عن الحسن - رحمه الله - قال :«كانوا يقولون : من رمى أخاه بذنبٍ قد تاب إلى الله - عزّ وجل - منه ؛ لم يمت حتى يبتليه الله به».

[ موسوعة ابن أبي الدنيا 4/415 ] .

تأملات في تريند مدرس الفيزياء قاتل طالبه .. بص شايف النعي ده؟ الناعي طلع هو القاتل .. وهو يبقا مدرس الفيزياء بتاعه، طالب جامعي بيدي دروس فيزيا، خطفه بعد الدرس وكتّفه، وكلم اعلن يطلب فدية ١٠٠ الف جنية، بالليل عشان يسخن اهله اكتر ثبّت موبايله وفتح فيديو وهوا…

تأملات في تريند مدرس الفيزياء قاتل طالبه ..

بص شايف النعي ده؟ الناعي طلع هو القاتل ..

وهو يبقا مدرس الفيزياء بتاعه، طالب جامعي بيدي دروس فيزيا، خطفه بعد الدرس وكتّفه، وكلم اعلن يطلب فدية ١٠٠ الف جنية، بالليل عشان يسخن اهله اكتر ثبّت موبايله وفتح فيديو وهوا حاطط السلاح الابيض على رقابته وقال اصوره وابعت الفيديو لاهله كنوع من التحفيز، لكن وهوا بيصور الواد اتحرك غلط فا اتقطع الشريان ومات.

راح المدرس ده لما استوعب الجريمة اللي عملها، راك مكلم قريبه النجار ينجده، الراجل جه وقطعوه وحطوه في كام شوال ورموا كل حتة في مكان، وما على المدرس ده انه يعمل انه بيدور معاهم وينزل نعي تعاطف وانه متأثر وكدة، على مدار ٩ ايام محدش يشك ابدا في المدرس ده.

لحد لما فلاح الصبح لقى شوال من الشولة مرمي في الترعة وفيه نص جسم، وبلغ، ولاجل الحظ كان ملفوف في حتة خيش مقطوعة قطع يدوي، فا اخدوها وراحوا اخر مكان كان الطالب فيه اللي هوا سنتر الدروس ده، لقوا حتة خيش مقطوعة الاطراف بطريقة غير منتظمة، مع المقارنة طلعت مقطوعة منها، فا الواد اتكشف واتقبض عليه.

التفكير الاجرامي ده اتولد بسبب حاجة واحدة بس، حاجة حذرنا منها من شهور فاتت ومحدش اهتم.

- ابلكيشن القمار والمراهنات او اللعبة اللي اتكلمنا عنها من فترة.

بكل بساطة الراجل سمع عن الابلكيشن ريقه جري بدأ يقامر كسب الاول وبعدين بدأ يخسر وادمن اللعب لحد ما لقى نفسه كل مدخراته راحت، فا عليه اقساط وعايز يعوض يعمل ايه؟ عقله وداه للجريمة دي، وكلنا عارفين نهايته، الحبل.

- نقول تاني يا جماعة عشان ناخد بالنا ..

دا ابلكيشن راعي لكثير من الدوريات العالمية، سهل الشحن عن طريق المحافظ الالكترونية، منتشر بشدة بين الشباب وصغار السن والمديونين والطماعين والباحثين عن الكسب السريع.

لكن متنساش انه قمار رسمي، ميسر محرم شرعا وقانونا مش لعبة بتكسب فلوس، اللعبة اللي انتو فاكرينها بتكسب فلوس دي عبارة عن رهانات والعاب حظ قايمة على فلوسك، كلها قمار وميسر رسمي لكن عالموبايل، واللعبة دي بتشد لانها بتكسبك في الاول وتخسرك في الاخر، هوا ده القمار بكل بساطة زي ما قال الكتاب، بحرمانيته.

وفوق الحرمانية كمان فا القمار ادمان، حالة بيسموها العلماء القمار القهري، الرغبة في المقامرة بشيء ذو قيمة عندك من اجل الفوز بقيمة اكبر، واضطراب المقامرة بيحفز جهاز المكافأة في الدماغ زي الكحوليات بالظبط، وده بيأدي للادمان، ادمان حقيقي مش نفسي، ممكن يخليك تخسر كل حاجة وتضطر للسرقة والجريمة والاحتيال عشان تكفي ادمانك.

قلنا الكلام ده قبل كدة ومحدش اهتم، واهو بدأ يتحقق على ارض الواقع اهوه، جريمة حقيقية بين ايديك بسبب الابلكيشن، ناخد بالنا بقا.

منقول.