#tahajjud 💡

Tahajjudga turaman deb turaolmayotgan birodarlar!

Tahajjud namozini oʻqish uchun tunda uygʻona olmaydigan boʻlsang, uxlashdan oldin ikki rakʼat namoz oʻqib olishdan seni nima toʻsmoqda?!

✍ @toliblarga_nasihat

#odob

Hasan Basriy ▫ aytadi:

Odob - xayrsevar bo’lishlik, hammaga yaxshilikni istash, be’ozor bo’lishlik (hech kimga ozor bermaslik) va ochiq yuzli bo’lishlikdir.✔️

✍ @toliblarga_nasihat

#foydali

Harom narsalarni tark qilish bilan itoatkor moʻmin halovat topadi. Kim biror narsani Alloh uchun tark qilsa, Alloh undan ham yaxshisini evaz qilib beradi, bunga qoʻshimcha moʻmin kishi qalbida iymon lazzatini topadi.✍️ @toliblarga_nasihat

#birodarlik

Hofiz Abu Abdulloh Halimiy Shofeyiy (Alloh u kishini rahmat qilsin) shunday deydi:

Musulmon odam oʻzi yoqtirmaydigan bir yomonlikni birodariga ravo koʻrishi yoki oʻzi yoqtiradigan bir yaxshilikni birodariga ravo koʻrmasligi, musulmon jamoasiga bir balo kelgan paytda aybni boshqalarga toʻnkab, ularga ozor berish evaziga oʻzini chetga olishi, suvdan quruq chiqishga urinishi aslo mumkin emas.🟣Aksincha, ularni xuddi oʻzini qaygʻurgandek qaygʻurishi, buni eplolmagan taqdirda jilla qursa, masalaga boshqalarga ozor boʻlmaydigan tarzda yondoshishi lozim. 🟣

Paygʻambar alayhissalom aytadilar: "Moʻminlar bir-birlari bilan oʻzaro mehr-shafqat koʻrsatishlarida, doʻstlashishlarida va bordi-keldi qilishlarida bir tanaga oʻxshaydilarki, uning bir aʼzosi betob boʻlsa, qolganlari bedorlik va isitma ila unga hamdard boʻlurlar".

("Shuʼabul-iymon" 13 - mujallad, 467 - bet).

✍ @toliblarga_nasihat

«Agar birodaringni dinida kamchilik borligini koʻrsang, nasihat qilishga shoshil. Bu u bilan seni orangda qolsin. Balki u bilmas, yoxud nafsi yoki shayton unga gʻolib boʻlgandir. Sen esa unga nasihat qil, unga yoʻl-yoʻriq koʻrsat. Bu sen bilan uning orasida sir boʻlib qolsin. Uning (kamchiliklarini) yashir, oʻtirishlarda va odamlar orasida oshkor qilma».

📚 «Qirq hadis» sharhi (269).

✍ @toliblarga_nasihat

Abu Dardo roziyallohu anhu dedi:

اطلبوا العلم، فإن عجزتم فأحبوا أهله، فإن لم تحبوهم فلا تبغضوهم.

«Ilm talab qiling. Agar qodir boʻlmasangiz, uning ahlini yaxshi koʻring. Agar ularni yaxshi koʻrmasangiz, (hech boʻlmasa) yomon koʻrmang».

📚 Ibn Saʼd «Tobaqot» (2/357).

✍ @toliblarga_nasihat

#eslang_eslating

Juma kunining sunnatlari:

1. G‘usl qilish
2. Poklanish
3. Hushbo‘ylanish
4. Pok va eng chiroyli kiyimlarni kiyish
5. Misvok ishlatish
6. Kahf surasini o‘qish. Yoki tafakkur tadabbur qilib tinglash ma‘nolarini o‘qish
7. Ihlos bilan ko‘p duo qilish
8. Rasululloh sollallohu alayhi va sallamga imkon qadar ko’p salovat aytish.
✍ @toliblarga_nasihat

Imom Ibn Qoyyim rahimahulloh aytadilar:

"Nabiy ﷺ ga salovot aytish duolar ijobat boʻlishi, gunohlar kechirilishi, Alloh Taolo bandaning gʻam-tashvishini aritishi hamda qiyomat kuni Rosululloh ﷺ ga yaqin boʻlishiga sabab boʻladi".

جلاء الافهام ٤٤٥

Shayx Ibn Usaymin rahimahulloh dedilar:

«Alloh va Rasulini yaxshi koʻradigan kishi Nabiy sollalohu alayhi vasallamga salavot aytishni tashlab qoʻyadi deb hech oʻylamayman».
("Liqoul babil maftuh", 234)

✍ @toliblarga_nasihat

#eslang_eslating

Juma kuni zikrlarining toji Nabiy sollallohu alayhi vasallamga salavot aytishdir. Odamlarning eng koʻp salavot aytuvchisi osmonda (farishtalar huzurida) eng koʻp zikr qilinuvchi va yerda eng xotirjam boʻluvchisidir.

Shayx Abdulaziz Torifiy hafizahulloh

اللهم صل و سلم و بارك على نبينا محمد

صلى الله عليه و سلم

صلى الله عليه و سلم

صلى الله عليه و سلم

✍ @toliblarga_nasihat

#Eslatamiz

Duolar mustajob boʻladigan vaqtdan gʻofil qolmang!

Muttafaqun alayh boʻlgan hadisda Abu Hurayra roziyallohu anhu shunday deydi: Rasululloh sollallohu alayhi va sallam juma kunini zikr qilib: «U kunda bir soat (vaqt) borki, unga musulmon kishi namoz oʻqigan, Allohdan biron narsani soʻragan holda toʻgʻri kelsa, Alloh uning tilagini albatta beradi», dedilar va qoʻllari bilan u vaqtning juda oz ekaniga ishora qildilar.

-------------------
Jumʼa kunidagi duo ijobat boʻladigan vaqt haqida ulamolar koʻp soʻzlarni aytganlar, ulardan kuchlirogʻi imom xutba uchun minbarga chiqqandan boshlab to jumʼa namozi oʻqib boʻlingunicha, soʻngra asr namozidan keyin to quyosh botguncha. Juma kuni, mazkur ikki vaqtda musulmon kishi duoda astoydil boʻlishi kerak.
-------------------

1) Salaflardan biri: "Kimning jumasi maqbul boʻlsa, xaftasining qolgan kunlari ham maqbul boʻladi", degan ekan.

2) Solihlardan biri dedi: "Juma kuni asr bilan shom orasida duo qilganimda Rabbim duolarimni ijobat qilaverganidan, hatto (Rabbimdan biron narsa soʻrashga) uyaladigan boʻlib qoldim".

3) Tovus ibn Kayson juma kuni asr namozini oʻqigach, qiblaga yuzlanib, to kun botguniga qadar hech kim bilan gaplashmas edi.
("Tarixu vosit")

4) Fazl ibn Fazola juma kuni asr namozini oʻqigach, masjidning bir chekkasiga borib oʻtirar va to quyosh botgunicha duo qilishdan toʻxtamas edi.
("Axbarul qudot")

5) Said ibn Jubayr asr namozini oʻqigach, to quyosh botguniga qadar hech kim bilan gaplashmas, yaʼni duo bilan mashgʻul boʻlar edi.
("Zodul maod", 1/382)

6) Salt ibn Bistomning koʻzi ojiz boʻlib, koʻrmay qolganida birodarlari juma kuni asr namozidan keyin oʻtirib uning haqqiga duo qilishdi. Quyosh botishidan oldin u bir aksirgach, koʻzi yana koʻra boshladi.
("Tarixu dimashq")

7) Ibn Qoyyim rohimahulloh dedilar:
"Bu soat asrdan keyingi oxirgi soat boʻlib, uni ummatning barcha toifalari ulugʻlaydilar".
("Zodul maod", 1/384)

✍ @toliblarga_nasihat