#qabul_2024

? Toshkent davlat yuridik universiteti huzuridagi Namangan viloyat akademik litseyga 2024/2025-o‘quv yili uchun hujjat topshirgan abituriyentlar diqqatiga!!!

? 2024/2025-o‘quv yili uchun Toshkent davlat yuridik universiteti huzuridagi Namangan viloyat akademik litseyga o‘qishga qabul qilish bo‘yicha test sinovlari 2024-yil 27-iyul kuni soat 07:30 da bo‘lib o‘tadi.

✅ Test sinovlari Namangan shahri Istiqlol ko‘chasi 3-uy Barkamol avlod sport majmuasi markaziy arenasida o‘tkazilishi rejalashtirilgan.

❗️❗️❗️Abituriyentlar test sinovlariga kirish uchun ro‘yxatdan o‘tgan telefon raqam va parollari orqali https://litsey.uzbmb.uz elektron platformasidan ruxsatnomani yuklab olib, test o‘tkaziladigan kunda chop etilgan holda soat 07:30 dan kechikmasdan, shaxsini tasdiqlovchi hujjat (tug‘ilganlik haqida guvohnoma yoki ID karta) bilan kelishlari lozim.

✅ Abituriyentlar va ularning ota-onalari quyidagi telefon raqamlari orqali “Call-center” bilan bog‘lanib, qo'shimcha ma'lumotlar olishlari mumkin:

☎️ +998692330720

? +998942720019

?+998948288484

?+998939140387

? Barcha abituriyentlarga test sinovlaridan muvaffaqiyatli o‘tishlarida omad tilaymiz!

@yuridikakademiklitseyabituriyent

☝️SO'RAGAN E'DINGIZ...

✍️ Assalomu alaykum. Bankdan kredit olgan edim, ammo oʻz vaqtida toʻlay olmadim.
Bankdan kredit olay desam bermayabdi. Qora roʻyhatdasiz deyabdi. Yana kredit olish uchun qanday qilib qora roʻyhatdan chiqishim mumkin?
?«Qora roʻyxat» aslida mavjud emas va Kredit byuro tomonidan qarz oluvchilarning «qora roʻyxat»i yuritilmaydi.
Ushbu atama ba'zi kredit tashkilotlari tomonidan kredit olish uchun ariza beruvchining kredit tarixi salbiy boʻlgan yoki skoring bali past boʻlgan hollarda ularga kredit ajratilishini rad etish uchun ishlatilmoqda.Siz ijobiy kredit tarixini shakllantirish uchun muntazam ravishda toʻlov majburiyatlarini oʻz vaqtida yoki muddatidan oldin amalga oshirib borishingiz kerak boʻladi. Shu bilan birga, qarz oluvchi doimiy ravishda kredit olgan va uni oʻz vaqtida (tasdiqlangan toʻlov grafik jadvaliga muvofiq) soʻndirib borgan boʻlsa, kelgusida kredit olish imkoniyati yanada oshib boradi.
Siz Markaziy bankka murojaat qilib salbiy kredit tarixingizni toʻgʻrilashda amaliy yordam berishlarini soʻrashingiz kerak. ? Murojaat uchun ???
@Yuridik_klinkbot

#Bilasizmi

? Mehnat kodeksiga ko'ra, quyidagilar ishga qabul qilishni qonunga xilof ravishda rad etish hisoblanadi:➖mehnat va mashg'ulotlar sohasida kamsitishni taqiqlash to'g'risidagi talablarni buzish;

➖ish beruvchi tomonidan ishga taklif etilgan shaxslarni ishga qabul qilmaslik;

➖ish beruvchi qonunga muvofiq mehnat shartnomasini tuzishi shart bo'lgan shaxslarni (ish o'rinlarining belgilangan eng kam soni hisobiga ishga yuborilgan shaxslarni, ish beruvchi alohida asoslar bo'yicha mehnat shartnomasini bekor qilgan shaxslarni, ular qayta ishga qabul qilingan taqdirda va boshqalarni) ishga qabul qilmaslik;

➖homiladorlik yoki farzandlar borligi bilan bog'liq sabablarga ko'ra ishga qabul qilmaslik;

➖sudlanganligi, shu jumladan tugallangan va olib tashlangan sudlanganligi sababli shaxslarni ishga qabul qilmaslik, yoxud shaxslarni ularning yaqin qarindoshlari sudlanganligi shu jumladan tugallangan sudlanganligi munosabati bilan ishga qabul qilmaslik.

☝️SO'RAGAN E'DINGIZ...

✍️ Assalomu alaykum.Men 2022-2023 o‘quv yilida maktabda va kasb- hunar maktabida ishlaganman. Ikkala joyda ham asosiy bo‘lgan.Maktabda 20 yildan beri asosiy bo‘lib ishlayman.Kasb-hunar maktabida esa 3- yildan beri ishlayman.2 yil o‘rindosh olib ishlaganman.2022-2023 o‘quv yilida maktabga 10 soat darsim bo‘lganligi sababli kasb-hunar maktabida 15 soat bergan va asosiy qilib o‘tkazgan.Endi maktabimiz direktorni sen kasb-hunar maktabida asosiysan, maktabda o‘rindoshsan deb turib olgan.Maktabda drindosh o‘qituvchiga dars yo‘q deb menga dars bermayapdi. Arizangni yoz deyabdi.Men maktabda 20 yildan buyon asosiy bo‘lib ishlab kelganman.Toifam 1-toifa.Deriktorimiz gapi qanchalik to‘g‘ri?
?**VМning 2012 yil 18 oktyabrdagi 297-son qarori bilan tasdiqlangan “O‘rindoshlik asosida hamda bir necha kasbda va lavozimda ishlash tartibi to‘g‘risidagi nizom”ning 2-bandiga asosan asosiy ish joyi - O‘zbekiston Respublikasi Mehnat kodeksining 125-moddasiga muvofiq ish beruvchi tomonidan xodimning mehnat daftarchasi yuritiladigan tashkilot hisoblansa, o‘rindoshlik asosida ishlash - xodimning o‘zining asosiy ishini bajarishidan tashqari asosiy ishidan bo‘sh vaqtida mehnat shartnomasi asosida boshqa haq to‘lanadigan ishni bajarishi tushunilishi belgilangan.

Agarda sizning asosiy ish joyingiz bo‘lib, hamda siz bilan tuzilgan mehnat shartnomasi amalda bo‘la turib, siz boshqa tashkilotga asosiy bo‘lib joylashishingiz mehnat qonunchiligiga mos kelmaydi, chunki Mehnat kodeksining 182-moddasida ish vaqtining normal muddati olti kunlik ish haftasida har kungi ishning muddati yetti soatdan, besh kunlik ish haftasida esa sakkiz soatdan ortib ketmasligi lozimligi belgilangan.

Yuqoridagilardan kelib chiqib, shuni aytish mumkinki, siz mehnat faoliyatingizni 2 ta joyda asosiy bo‘lib olib borishingiz mumkin emas, agar biror tashkilotga asosiy bo‘lib ishga joylashishingiz uchun asosiy ish joyingizdagi mehnat shartnomasini mehnat qonunchiligida belgilangan tartibda bekor qilib, boshqa tashkilotga ishga joylashishingiz hamda amalda ishlab turgan joyingizga o‘rindoshlik asosida ishga joylashishingiz mumkin , shuningdek, bunda ortiqcha to‘langan ish haqi qaytarib olinadi.
? Murojaat uchun ???
@Yuridik_klinkbot