مو قادر أستوعب كيف الواحد نضجه بيزيد بسرعة وفجأة نظرته ممكن تتغير من كل النواحي حرفياً
ويكتشف إن معظم قرارته وتفكيره كانت غلط، وقلبه يتغير من ناحية ناس كتير 180 درجة ويبقى مو طايق حتى سيرتهم ..

"الضغوط تجعلنا أكثر صلابة، يبدأ الأمر بقطعة فحم يحولّها الضغط إلى ألماس."

ـ مكتبة منتصف الليل

انا مش حذاكر الا لمن يلاقو الطيارة الماليزية MH370 ??

هو ليه كل شي بقا maybe in another life
هو مافي اي شي في اللايف هاد خالص ؟

في أول الأمر جاء النازيون للقبض على اليهود، فلم أتكلم لأنني لستُ يهوديًا، ثم جاؤوا للقبض على الشيوعيين، فلم أرفع صوتي لأنني لستُ شيوعيًا، ثم جاؤوا للقبض على الكاثوليك، ولم أدافع عنهم لأنني بروتستانتي. وأخيرًا، جاؤوا للقبض عليّ، وبحلول ذلك الوقت، لم يبقَ أحد ليدافع عني.
‏- نيمولر

يارب بجاه هاللأيام الفضيلة يارب وبجاه هالشهر الفضيل يارب نور يدخل الكلية الطبية يارب يارب ?

عادةً ما بعرف أكتب هالنوع من الرسائل ديماً بتكون عشوائية جداً ، بس رغبتي لحتى أوصل لشي بحلمو من أول ما وعيت أقوى مني ..
تقريباً رحلتي يلي إستمرت لسنة قربت تخلص .. الرحلة يلي باقي عليها بس 52 يوم !
كانت رحلة كتير طويلة متعبة وفيها نوع من السعادة نوعاً ما ، مليانة فرح وحزن .. ضحك ودموع ..  شعور بالأمل والكتير الكتير من الكآبة والتعاسة .
بالرغم من كل هاد ما بعرف كيف صرت حسها مرقت بسرعة وكأنه كان مبارح أول يوم الي ، بتذكر كل تفاصيل هالرحلة بالوقت واليوم والثانية ، اللحظات يلي كنت سعيد وفيها و اللحظات يلي كنت مكسور فيها .. كلها بتذكرها وبذاكرتي وكأنه القصة ما الها سنة ، كل لحظة كنت بشكك بحالي فيها، كل لحظة كنت حس فيها إني فقدت الأمل .. رغبتي ديماً كانت مخليتني أتوهم الأمل ، بحمد الله انه عاطيني نعمة جنون الإستمرارية ، بكل مطب يصير معي و أحس كل الدنيا ضاقت علي كنت أقوم أكمل سعي وكأنه هالضيقة تحدي الي و ولا كأنه صار شي ..
صح سنة تعيسة كتير وسعيدة شوي ، بس ممنون الها بكل تفاصيلها ، ممنون الها على الشغلات الكتيرة الي تعلمتها ، على الشغلات الي وعيت عليها ، حتى على اللحظات الي حسيت فيها خلص آخر هالنفق ما رح يكون في نور ، صح مو أحسن سنة بس أكتر سنة بحبها و رح تضل راسخة بذاكرتي للتاريخ .. الحمد لله إني عشت هالرحلة بكل تفاصيلها ، زعلي وفرحي بعد كل علامة بشعة أو كويسة آخدها، بهدلة الأساتذة وثنائهن علي ، تشجيع أصحابي يلي إلهن فضل كبير بهالرحلة .. بتمنى فعلاً أوصل وتكون النتيجة مُرضية عشان أهلي كمان يلي ديماً بشوف لمعة الأمل بعيونهن إنه ابنهن رح يحقق حلمه وحلمهن لأنو أمنولي كل سُبل الراحة يلي بيحتاجهن طالب بكالوريا عشان يكون مرتاح ..
والأهم من كل هاد ، إيماني بربنا كتير كبير إنه رح يعطيني حُصاد هالتعب لأنه شايف وعارف وسامعني وسامع دعائي يلي ديماً كنت أدعيه وأناجيه بكل سراء وضراء، وكل ما حس إنه تعبي كلو عم يروح على الفاضي أتذكر:
{ وَأَن لَّيْسَ لِلْإِنسَانِ إِلَّا مَا سَعَىٰ وَأَنَّ سَعْيَهُ سَوْفَ يُرَىٰ } الآية ديماً كانت تغيرلي نظرتي وأقول لا أكيد رح لاقي نتيجة هالتعب ..
وأخيراً ياريت ما حدا ينساني من دعائه، على أمل وقت نلتقي مرة تانية أكون بالمكان يلي بتمناه ، و الله يحققلي ويحققلكن كل يلي ببالنا ♡

٤/٤/٢٠٢٤

"
هي أكتر سنة بحفظ فيها تواريخ وبتذكر بكل يوم شو صار بالضبط بالتفصيل وكأنه مبارح !! كمية الذكريات والأماكن والأشخاص الحاضرة بالقلب !
بداية الحمدلله الحمدلله ملء السماوات وملء الأرض
فضله وكرمه شاملي ..
مش قادرة صدق أنه خلص كلشي خلص
كنّا نعد الأشهر وهلق صاروا أيام . .
السنة الطويلة عم تخلص بحلوها ومرها
بكمية المشاعر المختلطة يلي مش قادرة اوصفها كانت حاملة كآبة وحزن وفرح ضحك وأكترهم العياط ..
مش ناسية لطف ربنا بكل وقت بكل لحظة
وحكمته بكلشي وأنا شوي شوي عم اوصل لمرحلة الرضا بكلشي ..
الباقي مش كتير كلهم 53 يوم ..هالفترة من أصعب الفترات أنك تكون عم تحاول رغم كلشي وعم تسعى لعلك توصل للمكان اللي بطمنك ..
بحب آنساتي جدا ورفقاتي معهدي اختباراتي والركض ع السرافيس ..والشوارع يلي صرت حافظتن
بحب كل لحظة وعّتني بكّتني و فرّحتني
بحب حالي لأني هون وفخورة برضو ..
بشكر كل حدا حكالي عيشها بتفاصيلها لأن صدق يلي قال الباك أحلى سنة بعيدا عن الدراسة طبعا ??
مش عارفة ليه حكيت كل هاد بس هي القناة رافقتني الباك وتركت فيها شغلات محد ح يفهمها غيري وممتنة لأن خلدتهن هون ولكل حدا قرأ بحب ..
وعسى اجي اقرأها بعد الامتحان
وحس بنفس الشعور وكأنه مبارح كان 27\5\2023
ختاما .. بهالأيام الفضيلة الله يفرح قلبي وقلبكم بنوال دعواتكم ياربّ العالمين ?

مذكرات || 2 . أبريل . 2024 ✨

We resist because it will not be possible to go back to where we were again