Абдуллоҳ ибн Аббос розияллоҳу анҳумо биродарининг ўғлига деди: Энг яхши эҳсон муҳтож одам сўрашидан олдин қилинган эҳсондир. Агар сўраганидан кейин эҳсон қилсанг, унинг юзини ерга қаратганинг учун берган бўласан.

@mehrob_himmati

«Бир «намозхонлар»га вайл бўлсинки… улар намозларини унутувчилардир», Мааъуун сураси, 4-5 – оят.

Намоз ўқиб дангасалик, эътиборсизлик қилувчиларга ушбу қаттиқ огоҳлантириш бўлса, умуман намоз ўқимайдиганларнинг аҳволи недир?

@mehrob_himmati

Эй молида барака камлигидан шикоят қилувчи инсон, сенга тўрт тавсия:

Биринчиси: Аллоҳнинг тоатида амал қилиш ва маъсиятни тарк қилиш; “Агар шаҳар-қишлоқ аҳли иймон келтирганларида ва тақво қилганларида эди, албатта, уларга осмону ердан баракотларни очиб қўяр эдик”, Аъроф сураси, 96-оят.

Иккинчиси: Сабабларни тутган ҳолда Аллоҳга таваккул қилиш; Расулуллоҳ соллаллоҳу алайҳи васаллам: “Агар сизлар Аллоҳга ҳақиқий таваккул қилганингизда, оч кетиб, тўқ қайтадиган қушдек ризқланган бўлар эдингиз”, дедилар». Имом Термизий, Имом Аҳмад ва Хоким ривояти.

Учинчиси: Гуноҳларингдан тавба қилмоғинг ва истиғфор айтмоғинг; Расулуллоҳ соллаллоҳу алайҳи васаллам: «Кимки истиғфорни лозим тутса, Аллоҳ таоло ҳар бир тангликдан чиқувчи йўл ва ҳар турлик ғамдан енгиллик ҳамда уни ҳеч бир ўйламаган томонидан ризқлантириб қўяди», дедилар. Абу Довуд ва Ибн Можалар ривояти.

Тўртинчиси: Силаи раҳм-қариндош уруғчилик алоқаларини ушлаш; Расулуллоҳ соллаллоҳу алайҳи васаллам: “Кимни ризқи кўпайиши ва умрига барака берилиши хурсанд этса, силаи раҳм (қариндошлари билан борди-келди) қилсин”, дедилар. Имом Бухорий ривояти.

Мол-дунё ҳар қанча ортиб кўпаймасин, токи банда унинг сабабларини ушламас экан, баракага эришолмайди.

Шайх Ҳомид ибн Ҳомис Жунайдий.

@mehrob_himmati

АЛЛОҲДАН БОШҚАГА ШИКОЯТ ҚИЛМААҳнаф ибн Қайснинг жияни бошига етган кулфатдан шикоят қила бошлади. Аҳнаф юз ўгириб олди. У шикоятини тўхтатмади, ҳар сафар юз ўгириб олаверди. Ниҳоят жиянига қараб:
– Эй жияним, қачон сенга бир мусибат етса, шикоятингни ҳожатингни чиқаришга молик бўлган Зотгагина айтгин. Бандасига шикоят қилма! Чунки инсонлар сен учун икки тоифа бўлади: ё дўстинг бўлади, унинг дилини оғритасан.
Ёхуд душманинг бўлса, димоғини чоғ қиласан, – деди. Сўнг одамларга юзланиб:
– Аллоҳга қасамки, қирқ йилдан буён шу икки кўзимнинг биттаси умуман кўрмайди, аммо шунча йилдан бери буни хотиним ҳам, оила аъзоларим ҳам билишмайди, – деди.

"Расулуллоҳ соллаллоҳу алайҳи ва саллам ҳаётидан лавҳалар" китобидан.@mehrob_himmati

ҲАЁТДА ШУНДАЙ ЯШАНГ ҚАЛБИЙ ҲОТИРЖАМЛИККА ЭРИШАСИЗТақдирга ишониш ва Аллоҳ таолога барча ишларни топширишнинг фойдалари қуйидагилардан иборат:
1. Киши бирор кўнгилсиз ҳодиса ёки воқеага дуч келса: “Бу Аллоҳ таолодандир. У қачон хоҳласа уни даф қилади. Унга қарши бориш аҳмоқликдир”, деб тақдирга имон келтириб, ишни Аллоҳга топшириб, барча ташвиш ва ғам-андухлардан енгил қутилади;
2. Борди-ю, бошига тушган мусибат узоқ давом этса, тақдирга имон келтириб, Аллоҳга таваккул қилган киши асло тушкунликка тушмайди ва қалбан сиқилмайди ҳам.
3. Бундай киши мусибат вақтида Аллоҳ рози бўлмайдиган йўл билан ундан чиқишга урунмай: “Мусибат Аллоҳ таолонинг истагисиз даф бўлмас экан, Уни норози қилишга нима ҳожат”, дейди.
4. Тақдирга имон келтирган киши бошига мусибат тушганда барча тадбирларни қилиш билан бир қаторда Аллоҳ таолога дуо билан юзланади. Чунки, бу киши: “Аллоҳ хоҳласа, мусибатни яна зиёд қилиши мумкин. Қилиниши керак бўлган барча тадбирларни қилдим. Буёғига Аллоҳ таолога боғланиб, ҳолимни Унга арз қилишдан жуда кўп наф оламан. Зеро, дуо орқали мен билан Аллоҳ ўртасидаги алоқа мустаҳкамланиб, асл роҳат ҳосил бўлади”, деб эътиқод қилади.
5. Бундай киши қўлига киритган ютуқларни Аллоҳ таолодан деб билиб, кибрга, фахрга ва ман-манликка кетиб қолмайди. Қисқаси тақдирга имон келтирган банда бирор муваффақиятга эришса ўзига-ўзи бахо бериб, атрофдаги баланд-парвоз гапларга учиб ўзидан кетиб қолмайди.
Хуллас, тақдирга имон келтириб, Аллоҳ таолога бутун борлиғини топширган банда муваффақият пайтида шукрда, бошига ташвиш тушганда сабрда бўлади, яъни тақдирга имон келтириш билан таваккулнинг энг катта фойдаси бандада шукр ва сабр сифатларини шакллантиради.

@mehrob_himmati

ЖУМА ФАЗИЛАТЛИ КУН

? Абу Умома розияллоҳу анҳудан ривоят қилинади: «Расулуллоҳ саллаллоҳу алайҳи васаллам: «Фаришталар масжид эшикларининг олдида ўтирадилар. Қўлларида саҳифалар бўлади. Келган одамларни (бирин-кетин) ёзиб борадилар. Имом хутбага чиққач, саҳифаларини ёпадилар», – дедилар. «Эй Абу Умома, имом хутбага чиққач, келган одамлардан жума қабул бўлмайдими?» – деб сўрадим. «Қабул бўлади, лекин уларнинг номлари фаришталарнинг саҳифаларига ёзилмай қолади», – дедилар». Аҳмад ва Табароний ривоят қилишган.

@mehrob_himmati

ҲАЁТДА КЎПРОҚ ЙЎҚСИЛЛАР БИЛАН ЎТИРИШНИ ОДАТЛАНТИРИНГАбдуллоҳ ибн Муборак раҳматуллоҳи алайҳ муҳаддис, фақиҳ ва сўфий бўлганлар. У киши дастлаб бой-бадавлат бўлиб, асосан вақтларини ўзига ўхшаган бойлар билан ўтказар эдилар. Бу ҳақда ўзлари шундай деганлар: “Эрталабдан кечгача бойлар билан вақтимни ўтказар эдим. Улар билан қачон суҳбат қилсам дунёда мендан кўра ғамгин инсон бўлмас эди. Чунки, улардан қайси бирининг уйига борсам унинг уйи менинг уйимдан чиройлироқ, унинг улови менинг уловимдан яхшироқ, унинг кийими менинг кийимимдан яхшироқ эканлигини кўриб, дилимда ачиниш, ҳасад пайдо бўлар эди ва ўзимга ўзим: “Унда бор нарса нимага менда йўқ” дер эдим. Кейинчалик камбағаллар билан ўтира бошладим. Лекин, улар билан ўтирсам ҳотиржам бўла бошладим. Чунки, мен уларнинг ичида ҳолати, емиши, кийим-кечаги, уй-жойи ва улови яхшиси эдим. Шу боис уларни кўриб, алҳамдулиллаҳ деб роҳатланардим”. Сиз ҳам буни синаб кўринг-да, ин шаа Аллоҳ ҳаётингизга сукунат киради.

@mehrob_himmati

**Дангасаликни енгишнинг 3 та япон усули.

1. ИКИГАЙ**Ҳаётдаги мақсадингизни анигланг — ҳар куни эрталаб уйғонганишингиз учун ҳаётингизда маънони англанг. Сизинг кучли томонларингиз, эҳтиросларингиз ва дунё эҳтиёжларигамос келадиган нарсанитанланг. Бу ҳаётга маъно беради.

2. КАЙЗЕНҲар куни кичик ҳаракатларга этибор қаратинг. Бир вақтнинг ўзида ҳамма нарсани қилиш шарт эмас, фақат аста-секин ривожланишга интилинг.

3. ПОМОДРО25 дақиқа ишланг, 5 дақиқа танаффус қилинг, кейин такрорланг. Бу сизга диққатни жамлашга ва чарчашни олдини олишга ёрдам беради.

@mehrob_himmati

САБР – МУШКУЛОТЛАР КАЛИТИАбу Салама розияллоҳу анҳу Маккадан Мадинага ҳижрат қилишга қарор қилганида тайёрлаган туясига Умму Саламани миндириб, ўғли Саламани қўлига тутқазиб қўйди. Кейин туяни етаклаб йўлга чиқди. Йўлда учраган Умму Салама розияллоҳу анҳонинг қавмидан бўлган бани Муғира кишилари Абу Саламага:
– Бу бизга оғир ботяпти. Биз бу қизимизни шаҳарма­шаҳар саргардон бўлиб кезиб юрсин деб берганмидик?! – деб қўлидан тизгинни тортиб, Умму Саламани олиб қолишди.
Умму Салама айтади:
“Бу ҳолатдан ғазабланган Абу Саламанинг қариндошлари бани Абдул Асад:
– Аллоҳга қасамки, аёлларини биздан тортиб олибдими, биз ҳам болани уларнинг қўлида қолдирмаймиз, – дейишди. Кичкина Саламани отасидан тортиб оламиз деб, ҳатто қўлини ҳам чиқариб олишди. Мени эса бани Муғира қавми олиб қолди. Эрим Мадинага ҳижрат қилиб кетди. У бир томонда, мен бир томонда, ўғлимиз бошқа бир томонда фироқда қолдик”.
Умму Салама ҳар куни эрталаб чиқиб то кеч киргунча йиғлар эди. Орадан бир йилга яқин вақт ўтди. Ниҳоят амакисининг фарзандларидан бирининг кўнгли эриб шафқат қилди ва қавмга бориб:
– Манави бечора мискин аёлни чиқариб юбормайсизларми? Ахир, боласидан ва эридан айириб қўйдиларингиз, – деди. Шунда Умму Саламага:
– Майли, агар хоҳласанг, эрингнинг олдига боравер, – дейишди.
Бани Абдул Асаднинг қавми ҳам инсофга келиб боласини қайтариб берди.
Умму Салама розияллоҳу анҳо ўғилчаси билан бирга Мадинага ҳижрат қилди. Турмуш йўлдоши Абу Салама розияллоҳу анҳу шаҳид бўлгандан сўнг Расулуллоҳ соллаллоҳу алайҳи ва саллам бу аёлни ўз никоҳига олдилар. Машаққатлардан сўнг мўминларнинг онасидек улуғ мартабага мушарраф бўлди.

"Расулуллоҳ соллаллоҳу алайҳи ва саллам ҳаётидан лавҳалар" китобидан.@mehrob_himmati

ДУНЁДА ҒАРИБДЕК БЎЛ

Расулуллоҳ соллаллоҳу алайҳи васалламнинг:“Дунёда гўё ғарибдек ёки йўловчидек бўл”, (Имом Бухорий ривояти) ҳадисларининг маъноси нима?

Унинг маъноси, машаққатларига озорланиб, жазавага тушма, неъматларига бурканиб ғурурга кетма. Дунё дарахт сояси остидаги бир (тин олиш) уйқу кабидир. Ундан кейинги манзил жаннатдир.

Изоҳ: Муновий раҳматуллоҳи алайҳ: “Ушбу ҳадис ўткинчи дунёни абадий қоладиган ватан ва маскан қилиб олмаслик, орзуларни қисқа қилиш, мўмин ўзини унда ғариб ёки йўловчидек билиши ҳамда охират ишлари билан машғул бўлишига чорловчи асос ҳадисдир. Унда зуҳди – тақвога тарғиб, дунёдан ҳазир бўлишга чорлов бор”, деди.

Ҳасан Басрий раҳматуллоҳи алайҳ: “Мўмин дунёда ҳудди ғарибдек яшайди. Дунёдаги ҳўрликлар, тубанликлардан ғам чекмайди. Унинг шон-шуҳрати учун мусобақалашмайди. Чунки дунёнинг ўз иши, мўминнинг ўз ғами бор”, деди.

@mehrob_himmati