2023 сылга кинигэни ааҕыы түмүгэ таҕыста 🎄🤩

Уб. нэһилиэкпит олохтоохторо!Биир дойдулаахпыт, киэн туттар киһибит, суруйааччы, поэт, прозаик Светлана Георгиевна Габышева - Тулуйхаана анаабыт "СЫЛ БАСТЫҤ ААҔААЧЧЫТА" диэн номинациятын уонна кинигэлэрин кытта харчынан бириэмийэни ылла - ТАРАБУКИНА ПАРАСКОВЬЯ ЕРЕМЕЕВНА 🎉👍🏻 эҕэрдэлиэҕин кыайыылааҕы 👏🏻👏🏻👏🏻

Уб. түмсүү кыттыылаахтара!
барыгытын "Сыл бастыҥнара" тэрээһиҥҥэ ыҥырабыт 🎄❄️👏

Yрүҥ туллук эрэ мөлбөстүүр,
Маҥан туллук эрэ далластыыр,
Ыраастыыра эрэ бөлтөрдүүр,
Доҕойумалыыр эрэ доҕоруом!

Ылбаҕайдыыр эрэ чыычааҕыам,
Туохха баҕас туора көрөн,
Туоххаhыйар эрэ буоллуҥ дуо,
Туллуктуур эрэ доҕоруом!

Туналыйар эрэ ньуурдааҕыам,
Туттаҕардыыр эрэ бэйэлээҕиэм,
Кыталыктыыр эрэ кыылларга,
Кытарабын эрэ, кыртайааныам!

Күлүбүрдэс эрэ дьүhүҥҥүн,
Күлүмнээн эрэ көрөргүн
Күннээҕэр эрэ күндүтүк
Көрөбүн эрэ, көмүhүөм!

Нарынныыр эрэ тарбаххын,
Наскыйар эрэ бэйэҕин
Хатыҥныыр эрэ мастарга
Ханыылыы эрэ хайгыыбын!

Субуллар эрэ суһуоххун
Халлааным эрэ кустугар
Ханыылыы эрэ саныыбын,
Хайҕаллаах эрэ киэргэлиэм!

Томтойор эрэ түөстэргин
Толорукаан эрэ кутуллубут
Чорооннордоох эрэ кымыска
Доҕуйабын эрэ, тоҕойуом!

Күөгэлдьигэс эрэ бэйэҕин
Күлэн эрэ күөмчүлүүр
Күүһүм эрэ суохуйа,
Күөкэйдиир эрэ көмүһүөм!

Сайаҕастай эрэ санааҕын
Саҥабынан эрэ салгытар
Санаакайым эрэ суохуйа,
Саргылардаах эрэ саhарҕаам!

Өрөгөйдөөх эрэ өйгүн
Өрө эрэ этэммин
Өһүргэтэр эрэ өйүм
Өрүү эрэ суохуйа!

Саха литературатын төрүттээччилэртэн биирдэстэрэ Анемподист Иванович Софронов 1886 с. сэтинньи 14 күнүгэр Таатта улууһугар төрөөбүтэ. Кини драматург, поэт уонна прозаик быһыытынан биллэр. Бастакы хоһооно "Төрөөбүт дойду" 1912 с. бэчээттэммитэ. Бастын драмата "Дьаданы Дьаакып" 1914 с. суруллубута. Сэбиэскэй кэмнэ суруллубуттартан "Бүдүрүйбүт көммөт" драма уһулуччу турар.

Көҥүл ырыата

Дирбиэн-дарбаан күннэргэ
Дирбийэн-дарбыйан тураммыт
Көнөр көҥүлү көрдүөхпүт,
Көмүс солону көмүөхпүт...

Тибиилээх-тиһиктээх күннэргэ
Тибийэн-табыйан тураммыт
Баай дьон батталын барыахпыт,
Барбах дьоннор барҕарыахпыт...

Саталаах-саргылаах күннэргэ
Сатайан саҥаран тураммыт
Саха дьону салайыахпыт,
Сааппат-саспат саргылыахпыт...

Хаарыан-харамай күннэргэ
Хаһыытаан-ыһыытаан тураммыт
Түрбүөн бөҕөнү түһэриэхпит,
Түрмэ бөҕөнү түҥнэриэхпит...

Килбик-кичимэҕэй күннэргэ
Кичэйэн-хачайан тураммыт
Ордук соргуну булуохпут,
Олох дьолун оҥоруохпут...

Көҥүл дохсун күннэргэ
Көрүлээн-нарылаан тураммыт
Өйү, күүһү үрдэтиэхпит,
Өлгөм дьолу төрөтүөхпүт...

Дорҕоон-долгун күннэргэ
Долгуйан-оргуйан тураммыт
Кыра норуот кыайыахпыт,
Кырыыс баһын быһыахпыт...

Кыыһар сардаҥа уотугар,
Кыһыл үйэбит дьолугар
Уһун тускул тутуохпут,
Уруй-айхал этиэхпит...

1922

Сэтинньи 11 күнэ — Саха биллиилээх общественнай деятелэ, бэлиитик, саха сэбиэскэй литературатын төрүттээччи, суруйааччы, бэйээт, тылбаасчыт, драматург, учуонай-лингвист Платон Алексеевич Ойуунускай төрөөбүтэ 130 сыла.

📚✍🏻 День в литературе

9 ноября родился Иван Сергеевич Тургенев (1818–1883) – всемирно известный русский писатель, поэт, публицист, драматург, признанный классик отечественной и мировой литературы XIX века. Творчество Тургенева включает множество романов, рассказов, повестей, статей, пьес и стихотворений. Иван Тургенев первый русский писатель, который при жизни получил мировую славу. Его переводили в Европе, Америке. Он был знаком со многими зарубежными классиками, стал учителем для Мопассана. Именно Тургенев открыл самобытность русской культуры для запада, популяризировал Толстого, Достоевского, переводил Пушкина. Сам Тургенев, проведя большую часть жизни за границей, сильно тосковал по родине. В своём творчестве классик сумел выразить чистоту любви, силу дружбы, страстную веру в будущее своей родины, уверенность в силе и мужестве русского человека.

СЭТИННЬИ – БАЙАНАЙ ЫЙА

Ый бэлиэлэрэ

Таҥарата: Байанай
Ойуута: ох
Тыла: һук
Суолтата: сатабыл, булуу-талыы
Сүрүн туома: Байанайга сүгүрүйүү
Мала: хойгуо
Тыаһа: хобо
Үүнээйитэ: долохоно
Көтөрө: улар
Кыыла: киис
Аһа: хаан