دڵنەوایی ئەفریقا

چوار

دڵنەوایی ئەفریقا

سێ

دڵنەوایی ئەفریقا

دوو

کاتێکی زۆر کەمی نوورانی باشترە لە هەزاران ساڵی مردوو.

سڵاو یاران
خۆم واتەنی:
[خوابْکا یەکنەگرن دوو بەدی بەدکار
گیرۆدە بکەن نێچــــــــــــــــــــــــــــــــــــــــیرێ هەژار]
گورگ و قەلەڕەش بۆ گیانی نێچیرەکانیان هاوپیلان و هاو خوانن!! قەلەباچکەی جاسوس و لاشخۆر لەسەردا نێچیرەکە بەدیدەکات و خەبەر بۆ گورگ ئەبات و پێکەوە ئەچن بۆ گیانی! و بەیەکەوە داماویدەکەن و پێکەوە دەیخۆن! ئاخر گورگ و قەلەڕەش لە سروشتا هاوپەیمانن!! جا ئەگەر بەچکە گورگێکیش نەتوانێت بەشدار بێت لە ئۆپەراسیۆنەکە! پاراستن و سکۆریتیەکەی لە ئەستۆی قەلەڕەشدا دەبێت ! منی فەقیرۆکەش  وامئەزانی هەر مامەقابیلمان لەگەڵ قەلەڕەش هاوپەنیان هەبووە و چاڵیان بۆ هابیلەکان کەنیوە! توومەز  ناقابیلە گورگەکانی سەردەم هەردەم فێڵوفڕی هاوبەشیان هەیە لەگەڵ قەلەڕەشەکاندا !!، خوا لە پلان وپیلانیان بمانپارێزێت.
       عبداللە عبدالعزیز نێرگسەجاڕی

موعجیزەی غەزە

ئەگەر ئیسرائیل هەر رۆژەی یەک کیلۆمەتر چوارگۆشەی داگیربکردایە، دەبوو ئێستا ٦٥ لەسەتی شارەکەی لەژێر کۆنترۆڵدابێت، بەڵام غەزە ٢٤٠ چل رۆژە دەجەنگێت، ٧٥ لەسەتی وێرانکراوە هێشتا خۆی بەدەستەوە نەداوە.

ئەو سەرزەمینە بچووکەی جیهان، رووبەڕووی یەکێک لە بەهێزترین سووپاکانی جیهان بووەتەوە، بەجۆرێک قوربانییەکانی هێند زۆرن هەر کیلۆمەتر چوارگۆشەیەک ١٢٩ تەرمی بەردەکەوێت و بەدرێژایی ٢٤٠ رۆژ، هەر رۆژەی ١٩٤ هاووڵاتی کوژراون و رۆژانە ٤٠٠ کەس برینداربوون.

کەرتی غەزە ٣٦٠ کیلۆمەتر چوارگۆشەیە، لەماوەی هەشت مانگی رابردوو ( لە ٧ی تشرینی یەکەمی ٢٠٢٣ تاوەکو ٢ی حوزەیرانی ٢٠٢٤) نزیکەی ٧٨ هەزار تۆن بارووت و تەقەمەنیی بەسەردا بارێندراوە، بۆ هەر کیلۆمەترێک ٢١٦ تۆن و بۆ هەر مەترێک چوارگۆشە ٢١٦ کیلۆگرام.

ئەگەر ئەو بارووت و تەقەمەنیانە بەر یەکەکانی نیشتەجێبوون کەوتبن، کە ٣٠٣ هەزار یەکەی نیشتەجێبوونی تێدایە، هەر ماڵێک ٢٥٧ کیلۆ تەقەمەنی بەسەردا بارێندراوە، لەگەڵ ٣ هەزار و ٢٤٧ کۆمەڵکوژیی.

زۆرینەی هاووڵاتیانی کەرتەکە، واتە دوو ملیۆن کەس لەماوەی هەڵگیرسانی جەنگەکە دەربەدەر بوون، بەشێکی زۆریان لانیکەم چوار جار لە باکوور بۆ باشوور و بە پێچەوانەوە بنە و بارگەیان پێچاوەتەوە.

هەر بۆئەوەی زیاتر لە وردەکاریی و قەبارەی زیانەکانی جەنگەکە نزیک ببیتەوە، لەماوەی هەشت مانگی جەنگ، حەوت گۆڕی بەکۆمەڵ لەنێو نەخۆشخانەکاندا دروستبوون کە بەهۆی بۆردوومانەوە باڵەخانەی نەخۆشخانەکانیان بەسەردا رووخاوە، نزیکەی ٣٣ نەخۆشخانە بەتەواوی لەکار کەوتوون، سەرەڕای ٥٥ مەڵبەند و ١٦٠ دامەزراوەی تەندروستی و ١٣١ ئامبوڵانس.

هەر ئەوانە نا، ٨٨ هەزار و ٣٠٠ یەکەی نیشتەجێبوون بەتەواوی رووخاون، ١٩٢ فەرمانگەی حکومی و ١٠٩ دواناوەندی و زانکۆ و ٦٠٤ مزگەوت و سێ کڵێسە، ئەوە جگە لە دەیانی دیکە کە بەشێکیان رووخاون، لەگەڵ ٢٠٦ جێگەی شوێنەوار و کولتوریی.

ئەمانە بەشێکن لە ژمارەکانی ٢٤٠ رۆژ جەنگ لەسەر کەرتی غەزە، ئەو رووبەرەی یەک ملیۆن و ٩٥ هەزار نەخۆشی تێدایە، ٢٠ هەزاری نەخۆشی ڤایرۆسی جگەر و ٦٠ هەزار ئافرەتی دووگیان کە لە دۆخی ئێمرجنسین، سەرەڕای ئەوانە ٣٥٠ هەزار کەس نەخۆشی درێژخایەنیان هەن.

ئەو کەرتەی بە یەکێک لە قەرەباڵخترین شوێنەکان لە جیهان دادەنرێت، هەروەکو مانگە دەستکردەکانی دەریانخستووە، بە نزیکەیی ٧٥ لەسەتی وێران بووە یان ژیانی تێدانەماوە، بەڵام ئەو دوو ملیۆن و ٣٠٠ هەزار کەسەی لە غەزە دەژین جگەلەوەی ١٦ ساڵە گەماڕۆیان لەسەرە، هێشتا دەجەنگن.

https://youtu.be/Clz7K3lpxHM?si=3GyEla9Cc-Y3WTjz