarblashib boraveradi.

Yashash vositalari va axborot ko‘payib borgani sari tartib-intizomli hayotga ehtiyoj oshib boraveradi.

#Haqida

Olmaning tagiga olma tushgan.

Kattalarni to‘y, dabdaba, orzu-havaslar kabilarda ayblaymiz. U belgilar aksar yoshlarda ham bor, faqat boshqacha ko‘rinishda, boshqa narsalarga nisbatan (zamonga mos). Shaklan yo‘nalish va maqsadlar farq qilsa-da mohiyatan, zehniyatan farq qilmaydi.

Ular bizning sharoit va muhitda o‘sganida ularning maqsadlari ham bizniki kabi bo‘lardi, biz ularniki kabi sharoit va muhitda o‘sganimizda bizning maqsadlar ularniki kabi bo‘lardi.

Faqat kam sonli shaxsiyatlargina muhit va zamon ta'sirini yengib azaliy va abadiy qadriyatlar ustida maqsad qo‘yishadi.

Taftish o‘zimizga.

#Fikr_haqida_fikr

"Tarbiyani tarbiyasizdan o'rgan".

Tarbiya ko‘rgan odam tarbiyasizdan ham tarbiya o‘rganadi.
Tarbiya ko‘rmagan odam tarbiyasizdan ham tarbiyasizlikni o‘rganadi.

#Mushohada Eshitish, yozish, tafakkur qilish va amal qilish uchun kuniga bitta hikmat yetadi. Ba'zan shu ham ko‘plik qiladi. Bundan ortib ketgani g‘oliban nafsning makridir. O‘zini hisob qilmaydigan inson bu makrga aldanib qoladi va o‘ziga go‘yo ilmi oshayotgandek…

Yolg‘izlik boshlanar bundan buyog‘i..