#Kichik_hikoya

🐘Bir kuni bir janob fillar lageri bo’ylab yurib, fillar qafaslarda saqlanmayotganini yoki zanjirlar yordamida ushlab turilmaganini payqadi.

Ularni lagerdan qochishga to’sqinlik qilgan narsa – oyoqlaridan biriga bog’langan kichik bir arqon bo’lagi edi.

Erkak fillarga tikilarkan, nima uchun fillar arqonni uzib, lagerdan qochib qutulish uchun o‘z kuchlarini sarflamaganliklarini bilmay dovdirab qoldi. Ular buni osongina qilishlari mumkin edi, lekin buning o’rniga ular umuman harakat qilishmadi.

Qiziquvchan va javobni bilmoqchi bo’lib, u yaqin atrofdagi murabbiydan fillar nima uchun shunchaki o’sha yerda turishganini va hech qachon qochishga urinmaganliklarini so’radi.

Fil tarbiyachisi:
«Ular juda yosh va ancha kichik bo’lganda, biz ularni bog’lash uchun bir xil o’lchamdagi arqondan foydalanamiz va bu yoshda ularni ushlab turishga shu kichik arqon kifoya. Ular yoshlikda rosa harakat qilishadi shu arqonni uzishga, lekin oxir-oqibat arqonni uzib qocha olishmasligiga ishonishadi. O’sib ulg’ayganlarida ham ular ajralib ketolmasligiga ishonishadi. Fillar arqon ularni ushlab turishiga ishonadilar, shuning uchun ular hech qachon ozod bo’lishga harakat qilmaydilar.

#Kichik_hikoya

Oliyjanob shoh va ojiz qul

🤴🏻 Saxiy bir podshoh bor edi. Saxiyligidan xalqi uni hurmat qilar edi. Uning bir quli bor edi, xizmat darajasi bakovullik edi. Kunlardan bir kuni  bazmda, ovqat vaqtida, podshohning ham ishtahasi yaxshi bo‘lib turganda, falokat yuz berdi: qul issiq oshni podshohning boshiga to‘kib yubordi!

Odamlar: “Podshoh endi uni o‘ldiradi. Gunohiga loyiq jazo shudir!” deyishdi. Shoh esa qulning xafaligini ko‘rib, kechirdi ham ozod qilib yubordi.
Vazir dedi: "Ey saxiylikda beg‘araz shoh, unga tig‘dan boshqa narsa loyiq emas edi-ku?" 
Shoh esa lutf bilan dedi: "Xijolat o‘zi uni o‘ldirib bo‘ldi. Hech kim o‘lgan o‘likni boshqatdan o‘ldirmagan,boshiga esa jazo tig‘in tortmagan."

Bugun, iste’dodli yosh ijodkor, Respublika “Ijodkor bolalar” to‘garagi a’zosi Hoshimova Farzonaning tavallud topgan kuni.

Farzonaning o‘qish va ijodiga ulkan muvaffaqiyatlar, tilaymiz.

? Kichkina shahzoda

Kichik shahzoda (fransuzcha: Le Petit Prince) – allegorik ertak, Antuan de Sent-Ekzyuperining eng mashhur asari. Asarda Kichkina shahzoda koinotdagi turli sayyoralarga, shu oʻrinda, Yerga tashrif buyurganligi haqida hikoya qilinadi. Kitob yolgʻizlik, doʻstlik, sevgi va yoʻqotish mavzulariga bagʻishlangan. Bolalar kitobining uslubiga qaramay, uning qahramoni hayot va inson tabiati haqida hikoya qiladi. Birinchi marta 1943-yil 6-aprelda Nyu-Yorkda nashr etilgan. U butun dunyo boʻylab 140 million nusxadan koʻp sotilgan va eng koʻp xarid qilingan kitoblar roʻyxatidan joy egallagan. Kitobdagi rasmlar muallifning oʻzi tomonidan yaratilgan. Bu tasvirlar asarning asosiy qismidir:
ertak qahramonlarining oʻzlari chizmalarga murojaat qiladilar va ular haqida bahslashadilar. "Kichik shahzoda“ dagi noyob tasvirlar til to‘siqlarini yo‘q qiladi va hamma tushuna oladigan koʻrinishda boʻladi. Antuan de Sent-Ekzyuperi kitob haqida shunday deydi: "Axir, barcha kattalar dastlab bolalar edi, ulardan faqat bir nechtasi buni eslaydi“.
Kichkina shahzoda geografning maslahati bilan Yerga tashrif buyuradi. Yerda u halokatga uchragan samolyot uchuvchisidan tashqari boshqa personajlar bilan ham uchrashadi va ular bilan muloqotda bo‘lib, muhim narsalarni o‘rganadi.
Bu ertak yoki masal bolalar uchun yozilganday tuyuladi. Lekin yuqori falsafiy va she’riy mazmun bilan boyitilgan bu qissa bekorga sayyoradagi eng ko‘p tarjima qilingan badiiy asarlar uchligiga kirmaydi.

"Ijodkor bolalar" to'garagi a'zosi

Toshkent shahar, Yangi Hayot tumani, 292- umumta'lim maktabning, 9-"B" sinf o'quvchisi Artikboyeva Shahzoda Saidkarim qizi