كلشي ما جاي افهم من أيامي هاي
وحاله حال الوادم يفوت الوكت

علي الرويمي

حسيت بالطيبة ذنب
من گامت تدور غلب
وياي حتى الغشمة

عصام كريم

ما گلتلي، من البداية
الحُبّ ضلالة، الشوگ لعنة
حتى لا أكفر وأحبّك
وما گلتلي
عيونك الحلوات ما بيهن قرار
وما گلتلي
الليل شيّع كلّ محطات الضوا
وصارت مگابر
حتى ما تاني القطار

الما گعد ويانا ساعة بعمره ما شايف محنه

دورني
وغلاتك سهلة مو صعبه
انه طيور المراقد
ما اروح أبعيد
من الصحن للگبه

خليني اظل محترگ
ما اريد منك ماي
لو بيك ذرة وفه طب احترگ وياي

چنت رغم العوز ابادر
واحنه فقرة
وحتى اجيبلها هدية
اگطع التدخين فترة

مو گلت عايفهم،،
شگد چذبت
ليش من تفوت منهم تلتفت
مو گلت كسرت الاقلام ونسيت
ليش بعدك تكتبلهم ما تبت
ليش ماليك الوفه تعده النسوك
ليش لمن عرسوا ما عرست
هواي عندك وادم تريدك شجاك
شمالك اويه الفارگتهم چلبت

ليث ماجد

حبك مو حلو و هجرك دلاله
شني توادعني وتروح برساله؟
المثلي تگابله المفروض وتنوح
هذا موادعك ما بي عداله
محد علمك من تعشگ انسان
اذا جاسه الوجع تبچي ببداله
گلبك ما يحس بالجاي امر بي؟
ما بزك علي محد حچاله
بسلفنه الكلمه ما تنضم بالحلوگ
شعجب ما سامع العفته شجراله!

علي الرويمي

انه انغشيت بيك وجان عندي اسباب
عيونك هاي مو مالت بشر جذاب