#Savol: (Otabek)
Assalomu alaykum uzr mumkin bo'lsa, bir savolim bor edi. Tanishimning o'rtog'i quyosh panellarini qo'yipti. 7 kw lik ekan. Lekin kondisionerni yoqsa ko'tarolmayapti ekan. Konditsioner 12 lik. Bu nimadan bo'lishi mumkin?

#Javob:
Quyosh panellarini tanlash va o'rnatishda konditsionerning ishga tushirish tokini e'tiborga olinishi kerak bo'lgan muhim parametr hisoblanadi. Normal ish rejimida 12 lik konditsioner 1-1,15 kw atrofida elektr energiyasi iste'mol qiladi.

Konditsionerni (on/off) yoqilgandan keyin kompressor ishga tushish vaqtida kuchlanish qisqa muddatga pastlaydi, tok esa 5-7 barobar ortib ketadi. Quyosh paneli invertori bunga bardosh bera olmasdan himoyasi ishga tushishi mumkin.

Ayrim invertorlar ishga tushish tokiga bardoshli bo'ladi, siz ishga tushish tokini ko'tara oladigan invertor tanlang yoki, oddiy konditsionerni invertorlik konditsionerga almashtirish kerak bo'ladi. Invertorlik konditsionerlar ohista ishga tushishi sabablik nominal tokidan 2-3 barobar ortadi xolos.

Quyosh panelining quvvati, quyosh nuri intensivligi va boshqa omillarga qarab o'zgarib turadi. Qish mavsumida osmon bulutli kunlari quyosh panellari yetarlik elektr energiyasi ishlab chiqara olmaydi.

Quyosh panellarining joylashuvi va yo'nalishi muhim ahamiyatga ega. Janubga qaragan tomlarga o'rnatilgan panellar optimal hisoblanadi. Shunda panellar quyoshdan eng ko'p vaqt nur qabul qiladi. O'zining nominal quvvatidagi energiyani ishlab chiqaradi.

@elcom_group

Tranzistor
Hozirgi avlod tranzistor desa radiodetalni tushunishadi, katta avlod biladi, SSSR vaqtida radiopriyomniklarni oxirgi avlodini ham tranzistor deb aytilardi.

89 yillar dadam bir oylik maoshini puliga VEF214 tranzistorini sotib olgan edi. Bu radio menga juda yoqar edi. Meni elektronikaga yoshlikdan qiziqa boshlaganimga shu radiopriyomnik ham sabab bo'lgan.

Birinchi bo'lib teleskopik shakldagi antennasini sindirdim)) O'zgaruvchan kondensatorlarini burab diapazonlarini o'zgartirar edim. Bu radio usta ko'rmadi meni qo'llarimda bir necha marta reanimatsiyaga tushdi.

U paytlar televizor radioptiyomnikni atmosferasi boshqacha bo'lgan, internet yo'q davrlar, dunyoda sodir bo'layotgan voqea va hodisalar haqida Londondanmi, Parijdanmi informatsiya olish vositasi edi.

VEF 214 tranzistori juda ko'p radiostansiyalarni ushlardi. Men tushunmaydigan yuzlab kanallar chiqardi. Ayniqsa Ozodlik, BBC, Amerika ovozi singari radiokanallarni aynan mana shunday radiopriyomnik yordamida eshitish mumkin edi xolos.

Ayniqsa kanalni kerakli to'lqinga sozlashdagi efir shovqinlari va xalaqitlarni endigi FM to'lqinlaridan topa olmaysiz, Pragadan gapiramiz deganda boshlanardi, to'lqinni bosib ketadigan hushtaklarni ovozi kelarmidi-ye.

Xullas qiziq edi.
Bilmadim endi hozirgi avlod katta bo'lsa, bolalikdan smartfon bilan noutbukdan boshqa nimani eslarkin.

@elcom_group

Bir qoshiq qonimda kechasizlar))
Testda inson tanasini qarshiligi o'lchov birligi hato ketib qolibdi. 5 MOm emas, 5 kOm.

(Davronbek)
Shu to'g'ri bo'lmasa kerak-a? Shifoxonada ekan.

Ayollar ko'proq ishlaydigan jamoalarda volt bilan vattni farqiga borishmaydi, tushunamiz. 220 W deb yozganda o'lchov birligi noto'g'ri, bundan tashqari:

Iste'molchilar elektr qurilmalarini texnik ekspluatatsiya qilish qoidalarida, yoritish tizimini kommutatsiya qiluvchi o'chirgichda uning nominal kuchlanishi ko'rsatilsin degan talab yo'q.

Shuning uchun o'chirgichlarga 220 V deb yozishga hojat yo'q.

@elcom_group

Muallif: Abdurauf

@elcom_group

#Savol: (Ulug'brk Xolov)
UZOni tepadan emas pastdan ulasak bo'ladimi, faza va nolni?

#Javob:
Odatda, tarmog'ining kirish o'tkazgichlari, qutblariga rioya qilgan holda, UZOning yuqori terminallariga ulanadi.

Ko'plab modellarda ulanish sxemasi korpusda aniq ko'rsatilgan masalan: (L, N, set, load, 1, 2 yoki strelka bilan). Agar noto'g'ri ulanadigan bo'lsa, bunday qurilmalar ishlamasligi mumkin.

Agar UZO korpusining o'zida ko'rsatmalar yoki hech qanday belgilar bo'lmasa, u holda sxema simmetrikdir, ya'ni elektromexanik UZOni kirish o'tkazgichini pastdan yoki yuqoridan ulash imkonini beradi.

Shuning uchun instruksiyasiga muvofiq ulanishingiz kerak. Agar qurilma ishlamasa, oqibatlari uchun noto'g'ri ulagan elektrik aybdor bo'ladi.

Kirish kuchlanishini yuqoridan ulash shunchaki umumiy qabul qilingan.
Xavfsizlik va qulaylik tarafini qarasak, pastdan kirish kuchlanishini ulash nostandart hisoblanadi.

Misol uchun, ixtiyoriy holatda o'zidan o'zi uzilib qolganda, o'tkazgichlar kerak bo'lmagan joyda tushib, qisqa tutashuvga olib kelishi mumkin.

Tajriba hech qanday natija bermaydi. Sizga lotereyada bir marta omad kulib boqadi, har doim emas.

@elcom_group