بعد ما بكت لين عيونها تورّموا
وقفت قدام مرايتها وقالت :

أني المفروض مِن بعد
كسّرة الروح، زعلي اللي هان عليه
قلبي اللي تمرّمد في جرّته
تسّكيري لِـ عيوني وأني معاه
عشان واثقه فيه هلبَا

المفروض إنّ نبعد بعد
ما هوا بعد عليّا من الأول
إنّ ندير هلبا حاجات ينسّوني فيه
إنّ نتصل بِـ شخص قريب منّي
ونبكي وننهار ونعيط وندير هلبا حاجات
لين نحس روحي كارهاته بحكم
هَالشيء ( مُستحيل)

قساوة قلّبه علىٰ
قلبي، دموعي، زعلي، تعبي
مشاعري، كرامتي،كبريائي، سهري، مرضي، غيرتي، عصبيتي، إنّفعالي
علىٰ كل شيء

كان المفروض إنّ نكرهه
بس مَا قدرّتش!
كل مَا نحاول نكرهه نزيد
نحبّه بطريقه غير مُباشرة

- هوا هذا حُب ولا هوس؟.

الإخّتفاء عن العالِم فكرة جميلة جدًا .
١٢:١٢ ?.

أني نقدر

نقدر نخّفي دموعي
علىٰ كل حد حاول يلّمحهم
نقدر نسيّطر شويه علىٰ رعّشة
يدّي -بسب فقر الدم -
نقّدر نسيّطر علىٰ دموعي
اللي يغلبوني في كل موقف
نقّدر نوقف علىٰ رجليّا
من بعد هَالطيحات
نقّدر نحّضن روحي
في نهاية كل يوم سواءً كان، سيء أو قنيّن
نقّدر نبيّن إنّي مرّتاحه
وأني في عز قلقي
نقدر نوقف بجنب نفّسي
ونقوّيها، ونمّسحلها دموعها اللي مشوّهين خدودها القنيّنات
نمّسحلها عويناتها من الدموع اللي خلّاهم شينات
نقّدر نسّرق النجوم ونعطي القمر
لِـ نفسي ( لإنّها تستحق الأفضل ديما)
نقّدر نهّدي روحي هداية
في نهاية كل إنجاز درته

بس خيرني مَا قدرّتش
نسيّطر علىٰ روحي، نفّسي، دموعي
مِن بعد غيبتك عليّا !.
ربي يسكّنك فسيح جناته ياعيُون رويسّتك .

- مَا تسّتغربش .

يعني تلقاني نسّمع في أغنّيه حزينه هلبا ونجي نحكيلك ونبكي
يعني رسمت الايلاينر وطلع مش حلو ونبدأ نبكي زي البيبي ( لإنَّ أني هكِ)

يعني أني بروحي مقعمّزة مش عشان متّوحده، يعني ما لقيتش الشخص اللي يناسبّني
يعني أني مجروحه من عِيلتي جرح عمري في حياتي مَا حننّساه
يعني الحُب مرّمد قلبي وقاعده نحب هذاك الشخص

يعني أني كل يوم نبكي لِهلبا أسباب بس مش عارفه ولا سبب منهم
يعني أني وقت تسإلني خيرني متضايقه مَا تستغربش لو جيت قعمزت وبّكيت لين عيوني تورّموا وقلتلك ما فيه شيء

يعني وقت نتّخلط بِهلبا ناس ونروّح نفّسيتي زفّته بسبب التخلط ( عشان مَا نحبّاش)
يعني عادي تلّقاني نطلع من تجمّع ناس هلبا ونقولك نخّنقت وأني معاهم

يعني عادي ننجرح منّك ونرّجع نحكي معاك عادي
يعني عادي تلّقاني دقيقه جوّي حلو ودقيقه مقعمّزه نبكي

- هذه أني .. مَا تسّتغربش .

- غرِيبة الطِباع ، كامِلة الجمال .

من بعد فراقِك وأني حِيلي مهدود !
ومن يوم ما قالولي ربي خدي أمانته وأني روحي نسحّبت مني .

واليُوم ليكم
بعد هلبا ساعات معبّية قلق
معبّية شعور إخي لِهلبا مـرّات
معبّية ضُعف وعجز ودموع وإرهاق وأرق
نجي نقوللكم
بِـ مسج ملّيان حنّية، حب لِـ الرُوح، مليان طاقه إيجابيّه مليانه حُب، مليانه شعور بالأمان، يخليك تحسّه لِـ وقت طويل وأنت مرّتاح

إنّ محد يستاهل نخربوا مزاجنا علىٰ خاطره ، ولا فيه حد يسّتاهل إنّك تبكي علىٰ خاطره

معش تحاول، ولا تبادر، ولا تبرر، ولا تفهّم سوء التفاهم اللي كان بيناتكم
( زي ما فهّموك غلط .. يقدروا يفهّموك صح )

رُوحك حلوة لِـ درجه إنّ محد قدر يحافظ عليها، حلوة بطريقة بيرڤِكت
أنت هلبا عليهم ، ما قدروش يحافظوا عليك ولا يقدّروا مشاعرك القنيّنه

مشاعرك هذينا دسّهم لِـ روحك ، حِب روحك زي ما كنت تحب في الشخص اللي كسّرك ودمّرك لِـ هلبا مرّات
حِب روحك بطريقه يسّتغربوا فيها النّاس فِـ إنّ
( معقوله فيه حَد يحب روحه لِـ هالدرجة؟)

" أنت غالي عليهم، دس رُوحك لِـ الشخص اللي يسّتاهل تحارب علىٰ خاطره" .

- يارب ، خلّي نهاية كُل حاجه قنيّنة زي عيونكم .

تخطّيت
مليون شعور، الفِين غصّة
حرقة كانت نارها والعه فِـ قلبي
شهقه قلّبي ودموعي اللي زي المطر
رعّشة يدّي، قلبي اللي يرّعش
فقدان توازني، طيحتي وكسرّتي
رعّشة صوتِي وأني نكلّم فيك، البُركان اللي تفجّر في داخلِي
اليوم اللي قعدت واقفه
مِش قادره نمّشي بسبب الشعور
اللي سيّطر عليّا
اليوم اللي حطيت يدّي
علىٰ راسي وكانوا دمُوعي زي المطر

تخطيت هلبا هلبا
إلا أنت .. مَا قدرتش .