ХАБАРНОМА

Ассалому алейкум,
Ўзбекистон Республикаси Президенти ҳузуридаги Пахтачилик кенгаши аъзоларига, ҳудудий ишчи гуруҳлари раҳбарларига.

2025 йил 3 январь соат 17-00 да Қишлоқ хўжалиги вазирлигининг  6-қават катта мажлислар залида **Ўзбекистон Республикаси Президенти ҳузуридаги Пахтачилик кенгаши раиси, Қишлоқ хўжалиги вазири И.Абдурахмонов раҳбарлигида Пахтачилик кенгашининг навбатдаги кенгайтирилган йиғилиши ўтказилади.

Йиғилиш кун тартида 2025 йилда пахтачиликда амалга ошириладиган устувор вазифалар тўғрисидагимасала муҳокама этилади.
Рўйхатда келтирилган барча масъуллардан йиғилишга тайёрланган ҳолатда ўз вақтида (вилоятдан қатнашувчилар zoom платформаси орқали) шахсан иштирок этишингиз сўралади.

Zoom ҳаволаси қўшимча юборилади.

Hurmatli hamkasblar, aziz yurtdoshlar!

Sizlarni kirib kelayotgan 2025-yil bilan samimiy tabriklayman!

Prezidentimiz tomonidan 2025-yilning “Atrof-muhitni asrash va yashil iqtisodiyot yili” deb e’lon qilinishi yurtimizning barqaror taraqqiyoti va kelajak avlodga munosib meros qoldirish yo‘lidagi fidokorona mehnatimizga ustuvor yo‘nalish belgilab berdi. Bu bizning ilmiy faoliyatimizda ham yangi imkoniyat yaratadi.

O‘tgan 2024-yil institutimiz tarixida izchil o‘sish va yuksalish davri sifatida muhrlandi.

Bularning barchasi siz – institutimizning fidoyi jamoasi hamda barcha manfaatdor tomonlarning hamkorligi va mas’uliyatli yondashuvi natijasidir.

2025-yil bizning oldimizda yangi marralar va ulkan vazifalarni qo‘ymoqda. Institutimizning asosiy vazifasi – ilm-fan va innovatsiyalarni rivojlantirish hisoblanadi.

Yangi yilda oilaviy xotirjamlik, baxt-saodat, tinchlik-totuvlik barchamizga hamroh bo'lsin.

Hurmat bilan,
Toxir Mamarajapovich Quliyev
Tolali ekinlar ilmiy-tadqiqot instituti direktori

👍👌😊 Aziz sohamiz fidoyilari va qadrli yurtdoshlar!

🎉Sizlarni yaqinlashib kelayotgan 2025-yil bilan chin qalbimdan tabriklayman!

📈2024-yilda mashaqqatli va jasoratli mehnatingiz bilan qishloq xo‘jaligida muhim marralarga erishdik. Agrar sohaning barcha tarmoqlari, xususan, paxta hamda g‘alla yetishtirishda ulkan zafarlarni qo‘lga kiritdik.

▶️Davlatimiz rahbarining qo‘llab-quvvatlashi hamda rahnamoligida dehqon va fermerlarimiz fidokorona mehnat qilib, bu yil ham mo‘l hosil yetishtirdilar.

✅Prezidentimizning "Qishloq xo‘jaligi xodimlari kuni – “Hosil bayrami” munosabati bilan yo‘llagan bayram tabrigida ham siz aziz dehqon va fermerlarimizning erishgan yutuqlari ham alohida tilga olingan. Jumladan, tabrikda "Shunday murakkab sharoitga qaramasdan, joriy yilda sizlarning mashaqqatli mehnatingiz bilan yurtimizda 9 million tonna don, 3 million tonnadan ortiq paxta, 16 million tonnadan ziyod sabzavot va poliz mahsulotlari, 5 million tonna meva va uzum, 4 million tonna kartoshka, 15 million tonnadan ko‘p go‘sht va sut, 30 ming tonna pilla yetishtirilgani – chinakam qahramonlik namunasi, desak, har tomonlama to‘g‘ri bo‘ladi. Buning uchun sizlarning sha’ningizga har qancha tahsin va tasannolar aytsak, arziydi" deya bejiz e’tirof etilmagan.

💬Albatta, bugun shahar va qishloqlarimiz obod, bozorlarimiz to‘kin bo‘lib, Yangi O‘zbekistonning betakror qiyofasi shakllanmoqda. Bunda esa xoh mirishkor dehqon yoki bog‘bon, xoh o‘qituvchi yoki shifokor, boringki qalbi shahd-u-shijoatga to‘la baxtiyor yoshlarimizdan tortib, shu yurt, shu mamlakat obodligini so‘rab duoga qo‘l ochayotgan, chehrasi nurli keksalarimizgacha barcha-barchaning, har bir yurtdoshimizning munosib hissasi bor.

🌳2025-yil “Atrof-muhitni asrash va “yashil” iqtisodiyot yili” deb e’lon qilinishi ham bejiz emas. Davlatimiz rahbarining qishloq xo‘jaligi sohasiga berayotgan e’tibori hamda qo‘llab-quvvatlashi natijasida ulkan zafarlarga erishmoqdamiz. Yildan-yilga yangi yerlar o‘zlashtirilib, bepoyon dalalarimiz, serhosil bog‘larimiz gullab-yashnamoqda. Kirib kelayotgan 2025-yil ham nafaqat qishloq xo‘jaligida, balki iqtisodiyotning barcha tarmoqlarida qo‘lga kiritilgan yutuqlar bilan esda qolarli yil bo‘lsin!

📌Mana shu quvonchli va farahbaxsh daqiqalarda hammamiz ezgu orzu-umidlar bilan Yangi — 2025-yilga qadam qo‘ymoqdamiz. Shunday ajoyib, hayajonli onlarda har bir oila baxtni to‘kis his qilishini, har bir inson ko‘zlagan murod-maqsadiga yetishishini tilayman.

💚Shu o‘rinda, barchangizning oilangizga qut-baraka, farzandlar, nabiralar baxt-u kamolini ko‘rish nasib etsin. Yurtimiz tinch, xalqimiz omon bo‘lsin.

Yangi yil barchamizga muborak bo‘lsin!

Qishloq xo‘jaligi vaziri
Ibrohim Abdurahmonov