بسم الله الرحمن الرحيم

اللهم صلِّ على محمد وآل محمد

مولود الشفيع

»»»»»»»»»»»»»»🍃🌸🌺

فــــرح           مــــرح
وتهــــاني بهالشـــهر
اجــــه         الرجــــه
وشـــفيع الهالبشـــر

عهــــد لهتف اضل باسمه
ابو الســــجاد ابو اليمّــــه

»»»»»»»»»»»»»»🍃🌸🌺

اشارك بالفرح كل اهله واحبابه
واهني حيدره وفاطمه بإنجابه
رياحيــن وورد انثر على اعتابه

حســب      نســب
ابـــــــوه  المرتضى
لهـــب    شــــهب
تلالــــــــت بالفضى

عليه كبّـــر نبي الامّــــــه
ابوالســــجاد ايو اليمــه

✍️الشاعره شيماء ام نور

»»»»»»»»»»»»»»🍃🌸🌺

اهنــيهم  اهل بيته ابــو السجاد
فرح گلبــــي واريد انثر اله اوراد
احب انصب حفل يمه ابو لمجاد

صبـــح        شــرح
اله گلبـــــــي ابتهج
یعـــــد         یــــود
علومه والنهـــــــج

ورد ینثــــر عطر وَســــمه
ابـو الســـجاد ابـــو الیمـه

✍🏻الشاعره ام عباس الحسیني

»»»»»»»»»»»»»»🍃🌸🌺

هله بجيته شفيع الشيعته باچر
نزل لينه من الباري العلي القادر
نبع صافي ابــد ماكو الــه ناظر

عِلــــم      عَــــزم
ابن خير العمــــل
حبـــــل    وصـــل
بالاوصاف  اكتمــل

عــــــذب ويزيل كل غُمّه
ابو السجاد ابو اليمـــــــه

✍️الشاعره شيماء ام نور

»»»»»»»»»»»»»»🍃🌸🌺

هلــه وميــة هله ابمـــولده الغالي 
بطل مغوار ومن مهده صبح والي    
سـفينه للنـــجه وشــــراعها العالي

لــــــــون     یحــــــن
المـحـب ویّــــا عبـــر
یفــــــوز      یجــــــوز  
وعالصـــراط یــمــــــر

ویــدخـله ابجــنـته ویـــمه
ابـــو الســــجاد ابـو الیــمه

✍🏻الشاعره ام عباس الحسيني

»»»»»»»»»»»»»»🍃🌸🌺

ابن حيدر الـــه افدي العمــر كلّه
ذكر اسمه يضـمد الجــرح ويشلّه
على دربه يضل نهجي وفلا اتخلّه

ســـــند     اشــــــد
بيه احـــــزام الضهر
يـــــــرد      يمـــــد
الي ســـنين العمـــر

شــملنه يطـــش ويلمّــــه
ابو الســـــجاد ابو اليمّــــه

✍️الشاعره شيماء ام نور

»»»»»»»»»»»»»»🍃🌸🌺

حبيب الله ورســوله هذا عنوانه
بــدر ضاوي يشــع ونوره غطانه
شفيع الكل محب ياهله من جانه

عهــــد   وعــــــد
نطيعـــه وللابـــــــد
امــــل    نضــل
اعله دربـــه ومانمل

یحقق کل محـــب حلـمه
ابــو الســــجاد ابـــوالیمه

✍🏻الشاعره ام عباس الحسیني
»»»»»»»»»»»»»»🍃🌸🌺

https://t.me/shaymaumnoor

https://t.me/shaymaumnoor/2443

نفس النار

~~
نار البيها حرگو عتبت الزهره
ردت تستعر بعتــــاب سامره
◾◾◾◾◾◾
الزمان ايعيد نفسه وحنه شاهدنه
امس بأرض المدينــه النار چوتنه
واليـــــوم ارجعت تلهب ابديرتنه
نتحمل لهبها احنــــــــــه چم مره

*✍️الشاعر فالح العامري
◾*◾◾◾◾◾◾️
يا نار السقيفه بكت تلهب دوم
حركت باب فاطم والدمع مسجوم
ورجعت وجرت بمخيم المظلوم
ولحد الان عدهم بغض للعتره

✍? الشاعرة ام حيدر الحمزه الطائيه
◾️◾️◾️◾️◾️◾️◾️
جم مــــره نشوف النار بالاعتاب
اول نار للزهـــره احرگوها الباب
مانعرف حقدهم شنهي الاسباب
ولبيت النبي متعنيه هالزمـــــره

✍️الشاعره ام محمد الشاهين
◾◾◾◾◾◾
ونار أحقادهم چـــم مره شبوها
على بيـــت النبـــوّه ومايطفوها
من يوم السقيفه الحـرب علنوها
ملعونه وخبيثه تبگـــه هالشجره

✍️الشاعره ام نور الباقر المالكي
◾◾◾◾◾◾
نـــار احقادهم ضرمت بلارحمـه
على اعتاب الزچيه الزمـره ملتمه
لباب الدار حرگت واصبحت ظلمه
ظلت. نارهـــم تلهب مثل جمره

✍️الشاعره ام. البنين

◾️◾️◾️◾️◾️◾️◾️◾️

بگت تفتل وكل سـا تشتعل يم دار
من عتبة الزهـــره مهجة المختار
لعد سامره وصلت ماطفت هالنار
وبس يرجع المهدي ماتضل وجره

✍️الشاعره شيماء ام نور
◾◾◾◾◾◾ ◾
تمت بعون
عليه السلام
?قناة مسلم بن عقيل ع?
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري

تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدع
https://t.me/mslmapnAGyel

بسم الله الرحمه الرحيم

سوال
ميمر
~~~~~
هالمثل متعلمينه.
عيسى اوموسى ابدينه

جا وين صار الاصلاح 
وينه اليفكر وينه
◾◾◾◾◾◾
لونحجي احنــه عالصحابه الأشرار
شنهو السبب من شعلو الذيج النار
تطلع علينـــــه ناس بانواع اخبار
بالشرك يتهمونــــه الحب الكرار

ايكولون احنه احبابه
للمصطفى اصحابه

چا ليش زهق الأرواح 
وينه اليفكر وينه

الشاعر فالح العامري
◾◾◾◾◾◾
شنّوا حــرب عالمرتضى وشذنبه
وشنهي الذنب محسن وكع عالعتبه
ماهابوا الهادي ولاخافوا ربــــــه
يدرون فاطم روح ابوهـــه وگلبه

حق فاطمه يغصبونه
ومال النبي ايعرفونه

حقهه عند الله ما راح
وينه اليفكر وينه

✍️الشاعره ام حيدر الطائي
◾◾◾◾◾◾
من نحكم اعله الموصحب بالكفران
ناخذ الحجه من النبـــي والقرآن
وعدهم أحاديث وذكرها الشيخان
قال الزجيه بضعتي عالي الشــان

نحلتها ايغصبوها
اوصيته مانفذوها

اباب النبي صار اصياح. 
وينه اليفكر وينه

✍️الشاعره ام مجتبى الجزائري
◾◾◾◾◾◾
دين المصالح صار عدهم  الدين
وكرهو علي الكرار من ذاك الحين
من  بالسقيفه اجتمعوا  الشياطين
لازم الحاجب يعله من فوك العين

حب الكراسي حبهم 
موش النبي صاحبهم

الاسلام ظل للاشباح
وينه اليفكر وينه

✍️ الشاعره ام محمد الساري
◾◾◾◾◾◾
خل يسمعون الخطبته بيها  اشگال
العتره وكتابه وحيدره بيـده شال
من حبني حبهم خلي تفهم  لجيال
كل هالادلــه ايچذبوها الانــذال

ابكسر الضلع يسبونه
ابروح النبي يفجعونه

ترسو كلبنه بجراح
وين اليفكر وينه

✍️الشاعره ام اسعد الشمري
◾◾◾◾◾◾
ماعدهم ابـــــداً لا عقل لا تفكيـر
عدهم الـــدين ابنطق كلمة تكبير
شوهوا معنى الصحبه اهل التكفير
همهم السـلطه مايهمهم شيصير

عافــوا اجنازة طاهه 
ولا من حضر واراهه

كسر الضلع حيف انباح 
وينه اليفكر وينه

✍️الشاعره شيماء ام نور
◾◾◾◾◾◾
رحمه فلا عدهم هذوله الاحقاد
حملو ضغينه عله العتره الامجاد
الغصب الخلافه ثبتو همه الاسياد
وسفه الصحابه صایره بس الحاد

نكـرو شريعة ربهم
بس الخلافه همهم

وسفه الدين ابچفهم طاح
وينه اليفكر وينه

✍?الشاعره ام عباس الحسيني
◾◾◾◾◾◾
تمت بعون الله

https://t.me/mslmapnAGyel

«اخرعلامه»
«شيعتي»
~~~~~~
وين بدر الهاشميـــــه  ياخذ ابثار الزچيــــه
ينتهــــي عهد الفجور  ياهله ابيوم الظهور
ياخذ ابثار الزچيه
__
چـم قرن مراوتعده ننتظــر منك علامـــه
اعليها آمال البنينـه انشوف انـوار الأمامه
اتعيش هالامه ابتآخي اوتوصل الشاطي السلامه
كل العلامــــــــات اظهرت
السفياني واجيوشه لفت
كل المســـــــــاجد فجرت 
للنبي حرفواسلامــــــــــه

ذوله احفاد السقيفـه  حملو احقاد الخليفـه
وين قايدنـــــه الغيور  ياهله ابيوم الظهور
ياخذ ابثار الزچيه

احنه شفنه چم علامه اوچم شخص ظالم حكمنـــــــه
من الخليفه لآل اميـه والله من عدها انهظمنـه
كلمن اتسلط علينــــه لا نفعنـه اولارحمنه

داعش اجت هذا العصر
لاهدف عدها اولافكــر
بس القتل بس الغـــدر
والذبح صاير سهمنــه

للفرج احنه نتانـــــــي  وين رايات اليماني
ويه صاحبها العصور  ياهله ابيوم الظهور
ياخذ ابثار الزچيه

ظهرت اهوايـه علايم طلعة المهدي قريبـه
احنــه نلعن من يوقت ابطلعته ماعدنه ريبه
للفرج ندعي ابغيابــه اشوكت بارينــه يجيبـه

لويستجاب  النه الدعه 
غايبنه الله ايطلعـــــــه
شمس الولايه الساطعه
تنگضي محنة الغيبـه

للبدع يمحــي اثرها  للعدل رايـه نشرها
للظلم يهدم قصــور  ياهله ابيوم الظهور
ياخذ ابثار الزچيه

وين اصحاب الولايه العدها ايمان ابظهوره
خلي بالدنيه یصفـي احسابـــــــه ويرتب اموره
ايشوف نفسـه تهوه المن العلــي لوزمرة الشوره

لـــــويظهر الغـايب بعد 
ماتنفــع التوبـــــــه ابد
من هسه رسخ المعتقد 
اصلح النفس الشروره

حارب النفس اوهواها  فاطمه تكسب رضاها
يوم ابنها من يثـــــور  ياهله ابيوم الظهور
ياخذ ابثار الزچيه

يامن الغايب تتانـــي اورايد اتشــاهد انـواره
موقفك هاليلـه حدد اتنصره من يطلب ابثـــاره
تعلن البيعـه الأمامك تنصره اوتنصر افكــاره

واتبايعـــــــه ابدم النحر
تاخذ امن اسلافك عبر
تحمـيــــه من جورالدهر 
مثل انصــــــــاره الغياره

صفي نيتك هالمسيــه  خلي روحك مهدويه
النصرته جندي فخور  ياهله ابيوم الظهور
ياخذ ابثار الزچيه

وين هذا اليوم وينــه اسنين مصباحه نتانـــــــي
نسمع ابيت الله ظاهر حاكم البيــــــــــه الآمانـي
اينادي ياثار الزچيـــه المانسيته كل زمانــي

وينادي ياثار الضلـــــــع
بغيابي اهل لجله الدمع 
اوگلبي يشيعه منفجـع
عله امصاب الغاضريه اوعمتـــــــــي الراحت سبيه
__
تمت
الشاعر فالح العامري

https://t.me/falehalameri

بسم الله الرحمن الرحيم

((((يازهراء))))

ابوذيات شاجيه مشتركه  لمصاب الزهراء ع

ابوذیه

ایاخير النـسـا فاطـم .. وجيهه
دمعها دم جره حافر  .. وجيهه
گبرها ويـــنه ازحفله .. وجيهه
ودگلها عــلم اســــود بدیــــه

✍?الشاعره ام عباس الحسيني

▪️▪️▪️▪️▪️▪️▪️

ونـــه اجذب على الزهــره واجره
حرگــــــــها دارها الظالــم واجره
صــدگ كنفذ العتــــــــــــها واجره
اهوت فوك الأرض بت سيد البريه

*✍️الشاعر فالح العامري*

▪️▪️▪️▪️▪️▪️▪️

همــوم اتـــرادفــن لمي  وجنها 
ومن ضرب الرجس احمر وجنها 
الملايك بالســـمه حزنت  وجنها 
لجل ام الحســــن نصبت عزيه 

الشاعره ام. البنين

▪️▪️▪️▪️▪️▪️▪️

ضلع امي کسر شنهي جنيناه
بعدها  الالــم والهــم  جنيناه
صحت امي ومصیبة  جنيناه
سكط واظلمت الدنيه عليه

✍الشاعره ام اسعد الشمري

▪️▪️▪️▪️▪️▪️▪️

وجه أمي گمر عالكــون  ويهل
عجب حيدر عليهه اتراب ويهل
رجع حـــاير دمـه دمعات ويهل
المصيبة فاطمه الزهره الزچيه

الشاعره ام كريم طرفي

▪️▪️▪️▪️▪️▪️▪️

دليلي عالزچيه ايلـــــوج ويعن
ويريت ضلوعي بالبسمار ويعن
على هذا الخبر عينـــــاي ويعن
لمن شــافنها عالعتبه رميـــــه

✍️الشاعرة شيماء ام نور

▪️▪️▪️▪️▪️▪️▪️

https://t.me/shaymaumnoor