ЭРГАШ ҚЎРБОШИНИНГ ХИРГОЙИСИ

Бу йўллардан чайқалиб,
Карвон кетиб борадир.
Туясида мунғайиб
Сарбон кетиб борадир.
Ҳаёт они хатардан,
Гоҳ аччиқдир заҳардан.
Ушалиб ушалмаган
Армон кетиб борадир.
Ўйи бўлмасдан адо,
Қайси ҳақ — қайси хато.
Термулиб шоҳу-гадо
Ҳайрон кетиб борадир.

Хиёнат, туҳмат бари,
Урчир ажриқ сингари.
Эзгуликнинг кўзлари
Гирён кетиб борадир.
Очиқ ғарлик дарчаси,
Иғвогарлик дарчаси.
Пок кўнгилнинг барчаси
Вайрон кетиб борадир.
Не моллар кетди қўлдан,
Аёндир ўнгу-сўлдан.
Бу карвон эски йўлдан
Ҳамон кетиб борадир.

Бир умр ўтдинг тилаб,
Номарднинг бошин силаб.
Йиққанинг бир-бир нураб
Хирмон кетиб борадир.
Аввал югурдинг, елдинг,
Умрни мангу билдинг.
Қай кунга етиб келдинг?
Даврон кетиб борадир.
Ҳайқирдинг, ўкирдинг шан,
Қувватга тўлди бадан.
Кокили ифор сочган
Жанон кетиб борадир.
Даврон кетиб борадир,
Армон кетиб борадир.
Кун сайин бу дунёдан,
Инсон кетиб борадир...

КАМОЛИДДИН ШУКУР.@kamoliddinshukur1

https://t.me/kamoliddinshukur1

Шоир учун асосий иш – кўнгил кўзи билан кўриш, қоғозга тушириш эса – касб.

Асқад МУХТОР

"Тундаликлар" дан

@kamoliddinshukur1

🥺🥺🥺🥀🥀🥀😔😔😔

Кун сайин ортсада, янги муаммо,
Толмаймиз, – синовда тобланган танмиз.
Назаримда – юз йил ўтсада, аммо:
Биз ўша-ўша ўшамиз – ўзгармаганмиз...

Япроқлар, илдизлар ўзгариб кетди,
Кечалар, кундузлар ўзгариб кетди.
Ҳов анов юлдузлар ўзгариб кетди,
Биз ўша-ўша ўшамиз – ўзгармаганмиз...

✍КАМОЛИДДИН ШУКУР
🎤Феруза

ЙЎҚ ҲАЛОВАТ ИСТАМАЙМАН

Йўқ, ҳаловат истамайман,
Ором билмас ёш жоним.
Тўлқин урган уммонча бор
Юракдаги туғёним.

Бўронларга, довулларга
Пешвоз юргим келади.
Дарёларнинг гирдобига
Кўкрак ургим келади.

Тинчлик билмас одатимдан
Озор чексам, майлига.
Олов бўлиб бир дам ёнсам,
Сўнг ўчсам ҳам, майлига...

Ҳар мушкулга бардош берар,
Чидар менинг тош бошим.
Аммо сокин, тинч яшашга
Сира йўқдир бардошим.

Эркин ВОҲИДОВ@kamoliddinshukur1

**• Kechalar.

© Kamoliddin Shukur ✍
® Elshodbek Mukhammad ?**
08.12.2024

? Kanalga aʼzo boʻlish uchun manzil ➕➕➕➕
?Https://Telegram.me/Elshodbek_Mukhammad

***ҲАСАДГЎЙ...

Сира тинчлик билмайди улар,
Ёнар йилнинг тўртта фаслида.
Куйиб юрар, ўртаниб юрар
Ҳасадгўйга қийин аслида.

Бечоралар ютуғинг кўрса,
Тутолмасдан қолар ўзини.
Омад қуши елкангга қўнса,
Юмдалайди қошу-кўзини.

Кўнгил бўшда, не қилай ахир?
Бечорани суйгим келади.
Елкасига қоқиб негадир,
Узр сўраб қўйгим келади.

Узр жўра, узр биродар,
Сиздан ўзиб кетганим учун.
Ғарибликда юриб саросар
Тўрт-бешта шеър битганим учун.

Сиз мендан зўр, сиз мендан ўткир,
Ишонаман — сиздан кўнгил тўқ.
Бу дунёда сиз каби олғир
Учқури йўқ ва ё зўри йўқ!

Мен бир куйчи, мен битта шоир,
Бурчакларда шеър ёзаман жим.
Сиз тўқиган макру ҳийлага
Икки дунё етмайди ақлим.

Ҳасадгўй зот — энг бечора кас,
Олов ёнар асли наслида.
Сўзларим чин асло ёлғонмас,
Ҳасадгўйга қийин аслида...

2014-йил октябрь
?Камолиддин ШУКУР
?Феруза***

"БУЮК ЭЪТИБОР"

✍ШЕЪР МУАЛЛИФИ: КАМОЛИДДИН ШУКУР.

?ШЕЪРНИ ЎҚИДИ:
САЛОҲИДДИН ФАЙЗИЕВ

Сўз айтдим-дил тўла
орзу ва ихлос,
Дардларим миллатнинг
дардларига мос.
Азизлар-чин дилдан
айтай илтимос,
Таълим тарбияга
беринг эътибор;
Таълим тарбияга
беринг эътибор!