قصيدة رثاء زينب ع السلام شوور
خادمكم عبدالهادي العريفاوي

وين حسين والعباس زينب تنتظر بالشام
-------------------
انه من يوم الطفوف وتربي عيني
خويه برض الشام شو محد يحيني
ماحضرتوا جنازتي ويوم اربعيني

وهاي الروح مشتاكه وتخصكم بالسلام
وين حسين والعباس زينب تنتظر بالشام
----------------------
ديره صحرا وعيني تربي ومااشوف
بأربعيني ولسه اسمعها السيوف
لعنة الله اعله الصنع يوم الطفوف

والسقيفه وبحقدهم اسسوا هذا الخصام
وين حسسن والعباس زينب تنتظر بلشام

وينه اللي كفلني وكال عد عيناح
من ارض المدينه اليوم جدمي وياج
حد الموت زينب يختي ماانساج

وسيفي بيميني ومتحزم للطفوف حزام
وين حسين والعباس زينب تنتظر بالشام
--------------------------
اعضيد حسين انته وبالحرب تنهاب
ياموت الاحمر عالنفس لهاب
والعدوان حكهم من يحسبون حساب

مذهولين حكه الجيش يرجف من يجر سهام
وين حسين والعباس زينب تنتظر بالشام
------------------------
زينب بالغرب وتريد اخوتها
وبوكت المنيه اليوم نخوتها
مانشفت ابد يحسين دمعتها

وزينبكم سبيه وشاهدت حرك خيام
وين حسين والعباس زينب تنتظر بلشام
---------------------
اندبكم يخوتي ولاسمعتوا الصوت
شو محد حضرني بشيلة التابوت
يويلي الموت يكرب هالمسيه الموت

كافلنه اعله الشريعه شلون عينه تنام
وين حسين والعباس زينب تنتظر بلشام
------------------
ردت عباس يوصلني كبل لاموت
ذاك البل حرايب صار ملك الموت
وسفه اللي يخوف الموت تالي يموت

ياالف وسفه العقيله بكربله تنظام
وين حسين والعباس زينب تنتظر بلشام
-------------------
يالشايل الرايه الابد ماتنشال
ونته البل شدايد والعكد حلال
كاع الطف تصير بمشيتك زلزال

ياكمر هاشم انته وبالحرب ضرغام
وين حسين والعباس زينب تنتظر بلشام
------------------

قصيدة نزلة لأربعين زينب ع السلام
خادمكم عبدالهادي العريفاوي

يازينب بديرة غرب وين الأهل وين
لاشفتي بو فاظل بعد لاجاج الحسين
---------------------،--------
بعد الجره بطف كربله بيوم السبوني
ومن المدينه اهل الحقد من هجروني
ولديرة الشام اعتني والها اجبروني

زمرة حقد وبلا شرف ماعدها كل دين
---------------------------------
بديرة غرب وبلا اهل تلفه المنيه
محد وصل من كربله يهل الحميه
زينبكم انه بلا ذنب ردت سبيه

وعيوني تنشد عالدرب وين الاهل وين
----------------------------
ماظل بعد عندي امل مشبوحه عيني
انه الغريبه وانتظر منهو اليجيني
خل ينظر اثار السبي ويسمع ونيني

سياط العده فوك المتن تترك نياشين
----------------------------------
وينك يبو فاظل صحت شو ماتفزعون
عبدالله ماظنه يجي ولاجعفر وعون
وخيل العده بطف كربله بيهم يسحكون

ياويلي بالطف والاهل كلهم مطاعين
-----------------------------
يوم اربعيني هالمسه واتنطر اخبار
بلكت عسن من كربله توصلني زوار
انشدهم انه اعله الخيم بيهن بعد نار

ليل اهدعش اصعب جرح حرك الصواوين
----------------------------

قصيدة رثاء اربعين زينب ع السلام
خادمكم عبدالهادي العريفاوي

ليوم اربعينج مشبوحه عينج
يا زينب وماظل امل من ليلة افراك الاهل مشبوحه عينج
---------------------------
ياويلي من ليل هدعش حيرتنه حيره
وحادي الظعن وكت الفجر يعلن مسيره
بالحومه افتر عالجثث نظره الاخيره
من حشمتكم يالاهل زينب اسيره

وحادي الظعن صاح وروس اعله الارماح
ماواحد العنج سأل من ليلة فراك الأهل
مشبوحه عينج
---------------------------
وزينبكم اليوم اعتنت ولديرة الشام
وشفت الحوافر للسبي واتكفل ايتام
وهاي الظعينه اهنا اجت درب السبي العام
وحامي الظعينه بكربله صوب النهر نام

بالغربه وحدي ولااخوه عندي
جم ظيغم كبالي انجتل من لبلة فراك الأهل مشبوحه عينج
-----------------------------
من طبت الشام الغرب زينب حزينه
تاذيني ايام السبي المرت علينه
وللشام اجينه اعله الهزل مجتوفه ادينه
وهاي الكفيله اعله الظعن طبت رهينه

مهظومه الايتام وبديرة الشام
ياذيها لو واحد سأل من ليلة فراك الأهل
مشبوحه عينج
-------------------------------
كربت منيتي والأهل بالغاضريه
ومحد يشيل اجنازتي وكت المنيه
والكافل بطف كربله مامنه جيه
يابلفظل شيل النعش جا منهو اليه

ماظنهم ايجون تتربه العيون
ياوسفه بت خير العمل من ليلة فراك الأهل مشبوحه عينج
-----------------------------
يوم اربعينج والأمل مابي اجابه
لااخوه عندج بالغرب لا بي كرابه
وحسين ابو اليمه شعجب طوول غيابه
اشرحله ايام السبي وذيج الخرابه

جا كافلي وين ولا جاني الحسين
ماظل صبر عقلي انذهل من ليلة فراك الأهل مشبوحه عينج
---------------------

نززله للزهراء عليها السلام
خادمكم عبدالهادى العريفاوي

ضلعج المكسور ماناسينه
وحيدر الكرار ألله يعينه

فاطمه الزهراء بت سيد البشر
وسفه خلف الباب والضلع انكسر
والمسبب للفتن فعلا عمر

هذا كافر في نظامه ودينه
----‐-----'-----'-------------
هجموا اعله الدار ضد بت الرسول
ويدري خلف الباب زهرتنه البتول
شنهو باجر بالعذر لله اشتكول

الله عالحق بينج ومابينه
----‐------'‐---------------
ضربة البسمار تجرح كل ظمير
وموقف الدين اتضح جدا خطير
يخلي حيدر بالحكم هو الأخير

ويبقه حيدر للحشر والينه
--------------------'-----------
عالضلع بالدم بجت حتى السماء
والملائك والرسل والأنبياء
هذا تخطيط لمصيبة كربلاء

اعله الرسول ويامصاب حسينه
---------------'-------------------
ياشفيعتنه بفخر ام الحسن
الله يلعن بالحقد اهل الفتن
والفتن موجوده عدنه بكل زمن

واحنه منهجنه عدل ماشينه
------------------'-------------
اليبغظك ياعلي بزرة حرام
والملائك كلها توكفلك قيام
بعد عين المصطفى انته الإمام

والينكرك هذا خاسر دينه
--‐----------------------------
انتي مولاتي الوتر ونتي الشفع
وسفه يازهراء مكسورة ضلع
ويلي بت المصطفى اتهل الدمع

والرسول بفاطمه موصينه
--‐------------------------

قصيدة موشح ثكيل للأمام الجواد ع السلام
خادمكم عبدالهادي العريفاوي
----‐-------------------
شيعه تعلن للجواد احزانها والسواد اعله الحزن عنوانها

من بني العباس كل هذا العداء
ضد أهل بيت النبوه الاوصياء
زمره ضدهم طاغيه من الاشقياء

ضد علي الجفه قلع بيبانها
------------------------
ذوله اسباط الإمامه والعلم
والإمام المهدي بيهم ينختم
لعنة الله اعله الخليفه المعتصم

زمرة طاعت بالظلم شيطانها
-----------------------------
ليلة اغيابك مصاب الرافضه
بالمصيبة الحلت اعله بن الرضا
تدري يابو الهادي مو ضاك الفضا

من عكب دين الهدى واركانها
----------------------------
شكد لعينه ام الفظل من خانتك
والخبر لمن وصل يم شيعتك
بالحقد ليش اللعينه سمتك

بالحشر صارت حطب نيرانها
------------------------------
انته ياتاسع أمام اعله الأرض
وطاعتك عالدنيه مفروضه فرض
ندري هذا الكون بيدك ينقبض

ياامام الدنيه ياسلطانها
-----------------------------
انته يانور الهدايه اعله الملا
جبدتك بالسم صفت متعلعله
هم دريت شصار بيها كربله

وجدك حسين السكن ميدانها
--------------------------------
وعمك العباس شيال العلم
مارجع يبن الرضا لصوب الخيم
حيل ابو السجاد من فكده انهدم

تراكضت صوب الخيم جيمانها
-------------------------------
انته مسموم الجبد بس الجره
بالطفوف حسين كطعوا منحره
وعالشريعه هناك سبع الكنطره

وزينب تنادي وتصيح اخوانها
----------------'---------

قصيدة للأمام الجواد ع السلام لحن كرار ابو غنيم ماظلت امتون
خادمكم عبدالهادى العريفاوي
--------------------------------
ننصب عزه اليوم عالجبده مسموم
وكل عمره مظلوم عالجبده مسموم

مصاب الجواد وحيرته بهاي الفجيعه
ننصب عزانه باللطم واجب يشيعه
ابن الرضاعاش بحقد اهل الخديعه
زمرة بني العباس اذن ضد الشريعه

زمره من الانذال في كل الأحوال
وصلتنه الإعلوم للجبده مسموم
--------------------------
ملعونه هاي ام الفظل واضح فعلها
ضد الجواد بكل حقد ضربت مثلها
ياربي انته المنتقم ونته التحلها
نفس النهج من عائشه الركبت جملها

قارينه الاكتاب عن اصل الارهاب
بي كلشي مختوم عالجبده مسموم
------------------------------
نفس السلاله بهل عصر طلعت شياطين
تعلن سخافات الدجل ضد نهج الحسين
عل يلطم ويمشي مشي كالوا مرائين
عدكم وسائط للنقل ليش نتو ماشين

اصل القضيه من العفلقيه
بفعاله مشؤوم عالجبده مسموم
----------------------------
موضوع اطرحه بكل أدب والكل يسمعون
ادري البعض من هالبشر يمكن يزعلون
اللي يسب حزب البعث لا مايقبلون
وبالموكب ويانه البعض ايظا يلطمون

واضح نفاقك انته ورفاقك
بفعاله مذموم عالجبده مسموم
-------------------------------
ننصب عزانه بكل وكت ماتنشف العين
واعظم مصيبه بكربله صارت بالحسين
ميهمنه ذوله اهل الدجل زمرة شياطين
واليحجي عن اهل العزه ماعنده كل دين

منهجنه للموت مايخمد الصوت
لكل عمره مهظوم عالجبده مسموم

قصيدة  ليلة الحادي عشر   لحن كرار ابوغنيم  ماظلت متون
خادمكم عبدالهادي العريفاوي
------------------------
حاجيني يحسين    انطي الوجه وين
وكلكم مطاعين    حاجيني يحسين

اختك عفتها امحيره وعيونك تنام
ياليلة الحادي عشر ماظلت اخيام
عكب العشيره بكربله محتاره بيتام
وباجر يخويه ننسبي وممشانه للشام

وروس اعله الارماح   وحادي الظعن صاح
للكوفه ماشين     حاجيني يحسين
----‐------------------
سكنه ورقيه اعله الجسد صاحن يعمه
والدنه متكطع وذر نكعد نلمه
مانمشي عمه للسبي خل نبقه يمه
ياعمه شو جسمه ثلم ثلمه اعله ثلمه

من داست الخيل   بالحافر وحيل
وتركت نياشين   حاجيني يحسين
-----------------------
هالليل اجانه ولا اخو يرجع اليه
ليلة امس وسط الخيم كلنه سويه
والليله وحشه بلا أهل بالغاضريه
تنشدني عنك من غبت سكنه ورقيه

جاوين ابونه      من سلبونه
وراعي العلم وين   حاجيني يحسين
------------------------------‐--
لا اخوه عندي ولا بكت عندي عشيره
لحسين اجيت بهل مسه حتى استشيره
مذبوح اخوي من الكفه بحر الظهيره
ومرعوبه خويه العايله وحيرتها حيره

امسه المسه شلون   شو ماتكعدون
عالفركه ناوين   حاجيني يحسين
----------------------------
اكعد يشيال العلم رحت وعفتني
ونته الجبتني من الوطن وتكفلتني
لو تدري جم سوط الطبع خويه اعله متني
شو ماترد يابلفظل جن فاركتني

ترضاها عباس   تتشمت الناس
ياكررة العين   حاجيني يحسين
--------------------------
لحسين اروح وليك ارد يالكافل شلون
تزعل اذا يمك تصب دمعات العيون
جيت اشتكيلك يالكمر بس جاوب  ام عون     معقوله يمكم اشتكي ونتم تسكتون

ترجع اليه     لو هاي أهيه
ياخويه ماشين  حاجيني يحسين

قصيدة ليلة ونهار العاشر
خادمكم عبدالهادي العريفاوي

من يوم العاشر ابديها احزاني
لو اصبح باجر وراحوا خواني

وزينب محتاره بالطف واسراره من ليل العاشر ابديها احزاني
-----‐-------------------
بكليبي حسرات الحزن ماتغفه لو لحضه العين
ليلة وداع العايله واعله الحزن مجتمعين
يشرحلي بو اليمه الخبر وادموعه تجري من العين
وصاني وأيكلي الصبر لو داسوا اضلوع حسين

لو حزو نحري وسلبوها ثيابي
وراسي ايرفعونه اني واصحابي
لو شنو غاره بالطف واسراره من ليل العاشر ابديها احزاني
----------------------------
يازينب وهاي الحرم انتي الكفيله اعليها
وباجر اذا امسه المسه بالعايله ايوصيها
بحرك الخيم يابت علي لعيالج اتحاميها
وكبالج الروس برمح وعيونج اتصد ليها

يازينب يختي باجر مجتوفه
وظعن اليسبونج يكصد للكوفه
هيج الله اختاره بالطف واسراره
---------------------------
يازينب وليل اهدعش كل الأهل صريعه
عفيه الصبر يابت علي يازينب الوديعه
واعظم مصيبه اعله الكمر من يبقه عالشريعه
لو رحتي يم صوب النهر وكبالج الفجيعه

مكطوعه جفوفه والسهم بعينه
مطروحه الرايه بطيحة جفينه
تعرفين اخباره بالطف واسراره
من يوم العاشر ابديها احزاني
-----------------------------
يم خيمة الكافل مشت واتحشم الكفلها
ام البنين اشوصتك ياهيبتي واملها
عاشر محرم من يطر شنهو البصيره بحلها
اختك يبو فاظل اظن تتطشر بشملها

ادري المنيه بالغاضريه
وزينب يالكافل عكبك سبيه
ياراعي الشاره بالطف واسراره
---------------‐----------'
عاشر محرم بالحزن ياعاشر المنايا
بالطف يذبحون اخوتي يامصعب الرزايا
ومجتوفه زينب بالحبل وتعاين السبايا
ماظلت اخوه بكربله ولاعدنه ظلت رايه

والروس اعله ارماح وزينب مجتوفه
برض الطف يحسين متعنيه الكوفه

وحسين بداره بالطف واسراره
من يوم العاشر ابديها احزاني

للتطبير
خادمكم عبدالهادي العريفاوي

دم حسين يظل عنوان والباري يريده
وكل عام الطف بالاحزان عالشيعه تعيده

ننصب مجلس لجل حسين ماتنشف دمعات العين وليوم المحشر
حيدر ياحيدر
-------------‐---------
داست صدرك ذيج الخيل الخيل العشره
واشلاءك يابو السجاد بالطف متوذره

حزوا نحرك يامولاي عطشان وماشارب ماي مكطوع المنحر
حيدر ياحيدر
----------------------------
ماتكفينه الدمعه اعليك حتى اللطميه
ومن نذكر زينب للشام راحت مسبيه

ونشيل سيوف وقامات والدم يجري من الهامات لجلك نططبر
حيدر ياحيدر
-------‐----------------
اصعب موقف شافه حسين حالة ايتامه
مطروح وعينه اعله النار محروكه خيامه

زينب صاحت شوف شصار وحسين يعاين عالنار لكن مايكدر
---------------------
لجلك نلبسها الاكفان وتفيض ادمانه
بالموكب انته الموجود والمهدي ويانه

مانبخل بالدم مولاي يالماشارب قطرة ماي ألله اكبر
حيدر ياحيدر

قصيدة للعباس ع السلام
خادمكم عبدالهادي العريفاوي

زلزل الطف بنزوله عباس واسمه الكمر
صولاته صوله اعله صوله والجيش منه انكسر

بصفين تشهدله المعارك وتشهدله حرب الجمل
نظراته لحضة هجومه من يطي نظرة زعل
خردل الجيش بقتاله ومادروا وين الخلل
هذا عباس الاجانه لو نزل خير العمل

يطشر الجيش ويلمه ناده اين المفر
صولاته صوله اعله صوله والجيش منه انكسر
----------------------------------
بزوده حماي الظعينه والأمر بيده انحسم
مم وصل صوب الشريعه العسكر كباله انهزم
دخلت انذار الكتايب من يرف بيده العلم
حتارت الناس بأمرها بالحقيقه لو وهم

حتى عزريل اعتناله عباس انته الفخر
صولاته صوله اعله صوله والجيش منه انكسر
------------------------------
انته الاحزام لعضيدك وبالشدد انته السند
ياكفيل الحره انته والعدو بحقك شهد
ونته خيمه اعله الفواطم كعدن بسد العمد
وتسحك بروس الاعادي مايهم عده وعدد

زينب تعاين لخوها تصيح تسلم يالكمر
صولاته صوله اعله صوله والجيش منه انكسر
----------------------------------
من رحت صوب الشريعه وبيدك ايرف اللوه
تختنك كل العساكر وينكطع عنها الهوه
سيفه يحصد باليريده لمن السيف ارتوه
كل كتيبه كباله توصل بسيفه يطبكهم سوه

تهتز الكاع بوجوده صاحوا الطف خطر
صولاته صوله اعله صوله والجيش منه انكسر
----------------------------------
بللغدره كطعوا يمينه لاتظن واحد وصل
والنبال اعله الشريعه والجسد اصبح وصل
ابو اليمه يصد لخييه عالنهر شنهو الحصل
من رجع لخته يكلها مايرد لخيامه ظل

راح ابو فاظل عضيدي ويلي غدر الدهر
صولاته صوله اعله صوله والجيش منه انكسر
-----------