- زیادی بکەن، بارک الله فینا و فیکم ⬇️ :

https://t.me/FergaySU_Tajweed

سبەی و دوو سبەی کە ئەکاتە ڕۆژی دوو شەممە و سێ شەممە تاسوعا و عاشورا ـیە، با هەوڵ بدەین بەڕۆژوو بین بارک الله فینا و فیکم

*▫️دەرچوونی دەججال و دابەزینی عیسای کوڕی مریم ﷺ*

یەکێکی تر لە بنچینەکانی سوننەت کە زانایان زۆر تەئکیدیان لێ کردوەتەوە بریتیە لە بڕوا ھێنان بە دەرچوونی دەججال لە پێش قیامەت، ھەروەھا دابەزینی عیسای کوڕی مریم علیە السلام، کە دادەبەزێت و دەججال لە ناو دەبات، سەلەف رحمهم الله لە کتێبە عەقیدەییەکاندا جەختیان لەم بابەتە کردووەتەوە بەهۆی ئەو فەرموودە صحیح ـانەی کە دەربارەی هاتووە .

دەرچوونی دەججال یەکێکە لە نیشانە گەورەکانی قیامەت کە فیتنەیەکە موسڵمانانی پێ تاقی دەکرێتەوە، پێغەمبەر ﷺ لە دوعاکانیدا پەنای گرتووە بە الله تعالی لە فیتنەی دەججال.

✧ ابو ھریرة رضي الله عنه دەفەرموێ:

پێغەمبەر ﷺ دوعای دەکرد و دەیفەرموو : (اللھم من پەنات پێ دەگرم لە سزای گۆڕ، وە لە سزای ئاگری دۆزەخ، وە لە فیتنەی ژیان و مردن، وە لە فیتنەی مەسیحی دەججال).

? صحیح البخاري: فەرموودەی ژمارە ١٣٧٧

دەججال کە دێت بانگەشەی ئەوە دەکا کە الله ـیە و پەروەردگاری جیھانیانە، بەڵام وەکو ھەر شتێکی تر؛ پێغەمبەر ﷺ ئاگاداری کردوینەتەوە لێی.

✧ ھەروەکو فەرموویەتی ﷺ :

(من ئاگادارتان دەکەمەوە لێی وە ھیچ پێغەمبەرێك نەبووە ئیللا قەومەکەی خۆی لێ ئاگادار کردوەتەوە) .

متفق علیە

✧ ھەروەھا فەرموویەتی :

(دەجال لە زەویەك لە ڕۆژھەڵات دەردەچێ کە پێی دەوترێ خۆراسان، کەسانێك دوای دەکەون کە ڕووخساریان وەکو قەڵغانی لێدراو وایە) .

? سنن الترمذي: ژمارە ٢٢٣٧

✧ ابن عمر رضي اللە عنە دەفەرموێ:

(لای پێغەمبەر ﷺ باسی دەججال کرا، جا فەرمووی: الله لێتان ناشارێتەوە، الله کوێر نیە وە بە دەستی ئاماژەی بۆ چاوی کرد، بەڵام مەسیحی دەججال چاوی ڕاستی کوێرە، چاوی وەکو دەنکە ترێیەکی تەقیو وایە) .

? صحیح البخاري: فەرموودەی ژمارە ٧٤٠٧

✧ عمروی کوڕی ثابت الانصاري وتی کە ھەندێك لە ھاوەڵانی پێغەمبەر ﷺ  پێیان ڕاگەیاندووە کە پێغەمبەر بە خەڵکی فەرمووە:

(کەستان پەروەردگاری نابینێت ھەتاکو نەمرێ، وە دەججال لە نێوچاوانی نوسراوە کافر، ھەموو ئەوانەی ڕقیان لە کارەکەیەتی دەیخوێننەوە) .

? المصنف ـی عبدالرزاق: بەرگی ١١: فەرموودەی ژمارە ٢٠٩٨٥ .

✧ دایکی ئیمانداران عائشة رضي الله عنھا فەرمووی:

پێغەمبەر ﷺ هاتە لام و بینیمی کە دەگریم، فەرمووی: چی دەتگریێنێ؟
وتم: یا رسول الله دەججالم بیر کەوتەوە .
فەرمووی: مەگری، چونکە گەر دەربچێ و من زیندوو بم ئەوە بەستانە، ئەگەریش وەفاتم کرد ئەوە پەروەردگارتان کوێر نیە، وە ئەو جولەکەکانی ئەصبەهان لەگەڵیدا دەردەچن، دەگەڕێ هەتا دێتە لایەکی مەدینە کە ئەو ڕۆژە حەوت دەرگای هەیە، لەسەر هەر دەرگایەك دوو فریشتە ھەیە، جا ئەهلە خراپەکەی دەردەچنە دەرەوە، دەگەڕێ هەتا دەگاتە لُد، دواتر عیسی دادەبەزێ و دەیکوژێ، دواتر عیسی بۆ ماوەی ٤٠ ساڵ یان نزیکەی ٤٠ ساڵ لەسەر زەوی دەمێنێتەوە، وەکو پێشەوایەکی دادگەر و حاکمێکی دادپەروەر.

? مسند ـی ئیمام احمد: فەرموودەی ژمارە ١٥ .

#پۆستی : (٨٩)

@FergaySU10

ئەمە هەموو پۆستەکانە برایەک کردوویەتی بە pdf، الله تعالی بە بەهەشت و بینینی خۆی پاداشتی بداتەوە .

إن شاء الله پۆستی تریشی بۆ زیاد ئەکرێت .

@FergaySU10

*▫️تەوحید و سوننەت لە پێش هەموو شتێکەوەن*

زۆرجار ئەبیستیت لەو خەڵکە نەزان و عەوامە کە پێوەری چوونە بەهەشت لەلایان بریتیە لە گەیاندنی سیلەی ڕەحم، یان بەخشینی پارە بە فەقیر، یاخود درۆ نەکردن و خیانەت نەکردن لە خەڵکی، وە پابەند بوون بە وەعدەوە، بەشێوەیەک ئەگەر بڵێیت فڵانە کەس موشریکە لەبەر ئەوەی فڵانە شیریکی کردووە یەکسەر پێت ئەوترێت : (ئەوە سیلەی ڕەحم بەجێ ئەگەیەنێت!) یان (ئەوە مانگانە پارە ئەدات بە فەقیر!) ئیتر بەم شێوەیە وا ئەزانێت ئەمە هۆکاری سەرەکی و کلیلی چوونە بەهەشتە، لەکاتێکدا وا نییە .

هیچ کەسێکی موسوڵمان گومانی لەوەدا نییە کە هۆکاری سەرەکی چوونە بەهەشت و کلیلەکەی بریتیە لەوەی کەسێک بە حەق شایەتی بدات بەوەی تەنها الله تعالی شایەنی پەرستنە و لە دڵەوە باوەڕی پێ ببێت و کاری پێ بکات، وە بە حەق شایەتی بدات بەوەی رسول الله ﷺ نێردراوی الله تعالی ـیە و گوێڕایەڵی بکات، وە لەگەڵ ئەوەشدا ئەو فەرزانە ئەنجام بدات لەسەری واجب کراوە، ئەمە کلیلی چونکە بەهەشتە .

وە لەگەڵ ئەوەدا ئەبێت کارانێکی وەکو (گەیاندنی سیلەی ڕەحم و پارە دان بە فەقیر و . . . ) بە کاری زۆر باش و گەورە بزانین، وە هەمیشە هەوڵ بدەین ئەنجامیان بدەین و هانی خەڵکی بدەین لەسەر ئەنجامدانی، بەڵام نەیخەینە پێش تەوحید و سوننەت، نەیکەین بە کلیلی چوونە بەهەشت، چونکە حەقی الله تعالی لە حەقی هەموو کەسێک لەپێشترە .

وتەی کەسێک کاتێک ئەوترێت (فڵانە کەس شیرکی ئەنجامداوە موشریکە) ئەڵێت (ئەو کەسە لە ژیانی ڕۆژانەیدا هیچ درۆیەک ناکات) بێئاگایە لەوەی کەسە موشریکەکە ئەگەر لە ژیانی ڕۆژانەشیدا درۆ نەکات (کە وا نییە) ئەوە گەورەترین درۆی کردووە بەوەی شەریکی داناوە بۆ الله تعالی، وە گەورەترین بوختانی کردووە بەوەی ئەڵێت الله تعالی (والعیاذ بالله) منداڵی هەیە، هەربۆیە ئەبێت لە هەموو کار و بارێکدا حەقی الله تعالی پێشبخەین بەسەر حەقی بەندەکانیدا .

ورد ببنەوە لە وتەکەی فضیل بن عیاض (١٨٧ هـ) مانای ئەو قسەیانەی تێدایە کە لە سەرەوە کردمان :

-  فضیل بن عیاض وتی :

(بنچینە و بەشەکانی ئیمان لای ئێمە دوای شایەتیدان و تەوحید، وە دوای شاهێدی بە پێغەمبەر️ ﷺ  بە گەیاندنی - دینەکەی - ، وە دوای جێبەجێ کردنی فەڕزەکان : ڕاستگۆییە لە قسەدا، وە  پاراستنی ئەمانەتە، وە وازهێنانە لە خیانەت، وە وەفاداریە بە پەیمان، وە گەیاندنی سیلەی ڕەحمە، وە دڵسۆزیە بۆ هەموو موسوڵمانان، وە ڕەحمەتە بۆ هەموو خەڵکی) .

پێیان وت واتە بە فضیل : ئەمە ڕای تۆیە کە وتت، یان گوێت لێی بووە؟
فەرمووی : (بەڵکو گوێمان لێی بووە و فێری بووین، وە ئەگەر وەرم نەگرتبێت لە ئەهلی فیقهـ و چاکە ئەوە باسم نەئەکرد) .

? کتاب السنة لـ عبدالله بن الإمام أحمد

#پۆستی : (٨٨)

@FergaySU10

*◽دەرچوونی کۆمەڵێك لە دۆزەخ*

ئایا ھەر کەس چووە دۆزەخ لێی نایەتە دەرەوە؟ یاخود تەنھا کافرەکان دەچنە دۆزەخ؟

نەخێر؛ الله تعالی بەشێك لە موسڵمانانیش ئەوانەی کە تاوانیان کردووە و تای تەرازووی خراپەکانیان قورسترە لە چاکەکانیان دەخاتە دۆزەخ، ئەوەشمان بیر نەچێ الله عز وجل ویستی لە ھەر کەسێك بێت لێی خۆش دەبێ و دەیخاتە بەهەشتەوە بە مەرجێك تەوحیدی ھەبووبێ لە دونیادا، واتە ئەمە تەنھا بۆ موسڵمانانە، الله تعالی لەوانە خۆش نابێت کە بە کوفرەوە گەڕاونەتەوە بۆ لای .

ئەو موسڵمانانەی کە لە ئاگری دۆزەخدان بە شەفاعەتی شەفاعەتکاران لێی دێنە دەرەوە، وە کافرەکان لەو کاتەدا ھیچ کەسیان نیە شەفاعەتیان بۆ بکات و شەفاعەتیشیان بۆ بکەن ھیچ سودیان پێ ناگەیەنێت.

- إبن أبي زمنین (٣٩٩ ھـ) دەڵێت:

ئەهلی سوننە باوەڕیان ھەیە بەوەی اللّٰه ﷻ خەڵکانێك لە ئەهلی تەوحید دەخاتەوە بەهەشتەوە دوای ئەوەی ئاگریان بەرکەوتووە، بە ڕەحمەتی خۆی و شەفاعەتی شەفاعەتکاران .

️ھەر وەكو اللّٰه ﷻ فەرموویەتی : | رُّبَمَا يَوَدُّ ٱلَّذِينَ كَفَرُوا۟ لَوْ كَانُوا۟ مُسْلِمِينَ | (الحجر : ۲)

واتە: بێگومان کافرەکان ئاواتەخوازن کە موسڵمان بوونایە.

وه‌ فەرموویەتی: | فَمَا تَنفَعُهُمۡ شَفَٰعَةُ ٱلشَّٰفِعِينَ | (المدثر : ٤٨) .

واتە: شەفاعەتی شەفاعەتکاران سودی بۆیان

بڕوانە کتێبی أصول السنة لابن ابي زمنین: باب في الإیمان باخراج قوم من النار

- ھەروەھا ابن مسعود رَضِيَ اللّٰهُ عَنْه ئەفەرمووێت :

ئەهلی دۆزەخ بەو کەسانەی کە ئەهلی تەوحیدن و دێنە ناو دۆزەخ دەڵێن: ئەوانە موسڵمانیش بوون، چ سوودێکی پێگەیاندن؟ بۆیە پەروەردگار بۆیان ڕادەوەستێ، دەیانخاتە بەهەشتەوە، لەوکاتەدا: ‌| يَوَدُّ ٱلَّذِينَ كَفَرُواْ لَوۡ كَانُواْ مُسۡلِمِينَ | (الحجر : ٢) .

واتە : کافران ئاواتە خوازن موسڵمان بوونایە.

? بڕوانە کتێبی أصول السنة لابن ابي زمنین:  ئەثەری ١٠٥

: واتە کاتێك کافرەکان بەشێك موسڵمانان دەبینن لەگەڵیانن لە دۆزەخدا دەڵێن ئەوان موسڵمانیش بوون کەچی لەگەڵ ئێمە لە دۆزەخن، کەواتە دینەکەیان ھیچ سوودی پێیان نەگەیاندن، لەو کاتەدا اللە تعالی موسڵمانانی دۆزەخ دەردەھێنێ بۆیە کافرەکانیش ئاوات دەخوازن کە موسڵمان بوونایە.

- ھەروەھا پێغەمبەر ﷺ دەفەرمووێت :

(پردی صیڕاط لەسەر پشتی جەھەننەم دادەنرێ، دڕکێکی پێوەیە وەکو دڕکی ڕووەکی السعدان وایە - السعدان جۆرە ڕووەکێکە لە بیابانەکان دەڕوێ واللە اعلم - ،  پاشان خەڵکی بەسەریدا دەڕۆن، جا تێیدایە ڕزگاری دەبێ و سەلامەت دەبێ، وە تێیدایە دەڕوشێت، وە تێیدایە دڕکەکە لێی گیر دەبێ و دەیخاتە ناو ئاگرەکەوە، جا کە اللە  تەواو بوو لە دادوەری لەسەر بەندەکان،  ئیمانداران بیری پیاوانێك دەکەن کە لە دونیادا لەگەڵیان بوون، وەکو ئەوان نوێژیان دەکرد و زەکاتیان دەدا و ڕۆژوویان دەگرت و حەجیان دەکرد وە لەگەڵیاندا غەزایان دەکرد، بۆیە دەڵێن :  پەروەردگارا؛ چەند بەندەیەك لە بەندەکانت  لە دونیادا لەگەڵمان بوون، وەکو ئێمە نوێژیان دەکرد و زەکاتیان دەدا  و ڕۆژوویان دەگرت و لەگەڵمان غەزایان دەکرد، نایانبین؟).
فەرمووی: (اللە پێیان دەفەرموێ: بڕۆنە ناو ئاگر جا ھەر کەستان تێیدا دۆزیەوە دەری بھێنن).
فەرمووی: (ئەوانیش دەیان بینن کە بە پێی کردەوەکانیان ئاگر گرتونی، تێیدایە کە ئاگر تا پێیەکانی گرتویەتی، وە تێیدایە ئاگر تا نیوەی قاچەکانی گرتویەتی، وە تێیدایە ھەتاکو ئەژنۆکانی، وە تێیدایە ھەتاکو کەمەری، وە تێیدایە ھەتاکو سینگی، وە تێیدایە ھەتاکو گەردنی گرتویەتی و ڕووخساری نەگرتۆتەوە) .
فەرمووی: (ئینجا دەریان دەھێنن و دەیان خەنە ناو ئاوی ژیانەوە) .
وترا: ئەی پێغەمبەری اللە ﷺ ئاوی ژیان چیە؟
فەرمووی: (غوسڵی ئەھلی بەھەشتە، دواتر دەڕوێن ھەروەکو چۆن تۆو دەڕوێ کە ھەڵگیراوە لە ناو قوڕ و پوشدا، پاشان پێغەمبەران شەفاعەت دەکەن بۆ ھەر کەس کە بە نیەت پاکیەوە شاھێدی دابێت بە لا إلە إلا اللە، دواتر دەریان دەھێنن).
فەرمووی: (پاشان اللە ڕەحم دەکا بەوانەی کە تێیدان، بۆیە ھیچ بەندەیەكی تێدا ناھێڵێتەوە کە مسقاڵە زەڕڕەیەك ئیمان لە دڵیدا بێت، ئیللا دەری دەھێنێ).

? بڕوانە مسند الإمام أحمد: ١٤١ و ١٤٣ .

#پۆستی : (٨٧)

@FergaySU10

=

وە ئەوانەش کە دەڵێن لە ھیچ شوێنێك نیە؛ مەگەر شتێك ئەسڵەن لە ھیچ شوێنێك نەبێ ھەر بوونی ھەیە؟! جا تێبگەن قسەکانتان بە تەواوەتی ئیلحادە و ھیچ جیاوازی نیە.

#پۆستی : (٨٦)

@FergaySU10

▫️الله تعالی لە ھەموو شوێنێك نییە بەڵکو لەسەر عەرشە

زۆر جار وتراوە الله تعالی لە ھەموو شوێنێكە یان وتراوە لە ھیچ شوێنێك نییە، ئەم قسانە ھەندێك جار لەوانەیە بە نەزانی کرابێ بەڵام ئەمانە کوفرن و نابێ موسڵمان بیروباوەڕی ئاوا بێت، بەڵکو ئەبێ پێی وابێت کە الله تعالی لە سەرووی ئاسمانەکانەوە لەسەر عەرشەکەیەتی، تێکەڵی دروستکراوەکانی نابێت و جیایە لەوان .

ئەم بابەتەش بنچینەیەکی ترە لە بنچینەکانی سوننەت و عەقیدەی دروست؛ کە بەڵگە لە قورئان و فەرموودە و وتەی زانایان وە تەنانەت فیطڕەتی مرۆڤیش ھێندە زۆرن حساب ناکرێن، بەڵام وەکو ھەمیشە گومڕایان و شەیتانەکانی ناو مرۆڤ ویستویانە دینی الله تعالی لە خەڵکی بشێوێنن و بەرەو جەھەننەم ڕاپێچیان بکەن .

- ئەبو زورعەی ڕازی (٢٦٤ ھـ) و ئەبو حاتەمی ڕازی (٢٧٧ ھـ) ئیجماعی زانایان نقڵ ئەکەن دەڵێن :

(الله عز و جل لەسەر عەرشەکەیەتی، و جیایە لە دروستکراوەکانی، ھەروەکو ئەوەی وەسفی خۆی کردووە لە قورئاندا یان لەسەر زمانی پێغەمبەرەکەی ﷺ، بە بێ چۆنیەتی) .

?  کتێبی الجامع في عقائد اھل السنة و الأثر : لاپەڕە ٥٢٠

: واتە دان بەوە دەنێی کە الله تعالی لەسەر عەرشەکەیەتی بەڵام بە بێ چۆنیەتی بۆ دانان، چونکە کەس نازانێت الله تعالی و سیفاتەکانی چۆنن، ئەم قسەیەش بۆ ھەموو سیفاتەکانی تری الله ڕاستە ڕاستە، دان بە سیفاتەکەی دەنێیت و جێگیری دەکەی بەڵام بە بێ ئەوەی بڵێی چۆنە و چۆن نیە، وە ھیچ سیفاتێکی الله تعالی ناشوبھێنرێ بە سیفاتی دروستکراوەکانی.

الله تعالی دەفەرمووێت : | ٱلرَّحْمَٰنُ عَلَى ٱلْعَرْشِ ٱسْتَوَىٰ | (طه : ٥)

واتە : الرحمن بەرز بووەوە لەسەر عەرشەکەی .

ھەروەھا دەفەرمووێت : | ءَأَمِنتُم مَّن فِى ٱلسَّمَآءِ أَن يَخْسِفَ بِكُمُ ٱلْأَرْضَ فَإِذَا هِىَ تَمُورُ | (الملك : ١٦)

واتە: وا هەست ئەکەن لەو زاتە پارێزراو بن کە لە ئاسمانە وا ناکێشێ بە زەوی و نایلەرزێنێ؟

- موعاویەی کوڕی الحکم السلمي رضي الله عنە وتی :

یا رسول الله، کەنیزەکێکم ھەیە زلەیەکم لێدا، پێغەمبەریش ﷺ ئەوەی لەسەرم بە گەورە دانا، بۆیە وتم: ئازادی نەکەم؟ فەرمووی: بۆم بھێنە، منیش بۆم ھێنا، فەرمووی: الله لە کوێیە؟ کەنیزەکەکە وتی: لە ئاسمانە، فەرمووی: من کێم؟ وتی: تۆ پێغەمبەری الله ـیت. فەرمووی: ئازادی بکە چونکە ئەو ئیماندارە.

? سنن ابي داود : فەرموودەی ژمارە ٣٢٨٢]

: ئایا ئەگەر ئەم وەڵامە ھەڵە بوایە و ڕاستەکە ئەوە بوایە کە الله تعالی لە ھەموو شوێنێكە یان لە ھیچ شوێنێك نیە، ئەوا پێغەمبەر ﷺ نەدەھاتە جواب؟ ئایا ھەر بە ئیمانداری دادەنا؟ بێگومان نەخێر بەڵکو ڕاستیەکەی فێر دەکرد.

ھەروەھا ابن مسعود رضي الله عنە فەرمووی :

نێوان ئاسمانی حەوتەم و کورسی پێنج سەد ساڵ ڕێ ھەیە، وە نێوان کورسی و ئاوەکە پێنج سەد ساڵ ڕێ ھەیە، عەرشیش لەسەر ئاوەکەیە، وە الله لەسەر عەرشە، وە ئەو دەزانێ کە ئێوە لەسەر چین.

? بڕوانە النقض لدارمي : ئەثەری ٩٣

: ئینجا گومڕا و زەندیقەکانیش وەکو ھەمیشە بۆ چەواشەکاری خۆیان چەند ئایەتێکیان بە تێگەشتنی خۆیان تەفسیر کردووە، یەكێك لەوانە : | مَا يَكُونُ مِن نَّجْوَىٰ ثَلَٰثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَآ أَدْنَىٰ مِن ذَٰلِكَ وَلَآ أَكْثَرَ إِلَّا هُوَ مَعَهُمْ أَيْنَ مَا كَانُواْ | (المجادلة : ٧)

واتە : ھه‌ر سێ كه‌سێك له‌گه‌ڵ یه‌كتردا چپه‌ بكه‌ن الله چواره‌مینیانه وه‌ هه‌ر پێنج كه‌سێك چپه‌ بكه‌ن، الله شه‌شه‌میانه‌ وه‌ له‌و ژمارانه‌ش كه‌متر، یان زۆرتر له‌ هه‌ر كوێدابن هه‌ر الله ـیان له‌گه‌ڵه‌ .

- تابعی بەڕێز ضحاك ـی کوڕی مزاحم (١٠٥ ھـ) دەربارەی ئەم ئایەتە دەڵێ :

ئەو لەسەر عەرشە وە عیلمەکەی لەگەڵیانە.

? بڕوانە تەفسیری الطبري

- وە عوسمانی کوڕی سعید الدارمي (٢٨٠ ھـ) دەربارەی ئەم ئایەتە دەڵێ :

الله تعالی بەو شێوەیەیە کە وەسفی خۆی کردووە و پێغەمبەر ﷺ وەسفی کردووە کە لەگەڵ ھەموو خاوەن چپەیەکدایە، و لە شادەماری ملیان لێیان نزیکترە، بە عیلم و بینین و بیستن لە سەروو عەرشەکەیەوە.

? بڕوانە النقض لدارمي : لاپەڕە ١٦٦

: کەواتە ئەم ئایەتە و ھاوشێوەکانی کە باس لەوە دەکەن الله تعالی لەگەڵمانە، بە واتای ئەوە دێت کە ئاگای لێمانە و لە سەرووی عەرشەکەیەوە زانیاری بە ھەمووان ھەیە و ھەمووان دەبینێ .

دواتر لە منداڵێکی تازە پێگەشتوو بپرسەبەپرسە  الله عز وجل لە کوێیە، یەکسەر دەست بۆ ئاسمان بەرز دەکاتەوە خۆ نە قورئان نە فەرموودە نە وتەی سەلەفی نەخوێندووە، بەڵام الله تعالی لەسەر ئەو فیطڕەتە دروستی کردووە، ئاخر چۆن دەبێ بڵێی الله عز وجل لە ھەموو شوێنێكە؛ دەتوانی بڵێی لە سەرئاو و ناو پیسایی و شوێنە پیسەکانی ترە؟!! پەنا بە الله لەم کوفرانە و پاك و بێگەردی بۆ الله تعالی لەم وەسفانە .

=

*▫️ئیمانداران لە قیامەت الله تعالی دەبینن*

بنچینەیەكی تر لە بنچینەکانی سوننەت کە ھەر کەس بڕوای پێ نەبێت ئەسڵەن نەك ئەھلی سوننە نیە بەڵکو موسڵمان نیە، بریتیە لە ئیمان ھێنان بەوەی کە ئیمانداران لە ڕۆژی قیامەت پەروەردگاری خۆیان دەبینن بە حەقیقی .

ھەموو زانایانی ئەھلی سوننە لە ھەموو سەردەمەکان ئەمەیان وتووە و کەس نەبووە غەیری ئەمە بڵێت ئیللا زانایان ڕەددیان داوەتەوە، ھەموو زانایان کۆدەنگیان ھەیە لەسەر ئەوەی ئیمانداران لە قیامەت بە چاوی سەریان الله تعالی دەبینن بێ ئەوەی توشی ھیچ گومانێك و ناڕەحەتیەك ببن، وە بەڵگەش سەبارەت بەمە لە قورئان و سوننەت و وتەی زانایانی ئەھلی سوننە زۆر زۆرە.

- الله تعالی دەفەرموێ : | وُجُوهٌ يَوْمَئِذٍ نَّاضِرَةٌ (٢٢) إِلَىٰ رَبِّهَا نَاظِرَةٌ (٢٣) | (القیامة)

واتە : لەو ڕۆژەدا ڕووخسارگەلێك پڕشنگدارن بەرەو پەروەردگاری خۆیان دەڕوانن .

- ھەروەھا سەبارەت بە کافرەکان دەفەرموێ : | كَلَّآ إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ (١٥) |

واتە : كافران له‌و ڕۆژه‌دا له‌ نێوان ئه‌وان و بینینی الله تعالی ـدا حیجاب و په‌رده‌ هه‌یه‌ و ئه‌وان ڕێگری ئه‌كرێن له‌وه‌ی كه‌ الله تعالی ببینن .
ـــــــــــــــــــــ
جا بڕوانە الله تعالی وەکو سزایەك بۆ کافران باسی ئەوە دەکا کە الله تعالی نابینن، دەی ئەگەر ئیماندارانیش بە ھەمان شێوەی ئەوان بن و نەتوانن بیبینن؛ ئەوا چ فەزڵێك بۆ ئیمانداران ھەیە بەسەر کافرانەوە؟

- ھەروەھا پێغەمبەر ﷺ دەفەرموێ :

لە ڕۆژی قیامەت پەروەردگارتان دەبینن ھەروەکو چۆن مانگ دەبینن لە شەوی چواردە کە ھیچ ھەورێكی لە پێش نەبێ، وە لە بینینیدا تووشی ناڕەحەتی نابن.

? بڕوانە صحیح البخاري : فەرموودەی ژمارە ٥٤٤ و ٤٨٥١ و ٧٤٣٤ و ٧٤٣٦]
ــــــــــــــــــــــــ
والله اعلم ١٧ ھاوەڵی پێغەمبەر ﷺ ئەم فەرموودەیەیان لە پێغەمبەرەوە ﷺ گێڕاوەتەوە .

جا مەبەستی پێغەمبەر ﷺ ئەوەیە چۆن مانگی چواردە کە پڕە و ھەوریش بەردەمی نەگرتووە یان خۆر کە ھەور بەردەمی نەگرتووە ھەموو کەس لە جێی خۆیەوە دەیبینێ بە جوانی، ئاوا بەو شێوەیەش الله تعالی دەبینن.

مەبەستیش لەوەی توشی ناڕەحەتی نابن ئەوەیە کە پێویست ناکات بچنە شوێنێكی بەرز تا پەروەردگارتان ببین، بۆ نمونە بۆ بینینی مانگ لە سەرەتا و کۆتای ڕەمەزاندا پێویستە کەسانێك بچنە شوێنێکی بەرز تا مانگ ببینن وە ئەوانەی لە خوارەوەن نایبینن، لە قیامەت پێویست بەو ناڕەحەتیە ناکات ھەموو ئیماندارێك لە شوێنی خۆیەوە دەیبینێ.

- ھەروەھا الله تعالی دەفەرمووێت : | لِلَّذِينَ أَحْسَنُوا الْحُسْنَىٰ وَزِيَادَةٌ ۖ | (یونس : ٢٦) . ۖ

واتە : ئەوانەی کە چاکەکار بوون چاکیان بۆ ھەیە لەگەڵ زیادە، جا ئەھلی عیلم لە ھاوەڵان و تابعین و ئەتباعی تابعین چاکەیان بە بەھەشت لێکداوەتەوە وە زیادەکەشیان بە بینینی الله تعالی لێکداوەتەوە .

ئیمام ئەبو بکری صدیق رضي الله عنە سەبارەت بەم ئایەتە فەرموویەتی : بریتیە لە ڕوانین بۆ ڕووخساری پەروەردگاریان .

? بڕوانە تەفسیری الطبري : ١٧٦١٠

ئەوەی کە دەمێنێتەوە ئەھلی بیدعە و گومڕایی و کوفر ویستویانە خەڵکی پێ ھەڵبخەڵەتێنن ئەوەبووە کە ئەم ئایەتەیان بە تێگەیشتنی خۆیان تەفسیر کردووە: | لَّا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ | (الأنعام: ١٠٣)

واتە : چاوەکان درك بە الله عز وجل ناکەن بەڵام ئەو درك بە چاوەکان دەکات.

زانایان ئەمەیان ڕوون کردۆتەوە و ڕایان گەیاندووە کە ئەمە لە دونیادا ڕوو دەدا، بەڵام لە قیامەت وەکو ئەوەی باسمان کرد ئیمانداران الله دەبینن .

ئیمام الدارمي (٢٨٠ ھـ) دەڵێ:

پێغەمبەر ﷺ زانیویەتی الله تعالی مەبەستی لەم ئایەتە چی بووە و تێگەیشتووە، جا بە وازحی تەفسیری کردووە و لێکی داوەتەوە؛ ھەردوو بابەتەکەی بە تەفسیرێکی کافی شیفا بەخش تەفسیر کردووە، أبو ذر رضي اللە عنە پرسیاری لێکرد: پەروەردگارت بینی ١ واتە لە شەوی ئیسڕا و میعراج - ؟

فەرمووی: ئەو نورە چۆن بیبینم؟

? بڕوانە صحیح مسلم : ١٧٨

الدارمي دەڵێ : ئەمەش واتای ئایەتی : | لَّا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ | (الأنعام: ١٠٣) بریتیە لەوەی لە ژیانی دونیا نایبینن، جا کە پرسیاری لێکرا دەربارەی بینینی الله تعالی لە قیامەت، فەرمووی: (بەڵێ، بە ئاشکرا ھەروەکو چۆن خۆر وە مانگ دەبینن لە شەوی چواردە), کەواتە پێغەمبەر ﷺ تەفسیری ھەردوو واتاکەی کرد بە خیلافی ئەوەی تۆ کردت .

? بڕوانە کتێبی النقض ابي سعید علی المریسي العنید : ئەثەری ٧٥ لاپەڕە ١٢٧ تا ١٣٠

لەم کتێبە ئیمام الدارمي ڕەددی ئەو کەسانە ئەداتەوە کە نکۆڵی لە چەند شتێك دەکەن یەکێك لەوانە بینینی الله تعالی ـیە لە ڕۆژی قیامەتە.

#پۆستی : (٨٥)

@FergaySU10