⏳Давоми.....**❤️*Эр хотинидан ғазабланиши мумкин, аммо унга эътиборсиз бўла олмайди. Аёл эркакдан мутлақо фарқ қилади. Фақат жисмоний тузилиши жиҳатидан эмас, руҳий тузилиш жиҳатидан ҳам. Эркак ҳам аёлдан фақат жисмоний тузилиш жиҳатидан эмас, балки руҳий жиҳатдан ҳам фарқланади. Аллоҳ уларни бир-бирини тўлдириш учун яратган. Агар улар бир-бирига ўхшаса эди, магнитнинг икки қутби сингари бир-биридан қочар эди. Аммо улар бир-бири томон тортилади. Чунки уларнинг бирида бошқасида етишмайдиган нарса бор. Агар биз аёлнинг ҳиссиётлари қалбидан ғолиб келади десак, бу ёмонлашга кирмайди. Агар биз эркакнинг ақли қалбидан ғолиб келади десак, бу ҳам ёмонлашга кирмайди. Аллоҳ уларни бундай яратганига сабаб, уларнинг ҳар бири ҳаётда ўз ролини ижро қилиши учундир. Аёл ўзининг руҳини эркакнинг ақли билан тўлдиради ва кучаяди. Эркак руҳини аёлнинг қалби билан тўлдиради ва юмшайди. Ҳаётдаги баъзи нарсалар фақат аёлларнинг ҳиссиётлари ва қалби билан тўғри бўлади.
Аёл киши ҳиссиётга берилувчан десак, бу улар учун нуқсон эмас. Эркак киши ақл билан иш юритади десак, бу эркак учун мақтов эмас. Улар шундай яратилган холос. Бунда уларнинг ихтиёри йўқ.Бу олам эркакнинг ақлига муҳтож бўлганидек, аёлнинг қалбига ҳам муҳтож. Аёллар қалб десак, бу уларда ақл йўқ дегани эмас. Ёки эркаклар ақл десак, бу уларда қалб йўқ дегани эмас. Биз фақат улардаги ғолиб сифатлар ҳақида гапирдик!
"Аёл эркалашни яхши кўради. Эркак киши эса эҳтиромни. Ҳаёт уларга юклаган вазифадан катъий назар, ҳар бир аёл меҳрибон бағирни яхши кўради. Ҳар бир аёл ширин сўз билан саодатли бўлади. Унга ғазал ўқиб берсангиз, осмонга учади. Унга совға берсангиз, шод бўлади. Ҳар бир эркак хотини уни эҳтиром килишини яхши кўради. Сўзини хотини тинглашини истайди. Эркак хотини ҳаётидаги энг муҳим инсон бўлишни хоҳлайди.
Хотинингиз гарчи бой бўлса-да, сизнинг хушомадларингиздан беҳожат эмас. Эрингиз гарчи барчанинг эътирофида турган бўлса-да, сизнинг эътирофингиздан беҳожат эмас. Эрингизга гарчи барча итоатгўй бўлса-да, у сизнинг итоатингизга доимо муҳтож! "

?"Тунги суҳбатлар" китобидан олинган хулосалар*?*Kanalga ulanish ?@yuristxonimdaftari❤️***

**?*Яхши кўрган инсонингга сахий бўл, аҳдга вафодор бўл ва энг бахтли онларни ғанимат бил! Аллоҳга қасамки, ўлимдан кейинги соғинчга тоқат қилиб бўлмайди!
?Айман Ёғий**

? "Солиҳалар гулшани" китобида шундай ҳикоя қилинади: "Расулуллоҳ соллаллоҳу алайҳи ва саллам аёллари билан ҳажга чиқганларида Сафийя онамизнинг туяси қоқилиб шикастланди ва сафарга яроқсиз бўлиб қолди. Шунда Сафия онамиз бундан хафа бўлиб йиғлай бошлабди. Пайғамбаримиз алайҳиссалом келиб, уларни юпатиб кўз ёшларини қўллари билан артибдилар. Онамиз янада кучлироқ йиғлашда давом этибди. Шунда у зот алайҳиссалом жаҳлланиб ҳаммани тўҳташга буюриб, шу ерга чодир тиклабдилар.
Сафия онамиз айтадилар: «Ўша куни менинг навбатим эди, Расулуллоҳ соллаллоҳу алайҳи ва саллам олдимга кирганларида менга нисбатан нафсларида ғазабни сезиб у зотдан тортилдим ва Оишанинг олдига бориб:
– Биласан, мен ҳеч қачон навбатимни бировга сотмаганман, лекин бирор нарса қилиб Расулуллоҳни мендан рози қилишинг эвазига кунимни сенга бераман, – дедим.
Оиша «Хўп» деб, зафаронга бўялган рўмолини олиб, уни хушбўй қилиш учун сувлар сепиб, Расулуллоҳ соллаллоҳу алайҳи ва салламнинг ёнларига кетди.
Оиша киргач у зот ажабланиб:– Сенга нима бўлди? Бугун сенинг навбатинг эмас-ку! – дедилар.
– Бу Аллоҳнинг фазли, истаганига беради!
Шу кеча Расулуллоҳ соллаллоҳу алайҳи ва саллам Оиша билан тунадилар. Тонгда Зайнабнинг ёнига бориб: «Туяларингдан бирини Сафийяга бер», – дедилар. Зайнаб орамизда энг туяси кўпимиз эди. Зайнаб:– Яҳудиянгизга берайми?! – деди.
Расулуллоҳ ғазаблари келиб Зайнабни ҳажр қилдилар.
Маккага келиб, ҳаж қилиб Мадинага қайтгунча у билан гаплашмадилар, кунини ҳам тақсим қилмадилар. Бу орада уч ой ўтиб кетди: зулҳижжа, муҳаррам, сафар ойлари. Ҳатто Зайнаб умидини узганидан ётоқларини ҳам кўтариб қўйди. Бу ҳақида унинг ўзи: «Рабиъул аввал ойи киргач Расулуллоҳнинг сояларини эшигимда кўрдим, олдимга кирганларида нима қилишни билмай қолдим!» – дейди.
Зайнабнинг бир чўриси бўлар эди, уни Расулуллоҳ соллаллоҳу алайҳи ва салламдан беркитиб юрар эди, у зот кирганларида бунга шукрона ўлароқ:– Эй Аллоҳнинг Расули, шу чўрини сизга совға қилдим! – деди.
Шунда Расулуллоҳ соллаллоҳу алайҳи ва саллам Зайнабдан рози бўлдилар ва унинг ётоғини туширдилар, у ҳам у зотдан рози бўлди».
Қиссадан ҳисса шуки, Зайнаб онамиз аслида оналаримиз орасида энг қўли очиғи эди. Лекин Сафия онамизга бўлган рашки унинг фитрати ва хулқини бузиб қўйди. Шунинг учун сахийлиги, динимизнинг эҳсонга тарғиб қилиши ҳам кўзига кўринмай, боз устига, инсонлар келиб чиқишига қараб эмас, тақвосига кўра ҳурматланишини унутган ҳолда Сафия онамизни «Яҳудия» деб айблаб, бунинг ортидан шунча кун Расулуллоҳ соллаллоҳу алайҳи ва салламдан маҳрум бўлди.
Бу шунчаки рашк эмас, балки у кишига одамлар эҳтиёжи тушиб турганда ўзининг рашкини деб ҳаммани ушлаб туриш ва «Яҳудия» деб рашкини гўё дин учун бароат қилиб кўрсатиш бўлиб қолган эди.
Бошқа томондан олиб қараганда, Зайнаб онамизни ҳам тушуниш мумкин. Чунки Сафийя онамизнинг ёши анча кичик бўлгани учун йигғлаб-сиқтаб Расулуллоҳ соллаллоҳу алайҳи ва салламга эркаланганлари у кишининг рашкини келтирган эди.
Аллоҳ таоло барча оналаримиздан рози бўлсин.
?**Анас розияллоҳу анҳу айтадилар: “Расулуллоҳ соллаллоҳу алайҳи васалламга бирор нарса келса,
“Буни фалончи аёлга беринглар. У Хадичани яхши кўрар эди”, дер эдилар.
Расулуллоҳ соллаллоҳу алайҳи васаллам фақатгина Хадичани эмас, Хадичани яхши кўрганларни ҳам яхши кўрар эдилар.
Муҳаббат эркакликка нуқсондир, дейдиганлар ва муҳаббатни, вафони, эътиборни изҳор қилиш шахсиятни заифлаштиради, деганлар хато қилишади.
Мана, инсонларнинг саййиди Хадича онамизни қандай яхши кўраяпдилар!
Ҳиссиётларингиздан хижолат бўлманг. Умрингиз охиригача муҳаббат билан яшанг..

? Оламлар сарварига саловат айтишни унутманг!!!
Аллоҳумма солли аъла саййидина Муҳаммад...*?*Kanalga ulanish ?@yuristxonimdaftari❤️***

**?Давоми...*❤️*Қалблар сирдир. Уни Аллоҳдан ўзга ҳеч ким билмайди. Ҳижоб ўрамайдиган аёл қизларимиз фоҳиша эмас. Мусиқа эшитадиганлар қуръонни ёмон кўришмайди. Мен гуноҳкорларни ҳимоя қилиб оқламоқчи эмасман. Мен уларнинг қўлидан тутиб Аллоҳ томон бошлайлик демоқчиман!
Агар инсонлар билан гўзал ахлоқ ва юмшоқлик орқали муомала қилмасак диндорлар ҳақида уларда ёмон таассурот қолдирамиз. Натижада улар “диндор сенга ўхшаган бўлса мен сенга ўхшамаганим бўлсин!” деб, гуноҳларини тарк қилишмайди. Ўзимиз ўрнак бўлмасдан туриб кишиларни маломат қилмайлик. Аллоҳни инсонларга ёмон кўрсатмаслигимиз лозим.
Масжидга қатнайдиган кишининг намоз ўқимайдиган киши билан очиқ юз ила қўл бериб сўрашиши эҳтимол унинг намоз ўқишига сабаб бўлар. Ҳижобли аёлнинг очиқ юрган аёл билан табассум ва ширин сўзлар ила муомала қилиши эҳтимол унинг ҳам ҳижобга киришига сабаб бўлар. Итоатгўй инсоннинг гуноҳкор инсонга айтган ширин сўзи эҳтимол уни Аллоҳ томон бошлар...
Борди-ю инсонлар сиздан таъсирланмаса ҳам сизга яхши йўлга чақириқ савоби битилаверади.
Юқоридаги киши ўғрига, зинокор аёлга, бойга садақа қилди. Роббимиз ундан: “Нега иффатли кишига, покиза аёлга ва фақирга садақа қилмадинг? Агар шуларга садақа қилганингда яхшироқ бўлар эди!” деб сўрамади. Аммо унга солиҳ туш кўрсатди ва садақаси қабул бўлганини айтди. Эҳтимол ўғри ўғрилигини у сабабли тарк қилар!
Эҳтимол зинокор аёл у сабабли иффатли аёлга айланар!
Эҳтимол бой у сабабли садақа қилишга киришар!”.*?*Kanalga ulanish ?*@yuristxonimdaftari❤️***

*⏳Давоми....

?Дунёда ҳалол бўлган бир банк бор. Дунёда ҳаётни суғурталайдиган ҳалол суғурта бор. Дунёда фарзандларни суғурталайдиган ҳалол суғурта бор. Бу банк тақво банкидир. Битта яхшиликка унта яхшилик беради. Бу банкнинг кириш жойида шундай оят ёзилган: «Ўзлари заифҳол зурриётларини ортда қолдиришдан қандай қўрқсалар, (бошқалар ҳақида ҳам) шундай қўрқсинлар. Бас, Аллоҳдан қўрқсинлар ва тўғри сўз айтсинлар!» Мана шу фарзандларни суғурталаш эмасми? Аллоҳ таоло икки етим боланинг йиқилай деб турган деворларини тиклаб қўйиш учун нега Мусо алайҳиссалом билан Ҳизр алайҳиссаломни юборди? Уларнинг отаси солиҳ бўлгани учун эмасми..?! Отанинг солиҳлиги сабабли Аллоҳ унинг фарзандларини муҳофаза қилади. Агар ота ёмон бўлса, гоҳида унинг фарзандларини унга мос қилади.
Кунлар Аллоҳнинг лашкаридир. Улар билан бир қавмни кўтарса, бошқасини туширади. Замон бир айланиши билан ҳақлар адо қилинганини кўрамиз. Мазлум ғолиб бўлади, золим эса мағлуб. Расулуллоҳ саллоллоҳу алайҳи ва саллам билан соҳиблари Абу Бакр розияллоху анҳу кеча коронғусида Маккадан ҳижрат қилиб кетганлари билан Маккага қайтадан ғолиб булиб кириб келишлари орасида саноқли йиллар ўтган, холос. Расулуллоҳ саллоллоҳу алайҳи ва салламни она шаҳарларидан қувганлар у зотга яна ўзлари Макка эшигини очиб беришди. Маккада Билол розияллоҳу анҳунинг устиларига оғир тошлар қўйиб қийнаган Умайя ибн Халаф Бадр жангида Билол розияллоҳу анҳунинг оёқлари остида ҳалок бўлди. Маккада Билол розияллоҳу анҳу Умайянинг оёқлари остида қонга беланиб ётган бўлсалар, Бадрда Умайя Билол розияллоҳу анҳунинг оёқлари остида қонга беланиб ётар эди. Бирга бир. Кунлар Аллоҳнинг энг кучли қўшинидир. Кунлар Аллоҳнинг адолатидир. Нима эксангиз, шуни ўрасиз. Кунлар чархпалакдир. Ҳар бир жароҳатнинг қасоси бор!

*??Камина, ҳаётида ҳаловат топган бир мўъжизавий калом бор-ки, шояд, ушбу ҳикмат қалбларингизга ҳаловат тақдим этса......
Дарҳақиқат, мўминлар ҳаёти доим қийинчилик ва синовлардан иборат. Зеро, бу дунё – синов майдони.
Ҳаёт аслида ана шундай, битмас-туганмас имтиҳонлар занжиридир. Бир калима бор-ки сизнинг қалбингизга малҳам, мусибатингизга эса, ечим бўлади. Аслида, сизга ноҳақлик ва зулм қилган инсонга "Ҳасбияллоҳу ва ниъмал вакил" яъни бизга Аллоҳ кифоя дея айтиш билан қаноатлансангиз, Аллоҳ таоло ҳам жавоб қайтариб: "Иззатим ва жалолимга қасамки, бир оз ўтиб бўлсада албатта сенга ёрдам бераман!"- дейди.
? Аллоҳга кифоя қилинг! Унинг хукмига ташланг! Зеро, синган юрагингизга тасалли излаётган бўлсангиз, одамлардан эмас, Роббингиздан қидиринг! *?**Kanalga ulanish ?*@yuristxonimdaftari*❤️***

*⏳ Зотан Аллоҳ, Уни унутганимиз сабаб бизга зулм қилмади, аслида биз, Уни унутганимизда ўзимизга ўзимиз зулм қилдик...

? “Тунги суҳбатлар” китобида шундай ҳикоя қилинади: Бир гўзал воқеа ўқиган эдим. Саҳиҳлигини билмайман. Бу воқеа Бани Исроилда бўлган. Мусо алайҳиссалом Роббиларига муножот қилгани чиқадилар ва ундан сўрайдилар: - Эй Роббим! Заиф инсон кучли инсондан ҳаққини қандай қилиб олади...? Аллоҳ таоло деди: Эртага фалон жойга бор, ўз кўзинг билан кўрасан!
Эртаси куни Мусо алайҳиссалом айтилган жойга борибдилар. У ерда тоғнинг бағридан отилиб чиқаётган шаршарани кўрибдилар. Шаршара пастга тушиб оқар дарёга айланар эди. Мусо алайҳиссалом заиф инсон кучли инсондан ҳаққини кандай олишини кўриш учун ўша ерда ўтирдилар. Бироздан сўнг у ерга бир чавандоз сув ичгани келди. У сув ичишга халақит бермаслиги учун белидаги белбоғини ечиб анҳор четига қўйди. Отини ўша ердаги дарахтга боғлади. Сўнгра сувга тушиб чўмилди. Кейин анҳордан чиқиб кийиндида, отига миниб жўнаб кетди. Белбоғини ўша ерда унутиб қолдирди. Кейин бир кичкина болакай эшак миниб келиб қолди. У ҳам сув ичиб, анҳорда чўмилди. Сўнгра бир четда турган белбоғни кўрди. Унга ҳамён боғланган эди. Бола ҳамённи очди, унинг ичида олтин бор эди. Бола белбоғ ва ҳамённи олиб, эшагига минди-да, жўнаб кетди. Бироздан сўнг у ерга бир чол келди. У ҳам сувдан ичиб, анҳорда чўмилди. Шу пайт ҳамёнини қидириб чавандоз келиб қолди. Чолни кўриб, ундан ҳамёнини сўради. Табиий, чол ҳеч қанақа ҳамённи кўрмаганини айтди. Чавандоз қиличини чиқариб, чолнинг бошини узиб ташлади. Мусо алайҳиссалом бўлган воқеани кўриб тафаккур қилдилар. Сўнгра Аллоҳга дедилар: Эй Роббим! Бу чавандоз чолга зулм қилди-ку!
Аллоҳ таоло деди: Эй Мусо! Бу чол чавандознинг отасини олдинроқ ўлдирган эди. Болакайнинг отаси эса чавандознинг отасини уйида йигирма йил ишлади. Чавандознинг отаси унга зулм қилиб, ҳаққини бермасдан қувиб юборди. Чавандоз отасининг қасосини чолдан олди. Болакай эса отасининг ҳаққини чавандоздан олди. Заиф инсон кучли инсондан ҳаққини ана шундай қилиб олади! ?Қиссадан олишимиз керак бўлган хулоса шундаки, жазо амалнинг жинсидан бўлади. Қилмишингга яраша жазоланасан. Бу Аллоҳнинг адолатидандир. Ким ўғирласа, ундан ҳам ўғирлашади. Ким зулм қилса, унга ҳам зулм қилишади. Ким бировнинг обрўсига тажовуз қилса, Аллоҳ унинг тажовузини ўзига қайтаради. Шунинг учун биз бировни ҳимоя қилганимизда, аслида ўзимизни ҳимоя қилаётган бўламиз. Ким яхшилик килса, яхшилик кўради.
Тикан эккан киши асло гул териб олмайди. Бир йигит ожиз бўлиб қолган отасини хотинининг қистови билан узоқроқ жойга ташлаб келмоқчи бўлибди. Отасини ўша жойга олиб борганида отаси дебди: Ўғлим! Мени ташлаб кетсанг, анави тошнинг устига қўйиб кет.
Йигит ажабланиб сўрабди: Нима учун?
Ота дебди: - Чунки мен отамни ўша тошнинг устига қўйиб кетган эдим!*?*Kanalga ulanish ?*@yuristxonimdaftari*❤️***

*⏳**Давоми….

?Улар бир-бирларининг синглисига уйланиши лозим эди.
Ҳаво онамиз ҳар сафар бир ўғил ва бир қиз эгизак дунёга келтирар эдилар. Ҳобил Қобилнинг синглисига уйланиши лозим эди. Аммо Қобилнинг синглиси Ҳобилнинг синглисига қараганда чиройлироқ эди. Шунинг учун Қобилнинг қалбини ҳасад эгаллади. Аллоҳнинг амрига бўйсунишдан бош тортди. У ўзининг эгизаги бўлмиш синглисига уйланмоқчи бўлди. Аллоҳ уларга қурбонлик йўли билан ҳукм қилмоқчи бўлди. Ҳобилнинг қурбонлиги қабул қилингач, Қобил Ҳобилни қатл қилди. Бу башарият қилган биринчи жиноят эди. Ҳасад инсонни ҳалок қилади. Уни ҳеч нима билан оқлаб бўлмайди. Аммо баъзи ҳолларда уни тушуниш мумкин. Баъзи кишилар бошқалар бир
нарса олса, ўзларининг ҳам уни олишга имконлари борлиги учун унга ҳасад қилишади. Қобилнинг ҳолати шундай эди. Бир мансабга номзод бўлган икки кишининг ҳоли ҳам шундай. Аммо баъзилар бошқаларга ўзлариники бўлмаган ва ҳақлари бўлмаган нарсаларда ҳасад қилишади. Ҳасад қилинаётган киши гарчи ўша нарсани ололмасада, ҳасадгўй унга ҳасад қилаверади. Чунки у аслида инсонларга яхшилик етишини истамайди.
Аслида қайнонасига тегадиган совганинг чиройли бўлишидан келин нима зарар кўриши мумкин?! Агар совға кундош учун бўлганда, буни тушуниш мумкин эди. Аммо ўзингизга рақобат бўлмаган ҳолатларда ҳасад қилишингизни асло тушуниб бўлмайди. Хусусан, буни оқлаб бўлмайди. Қалб саломатлигини Аллоҳ яхши кўради ва бунга ажр беради.
**Расулуллоҳ саллоллоҳу алайҳи ва саллам бир куни саҳобаларни садақа қилишга даъват қилганларида, ҳамма қўлидан келгунича садақа қилди. Улба ибн Зайд розияллоҳу анҳу фақир ва йўқсил киши эди. У шундай деди:"Эй Аллоҳим! Менда ичига пўстлоқ тўлдирилган ёстиқ ва сув ичадиган идишдан бошқа нарса йўқ. Эй Аллоҳим! Мен бандаларингга ўз обруйимни садақа қиламан!» Бу билан кишилар менинг обрўйимга тажовуз қилишса, мен улардан розиман демоқчи эди.
Набий саллоллоҳу алайҳи васаллам жарчи қўйдилар. Жарчи: Обрўсини садақа қилган киши қани?» - деб жар солди.
Улба ибн Зайд розияллоҳу анҳу келди. Набий саллоллоҳу алайҳи ва саллам унга: «Аллоҳ сенинг садақангни қабул қилди!- дедилар.

? "Тунги суҳбатлар" китобидан

?Kanalga ulanish ?@yuristxonimdaftari❤️***